Фудбалскиот клуб Вардар денеска и официјално испрати барање до Фудбалската федерација на Македонија за итна смена на комесарот за делегирање на судии, Маријан Ристески. Причина за ова барање е, како што наведуваат, хаосот во елитните фудбалски натпреварувања во Македонија и бројните контроверзии од почетокот на сезоната 2024/25.

Соопштението на ФК Вардар ви го пренесуваме во целост:

Со оглед на многуте гласни коментари на повеќето клубови од Првата и Втората МФЛ, ние како ФК Вардар започнуваме иницијатива за ИТНА смена на комесарот за делегирање на судии, Маријан Ристески.

 

Воедно како клуб за неуспесите и поразите вината прво ја гледаме во сопствените редови, но по консултација со стручни лица и со оглед на фактите од изминатите 13. кола, може да се констатира дека Вардар е најоштетен во однос на судиските грешки. Ние никогаш јавно не излеговме со соопштенија и реакции за разлика од други клубови кои со мизерни реакции се обидуваат да ги негираат нашите победи.

 

Ние како клуб оставаме на телата и органите на ФФМ да си ја работат работата и да ја покажат својата стручност околу грешките и спорните моменти.

 

Поради ова бараме и од останатите клубови поддршка на оваа иницијатива за ИТНА смена на комесарот за делегирање на судии и радикални ставови на сите клубови за воведување на ВАР технологија за следната сезона.

 

Промената на раководството на судската асоцијација, поточно барањето за разрешување на Марјан Ристески, се припишува на неколку фактори, вклучувајќи ги проблемите кои гласно ги посочуваат клубовите од МФЛ по секое натпреварувачко коло и потребата за иновации од организацијата. Промените се бараат за поголема усогласеност со промената кон поголема транспарентност и одговорност, вкучувајќи значително учество на членовите во изборот на наследник кој ќе го води со фокус на модернизирање и зајакнување на судискиот систем.

The post ФК Вардар бара итна смена на комесарот за делегирање на судии, Маријан Ристески appeared first on Република.

 Фудбалскиот клуб Вардар иницира итна смена на Миле Ристевски, комесарот за делегирање судии при Фудбалската федерација на Македонија.

Ние како клуб вината за неуспесите и поразите ја гледаме во сопствените редови, но по консултација со стручни лица, констатиравме дека во изминатите 13 кола Вардар е најоштетн во однос на судиските грешки. Оставаме органите и телата на ФФМ да си ја работат работата и да ја покажат својата стручност околу грешките и спорните моменти. Поради ова бараме и од останатите клубови поддршка за ИТНА смена на Ристевски и воведување ВАР за следната сезона, стои во соопштението на ФК Вардар.

Од таборот на „црвено-црните“ очекуваат со евентуална промена на комесарот да се зголеми транспарентноста и одговорноста, како и модернизирање и зајакнување на судскиот систем во македонскиот фудбал.

The post Вардар е најоштетeн во однос на судиските грешки appeared first on Република.

Нема веќе непоразени екипи во Првата македонска фудбалска лига, откако досегашниот лидер Работнички попладнево загуби на гостувањето кај шампионот Струга.

Вардар ја прекина четиригодишната серија без победа против Шкупи во ефикасен и натпревар со резултатски пресврти одигран на „Тодор Проески“.

Резултати натпреварите во 14. коло на ПМФЛ одиграни попладнево:

Гостивар – Воска 4:0
Шкендија – АП Брера 4:3
Силекс – Пелистер 1:0
Струга ТЛ – Работнички 1:0
Тиквеш – Беса 0:0
Вардар – Шкупи 3:2.

Табела: Шкендија 27 бодови, Гостивар 27, Силекс 27, Работнички 25, Струга 25, Шкупи 16, Пелистер 16, Брера 15, Беса 13, Воска 11, Вардар 11, Тиквеш 10

The post Вардар веќе не е последен на табелата appeared first on Република.

Без победник заврши дерби натпреварот од 11. коло во Првата македонска фудбалска лига одиграно попладнево во Тетово меѓу Шкендија и Струга Трим Лум.

Работнички и покрај нерешениот исход останува лидер на табелата, додека Силекс се искачи на третата позиција.

Постигнати резултати:  

Гостивар – Брера 4:1
Шкендија – Струга Трим Лум 1:1
Шкупи – Тиквеш 3:1
Силекс – Беса 2:0
Вардар – Работнички 0:0
Воска Спорт – Пелистер 1:1.

Табела: Работнички 23 бода, Шкендија 20, Силекс 20, Гостивар 20, Шкупи 16, Струга ТЛ 16, Беса 12, Пелистер 12, АП Брера 12, Тиквеш 8, Вардар 7, Воска 7

The post Вардар и Работнички одиграа без голови appeared first on Република.

Навивачката група „Комити“  со официјален допис до сите медиуми побараа промена на целото раководство од страна на новиот мнозиски сопственик и инвеститор на клубот, Атила Бижен Жалили.

Соопштението на најверната навивачка група на Вардар ви го пренесуваме во целост:

Навивачите на фудбалскиот клуб Вардар, незадоволни од резултатите, организацијата и целосната катастрофална ситуација во која се наоѓа клубот, одлучија да се спротивстават, обединувајќи се во голем „НАРОДЕН ФРОНТ-ЗА ВАРДАР”.

Како што е веќе познато, по финансискиот крах, клубот за време на изминатите две сезони беше целосно управуван од страна на здружението на навивачите, односно народот кој апсолутно даде поддршка на оваа приказна. Благодарение на нашата напорна работа, но и на помошта од страна на неколкуте Општини, Градот Скопје, како и на многуте компании кои ја видоа нашата искрена намера и се приклучија кон оваа борба, клубот успеа да опстои и по две сезони минати во Втората лига, да се врати во елитата.

По завршувањето на минатата сезона, беше постигнат договор помеѓу Здружението „35 години Вардарци”, односно ВД раководството на клубот составено од искрени вардарци и навивачи на овој клуб и новата сопственичка структура, на чело со Атила Бижен Жалили. Верувавме дека ваквиот расплет ќе донесе подобра иднина за клубот, финансиска стабилност и дека ќе се воспостави вистински правец по кој ќе се движи клубот, секако незанемарувајќи ги основните постулати на борбата „за клубот на народот” за која деноноќно, волонтерски се бореа искрените вардарови навивачи. Меѓутоа, неколку месеци подоцна, не само ние, туку и целата македонска јавност сведочи за катастрофалната ситуација, во која од ден на ден се повеќе тоне и клубот и приказната која со многу труд и љубов ја создаваа навивачите и народот.

Причината за катастрофалниот тек на сезоната ја гледаме во лошата кадровска политика, односно во неформалното раководството на клубот, на чело со Миленко Неделковски, кој заедно со својот тим, докажаа дека се во целост неспособни за да водат клуб каков што е големиот Вардар.

Поучени од искуството и минатото во кое во неколку наврати сме биле обвинети за виновници, кои не дозволиле влез на нови сопственички структури, овојпат одлучивме да дадеме време и можност, како што од нас побара и самиот инвеститор, иако уште на самиот почеток го потенциравме нашиот сомнеж во капацитет на предложеното раководство.

Но, за жал, веќе е и повеќе од јасно дека е потребна промена ВЕДНАШ. Оваа агонија мора да заврши час поскоро, а за тоа да се случи, потребна е масовна мобилизација на сите Вардарови навивачи, симпатизери, на целокупната јавност која ја повикуваме да се приклучи кон оваа борба и да застане повторно во одбрана на клубот.

Во среда, на 23.10.2024, на Арената Тодор Проески во Скопје, ќе се одигра осминафиналето од Купот на Македонија, помеѓу екипите на Вардар и ГФК Тиквеш од Кавадарци.

На овој натпревар, од западната трибина јасно и гласно ќе биде искажан ставот на навивачите. Затоа упатуваме апел до сите, да дојдат и да бидат дел од Западната трибина, да бидат дел од НАРОДНИОТ ФРОНТ! Народен фронт за Вардар!

Бараме одговорност, бараме професионализам! Бараме инвеститорот да го разреши постоечкото раководство и да постави вистински професионалци кои Вардар ги заслужува.

Натпреварот ќе биде одигран во 14:00ч а најважно од се е, сите заедно да бидеме обединети на западната трибина. Безразлика дали сте Комити, Вардарци, навивачи или симпатизери, сите заедно рамо до рамо. Западната трибина повторно застанува во одбрана на нашата светост. Тука се брани Вардар, тука се брани приказната за ,,клубот на народот”, тука се брани црвено-црното!

Се гледаме на Запад! За Вардар и Македонија!

Со почит,
Комити Запад“.

The post Комити бараат масовна мобилизација од љубителите на Вардар, како и бркање на цело раководство appeared first on Република.

Фудбалскиот клуб Вардар денеска преку соопштение потврди дека има нов сопственик, откако унгарскиот бизнисмен Атила Бижен Жалили купил 85 отсто од акциите на најтрофејниот македонски фудбалски клуб.

Во соопштение споделено преку фудбалскиот клуб, сопственикот се обрати до фановите, потврдувајќи го преземањето на клубот.

„Задоволство ми е да ја информирам македонската јавност дека од 7 октомври според претходно потпишаниот договор, 85 отсто од акциите на АД ФК Вардар-Скопје се преземени, а со тоа и управувачкиот пакет на компанијата.

Со нашето големо искуство во менаџирање на фудбалски џинови и соработка со десетици познати клубови ширум Европа, ние ќе обезбедиме брза финансиска, организациска и резултатска консолидација на овој најголем спортски бренд во Македонија.

Во изминативе неколку години, како дополнување на бизнисот кој го имаме, нашиот фокус беше да преземеме клуб од Централна Европа или Балканот. Имавме неколку опции пред нас. Но благодарејќи на упорноста и аргументите презентирани од Миленко Неделковски, се одлучивме за најголемиот спортски бренд во Македонија.

Да го направиме Вардар повторно голем“, стои во обраќањето на Жалили до македонската фудбалска јавност.

Ваквата објава доаѓа по серијата на протести на навивачката група Комити, кои бараат оставки од раководството на клубот и Миленко Неделковски. На натпреварите тие скандираа пораки со барања Неделковски да се повлече од клубот.

The post Се јави новиот газда на Вардар – Ајде да го направиме клубот повторно голем appeared first on Република.

ФК Вардар има нов сопственик. Станува збор за Атила Бижен Жалили, кој ги презеде 85% од акциите на клубот, соопштија од таборот на „црвено-црните“ на платформата „Икс“.

Од 07.10.2024-та, по предходно потпишан договор,заверен со нотарски акт UZP 6630/2024, од страна на новиот сопственик Атила Бижен Жалили превземени се 85% од акциите на АД ФК Вардар-Скопје, а со тоа и управувачкиот пакет на друштвото.
Следи финансиска, организациона и резултатска… pic.twitter.com/EO14KwhbzF

— FCVardar (@VardarFC) October 8, 2024

The post Oфицијално: ФК Вардар има нов сопственик appeared first on Република.

Ден по поразот од екипата на Воска Спорт од 1:3 , шефот на стручниот штаб на ФК Вардар, Горан Петрески, заедно со своите помошници ја превземаа одговорноста за двата последователни порази и поднесоа неотповиклива оставка.

Тој се заблагодари на управата на клубот за укажаната доверба, која за жал не резултираше во посакуваниот правец.

- Јас и мојот стручен штаб ја превземаме одговорноста за двата порази во низа и од денес повеќе нема да ја извршуваме тренерската функција во клубот. За Вардар секогаш сум го давал целото свое срце, така беше и овој пат, жалам што сета таа љубов и посветеност не ги донесе посакуваните резултати, изјави Петрески.

https://republika.mk/sport/fudbal/tik-tak-komiti-mu-odbrojuvaat-na-milenko-nedelkovski-vo-vardar/

The post Тренерот на Вардар поднесе оставка, кој ќе го замени? appeared first on Република.

Со третиот пораз на четвртиот меч, Вардар е на делба на последното место со Брера Струмица, а од денеска самостоен лидер е Шкендија, која пак со 2:0 го победи Пелистер.

Убедливиот пораз на Вардар предизвика силен револт кај „Комитите“, , кои отворено го искажаа својот револт кон новото раководство на клубот кое пред два месеци ги презеде црвено-црните.

„Управа оди си… Наш е Вардар и наш ќе остане… Оди си Миленко…“ – беа дел од скандирањата на „Комитите“, јасно алудирајќи на неофицијалниот извршен директор на клубот Миленко Неделковски, кој го презеде раководењето со клубот, иако никогаш не беше официјално претставен.

Неделковски можеше да го слушне ставот на дванаесеттиот играч од клупите на арената „Филип Втори“, чуван од кордон полиција.

The post Тик-так… Комити му одбројуваат на Миленко Неделковски во Вардар appeared first on Република.

Екипата на Воска успеа да слави на гостувањето кај Вардар на Арената „Тодор Проески“ во Скопје со убедливи 1:3.

Ибраими, автогол на Мециновиќ и прекрасниот гол на Јахја беа пресудни тимот од Охрид да слави против тимот на Горан Петрески.

Вардар во завршницата успеа да постигне почесен гол преку Шаркоски за 1:3, но тоа не ги смири страстите меѓу навивачите кои јасно го искажаа својот револт по последниот судиски свиреж.

Со третиот пораз на четвртиот меч, Вардар е на делба на последното место со Брера Струмица, а од денеска самостоен лидер е Шкендија, која пак со 2:0 го победи Пелистер.

Прва лига резултати:

Вардар – Воска Спорт 1:3
Беса – Работнички 0:0
Шкендија – Пелистер 2:0
Силекс – Шкупи 2:1
Струга – АП Брера 2:0
Тиквеш – Гостивар 0:0.

The post Вардар поразен дома од Воска appeared first on Република.

„Фудбалскиот клуб Вардар ја известува јавноста дека Горазд Михаилов, досегашниот шеф на стручниот штаб, поднесе оставка на функцијата и повеќе нема да ги предводи црвено-црните.

https://republika.mk/sport/fudbal/makedonija-zaluzhuva-vakvo-derbi-foto-galerija-od-mechot-vardar-pelister/

The post Шок по победата над Пелистер: Tренерот на Вардар, Михајлов си поднесе оставка appeared first on Република.

Македонија конечно имаше дерби какво што залужува.Вардар и Пелистер, старите ривали под рефлектори на „Градски“ играа убав натпревар пред околу 6000 фанови.

На Запад и Исток Комитите и Чкамбарите како што доликува. Резултатот не е најважен но сепак Вардар во финишот победи.

Погледнете

The post Македонија залужува вакво дерби: Фото галерија од мечот Вардар-Пелистер appeared first on Република.

Со головите на Ивковиќ и Олаосебикан БРЕРА Струмица славеше со 3:1 против Вардар на стадионот Благој Истатов под рефлектори.

The post Вардар со пораз ја почна сезоната appeared first on Република.

Џибрил Дианеси е нов фудбалер на ФК Вардар.

Францускиот интернационалец има 28 години, игра на позицијата напаѓач, а потекнува од академијата на Тулуз.

Има настапувано за екипите на Фортуна Ситард, Мастрихд, По, Каљу и Ла Лувиер.

Во соопштението на „црвен-црниот“ тим не се соопштува за колкав период е потпишан договорот со крлниот напаѓач.

The post Дианеси е нов фудбалер на Вардар appeared first on Република.

Претседателот на Црвена звезда Светозар Мијаиловиќ за „Информер“ потврди дека  ќе поднесе барање за враќање на титулата од 1986 година.Партизан ја освои титулата во 1986 година поради подобра гол разлика во однос на Звезда.

Но, Славко Шајбер, претседател на Фудбалскиот сојуз на Југославија, го поништи последното 34. коло од тогашното југословенско првенство поради големиот број наместени натпревари. Колото потоа се играше повторно, додека клубовите од сите оспорени натпревари беа казнети со одземање шест бода. Партизан не сакаше повторно да игра, па Звезда ја однесе титулата.

Тоа не беше крајот. Управниот суд во Белград ја поништи одлуката на Шајбер и му ја врати титулата на Партизан. Но црвено-белите ќе покренат иницијатива за враќање на титулата. Доколку барањето биде прифатено, Звезда би стигнала до бројката од 36 титули во националниот шампионат.

Што се случи во 1986 година?

Партизан и Звезда имаа ист број бодови таа година - 47, црно-бели гол разлика 61:29, а Звезда 69:38, пред Звезда да гостува во Сараево, додека Партизан ја затвори сезоната со мечот против Железничар. Пред последниот меч во Хумска организираа простување за Звонк Живковиќ и Звонк Варга, па мечот почна со 15 минути доцнење во однос на дуелот во Сараево, што беше значајно со оглед на тоа што со исто толку поени титулата ја освоија подобра гол разлика.

Двата тима славеа со ист резултат - 4:0, што беше доволно за црно-белите да ја освојат титулата. Сепак, на 20 јуни Шајбер донесе одлука да го откаже последното коло, додека дури 12 екипи беа осомничени дека учествувале во местење. По тогашната одлука, следната сезона започна со минус шест бода: Партизан, Црвена звезда, Риека, Вележ, Динамо Загреб, Будуќност, Жељезничар, Сутјеска Никшиќ, Сараево, Челик Зеница, Војводина и ОФК Белград.

Црно-белите одбија повторно да го одиграат колото, па беа поразени со службен резултат 3:0, додека Звезда загуби со 2:1, но стана шампион. Партизан поднел жалба до Уставниот суд и Судот за здружен труд, а во 1987 година била донесена пресуда, според која немало докази за местење. Така Партизан ја доби титулата од сезоната 1985/86.

Следната 1987 година титулата ја освои Вардар, но Партизан повторно ја бараше правдата на суд, бидејќи поради казната на Шајбер за местење, првенството почна со минус од шест бода. Со оглед на тоа што казната на Шајбер е сменета, тие побараа да им се вратат бодовите, а судот последователно ја призна титулата црно-бело.

The post Засегнат е и Вардар: Црвена звезда бара враќање на титулата од 1986 година appeared first on Република.

Австриската компанија за игри на среќа „Новоматик“ ќе биде новиот сопственик на Вардар, објави „Спорт1“.

Информациите на „Спорт1“ велат дека преговорите се во завршна фаза, се очекува прецизирање уште на неколку детали по што зделката и официјално ќе биде објавена.

Ова значи крај на голготата на вардаровите навивачи кои кинеа живци во изминатите години по крајот на ерата на Сергеј Самсоненко.

Според најавите, клубот во наредните години треба да има милионски буџет.

„Новоматик“ е австриска компанија која е сопственик на 2.000 казина и останати места за игри на среќа во повеќе од 50 држави Голем дел од нив се преку брендот „Адмирал“, кој е присутен и во Македонија од 2009 година. Оваа компанија на светско ниво има преку 20.000 вработени и вкупен годишен приход од 1,8 милијарди евра.

The post Австриската компанија „Новоматик“ ќе биде новиот газда на Вардар! appeared first on Република.

ФК Вардар од Скопје добива нов спонзор. Според инфорациите со клубот ќе менаџира познат спортски работник од земјава. Станува збор за странска компанија која дала согласност за комплетно превземање на фудбалскиот клуб.

Се најавува повеќемилионски буџет во клубот. Иако приоритет за почеток на новиот сопственик на „црвено-црните“ ќе биде јакнење на три столба без кои не може да се направи силен и стабилен клуб за во иднина. Станува збор за база, администрација и буџет.

ФК Вардар со новиот сопственик и со новиот управител на клубот поучен од грешките во минатото треба да креира фудбалски клуб кој би бил фудбалски бренд во регионов. Она што е јано е тоа дека за брзо време ќе се знаат основните информации околу тоа кога и каде почнуваат подготовките.

The post Вардар добива странски спонзор, со силен буџет appeared first on Република.

Градоначалникот на Гази Баба Бобан Стефковски  објави дека неговата општина ќе го помогне ФК Вардар со 1.800000 денари.

Секоја чест

The post Oпштина Гази Баба ќе го помогне Вардар со 30.000 евра appeared first on Република.

 Вардар денеска во 17 часот го игра бараж натпреварот во кој се бори за опстанок против Детонит од Радовиш

Дуелот е закажан во Струмица, а „Комити“ се незадоволни од тоа што билетите можат да се купат само со физички присуство.

https://republika.mk/sport/fudbal/komiti-se-zhalat-deka-ne-mozhe-da-kupat-bileti-za-kluchniot-mech-sezonava-za-vardar/

Вардаре, денеска е денот.

The post Вардар денеска го игра најважниот меч во годината appeared first on Република.

Навивачката група на Вардар, Комити реагираат на ФФМ да ја огрнаичи продажбата на билети за претстојниот бараж натпревар, во кој Вардар се бори за опстанок против Детонит од Радовиш

Дуелот е закажан за утре во Струмица, а „Комити“ се незадоволни од тоа што билетите можат да се купат само со физички присуство.

Ја информираме јавноста дека иако извесен период апелиравме до ФФМ и повикувавме на состанок, а во врска со продажбата на билетите, истиот не се случи. На само три дена до одигрувањето на натпреварот, бевме известени дека билетите  нема да можат да се купат онлајн, туку единствено со физичко присуство.

Но, и покрај се, веруваме дека ова не само што нема да ги одвлече нашите навивачи, туку и дополнително ќе влијае на што е можно поголемо присуство на историскиот натпревар. Нас ништо нема да не поколеба!

ВАЖНО: Во продажба ќе биде пуштена единствено северната трибина на стадионот, која е предвидена за навивачите на Вардар.

Цената на билетите изнесува 150 ден.

The post „Комити“ се жалат дека не може да купат билети за клучниот меч сезонава за Вардар appeared first on Република.