Пратеникот од ВМРО-ДПМНЕ Тони Јаревски на вчерашната собраниската седница за поставување на пратенички прашања, постави прашања за што се трошат парите од пластичните кеси кои влегуваат во фондот за животна средина, нагласувајќи дека законот се применува неколку месеци а никој не знае каде одат парите, односно како што рече тој само 1 или 2 денари остануваат во маркетите, останатите одат во фондот за животна средина.

Имам две пратенички прашања. Првото прашање е до премиерот какви се фондовите за животната средина. Она што многу малку се дискутира е како се делат тие 15 денари? Од тие 15 денари 1 или 2 се за маркетите, остатокот влегува во фондот за животна средина. На месечно ниво тоа се 200.000 евра, а законот се применува веќе неколку месеци што значи дека влегуваат неколку милиони евра во фонд за кој што не знаеме како се трошат парите. И ова не го велам јас како пратеник од опозицијата туку луѓе навлезени во оваа проблематика кои кажуваат дека не можат да добијат информации како се трошат парите, згрозени од нетранспарентноста на владата и министерството. Затоа каде одат парите, како се искористуваат истите пари, праша Јаревски.

Во однос на безбедноста, Јаревски истакна дали граѓаните може да се чувствуваат безбедни на улиците кога две униформирани лица односно заменик началник се пука по улиците со началник.

Второто прашање ми е по однос на нашата безбедност. Дали премиерот или министерот за внатрешни работи се чувствува безбеден. Дали ние се чувствуваме безбедни кога имаме во 20 часот 200 повици кои ни кажуваат дека на километар два или три од местото на нашето живеалиште се пука, дали се чувствувате безбедно кога ќе ви кажат дека се пукал заменик началник со началник, две униформирани лица, праша Јаревски.

https://youtu.be/b-4q3uxQei8

The post Каде завршуваат парите од пластичните кеси кои влегуваат во фондот за животна средина? appeared first on Република.

Додека Црна Гора уште пред 4 години донесе одлука за формирање Еко-фонд што веќе 2 години е во функција, нашата земја сè уште не ги почнала подготовките иако е меѓу првите земји на Балканот што во минатото има формирано ваков фонд, но, за жал, двапати неуспешно. Потребна е силна политичка волја за создавање Фонд за животна средина, во кој би се слевале парите од еколошките такси и надоместоците што ги плаќаат граѓаните и фирмите, а од каде што потоа правилно би се распределувале. Во моментов, средствата од овие такси одат директно во државниот буџет и не се трошат за она за што во суштина и биле собрани.

Искуствата од Црна Гора треба да бидат искористени и овде, предлагаат од црногорскиот Еко-фонд.

Еко-фондот во Црна Гора своите активности ги врши во соработка со органите на државната управа, локалните самоуправи, стручните и научните институции и со граѓанскиот сектор – истакнува Лидија Шкатариќ, раководителка на службата за проекти на енергетска ефикасност и ОИЕ во Еко-фондот на Црна Гора.

Таа вели дека преку своите активности, задачата на Еко-фондот е да обезбеди финансиски средства за реализација на проекти, програми и активности насочени кон постигнување систематско и сеопфатно зачувување на квалитетот на сите еколошки компоненти, биодиверзитетот, рационално користење на природните ресурси и енергијата како основни услови за одржлив развој.

Главната цел е остварување на основното право на граѓаните на чиста и здрава животна средина. Со кофинансирање проекти и програми за заштита на животната средина, климата и енергетската ефикасност, Еко-фондот ќе стане еден од двигателите за посилен економски и инфраструктурен развој на Црна Гора, со транспарентност и ефикасност во процедурите за обезбедување, управување и користење на средствата – додава Шкатариќ.

Милија Чабаркапа е извршна директорка на невладината организација „Еко-тим“ од Црна Гора, кои главно реализираат проекти поврзани со заштитата на водите, со фокус против изградбата на мали хидроцентрали. Тие како организација биле директно вклучени во одреден степен во формирањето на овој Фонд, со што биле консултирани по одредени прашања како експертска јавност и таа смета дека Фондот ќе помогне во реализирање на нивните проекти и борбата против уништување и неконтролирано искористување на природните ресурси.

Главниот предизвик на Еко-фондот е да ги обезбеди континуираните приходи неопходни за негово функционирање. Средствата за финансирање на Еко-фондот се обезбедуваат од буџетот на Црна Гора, од еко-надоместоци, заеми, донации и друг вид помош. Исто така, преку програми и фондови на Европската Унија, Обединетите нации и меѓународните организации, потоа странски инвестиции наменети за заштита на животната средина и други извори во согласност со законот – вели Чабаркапа.

Јавната кампања за воспоставување Фонд за животна средина, ја спроведува Центарот за истражување и информирање за животна средина „Еко-свест“ како дел од проектот „Зајакнување на улогата на граѓанските организации во донесувањето одлуки преку застапување за воспоставување Фонд за животна средина“, финансиски поддржан од ГЕФ ПМГ – програма за мали грантови во РСМ.

The post Без Фонд за животна средина парите од еколошките такси се губат во буџетот appeared first on Република.

Додека Црна Гора уште пред 4 години донесе одлука за формирање Еко-фонд што веќе 2 години е во функција, Македонија сè уште не ги почнала подготовките иако е меѓу првите земји на Балканот што во минатото има формирано ваков фонд, но, за жал, двапати неуспешно. Потребна е силна политичка волја за создавање Фонд за животна средина, во кој би се слевале парите од еколошките такси и надоместоците што ги плаќаат граѓаните и фирмите, а од каде што потоа правилно би се распределувале. Во моментов, средствата од овие такси одат директно во државниот буџет и не се трошат за она за што во суштина и биле собрани.

Искуствата од Црна Гора треба да бидат искористени и овде, предлагаат од црногорскиот Еко-фонд.

Еко-фондот во Црна Гора своите активности ги врши во соработка со органите на државната управа, локалните самоуправи, стручните и научните институции и со граѓанскиот сектор, истакнува Лидија Шкатариќ, раководителка на службата за проекти на енергетска ефикасност и ОИЕ во Еко-фондот на Црна Гора.

Таа вели дека преку своите активности, задачата на Еко-фондот е да обезбеди финансиски средства за реализација на проекти, програми и активности насочени кон постигнување систематско и сеопфатно зачувување на квалитетот на сите еколошки компоненти, биодиверзитетот, рационално користење на природните ресурси и енергијата како основни услови за одржлив развој.

Главната цел е остварување на основното право на граѓаните на чиста и здрава животна средина. Со кофинансирање проекти и програми за заштита на животната средина, климата и енергетската ефикасност, Еко-фондот ќе стане еден од двигателите за посилен економски и инфраструктурен развој на Црна Гора, со транспарентност и ефикасност во процедурите за обезбедување, управување и користење на средствата, додава Шкатариќ.

Милија Чабаркапа е извршна директорка на невладината организација „Еко-тим“ од Црна Гора, кои главно реализираат проекти поврзани со заштитата на водите, со фокус против изградбата на мали хидроцентрали. Тие како организација биле директно вклучени во одреден степен во формирањето на овој Фонд, со што биле консултирани по одредени прашања како експертска јавност и таа смета дека Фондот ќе помогне во реализирање на нивните проекти и борбата против уништување и неконтролирано искористување на природните ресурси.

Главниот предизвик на Еко-фондот е да ги обезбеди континуираните приходи неопходни за негово функционирање. Средствата за финансирање на Еко-фондот се обезбедуваат од буџетот на Црна Гора, од еко-надоместоци, заеми, донации и друг вид помош. Исто така, преку програми и фондови на Европската Унија, Обединетите нации и меѓународните организации, потоа странски инвестиции наменети за заштита на животната средина и други извори во согласност со законот, вели Чабаркапа.

Јавната кампања за воспоставување Фонд за животна средина, ја спроведува Центарот за истражување и информирање за животна средина „Еко-свест“ како дел од проектот „Зајакнување на улогата на граѓанските организации во донесувањето одлуки преку застапување за воспоставување Фонд за животна средина“, финансиски поддржан од ГЕФ ПМГ – програма за мали грантови во Македонија.

The post Без Фонд за животна средина парите од еколошките такси „се губат“ во буџетот appeared first on Република.