Општина Валандово го објави Меѓунродниот конкурс за избор на композиции за 37. издание на фестивалот на новосоздадени македонски песни „Фолк Фест Валандово 2024“.

На конкурсот можат да учествуваат домашни и странски автори и изведувачи, кои ги исполнуваат пропишаните услови, а сите заинтересирани учесници се должни да достават оригинална композиција, изработена во духот на македонската народна музика, напишана на македонски јазик.

Конкурсот е објавен на веб страницата на Општина Валандово, а апликациите се поднесуваат во архивата на Општината најдоцна до 15 февруари.

The post „Фолк Фест Валандово“ објави меѓународен конкурс за избор на композиции за 37. издание на фестивалот appeared first on Република.

На 36. издание на Фолк фест „Валандово“, кое се одржа синоќа во фестивалската сала „Јанко Узунов“, победи пејачот Мишко Крстевски со песната „Ема убава“ по текст, музика и аранжман на Љупчо Трајковски-Фис.

Второпласиран е композицијата „Ни седум неба ни седум гори“ на Елена Андоновска по музика на Горан Стојановски, текст Борче Нечовски и аранжман на Дарко Илиевски, а третото место според гласовите на публиката во салата и стручното жири го освои песната „Букет од сомнежи“ на Анета и група „Молика“ по музика и аранжман на Миле Барбаровски, текст Ѓорѓи Барбаровски.

Награда за животно дело постхумно му беше доделена на Ѓоко Дончев за неговиот придонес на македонската музичка сцена и вредностите што ги оставил зад себе.

Ревијалниот дел на Фестивалот беше посветен на виртуозот на хармониката и композитор, Милан Завков, во чија чест изведувачи и негови пријатели изведоа музички омаж.

Покрај наградите за најдобрите песни, беа доделени и признанија за најдобар дебитант, текст, аранжман и интерпретација.

Наградите ги врачија уметничкиот директор Живоин Глишиќ и градоначалникот на Валандово, Перо Костадинов.

The post Мишко Крстевски победник на Фолк фест „Валандово 2023“ appeared first on Република.