Во Галеријата - ФЛУ на Факултетот за ликовни уметности при УКИМ во Скопје - објект Педагошка вечер ќе биде отворена студентска изложба со наслов „Збирка“.

На изложбата ќе бидат презентирани 24 дела од студенти на Факултетот за ликовни уметности (ФЛУ) од катедрите за сликарство и трансмедиумски практики, скулптура и трансмедиумски практики, графика и трансмедиумски практики и ликовна педагогија. Делата што ќе бидат изложени се изработени во различни техники, од молив на хартија, акрил на платно, масло на платно, акварел, комбинирани техники на платно, хартија, панел, картон, лесонит, графики изработени во техниките линорез и сува игла.

Со оваа изложба им се дава можност на студентите да ги изложат своите дела кои ги сработиле во рамките на практичните студии и едукација на Факултетот. Со изложбата воедно им се посакува добредојде на бруцошите на Факултетот за ликовни уметности при УКИМ, велат од ФЛУ.

Изложбата, додаваат, е во организација на Факултетското студентското собрание, во соработка со Факултетот за ликовни уметности и Универзитетското студентско собрание.

The post „Збирка“, изложба на студенти од ФЛУ appeared first on Република.

Во Галеријата - ФЛУ на Факултетот за ликовни уметности - УКИМ во Скопје - објект Педагошка на 28.11.2024 година (четврток) со почеток во 19 часот ќе биде отворена студенска изложба со наслов „ЗБИРКА“ .

На изложбата ќе бидат презентирани 24 дела од студенти на Факултетот за ликовни уметности од катедрите за сликарство и трансмедиумски практики, скулптура и трансмедиумски практики, графика и трансмедиумски практики и ликовна педагогија. Делата што ќе бидат изложени се изработени во различни техники, од молив на хартија, акрил на платно, масло на платно, акварел, комбинирани техники на платно, хартија, панел, картон, лесонит, графики изработени во техниките линорез и сува игла.

Со оваа изложба им се дава можност на студентите да ги изложат своите дела кои ги сработиле во рамките на практичните студии и едукација на Факултетот. Со изложбата воедно им се посакува добредојде на бруцошите на Факултетот за ликовни уметности при УКИМ.

Изложбата е во организација на Факултетското студенското собрание, во соработка со Факултетот за ликовни уметности и Универзитетското студенско собрание.

The post Студенска изложба со наслов „ЗБИРКА“ во галеријата на ФЛУ appeared first on Република.

Изложбата „Траги од два света“ претставува ексклузивна колекција на дела од современи словачки уметници, со фокус на цртежот и графиката и нивните преклопувања со други уметнички дисциплини.

Оваа изложба е дел од проектот „Словачки уметнички патишта 2024“, кој има за цел да ја претстави словачката визуелна уметност на меѓународната сцена и да ги поврзе уметниците со меѓународни мрежи. Изложбата промовира меѓукултурна соработка и поттикнува дискусии за важни социјални и еколошки прашања. Посетителите ќе имаат можност да ги откријат динамичните и иновативни пристапи на словачките уметници кон современата визуелна уметност.

Куратори: Бранислав Журко, Адам Мачко
Учесници: Игор Бенча – Луција Фабова – Марек Халаш – Адам Мачко – Роберт Макар – Матуш Мататко – Ева Мофларова – Јулијана Мрвова – Станислав Пиатрик – Владимира Вајс Савканичова – Дениса Славковска – Патрик Шевчик – Петер Валиска-Тимечко – Владимир Вајс.

Времетраење: 15 август – 30 септември 2024 година

Отворање: 15 август (четврток) 2024 година во 19:00 часот.
Перформанс: Матрицата како ринг – Петер Валиска-Тимечко и Станислав Пиатрик / 15 август (четврток) во 20:00 часот.

16 август (петок)
– 09:30 часот / Перформанс: Корео_графика – Петер Валиска-Тимечко и Томаш Савканич
– Работилници: 10:00 – 12:00 часот
Акциона графика — Петер Валиска-Тимечко,
Градски структури (фротаж, монотипија) – Станислав Пиатрик
-Предавање: 13:00 – 14:00 часот
Словачка визуелна уметност и местото на акционата графика
(Петар Валиска-Тимечко и Бранислав Журко)
-Водена тура на изложбата и разговор со уметниците: 14:00 часот
модератори: Бранислав Журко, Адам Мацко

Место: Галерија на Факултетот за ликовни уметности при Универзитетот Св. Кирил и Методиј, Булевар 8-ми Септември бр.10, 1000 Скопје Македонија.

Производство: pointA o.z. Slovakia
Копродукција: Факултет за ликовни уметности, Универзитет „Св. Кирил и Методиј“ во Скопје

Влезот е слободен.

The post „Траги од два света“ – Изложба на дела од современи словачки уметници на ФЛУ appeared first on Република.

Europe House Skopje и Факултетот за ликовни уметности – Скопје, по повод Светскиот ден на уметноста, ве носат низ сокаците на Старата скопска чаршија, како низ галерија на уметности и занаети. Светскиот ден на уметноста го одбележуваме славејќи ја креативноста и генијалноста на локалните уметници и занаетчии.

Придружете ни се на прошетка низ дуќаните со стари традиции на изработување на шарен текстил, керамика, шапки и накит, а овој пат и придружени од уметничките дела на студентите од Факултетот за ликовни уметности при Универзитетот „Св. Кирил и Методиј“ во Скопје.

Чаршијата како галерија е концепт на кој сакаме да му го вратиме стариот сјај на нераскинливото проткајување на занаетчиството и уметноста. Контрастот е препознатлив белег за Скопје, па во таквиот дух ќе ја извеземе прошетката низ занаетчиските дуќани со стари традиционални занаети и уметнички поставки на младата современа критичка мисла.

На 06.04.2023 година (Сули-ан), со почеток од 13 часот, чаршијата ги отвора вратите, поканувајќи ги посетителите да ја споделат нејзината магија и да го истражат чудото на традиционалните занаети и современиот уметнички израз од прва рака.

Изложбата ќе биде отворена до 12.04.2023 година.

По повод Светскиот ден на уметноста „Чаршијата галерија на занает и уметност“, денеска, 6 април 2023 (четврток) од 13 до 16 часот, Сули ан и занаетчиски дуќани.

Учесници студенти на ФЛУ: Стефан Јакимовски, Милена Петковска, Ивона Петрова, Евгенија Трајковска, Михаил Паскоски, Дамјан Јанкоски, Славчо Павлоски, Сергеј Калеников, Павел Николов, Габриела Живковска и Марија Јаќовска

The post Одбележување на Светскиот ден на уметноста: Чаршијата галерија на занает и уметност appeared first on Република.

Студентите од Факултетот за ликовни уметности (ФЛФ) го претставија своето книжевно првенче, „Умник“ – студентско културно списание. Списанието, прво од ваков тип во последните неколку години, има за цел да ја промовира културата во земјава вклучувајќи настани, рецензии за уметнички дела од разни области, како и конкретни дела од студентите и интервјуа со уметници.

Бевме инспирирани од уметничкото списание од 90-тите, ‘Промо арт’ каде по тоа што го видовме се забележува дека е многу слободно, токму така како што уметноста треба да се манифестира без премногу ограничувања и правила, вели Марија Јаќовска, апсоловент на Факултетот за ликовни уметности и една од уредниците на првиот број.

Замислата е „Умник“ да излегува еднаш месечно, а потребата за тоа потекнува од, како што вели Јаќовска, долгите години колективна неактивност на студентите на ФЛФ.

извор: Радио МОФ.мк

The post Студентите од ФЛУ го претставија списанието „Умник“-прво од ваков вид во последниве години appeared first on Република.

На 2 јуни (четврток) ќе биде отворена годишната завршна изложба на студентите од Факултетот за ликовни уметности во Скопје.
На изложбата ќе биде претставена селекција на дела изработени на студиските програми по сликарство, вајарство, графика и ликовна педагогија, како и модулите сценографија, графички дизајн и конзервација и реставрација во текот на академската 2021/2022 година.

ОТВОРАЊЕ I
• четврток (2 јуни), 20 часот
• Ателјеа на студиска програма по сликарство, вајарство и ликовна педагогија; модул сценографија.
• ул. Дрезденска б.б, (Педагошки факултет).

ОТВОРАЊЕ II
• петок (3 јуни), 20 часот
• Ателјеа на студиска програма по графика; модули графички дизајн и конзервација и реставрација.
• Сули ан (ул. Битпазарска б.б, Стара чаршија)

The post Годишна изложба 2022 – Факултет за ликовни уметности appeared first on Република.