Со изложбата „Француските уметници од колекцијата на Остен музејот“ денеска ќе биде затворена прославата на 50 годишнината на Францускиот институт во Скопје.

Изложбата ќе ја отворат Кристоф Ле Риголер, амбасадор на Франција во државава и Маја Неделкоска-Брзанова, директорка на Националната галерија.

Остен музејот има значителна колекција со повеќе од 15000 уметнички дела од 3000 уметници од над 80 земји (слики, цртежи, графики, скулптури, предмети, како и керамики). Делата во Остен музејот се поделени во национални колекции, од кои француската колекција е меѓу најзначајните и најбројните со близу 200 француски уметници меѓу кои освен големите мајстори како Анри Матис, се и уметници од модерната и современата уметност како Пјер Сулаж – добитник на ГРАН ПРИ за животно остварување на ОСТЕН БИЕНАЛЕ Скопје 2018, како и уметници од разни делови на Европа и светот кои поголемиот дел од живот и кариерата ги изградиле во Франција како Пабло Пикасо или Виктор Вазарели, се вели во соопштението од Францускиот институт во Скопје.

The post Вечерва се затвора одбележувањето на 50-годишнината на Францускиот инстутут во Скопје со изложба на познати француски уметници appeared first on Република.

Францускиот институт во Скопје, галеријата Остен и Националната галерија – Чифте амам организираат изложба „Француските уметници од колекцијата на Остен музејот“, во Чифте амам, в среда, 27 ноември 2024, во 19:00 часот.

Изложбата ќе ја отворат:

• Н.Е. г-дин Кристоф Ле Риголер, Амбасадор на Франција, и
• Г-ѓа Маја Неделкоска-Брзанова, Директорка на Националната галерија.

Инаку, Остен музејот има значителна колекција со повеќе од 15000 уметнички дела од  3000 уметници од над 80 земји (слики, цртежи, графики, скулптури, предмети, како и керамики). Делата во ОСТЕН МУЗЕЈОТ се поделени во национални колекции, од кои француската колекција е меѓу најзначајните и најбројните со близу 200 француски уметници  меѓу кои освен големите мајстори како Анри Матис , се и уметници од модерната и современата уметност како Пјер Сулаж – добитник на ГРАН ПРИ за животно остварување на ОСТЕН БИЕНАЛЕ Скопје 2018 , како и уметници од разни делови на Европа и светот кои поголемиот дел од живот и кариерата ги изградиле во Франција како Пабло Пикасо или Виктор Вазарели.

Изложбата е во знак на затворање на прославата по повод  50 годишнината на Францускиот институт во Скопје.

The post Затворање на прославата на 50 годишнината на Францускиот институт во Скопје со изложбата „Француските уметници од колекцијата на Остен музејот“ appeared first on Република.

Францускиот институт во Скопје, галеријата Остен и Националната галерија – Чифте амам имаат чест да ве известат и да ве поканат на отворањето на изложбата „Француските уметници од колекцијата на Остен музејот“, во Чифте амам, в среда, 27 ноември 2024, во 19:00 часот.

Изложбата ќе ја отворат:

• Н.Е. г-дин Кристоф Ле Риголер, Амбасадор на Франција, и
• Г-ѓа Маја Неделкоска-Брзанова, Директорка на Националната галерија.

Инаку, Остен музејот има значителна колекција со повеќе од 15000 уметнички дела од  3000 уметници од над 80 земји (слики, цртежи, графики, скулптури, предмети, како и керамики). Делата во ОСТЕН МУЗЕЈОТ се поделени во национални колекции, од кои француската колекција е меѓу најзначајните и најбројните со близу 200 француски уметници  меѓу кои освен големите мајстори како Анри Матис , се и уметници од модерната и современата уметност како Пјер Сулаж – добитник на ГРАН ПРИ за животно остварување на ОСТЕН БИЕНАЛЕ Скопје 2018 , како и уметници од разни делови на Европа и светот кои поголемиот дел од живот и кариерата ги изградиле во Франција како Пабло Пикасо или Виктор Вазарели.

Изложбата е во знак на затворање на прославата по повод  50 годишнината на Францускиот институт во Скопје.

The post Затворање на прославата на 50 годишнината на Францускиот институт во Скопје со изложбата „Француските уметници од колекцијата на Остен музејот“ appeared first on Република.

Министерката за образование и наука Весна Јаневска и францускиот амбасадор Кристоф Ле Риголер денеска ќе потпишат Анекс на Меморандумот за соработка помеѓу Министерството за образование и наука и Амбасадата на Република Франција, со кој дополнително се поттикнува изучувањето на францускиот јазик во нашиот образовен систем.

Настанот во Клубот на пратениците во Скопје, ќе го отвори Иго Бештел, советник за соработка и култура и Директор на Францускиот институт во Скопје, соопшти МОН.

Предвидено е и доделување награда на најдобриот франкофонски ученик.

The post Министерката Јаневска и амбасадорот Ле Риголер ќе потпишат Анекс на Меморандумот за соработка за изучување на францускиот јазик appeared first on Република.

Францускиот институт во Скопје вечерва ја отворања изложбата насловена „Фото-графички експерименти“ во излогот на Францускиот институт, в четврток, 7.11.2024, во 18:00 часот.
Авторки на изложбата, која ја прикажува симболичната врска помеѓу фотографијата и графиката како медиуми за визуелна естетика и раскажување приказни, се двете мултиудисциплинарни уметници Ана Трајковска и Јана Луловска.

Тие ќе го изложат нивниот заеднички проект создаден и премиерно прикажан на настанот „Отворено студио“ во рамките на нивниот двомесечен престој во престижната институција „Cité internationale des arts“ во Париз.

The post „Фото-графички експерименти“ од вечерва во излогот на Францускиот институт во Скопје appeared first on Република.

Во Францускиот институт во Скопје денеска ќе се одржи книжевна средба со Катарина Лоа ван Хоф, основач на француската издавачка куќа „Les Argonautes“, и Лали Бернар, книжевен агент, во чест на 50-годишнината на Францускиот институт во Скопје, а како дел од програмата на 12. издание на Фестивалот „Про-за Балкан“.

Тема на средбата е издаваштвото во Франција. Настанот е прв во редицата настани за претстојната сезона, кои се организираат во чест на 50 годишниот јубилеј.

Како што соопштија од Францускиот институт во Скопје, во рамките на книжевната средба, Катарина Лоа ван Хоф и Лали Бернар ќе проговорат за нивните професионални ангажмани, за издаваштвото во Франција, како и за предизвиците на младиот автор во процесот на издавање литературно дело. На средбата ќе се споменат и најзначајните книжевни наслови за оваа есен во Франција.

Настанот ќе го модерира Иго Бештел, директор на Францускиот институт во Скопје.

The post Книжевна вечер за издаваштвото во Франција по повод 50 годишнината на Францускиот институт во Скопје appeared first on Република.

Прославата на 50-годишнината од постоењето на Францускиот институт во Скопје вечер ќе биде затворена со улично дефиле и претстава, насловени „Сонот на Ерберт“. Претставата е во изведбата на француската театарска трупа „Кидам“ (La Compagnie des Quidams), која има од 100 до 150 настапи годишно низ целиот свет.

Настанот што го организираат Францускиот институт и фестивалот „Скопско лето“ ќе започне во 21:00 часот, од пред Музејот на град Скопје. Дефилето потоа ќе помине низ улица „Македонија“, преку Камениот мост до плоштадот „Карпошово востание“, каде што ќе се одржи финалето на претставата.

Низ волшебна музика, пет обемни фигури, високи четири метри, ќе изведат магичен ритуал преку кој ќе ѝ овозможат на една ѕвезда да се издигне на небото...Претставата е наменета за сите возрасти. На крајот на претставата, на фасадата на „Ибни Пајко“, ќе биде прикажан видео-мапинг на македонскиот визуелен уметник Емил Петро, насловен како „Франција во светлина“.

Прославата на 50-годишнината е поддржана од повеќе компании пријатели на Францускиот институт во Скопје.

The post Спектакуларното улично дефиле „Сонот на Ербер“ во Скопје за финале на прославата 50 години јубилеј на Францускиот институт appeared first on Република.

Втора дигитална изложба во Ист Гејт Мол: дојди, откриј ја изложбата „Пјаф!’ во зголемена реалност и забавувај се !

По повод 50-годишнината од своето постоење, Францускиот институт во Скопје и Ист Гејт Мол, организираат дигиталната изложба « PIAFS ! » за чие создавање се заслужни Errratum и Мајson Tangible, од уметници кои низ хумор ги прикажат клишеата за парижаните и градот Париз.
Изложбата ќе биде поставена паралелно на две локации: 10 дела во Ист гејт Мол и 5 дела во излогот на Францускиот институт во Скопје.

На следниот линк, дознај како да ја активираш апликацијата со која ќе ни се придружиш во универзумот на зголемена реалност > https://www.facebook.com/photo/?fbid=848505290629700&set=a.663545299125701 

The post Дигитална интерактивна изложба „Пјаф! “ по повод 50 години Француски институт во Скопје appeared first on Република.

Францускиот институт во Скопје организираат ексклузивна гала филмска вечер „Кан во Скопје“, во рамките на одбележувањето на 50-годишнината од постоењето на Францускиот институт во Скопје.

Филмот „Втор чин“ ќе биде премиерно прикажан в среда, 5 јуни 2024, во 20:00 часот, во киното „Синеплекс“, во Скопје Сити Мол.

Се работи ексклузивна премиера во регионот и филм со којшто се отвори овогодишното издание на Канскиот фестивал, во режија на Кантен Дипје, со Леа Сејду, Луј Гарел и Венсан Лендон во главните улоги.

Што напишаа француските медиуми за „Втор чин“:

• Дипје исклучително вешто ги заобиколува клишеата, спротивставувајќи ѝ се на политичката коректност. Филмот е полн со спонтан хумор. (Фигаро)
• „Втор чин“ е несоменено еден од најдобрите филмови на Дипје: прецизно режиран  носи рекордно долги кадри. (Пари-Мач)
• Дипје е неуморен: тој „поставува на сцена“ четворица збунети ликови и создава од нив една апсурдна фикција. Вистински успех! (Ехо)

The post Ексклузивна гала филмска вечер „Кан во Скопје“ во чест на 50-годишнината од постоењето на Францускиот институт во Скопје appeared first on Република.

По повод одбележувањето на 50-годишнината oд своето постоење, Францускиот институт во Скопје организира филмска вечер „Кан во Скопје“, со ексклузивната премиера во регионот на „Втор чин“, филм со којшто се отвори Канскиот фестивал 2024.   

Проекцијата ќе се одржи на 5 јуни во 20 часот во Синеплекс.

The post Францускиот институт организира филмска вечер „Кан во Скопје“: Ексклузивна премиера на „Втор чин“ – филм кој го отвори Канскиот фестивал 2024 appeared first on Република.

Францускиот институт е најстарата странска институција која што е присутна тука во Скопје и во Македонија. Тоа е знак на долготрајното пријателство кое ги поврзува Франција и Македонија. Нам ни припаѓа како улога таа соработка да еволуира и затоа во нашата програма насочена кон младите содржани се иновативни дигитални активности, поле каде Франција е своевиден пионер и има најдобри образовни програми.

Ова го истакнува во разговор за МИА Иго Бештел, директор на Францускиот институт по повод одбележувањето на големиот јубилеј 50 години од неговото основање. Јубилејот ќе го одбележат вели со најдоброто од Франција - мошне атрактивна и разновидна програма која ќе се реализира под мотото „извонредност и иновација“, која започна со настапот на француската театарска група „Кафиг“ и изведбата на претставата „Мозаик“ на светски познатиот кореограф Мурад Мерзуки во МНТ, а завршува на 28 јуни со уличен театар низ улицата „Македонија“.

Првично формиран како Француски културен центар во далечната 1974 година чија првична мисија е презентација и промоција на француската култура, мисла, и јазик, Бештел смета дека Институтот кој е француска јавна институција која делува под капата на француското МНР, има оставено силен печат врз културната размена меѓу двете земји, во поттикнување на соработката меѓу актерите од различни сфери, во  доближувањето на Франција, и на вредностите на Франкофонијата.

The post Францускиот институт ќе одбележи 50 години во Македонија со најдоброто од Франција – мошне атрактивна и разновидна програма која ќе се реализира под мотото „извонредност и иновација“ appeared first on Република.

Францускиот институт во Скопје и издавачките куќи „Или-Или“ и „Бункер“ имаат чест да ве поканат на книжевна промоција на македонските преводи на француските дела: „Идис“ од Робер Бадентер, во превод на Гзиме Старова, издание на „Или-или“ и  „Везење“ од Марџан Сатрапи, во превод на Јоана Хаџи-Лега Христоска, издание на „Бункер“.

 Промоцијата ќе се одржи в четврток, 15 февруари 2023, во 18 часот, во просториите на Францускиот институт во Скопје.

 Настанот ќе се одвива на македонски јазик, а го отвори директорот на Францускиот институт во Скопје и Советник за култура и соработка, г-дин Иго Бештел.

Збор ќе земат и одговорните лица од двете издавачки куќи, како и преведувачите, кои ќе проговорат околу преведувачките дилеми и предизвиците во областа на издавањето.

The post Промоција на македонските преводи на француските дела „Идис“ од Робер Бадентер и  „Везење“ од Марџан Сатрапи appeared first on Република.

Во излогот и во внатрешниот дел на Францускиот институт - Скопје поставена е изложбата на фотографии „Париз, Ла Дефанс“ на нашиот афирмиран фотограф Александар Кондев.

Изложбата се состои од 6 фотографии и е поставена по повод одбележување на Франкофонијата.

Фотографиите се реализирани во месец декември 2021 год., за време на престојот на уметникот во Париз и истите го заокружуваат циклусот фотографии под наслов „Франција“, реализирани во периодот од 1993 до 2021 год.

Александар Кондев е роден 1950 година во Скопје, каде што го започнува своето школување. Уште во основното училиште се запознава со фотографијата и фотографската техника. Од најмала возраст активно учествува на натпревари по фототехника, на кои освојува награди.

Нагласената индивидуалност го насочува неговиот интерес кон филмот и  анимацијата, како и за експериментите во играниот и докуметарниот филм. Со неговиот прв игран филм „Ден како секој ден“ ја освојува наградата за дебитантски филм на Републичкиот фестивал на аматерскиот филм во Скопје во 1967 година. Паралелно работи на анимации и на експериментални филмови.

Додека студира на Економскиот факултет, продолжува со ангажманите околу фотографијата, како член на Фото клубот „Вардар“ во Скопје. Зема учество на бројни изложби во тогашна Југославија и во странство. Првата самостојна изложба ја реализира во 1977 година, во галеријата на  Домот на младите „25 Мај“ во Скопје.

Кондев е основач на Фото клубот „25“, во рамките на којшто активно делува како педагог и како излагач. Во тој период ја организира и втората индивидуална изложба  во Домот на младите „25 Мај“.

Во периодот 1994 до 2001 година предава фотографија на Академијата за ликовни уметности при Универзитетот „Св Кирил и Методиј“ во Скопје.

Во периодот 2001 до 2016, покрај професионалниот ангажман во фотографијата, учествува на повеќе домашни и странски изложби, работи како предавач на семинари за фотографија, како член на жири  и куратор на повеќе изложби. Делува во областа на културата, работи на книги, монографии и на пропагандни материјали. Куратор е на повеќе фотографски изложби и организатор на семинари  во рамките на „Скопско лето“.

Во 2015 год. имаше голема ретроспективна изложба во Националната галерија на Македонија.

Автор е на книгата „Сеќавањето е слика“ и ко-автор на книгата „Протести“.

Од 1989 година до денес работи како самостоен фотограф.

Фотографиите, изложени во Францускиот институт во Скопје по повод Франкофонијата, се реализирани  во месец декември 2021 год., за време на неговиот престој во Париз и истите го заокружуваат циклусот фотографии „Франција“ (1993 - 2021 год.). Престојот беше поддржан од Министерството за култура.

The post „Париз, Ла Дефанс“-изложба на фотографии од Александар Кондев во Францускиот институт – Скопје appeared first on Република.

Францускиот институт во Скопје, во соработка со Амбасадата на Швајцарија, Амбасадата на Романија и Кинотеката на Македонија, организира Недела на франкофонски филм по повод одбележување на месецот на Франкофонијата.

Официјалното отворање на Неделата на франкофонскиот филм е  в четврток, (24 март 2022 година), во 20 часот, во Кинотеката на Македонија, со проекцијата на францускиот филм „Што зборуваме, што правиме“, на режисер Емануел Муре, од 2020 година.

Настанот ќе го отворат: Н.Е. г-дин Сирил Бомгартнер, Амбасадор на Франција и Н.Е. г-ѓа Вероник Хулман, Амбасадорка на Швајцарија во Македонија.

Останатите проекции во рамките на Неделата на франкофонскиот филм се в петок (25 март 2022), во 20:00 ч., швајцарскиот филм „Семејство“ на Фредерик Бајиф (2022) сабота (26 март) во 18 часот е белгискиот филм „Богородица од Нил“ на Атик Рахими (2020 година) и во 20 часот, романскиот документарен филм „Дива Романија“.Сите филмови се прикажуваат со превод на македонски јазик, а за романскиот филм обезбеден е само превод на француски јазик.

Влезници за проекциите се резервираат и се подигнуваат во Кинотеката, соопшти организаторот.

The post Недела на франкофонски филм во Кинотека appeared first on Република.

Францускиот институт во Скопје во соработка со Кинотека на Македонија, вечерва организираат проекција на филмот „Лифт за чистилиште“.

„Лифт за чистилиште“ е филм кој има посебно место во историјата на францускиот филм. „Овој филм е со посебна елеганција“ (Ле Монд), во режија на Луј Мал во 1958 година, со Жана Моро и Морис Роне - одлични во нивните улоги и фантастичната музика на Мајлс Дејвис имате можност (одново) да го гледате во Кинотека, соопштија од Францускиот институт во Скопје.

Проекцијата почнува во 18 часот.

The post „Лифт за чистилиште“, кој има посебно место во историјата на францускиот филм денеска во Кинотека appeared first on Република.

По повод меѓународната манифестација „Ноќ на книгата“, Францускиот институт-Скопје денеска од 17 часот ќе организира книжевна средба.

Ќе бидат читани текстови и песни по избор на учениците од Француското меѓународно училиште во Скопје и од двојазичните паралелки во гимназиите „Раде Јовчевски Корчагин“ и „Орце Николов“ и на студентите од Катедрата за француски јазик на Филолошкиот факултет.

Бројот на присутни на настанот е ограничен на 15 лица, со претходна резервација на culture@ifs.mk

The post Книжевна средба во Францускиот институт по повод „Ноќ на книгата“ appeared first on Република.