Македонските уметници се носат рамо до рамо со светските, а доказ за тоа беше вчерашниот настап на фестивалот „Охридско лето“ на пијанистите Анастасија Грговска и Шкељзен Бафтијари, и виолинистот Васил Богоевски. Тие настапија на концертот што фестивалот го посвети на големите македонски композитори Томислав Зографски и Стојче Тошевски.
Извонредните млади уметници кои своето музичко образование го завршиле со највисоката оцена Кум Лауде музицираа во акустичниот амбиент на катедралната црква „Света Софија“, приредувајќи ѝ на публиката прекрасна вечер, но истовремено славејќи го и огромното творештво на двајцата македонски композитори, Зографски и Тошевски.
Композиторот Зографски е вграден во историјата на фестивалот „Охридско лето“. Покрај другото, тој е и авторот на фестивалската химна без која, не започнува ниту едно фестивалско издание.
-Концертот што се одржа на 9 август оваа година, на 64. „Охридско лето“ е особено значаен од две причини: почитта која ја укажува Фестивалот кон Зографски кој е еден од неговите основоположници од раните педесетти години, кој со група ентузијасти веруваа дека токму во нашиот прекрасен Охрид каде се слушна божествениот глас на Ана Липша Тофовиќ во уникатниот амбиент на црквата „Света Софија“ може трајно да заживее еден фестивал кој ќе ги привлече и афирмира нашите музички и драмски уметници, но и сите уметници и љубителите и почитувачите на уметноста од целиот свет. Годинешниот концерт е особено значаен и затоа што се одржува во неговата јубилејна година, 90 години од раѓањето. И со изведувачи на програмата, врвни млади уметници кои не го запознале лично, ниту како професор на Факултетот за музичка уметност во Скопје, но го запознале неговото творештво, го слушале, го изведувале и го доживеале, верувам, токму како што би очекувал тој, да го почувствуваат тоа што тој го чувствувал кога ги пишувал тие композиции, вели Панда Зографска Беличанец, сопруга на композиторот Томислав Зографски и директор на Одборот на Фондацијата „Томислав Зографски“, изразувајќи благодарност до музичката селекторка Бисера Чадловска за изборот на програмата и на младите музички уметници, пијанистите Анастасија Грговска и Шкељзен Бафтијари и виолинистот Васил Богоевски.
Зографска, се сеќава и на учествата и на присуството на композиторот Томислав Зографски на фестивалот „Охридско лето“ кои уредно се архивирани во фондацијата што го носи неговото име.
-Имаше многу изведби на дела од Зографски низ годините, некои и премиерни, со наши и странски камерни и симфониски оркестри, диригенти, наши и странски светски врвни музички уметници, како и млади музичари. Прва изведба на композиција од Зографски изведена на Охридско лето е „Есенски скици“ оп. 25 со оперската дива Марија Мирчов Скаловска и пијанистот Ладислав Палфи на „Концертот на солистите на скопската опера“ одржан на 1 август 1964 година. Вториот концерт кој особено го паметам е во нашето прво заедничко лето, со Македонската филхармонија и маестро Ловро Матачиќ на 31 јули 1965 година. На програмата беше и симфониското дело „Фантазија корале“ оп. 26 од Зографски, прво дело од македонски автор изведено на „Охридско лето“. Бевме заедно и на генералната проба кога имав чест да го запознаам маестро Матачиќ. Зографски особено се грижаше за своето творештво, сочувал податоци, програми, критики, аудио и видео снимки од концерти и културни настани почнувајќи од педесеттите години. Во одделен Дневник, така го нарековме, всушност е неговиот опус, во одделна архива се бројните изведби на Охридско лето. Фондацијата продолжи да ги внесува сите податоци за изведбите и по неговото заминување во 2000 година, раскажува сопругата на големиот македонски композитор Томислав Зографски.
Според неа, планирано е, за 20-годишнината на Фондацијата, во 2026 година да се направи издание, книга со сè што е собрано во архивата.
-Во наведените 1600 концерти на кои сме присуствувале не се вклучени тие од архивата на Зографски и стотици изведби во странство. Вредни податоци за нашите музички уметници, институции, анасамбли, за нашата култура, појаснува Зографска.
Од 2014 година, и најголемата музичко-сценска манифестација во земјава и регионов, фестивалот „Охридско лето“ е прогласен за Почесен член на Фондацијата „Томислав Зографски“.

The post „Охридско лето“ и македонските уметници во спомен на истакнатите композитори Зографски и Стојчевски appeared first on Република.

Мелинда Гејтс, која ја предводи една од највлијателните филантропски фондации во светот, денеска соопшти дека ќе ја напушти.

Таа ја основа таа организација наречена Фондација Бил и Мелинда Гејтс со нејзиниот сега поранешен сопруг Бил во 2000 година.

Како што напиша на својот профил на X, таа е „неизмерно горда“ на работата на Фондацијата.

Последниот ден на Мелинда Гејтс во оваа организација посветена на здравствената заштита и намалувањето на сиромаштијата ќе биде 7 јуни.

The post Мелинда Гејтс ја напушта фондацијата на нејзиниот поранешен сопруг Бил appeared first on Република.

Помалку од една недела по смртта на Метју Пери, во негова чест е најавено фомирање на Фондација Метју Пери која ќе им помага на луѓето кои се борат со зависноста, објави „НБЦ Њуз“.

Фондацијата „Метју Пери“ е реализација на трајната посветеност на Метју да им помага на другите кои се борат со болеста на зависност. Таа ќе го почитува неговото наследство и ќе биде водена од неговите сопствени зборови и искуства и водена од неговата страст да направи разлика за што е можно повеќе животи, се вели во соопштението.

Пери беше многу искрен за тоа како се бореше со зависноста во текот на неговиот живот.

Во своите мемоари, актерот не криел кога објаснувал колку време поминал на рехабилитација, дури и забележал дека живеел во установа додека ја снимал познатата епизода каде Чендлер и Моника се венчале.

The post Формирана фондацијата „Метју Пери“ која ќе им помага на зависници од дрога и алкохол appeared first on Република.

Фондацијата Отворено општество (ОСФ), основана од милијардерот Џорџ Сорос, планира да се повлече од голем дел од своите активности во Европската Унија, или во целост да ги запре и да го пренасочи своето внимание кон други делови на светот, како на пр. Западен Балкан и постсоветските земји, објавија денеска медиумите, повикувајќи се на интерна електронска порака до која имале пристап.

Повикувајќи се на писмо испратено до унгарските партнери минатата недела, унгарскиот сервис на Радио Слободна Европа објави дека раководството на ОСФ се „одлучило за радикална промена на стратегијата“, пренесува Бета.

Во писмото се тврди дека институциите и владите на ЕУ трошат многу пари за истите прашања како и Отворено општество. Наместо тоа, организацијата основана од Џорџ Сорос ќе се фокусира на Балканот, постсоветските земји и остатокот од светот, се вели во извештајот.

Ројтерс пишува дека интерниот имејл до вработените не дава детали за тоа како фондацијата ќе ги прераспредели своите средства, но дека портпаролот на фондацијата рекол дека ќе продолжи да ги поддржува граѓанските организации низ Европа, вклучително и оние кои работат на надворешни работи на ЕУ, и кои ќе продолжат да ги поддржуваат ромските заедници во Европа.

„Фондацијата Отворено општество го менува начинот на кој работи, но моето семејство и ОСФ веќе долго време го поддржуваат и остануваат цврсто посветени на европскиот проект“, рече Алекс Сорос, претседател на Фондацијата Отворено општество, во изјава испратена по е-пошта за Ројтерс, пренесува Бета.

Организацијата, која доделува околу 1,5 милијарди долари годишно низ светот, ќе продолжи да финансира програми во Европа, вклучително Украина, Молдавија, Киргистан и Западен Балкан преку национални фондации, изјави портпаролот на Фондацијата Отворено општество.

Унгарскиот сервис на РСЕ, исто така, наведува дека дури и во рамките на ОСФ, малку се знае за деталите како што е времето на повлекување или што ќе се случи во земјите на ЕУ каде што се смета дека институциите и владите не трошат значителни суми за човекови права или прашања за различностите.

Со оглед на тоа дека ОСФ треба да се реструктуира следната година, неговите европски програми би можеле да завршат најрано во 2024 година, се додава во написот.

Во јуни беше најавено дека 93-годишниот Сорос ќе ја предаде својата Фондација вредна 25 милијарди долари на синот Алекс, а во јули беа претставени плановите за отпуштање на 40 отсто од вработените во светот, како дел од стратешките промени.

The post Фондацијата Сорос најавува повлекување од ЕУ и фокусирање на Западен Балкан appeared first on Република.

Она што беше најавено уште во март годинава, денеска и официјално доби регистрација во Централниот регистар на Македонија - Фондација Заев – едно општество за сите. Сопственици на фондацијата се Зоран и Вице Заев со основна главнина од 20 илјади евра. Директор на фондацијата е Зоран Заев.

Во регистрацијата пишува дека фондацијата ќе врши дејности и активности за унапредување, поддршка и развој на општеството, јавното здравје, едукацијата на млади, заштита на животната средина, спортот, културата, уметноста и деловната заедница Струмица.

Цели на фондацијата се креирање на Заев социјално-хуманитарниа програма, Заев солидарно – инклузивна програма, Заев конгрес центар, Заев програма за животна средина, Заев академија на јавни политики, Заев спортско-рекреативна програма, Заев мото-рели...

Заев идејата за тоа дека ќе формира фондација ја најави во март на дипломатскиот форум во Анталија. Најавено беше дека во тимот на фондацијата ќе биде и поранешниот министер за здравство Венко Филипче како и други поранешни функционери, актуелни интелектуалци, професори, бизнисмени, поранешни членови на ВМРО-ДПМНЕ, луѓе од сите етнички заедници и од невладиниот сектор.

The post Едно општество за сите: Зоран и Вице Заеви денеска ја регистрираа Фондацијата Заев appeared first on Република.

Поранешниот премиер Зоран Заев, заедно со екс министерот заздравство Венко Филипче беа дел од Форумот за дипломатија кој викендов се одржа во Анталија.

ТВ21 од извори од кабинетот на поранешниот премиер дознава дека Заев работи на формирање на фондација „Едно општество за сите“, и дека на Форумот за дипломатија во Турција била искористена можноста за меѓународна промоција на ваквата идеја, но и опипување на меѓународниот импулс по ова прашање.

Освен Заев, ТВ21 дознава дека во тимот е и Филипче, истакнати интелектуалци, професори, бизнисмени, поранешни министри, луѓе од невладиниот сектор, поранешни членови на ВМРО-ДПМНЕ и луѓе од сите етнички заедници во Македонија.

The post Заев ќе формира фондација „Едно општество за сите“ appeared first on Република.