Челниците на Формула 1 најавија дека најбрзиот караван сигурно ќе ја посетува познатата италијанска патека, Монца до 2031 година.

Монца ќе остане дел од тркачкиот календар како дом на Италијанското ГП откако потпиша нов шестгодишен договор. Претходниот важеше до крајот на следната сезона.

Соработката ќе продолжи бидејќи Монца спроведе значителни подобрувања на патеката и околниот комплекс.

Неодамна, дури 335.000 фанови присуствуваа на тркачкиот викенд во величественото здание кога возачот на Ферари, Шарл Леклер ја освои победата на Големата награда на Италија.

„Храмот на брзината“ е изграден во 1922 година и е член на календарот на Формула 1 секоја сезона од основањето на натпреварувањето (во 1950 година), со исклучок на 1980 година, кога тоа беше невозможно поради реновирање.

Патеката е долга 5,8 километри, а самата патека е особено популарна затоа што дури и во 80 отсто од времето на возењето, натпреварувачите не ја тргаат ногата од педалата за гас.

Петмина активни возачи во караванот во Формула 1 триумфираа во Монца – Луис Хамилтон, Фернандо Алонсо, Пјер Гасли, шампионот Макс Верстапен и споменатиот Леклер.

The post Монца останува дел од Формула 1 appeared first on Република.

Формула 1 Академијата, серија во која се натпреваруваат само жени, го одобри календарот за сезоната 2025 година.

Следната година во шампионатот ќе има седум трки. Сите тие ќе се одвиваат на патеките каде што се одржуваат машките трки за Големата награда на Формула 1.

Она што беше неочекувано е дека во 2025 година ќе се одржи само една трка од серијата во Европа, на патеката Зандворт.

Календар на Академијата Ф1 за сезоната 2025 година:
Гран при на Шангај од 21-23 март
Гран при на Џеда од 18-20 април
Гран при на Мајами од 2-4 мај
Гран при на Монтреал од 13-15 јуни
Гран при Зандворт од 29-31 август
Гран при на Сингапур од 3-5 октомври
Гран при на Лас Вегас од 20-22 ноември

The post Догодина ни доаѓа женска Формула 1 appeared first on Република.

Возачот на Ред Бул, Макс Верстапен, реагира на фактот дека Формула 1 ќе одржи настан наречен Ф1 75 - заедничко претставување на сите „живи“ во чест на 75-годишнината од шампионатот.

Ф1 75? Што зборуваш? Се надевам дека ќе бидам болен таа недела“, им се обрати на соговорниците на стримот трикратниот светски шампион.

Прес-службата на Формула 1 пред три дена објави дека во 2025 година ќе има заедничко претставување на тимовите пред почетокот на сезоната.

Настанот ќе се одржи во Лондон во „The O2“ на 18 февруари 2025 година.

The post Верстапен: Се надевам дека ќе бидам болен за време на заедничката презентација на „живите“ appeared first on Република.

Возачот на Мекларен, Ландо Норис е победник на денешната спринтерска трка во Формула 1 за Големата награда на Бразил.

Норис до победата на патеката во Сао Паоло и нови осум бодови дојде со резултат 29:46.045 минути.

Втор беше неговиот клупски колега Оскар Пјастри, со заостанување од 0,593 секунди, а трет актуелниот светски шампион и лидер во генералниот пласман, Макс Верстапен од Ред Бул, со заостанување од 1,497 секунди зад победникот.

Бодови на спринтерска трка во Сао Паоло освоија и Шарл Леклер, Карлос Саинц, Џорџ Расел, Пјер Гасли и Серхио Перез.

Трката за Големата награда на Бразил е на програмата утре од 18.00 часот.

The post Норис победи на Ф1 спринт трката во Сао Паоло appeared first on Република.

Австралиецот Оскар Пјастри од Мекларен ќе стартува од пол-позицијата на саботниот спринт пред неделната Формула 1 трка за Големата награда на Бразил.

Пијастри ја освои првата позиција во квалификациите откако во третиот дел постави време од 1:08.899 минути. Тој можеше да направи два брзи круга во последниот дел од квалификациите, надминувајќи го тимскиот колега Ландо Норис, кој успеа да направи само еден брз круг во последните 10 минути. Времето на Британецот, кој е во борба за светска титула со Холанѓанецот Макс Верстапен од Ред Бул, беше само 0,029 секунди послабо од тоа на Пијастри.

Третиот резултат во квалификациите го забележа Шарл Леклер со Ферари. Возачот од Монако заостануваше 0,254 секунди зад Пјастри. Четврти со заостанување од 0,320 секунди е Верстапен, кој се претстави многу посилно отколку на тренингот претходно во текот на денот, на кој беше 15-ти.

Шпанецот Карлос Саинц ќе стартува од петтата позиција во спринтерската трка со Ферари, кој заостана 38 илјадити делови од секундата зад Верстапен. Шести е Британецот Џорџ Расел со Мерцедес, кој, сепак, заостануваше повеќе од половина секунда зад Пјастри.

На само четири трки до крајот на сезоната во Формула 1, Верстапен има 47 поени предност пред Норис во поредокот.

The post Пијастри од Мекларен ќе стартува од првото место на спринтот во Бразил appeared first on Република.

Бред Пит присуствуваше на Формула 1 патеката „Херманос Родригез“ во Мексико, каде што снимаше сцени за својот најнов филм „Ф1“, којшто би требало да се прикажува летото 2025 година.

Американскиот глумец се појави на тркачката патека за време на квалификациите за Големата награда на Мексико, па мигот кога ја симна кацигата и заштитната капа предизвика општа возбуда кај сите присутни возачи, конструктори и посетители. Глумецот ги поздрави гледачите со мексиканско знаме во рацете.

https://www.youtube.com/shorts/BKAaCXhWnVQ?time_continue=8&embeds_referring_euri=https%3A%2F%2Fmia.mk%2F&source_ve_path=Mjg2NjY

Филмот „Ф1“ е за возачот Сони Хејс, кој морал да се пензионира по тешка несреќа, но години подоцна се враќа и се натпреварува против најсилните млади возачи. На Британската голема награда беше премиерно прикажан и првиот кус трејлер.

https://www.youtube.com/watch?time_continue=1&v=R2Psqs0roW4&embeds_referring_euri=https%3A%2F%2Fmia.mk%2F&source_ve_path=Mjg2NjY

Режисер на филмот е Џозеф Косински, а ќе го продуцитаат Џери Брукхајмер и седумкратниот Ф1-шампион Луис Хамилтон. Според последните податоци, буџетот надминал 300 милиони долари, со што овој филм за Формула 1 е меѓу 10-те најскапи филмови во историјата, пренесуваат западните медиуми.

The post Бред Пит специјален гостин на Големата награда на Мексико appeared first on Република.

Возачот на Ред Бул, Макс Верстапен, изрази незадоволство од паричната казна од Меѓународната автомобилска федерација (ФИА) за псовки. Тој на официјалната прес-конференција пред Големата награда на Сингапур одговори со едносложни зборови и рече дека има проблеми со гласот.

Не, може да бидам казнет“, истакна Верстапен одговарајќи на прашањето на еден од новинарите да одговори подетално.

Верстапен потоа изјави дека ќе им даде одговори на медиумите надвор од службената прес-конференцијата на ФИА.

Смешно ми е тоа што се случи, па зошто да дадам детални одговори? Излегува дека лесно можете да добиете парична казна за ова. Затоа, претпочитам да не кажувам многу, да го зачувам гласот и можам да давам интервјуа на друго место“, рече Верстапен.

Дваесет и шестгодишниот возач на Ред Бул доби општокорисна казна поради употреба на непристоен јазик за време на официјалната прес-конференција на ФИА на 19 септември.

The post Верстапен ја бојкотираше официјалната прес-конференција откако беше казнет од ФИА поради псовки appeared first on Република.

Возачот на Мекларен, Ландо Нарис, го освои првото место во квалификациите за Големата награда на Холандија во Формула 1.

Дваесет и четиригодишниот Британец по трет пат оваа сезона ќе стартува од пол-позицијата. Својот најдобар круг Норис го извозе за 1 минута 9,673 секунди.

Втор во квалификациите беше актуелниот светски шампион Макс Верстапен од Ред Бул (+0,356 секунди), додека другиот возач на Мекларен, Оскар Пјастри (+0,499) е на третата позиција.

Џорџ Расел (Мерцедес) ќе стартува од четвртото место. Серхио Перез (Ред Бул) е на петтата позиција, Шарл Леклер (Ферари) е шести.

Главната трка од Формула 1 шампионатот за Големата награда на Холандија ќе се вози утре со почеток во 15 часот.

The post Ландо Норис ја освои пол-позицијата за Големата награда на Холандија appeared first on Република.

Победникот Џорџ Расел, неколку часа по завршувањето на трката за Големата награда на Белгија на патеката Спа Франкоршамп е дисквалификуван и триумфот му е доделен на неговиот тимски колега Луис Хамилтон.

Причина за дисквалификацијата е тоа што болидот на Расел бил за 1,5 килограм полесен од дозволеното што е утврдено на официјалното мерење по трката. Минималната тежина на болидите треба да изнесува 796,5 килограми, а на Расел изнесувала 795 килограми.

За Хамилтон ова е 105. победа во кариерата, а втора оваа сезона откако триумфираше и на трката за Големата награда на Велика Британија. Второто место му припадна на Пјастри од Мекларен, а третото на Леклерк од Ферари

The post Расел дисквалификуван, Хамилтон победник во Спа appeared first on Република.

Возачот на Мерцедес Џорџ Расел е победник на денешната трка во Формула 1 возена за Големата награда на Белгија.

Тој за половина секунда беше побрз од клупскиот колега Луис Хамилтон.

Веднаш зад Британците заврши Оскар Пјастри од Мекларен со 1,1 секунда заостанување.

Бодови во 14-та сезонска трка освоија и: Шарл Леклер (Ферари), Макс Верстапен (Ред Бул), Ландо Норис (Мекларен) Карлос Саинц (Ферари), Серхио Перез (Ред Бул), Фернандо Алонсо (Астон Мартин) и Естебан Окон (Алпин).

Расел ги сподели своите впечатоци по победата на Големата награда на Белгија извојувана попладнево на Спа.

Неверојатен резултат. На стратешкиот брифинг утринава дефинитивно не ја очекувавме оваа победа. Болидот беше феноменален. Направивме многу промени од петокот навечер. Гумите беа во одлична состојба. Постојано велев: „Мислам дека можеме да успееме со еден пит стоп“. Стратегијата функционираше одлично. Луис [Хамилтон] заврши добра работа. Тој навистина ја контролираше оваа трка. Доколку околностите беа поинакви, сигурен сум дека тој ќе ја однесеше оваа победа. Двојниот триумф е фантастичен резултат за Мерцедес, изјави Расел.

Во Генералниот поредок води Верстапен со 275 бодови, пред Норис со 197 и Леклер со 174. Расел со 147 бода е на седмата позиција.

Кај конструкторите води Ред Бул 404 бодови, пред Мекларен со 361 и Ферари со 340.

The post Расел победи на трката за Големата награда на Белгија appeared first on Република.

Возачот на Ред Бул, Макс Верстапен победи на денешните квалификации за Големата награда на Белгија.

Квалификациите се одвиваа во услови на дожд. Во третиот сегмент, Холанѓанецот извозе круг за 1 минута и 53,159 секунди.

Возачот на Ферари, Шарл Леклер го освои второто место, со заостанување од 0,595 секунди зад Верстапен. Сепак, на главната трка, Леклер ќе стартува од првата позиција, бидејќи Верстапен ќе добие казна од 10 позиции поради промена на моторот.

Трет во квалификациите беше вториот возач на Ред Бул Серхио Перез (заостанување +0,606), на четвртото место беше Луис Хамилтон од Мерцедес (+0,676).

Трката на Големата награда на Белгија ќе се вози утре со почеток во 15 часот.

The post Верстапен казнет 10 позиции, но Леклер ќе стартува од пол-позицијата appeared first on Република.

Седумкратниот светски шампион Луис Хамилтон од Мерцедес победи на денешната трка во Формула 1 за Големата награда на Велика Британија и ја забележа својата 104. победа во кариерата.

За британскиот возач ова беше прв триумф во Формула 1 по трката во Саудиска Арабија во 2021 година.

Второто место го зазеде актуелниот светски првак Макс Ферстапен (Ред Бул) со заостанување од 1,4 секунди, а трет Ландо Норис од Мекларен со заостанување од 7,5 секунди.

Возачот на Мерцедес, Џорџ Расел, кој стартуваше од пол-позицијата, не ја заврши трката поради проблеми со својот болид.

Следната трка ќе се вози на 21 јули за Големата награда на Унгарија на патеката Хунгароринг.

The post Хамилтон ја освои ГН на Велика Британија, негова 104 победа во Формула 1 appeared first on Република.

Возачот на Ферари, Шарл Леклер, ја освои пол-позицијата пред денешната трка ќе стартува прв на Големата награда на Монако, осмата трка оваа сезона во Формула 1.

Леклер ги освои пол – позициите во квалификациите во Монте Карло и во 2021 и во 2022 година. За Леклер ова е 24 пол-позиција во кариерата.

Леклер ќе стартува пред Австралиецот Оскар Пјастри (Мекларен). Шпанецот Карлос Саинц (Ферари) и Британецот Ландо Норис (Мекларен), додека лидерот во светскиот шампионат Макс Верстапен (Ред Бул) беше само шести во квалификациите.

Трката низ улиците на Монте Карло стартува утре од 15 часот

The post Денеска се вози трката за богатите во Монако appeared first on Република.

Светскиот шампион во Формула 1, Макс Верстапен за првпат победи на квалификациите во Мајами и ја забележа својата 38-ма пол позиција во кариерата. Верстапен успеа да се доближи до рекордот на Алан Прост од почетокот на сезоната 1993 година, кога „професорот“ победи во првите 7 квалификации, а Макс сега има шест последователни пол-позиции од почетокот на кампањата.

Макс го обезбеди првото место на стартот со својот прв брз круг во третиот дел од квалификациите, при што ниту еден од водечките возачи не можеше да ги подобри неговите перформанси во вториот обид.

Втор на стартот ќе биде Шарл Леклер со Ферари, а трет неговиот тимски колега Карлос Саинц, кој го дели вториот ред со другиот возач на Ред Бул, Серхио Перез.

Колегите од Мекларен, Ландо Норис и Оскар Пјастри го зазедоа третиот ред, а Џорџ Расел и Луис Хамилтон четвртиот, при што седумкратниот светски шампион го подобри својот пласман во својот последен најбрз круг за да отиде од 10-то на 8-то место.

Топ 10 ги комплетираа Нико Хулкенберг со Хаас и Јуки Цунода со РБ.

The post Верстапен со прва пол-позиција во Мајами се ближи до рекордот на легендарниот Прост appeared first on Република.

Макс Ферстапен оставри сигурна победа и на втората спринт трка за оваа сезона, онаа која ова попладне се возеше во Мајами како дел од гран-прито во Америка.

Трикратниот светски шампион покажа дека е недопирлив за конкуренцијата и на вториот тест овој викенд, па откако вчера го доби дуелот со Леклер за пол-позицијата на денешниот спринт, денеска на трката се одбрани во првиот свиок и потоа немаше никакви закани за првото место.

Поради ова, дел од спринт трката мина со безбедносно возило на патеката, но откако возбудувањата се рестартираа, најзначајно беше преминувањето на Перез кој се избори за третото место пред Рикиардо.

Покрај водечката четворка, бодови на спринтот освоија и Саинц, Пјастри, Хулкенберг и Цунода.

The post Макс Ферстапен стигна до спринт победата во Мајами appeared first on Република.

Возачот на Ред Бул, Макс Верстапен, ја освои пол-позицијата за спринт трката што се вози како дел од Големата награда на Мајами, шестата трка од овогодинешниот шампионат во Формула 1.

За првпат во кариерата, трикратниот светски шампион до најдобрата стартна позиција стигна во Мајами, каде што славеше во претходните две години, иако се работи за спринт.

Најблиску до Верстапен беше Шарл Леклер во Ферари, кој практично го пропушти целиот слободен тренинг поради технички дефект. Вториот возач на Ред Бул, Серхио Перез имаше трето време, додека титулата херој на спринт квалификациите му припадна на Даниел Рикардо, кој го освои четвртото време.

Спринт трката во Мајами е закажана за денеска од 18 часот. Од 22 часот се закажани квалификациите за Големата награда на Мајами, која започнува во недела во истиот термин.

The post Верстапен со пол-позиција за спринтот во Мајами appeared first on Република.

Возачот на Ред Бул, Макс Верстапен, по победата на трката во Формула 1 за Големата награда на Кина, ги пофали сите од тимот кои беа вклучени во подготовката на неговиот болид.

Чувството е неверојатно. Бевме неверојатно брзи во текот на целиот викенд. Автомобилот беше задоволство да се вози на секаков вид гуми. Добро го преживеавме рестартирањето, а болидот возеше речиси како на шини, можев да правам што сакам со него. По ваквите викенди, има неверојатни чувства, а она што успеавме да го постигнеме на ова Гран при е навистина фантастично, изјави Верстапен за „Скај спортс“.

Сезонава Холанѓанецот победи на 4 од 5 трки.

Шестата трка од Формула 1 ќе се одржи во Мајами (Флорида, САД) од 3 до 5 мај.

The post Верстапен го пофали тимот за триумфот во Шангај: Болидот возеше како по шини appeared first on Република.

Возачот на Ред Бул, Макс Верстапен победи на Големата награда на Кина. На трката одржана претпладнево на патеката во Шангај, Холанѓанецот без поголеми проблеми стигна до првото место оставајќи ги своите конкуренти зад себе за повеќе од 13 секунди.

Возачот на Мекларен, Ландо Норис го освои второто место, додека трет беше Серхио Перез од Ред Бул.

За Верстапен ова е 58 победа во кариерата. Вчера Верстапен победи и на спринтот за Големата награда на Кина.

По пет трки сезонава во Формула 1 шампионатот, Верстапен е убедлив лидер во поредокот со 110 бодови, пред Перез кој има 85. Следуваат пилотите на Ферари, Шарл Леклер со 76 и Карлос Сајнц со 69 бодови.

Следната етапа во Ф1 ќе се одржи од 3-5 мај во Мајами, САД.

The post Ништо ново во Формула 1: Верстапен победи на кинеското Гран при appeared first on Република.

Возачот на Мерцедес, Луис Хамилтон изрази задоволство од пласманот на второ место во Формула 1 спринтот за Големата награда на Кина.

Секогаш кога доаѓам овде, луѓето ми даваат голема поддршка. Ова е најдобриот резултат што сум го постигнал по долго време. Јас сум многу среќен. Секако, не можеме да се натпреваруваме со Ред Бул, но ова е огромен чекор напред. Во овој краток период од трката научив многу за болидот, па со нетрпение го очекувам утрешниот ден, изјави Хамилтон за „Би Би Си спорт“.

Верстапен, победи во спринтот, второто место го зазеде Хамилтон од Мерцедес (+13.043 секунди), трет беше Серхио Перез (+15.258) од Ред Бул.

Големата награда за кинеското Гран при ќе се вози утре со почеток во 9 часот по македонско време.

The post Хамилтон за второто место на спринтот во Кина: Ова е најдобриот резултат што сум го постигнал по долго време appeared first on Република.

Макс Верстапен ја оствари својата трета победа во сезоната во Формула 1, откако триумфираше на Големата награда на Јапонија. Трката на „Сузука“ беше многу интересна, а драмите во неа почнаа уште во третиот свиок.

Уште на почетокот се судрија Даниел Рикиардо и Алекс Албон и тоа доведе до прекин на трката на половина час. По доцнење од речиси половина час, таа беше продолжена, а чекањето дефинитивно вредеше.

Поради големата деградација на гумите и бројните застанувања во боксот, имаше битки и претекнувања во текот на целата трка, вклучително и во брзите свиоци во првиот сектор. Сето ова претекнување и замена на позициите не се покажа како проблем за Верстапен, кој одлично се снајде и стигна до релативно лесна победа, негова трета во низа во Земјата на изгрејсонцето.

Неговиот тимски колега Серхио Перез заврши 12,5 секунди зад светскиот шампион, продолжувајќи го трендот на само двојни победи од почетокот на 2024 година. За Ред Бул ова е трет случај, по трките во Бахреин и Саудиска Арабија, а пред две недели двојниот триумф во Австралија беше за Ферари.

Победникот на трката во Мелбурн, Карлос Саинц, повторно се искачи на подиумот откако заврши трет. Колегата во Ферари, Шарл Леклер, извозе неверојатен прв дел од трката трката, влезе само еднаш во пит-стоп и напредуваше од осмото место на гридот до четвртото во финишот.

Ландо Норис, кој стартуваше трет, беше претекнат од возачите на „црните коњи“ и заврши петти.

The post Верстапен без поголеми проблеми до победа на Сузука, откако имаше драма и прекин на стартот од трката appeared first on Република.