Младите категории на ФК Љуботен од вечерва имаат дополнителна спортска опрема која е обезбедена со ангажирање на дијаспората.

Македонците од повеќе градови кои сега живеат во Швајцарија по иницијатива на тетовскиот пожарникар Игор Симовски собрале пари и купиле топки и маици, кои денеска им се предадени на тренерите од фудбалската школа на Љуботен.

Огромна благодарност до Македонците во Швајцарија за донацијата на фудбалски топки и маичиња за најмладите членови на ФК Љуботен. Секоја дополнителна опрема за клубот и децата кои се дел од младинската школа претставува важна алатка во фудбалскиот развој, порачаа од ФК Љуботен.

Со младинските категории во ФК Љуботен работат поранешните познати тетовски фудбалери Среќко Мисајловски и Ивица Радоњиќ.

The post Македонци од Швајцарија обезбедија спортска опрема за младинската школа на ФК Љуботен appeared first on Република.

Раководството на ФК и ЖФК Љуботен го превзема под своја капа и ФК Тетекс, информираа од клубот. Ќе биде составен нов Управен одбор за ФК Тетекс во кој покрај претставниците на ФК и ЖФК Љуботен ќе членуваат и претставници на навивачката група Војводи. Целта е стабилизација на тетовскиот фудбалски второлигаш кој се соочува и со финансиски проблеми.

– На ФК Тетекс по турбулентниот период му е време за стабилизација, и враќање на старите победнички патеки. Заедно со навивачката група „Војводи“ решивме на задоволство на сите, клубот постепено да се врати таму каде што заслужува. Се надеваме дека успешната приказна на ЖФК Љуботен ќе ја продолжиме и во ФК Тетекс, и во клубот ќе го вратиме стариот сјај. За крај на сите искрени вљубеници во ФК Тетекс им порачуваме дека ФК Тетекс опстојува и ќе опстојува, а ние сме застанати на чело, најчесно да го стабилизираме и вратиме на старите патеки. Цело Тетово едно фудбалско семејство, информираа од ФК Љуботен.

Поради финансиската нестабилност на ФК Тетекс навивачката група Војводи упати апел до граѓаните со купување на повеќе билети за следење на фудбалските натпревари да му помогнат клубот од згаснување. За непречено да функционира клубот започната е кампања и повици од повеќе поранешни фудбалери за купување на што е можно повеќе билети со цел да се соберат средства за опстојување на ФК Тетекс

The post ФК Љуботен го презеде ФК Тетекс appeared first on Република.