По освојувањето на турнирот во Волос на почетокот од оваа календарска година, ФК КУЛ е пред голем предизвик.

Тимот е поканет на најпрестижниот турнир во регионот и пошироко. Новата дестинација е Атина, Грција.

Се работи за „Елит Неон Куп” кој ќе се одржи во грчката престолнина, во периодот од 29-ти април до втори мај. На Купот, под мотото „Иднината пристигна”, најталентираните млади фудбалери до 14 годишна возраст ќе ги одмерат силите. Македонскиот тим апсолутно заслужено доби свое место по одличните резултати кој ги бележи во континуитет и во сериозно силна меѓународна конкуренција.

Во состав на ФК Кул се: Стефан Стефаноски, Младен Крстевски, Марио Стојчевски, Никифор Демјановски, Кирил Радевски, Никола Јанкуловски, Огнен Јаков, Габриел Николовски, Иван Миленковски, Матеј Андреевски, Илија Аксентиев, Љупчо Трпковски, Горазд Здравевски, Виктор Трајковски, Стефан Ацковски, Матеј Стефановски, Атанасие Жепчевски. Тимот е предводен од тренерот Драги Стефановски Гаге, Наташа Ристеска и Влатко Колев.

Oве е прв македонски младински тим кој настапува на еден од најголемите турнири во Европа. Исклучително се интересни нашите противници од групата “G”. Се работи за фудбалската академија „Редс” oд Дубаи, „домашниот” Волос како и најзвучното име од сите, англиски Ливерпул!

На турнирот ќе се појават најсилните грчки клубови и вечни ривали, Олимпијакос и Панатинаикос како и солунски АЕК, Паниониос, Перистери, кипарски Пафос, египетскиот шампион Хелиополис и моќната германска “Атлетик” академија. Учесници се најквалитетните два младински тима од Обединетите Арапски Емирати, Редс и Дубаи Сити, холандски Твенте, англиски Ексетер сити, албанските Интернационал и Тирана, како и најдобрата Кинеска академија – “Ла Лига Ас” од Хонг Конг. Најзвучното име е сепак ривалот од нашата група, гордоста од “Енфилд” и 19-кратен англиски шампион, Ливерпул.

Претставувајќи ја нашата земја како единствен македонски претставник во оваа силна конкуренција, пред младите таленти е шанса да го покажат својот неспорен талент (овој пат) на глобално ниво.

Им посакуваме среќа на нашите момци со надеж дека повторно ќе не направат горди како и претходно.

The post Младите фудбалери на „Кул“ ќе учестуваат на најсилниот интернационален турнир appeared first on Република.

Партизан и Војводина од Србија, Ујпешт од Унгарија, Чикшереда од Романија, но и Вардар, Работнички, Академија Пандев Брера, се екипи коишто фудбалски нешто значат во регионот, особено кога станува збор за работата со младинските фудбалски категории. Токму овие клубови, но и многу други, ќе бидат дел од шестото издание на „Кул куп“, меѓународниот младински фудбалски турнир во организација на фудбалската школа, ФК Кул од Скопје.

Во текот на три дена, од осми од десетти септември, на теренот на Цементарница, ќе истрчаат 80 екипи од Македонија и странство, во кои ќе бидат претставени пет возрасни генерации или околу 1.000 млади фудбалери. Покрај натпреварувачкиот момент, нивната цел ќе биде и фудбалско дружење, но и размена на искуства и практики во работата и развојот на идните фудбалери.

https://www.youtube.com/watch?v=V_RDqHJ7giw

Масовноста на овогодинешното издание на турнирот, особено е значајна затоа што претставува и своевидно возобновување на веќе воспоставената традиција, којашто, поради пандемијата на корона вирусот, мораше да има три години пауза.

Ваквата упорност и посветеност на турнирот, е само продолжение на принципот и програмата на работа на фудбалската школа, која работи со деца од пет години, па се до сениорски тим и која од година в година, покажува и натпреварувачки резултати. Таков пример е генерацијата за фудбалери родени 2005 година, која во конкуренција на најдобрите клубови во Македонија, дојде и до шампионската титула во своја конкуренција.

https://www.youtube.com/watch?v=Z0OgRB8xYR0

Турнирот „Кул куп“ е само потврда за посветеноста со која ФК Кул пристапува кон развојот на младинскиот фудбал во изминативе 16 години, колку што постои фудбалската школа. Во клубот членуваат околу 650 членови и се вработени 20 спортски работници, кои се грижат сите тренинзи и се што е неопходно за работа со децата да минува без никаков проблем.

https://www.youtube.com/watch?v=tGUwaEGQ6ig

Натпреварите ќе се одвиваат на стадионот на Цементарница, а влезот за сите ќе биде слободен.

Дел од спортските клубови ќе бидат дел турнирот се:

* ФК Ујпешт – Унгарија,

* ФК Чикшереда - Романија

* ФК Партизан - Србија,

* ФК Војводина - Србија,

* ФК Титан – Краљево - Србија,

* ФК Вардар,

* ФК Ал Барса,

* ФК Орлетата - Благоевград – Бугарија,

* ФК Биџо – Куманово,

* ФК Драчево,

* ФК Кул,

* ФК Македонија Ѓорче Петров,

* ФК Скупи,

* ФК Јанг Тим,

* ФК Дрим Тим,

* ФК Академија Нацев – Велес,

* ФК Форца,

* ФК Бутел,

* ФК Партизан Фудбал Кидс,

* ФК Куманово – Куманово

* ФК Маџари Солидарност

* ФК Куманово

* ФК Дрита – Косово

* ФК Работнички

* ФК Парк Сити,

* ФК Фудбал Старс - Кочани,

* ФК Академија Пандев Брера

* ФК Кичево

* ФК Лепенец

* ФК Аеродром

* ФК Тиквеш

* ФК ССК

* ФК Глигоров

* ФК Милано

* ФК Охрид

* ФК Победа Валандово

The post Околу 1.000 деца и 80 екипи од повеќе земји ќе учествуваат на меѓународниот турнир „Кул куп“ appeared first on Република.

На 8,9 и 10 септември 2023 фудбалскиот клуб Кул ќе биде домаќин на традиционалниот 6. по ред Меѓународен турнир во фудбал  КУЛ КУП 2023 за генерации 2011 / 2012 / 2013 / 2014 и 2015.

На турнирот завземаат учество 80 екипи, 1000 учесници од земјава и странство. Ќе се одиграат натпревари помеѓу младински екипи од Македонија, Србија,  Хрватска, Унгарија, Бугарија, Косово, Романија, Турција и други клубови од други земји кои во тек се пријавуваат.

Посетеноста на турнирот е на висок степен, над 3000 публика, велат од клубот.

ФК Кул е фудбалски клуб кој за своето 16- годишно постоење се стекна со високо реноме во земјата и странство. Учествува на турнири во земјава и странство, каде постигнува солидни успеси и стекна големи искуства кој ги применува во организацијата на својот турнир КУЛ КУП. Турнирот прераснува во традиција каде екипите се дружат меѓусебно, разменуваат искуства и ги измеруваат своите фудбалски способности.

Со овој турнир сакаме да ги потикнеме дружењето на младите спортисти помеѓу земјите од Балканот и да допринесеме за развој во спортот кај младите категории. Ве покануваме на 08-09-10 Септември да проследите интересни фудбалски натпревари на КУЛ КУП 2023 на теренот на Цементарница во Кисела Вода, велат од клубот.

Дел од екипите кој ќе завземат учество се: ФК Партизан - Србија, ФК Динамо- Хрватска, ФК Ујпешт-Унгарија, ФК Вардар, ФК Парк, ФК Албарса, ФК Тиквеш, ФК Македонија Ѓорче Петров, ФК Скупи, ФК Јанг Тим, ФК Бутел, ФК Дрим Тим, ФК Форца, ФК Драчево, ФК Орлетата – Бугарија, ФК Титан- Србија, ФК Лепенец, ФК Маџари, ФК Аеродром, ФК Партизан Фудбал Кидс, ФК Дрита - Косово, ФК Биџо, ФК ССК, ФК Академија Нацев, ФК Војводина –Србија, ФК Милано, ФК Охрид

The post ФК Партизан, ФК Динамо, ФК Ујпешт, ФК Војводина и уште многу други клубови ќе завземат учество на КУЛ КУП 2023 appeared first on Република.

ФК КУЛ продолжува со кадровското екипирање и засилување во стручниот тренерски кадар во тимот. Поранешниот македонски селектор на А-тимот на земјава, човекот кој беше тренер на голем број на македонски и странски прволигаши  Ѓоре Јовановски е нов член на КУЛ. Јовановски  ќе биде координатор на младите категории и неговото огромно фудбалско искуство ќе го пренесе на тимот.

Поранешниот селектор изјави.

ја прифатив со задоволстно понудата од КУЛ, бидејќи ова е биде сосема ново искуство за мене. Веднаш ги препознав амбициите на сопственикот Цветановски Рацо. Дефинитивни, тимот на Кул е фудбалска академија која има најдобри услови во Македонија. Со многу работа и многу цврста волја, убеден сум дека резултатите ќе дојдат.

The post Поранешниот селектор Ѓоре Јовановски нов координатор во ФК КУЛ appeared first on Република.

Генерацијата 2009 на ФК КУЛ успеа да победи на натпревар од Регионалната Скопска Лига, против екипата на Грозданоски. Младите надежи на ФК КУЛ славеа со резултат 3:0 (1:0).

Тренерот Арсовски стартуваше со следниве 11-сетмина: Божидар Георгиевски, Андреј Илиевски, Матеј Манев, Матеј Ивановски (К), Теодор Љубомировски, Петар Крчаноски, Марко Стојановски, Јован Гиевски, Кирил Стојановски, Филип Дукоски и Матеј Фидановски.

Уште во 9.минута од натпреварот ФК Кул го отвори резултатот со голот на Кирил Стојановски, кој погоди на асистенција од Дуковски. Имаа контрола на играта и иницијатива на овој натпревар. Во првиот дел обиди имаа уште и Матеј Ивановски и Петар Крчаноски, но на полувреме резултатот беше 1:0.

Во вториот дел ФК КУЛ  постигна уште два гола во мрежата на Грозданоски. Избраниците на Арсовски продолжија со офанзивната игра, едноставно се редеа шансите пред голот на противникот. Откако противничката одбрана не успеа да исфрли една топка, тоа го казни Јован Гиевски кој со силен и прецизен удар успеа да го совлада гостинскиот голман за предност од 2:0 во 44 минута. Најубавиот гол на натпреварот беше дело на Матеј Ивановски кој од слободен удар ја „искина“ мрежата“’ за предност од 3:0 во 63 минута. До крајот на дуелот ФК КУЛ имаа уште неколку прилики, но крајниот резултат гласеше 3:0.

Во игра влегоа Мартин Митаноски, Андреј Нешевски, Јорго Цаца, Марко Мартин Митановски, Марио Николовски, Горазд Ѓуроски, Стефан Адамчевски и Иван Смиљевски.

Извор: fccool.mk

The post Победа за генерација 2009 на ФК Кул на натпревар од Регионалната Скопска Лига против екипата на Грозданоски appeared first on Република.

ФК КУЛ и официјално потпиша договор со странски инвеститор од Република Унгарија.

Др. Габор Гремспергер со својата агенција официјално стана дел од ФК Кул.

Овој чекор нè води кон нови предизвици и светла иднина на клубот. Нашиот клуб по постои веќе 15 години, ова е нова фаза во фунционирањето на КУЛ на фудбалската мапа во земјава, велат од ФК КУЛ.

The post ФК КУЛ потпиша договор со странски инвеститор од Унгарија appeared first on Република.

ФК Кул, генерација 2009 го декласираше Шкупи со 5-0 и со тоа ја забележа четвртата победа во регионалната Скопска лига. Натпреварот од 6. коло денеска се играше на стадионот на Цементарница.

Натпреварот го започнаа: Божидар Георгиевски, Матеј Ивановски (К), Матеј Фидановски, Андреј Илиевски, Теодор Љубомировски, Петар Крчаноски, Јован Гиевски, Марко Стојаноски, Кирил Стојановски, Филип Дукоски и Јорго Цаца.

Избраниците на Марко Арсовски тргнаа офанзивно уште од стартот на натпреварот и тој начин на игра донесе резултат. Младите надежи ги искористија речиси сите шанси и по првиот дел имаа висока предност од 3-0. Резултатот за го отвори Јован Гиевски во 18. минута, кој беше најприсебен во противничкиот шеснаесетник, после центар шут од прекин на Матеј Ивановски. По три минути игра, ФК Кул веќе имаше предност од 2-0. Теодор Љубомировски од својата половина даде пас топка до Јорго Цаца, кој беше побрз од противничкиот играч, успеа да го издржи дуелот и да го лобува голманот на Шкупи, за зголемување на резултатот.

Противникот немаше ниту една сериозна шанса. Во 34. минута младите надежи на ФК Кул имаа предност од 3-0, со вториот гол на Јован Гиевски кој ја затресе противничката мрежа после една добра акција.

Следните 45. минути се одиграа рутински, кога беа постигнати уште два гола. Во овој дел од напреварот тренерот Арсовски им даде шанса за игра и на Стефан Адамчески, Мартин Митановски, Горазд Ѓуроски, Иван Смилевски, Марио Николовски, Леон Андовски и Марко Матларовски. Екипата на Шкупи во вториот дел имаше два удари кон противничкиот гол.

Токму нововлезените играчи во нашите редови учествуваа во создавањето на нови шанси и голови. После една акција, Гиевски во противничкиот шеснаесетник додаде до Иван Смилевски кој успеа да се запише во листата на стрелци и да донесе предност од 4:0. Конечните 5:0 на натпреварот ги постави капитенот Матеј Ивановски, кој после одлично проигрување од Матларовски успеа да ја погоди мрежата на гостинскиот тим и да го постави конечниот резултат.

The post ФК Кул го декласираше Шкупи со 5-0, Јован Гиевски двапати биеше прецизно appeared first on Република.

Генерацијата 2009 стигна до третата последователна победа сезонава во Регионалната Скопска Лига за помлади петлиња. Нашите млади надежи на Цементарница со резултат 6:0 беа подобри од екипата на Партизан Фудбал Кидс.

Тренерот Арсовски стартуваше со следниве 11-сетмина: Божидар Георгиевски, Матеј Манев, Матеј Фидановски, Теодор Љубомировски, Андреј Илиевски, Петар Крчаноски, Матеј Ивановски (К), Јован Гиевски, Филип Дукоски, Марко Стојаноски и Јорго Цаца.

Уште во првото полувреме од натпреварот имавме солидна предност, кога на пауза заминавме со резултат 4:0. Првата голема шанса на натпреварот ја имаше Јован Гиевски, кој после одлично додавање од Дукоски, ја погоди стативата од голот на Партизан Кидс. Сепак во следната акција, успеваме да го отвориме резултатот и да поведеме со голот на Филип Дукоски за 1:0. Не помина долго време, а нашиот состав успеа да го зголеми резултатот на 2:0 преку Јован Гиевски, кој погоди на асистенција од Стојаноски.

Избраниците на Марко Арсовски имаа целосна доминација и контрола на играта. Крчаноски и Цаца беа во обиди да го загрозат голот на противникот, но немаше реализација. Обид имаше и Матеј Ивановски, чиј удар го одбрани гостинскиот голман, додека после центар шут на Гиевски од десната страна, Јорго Цаца беше играчот кој успеа да погоди и да донесе водство од 3:0. Се играше последната минута од првото полувреме, кога после додавање на Стојаноски, успеавме да постигнеме нов гол, преку Филип Дукоски кој погоди за 4:0, резултат кој беше актуелен на полувреме.

Во второто полувреме тренерот Арсовски им даде шанса на неколку играчи кои натпреварот го започнаа од клупата за резерви. Првата голема шанса во вториот дел ја имаше Марко Стојановски, кој имаше добра позиција, но сепак биеше крај голот. Предноста на 5:0 ја зголеми Јован Гиевски, кој најдобро се снајде во противничкиот шеснаесетник, биеше за предност од 5:0. Добра шанса имаше и Марио Николовски, но немаше реализација. Конечниот резултат од 6:0 го постави Петар Крчаноски кој погоди од белата точка, откако претходно во противничкиот шеснаесетник фаулиран беше Ивановски.

Ова е трета последователна победа за генерација 2009 сезонава во Регионалната Скопска Лига. Играа уште и Марио Антоновски, Стефан Адамчевски, Иван Смилевски, Горазд Ѓуроски, Лука Ветеров, Мартин Митановски и Марио Николовски. 

The post Нова убедлива победа за помладите „петлиња“ на Кул: Избраниците на Арсовски беа подобри од Партизан Фудбал Кидс appeared first on Република.

Момчињата на Марко Арсовски, КУЛ генерација 2009, во регионалната лига гостуваа на стадионот „Локомотива“ кај тимот на ФК Вардар.

Во дуел на кој доминираа во сите аспекти на фудбалската игра, играчите на ФК Кул дојдоа до висока победа со резултат 0-5 (0-2).

Состав КУЛ: Георгиевски Божидар, Илијевски Андреј, Манев Матеј, Ивановски Матеј, Љубомировски Теодор , Крчаноски Петар, Гиевски Јован, Стојановски Кирил, Дукоски Филип, Фидановски Матеј и Стојановски Марко.

Играчите на ФК Кул тргнаа офанзивно, беа тимот кој доминираше на теренот тоа донесе водство преку Теодор Љубомировски. Доминираа и по голот, имаа две прилики преку Кирил Стојановски за погодок, но голманот на домаќинот одбрани. Одличен пробив низ противничката одбрана имаше Стојановски Марко, асистираше во поле до Дукоски Филип, кој го исфрли противничкиот голман и стрелаше за 0-2. До крајот на првиот дел ФК Кул имаше голема шанса и за 0-3, од слободен удар се закани капитенот Матеј Ивановски, неговиот удар заврши над голот на противникот.

  
Доминацијата на играчите на ФК Кул продолжи и во вториот период, кога беа подобар противник на теренот. Арсовски менуваше и од клупата, но тимот го задржа ритамот и во овој дел. Зголемија на 0-3 преку Љубомировски Теодор, предноста ја зголеми Јорго Цаца. Домаќинот се закани во две прилики, но одличен беше голманот Георгиевски Божидар. „Печат“ на средбата стави капитенот Ивановски Матеј со гол за конечните 0-5.

The post ФК Кул, генерација 2009, со „петарда“ го победи Вардар appeared first on Република.

На 28 септември 2007 година ФК КУЛ ја започна својата фудбалска приказна. Започна скромно, чекор по чекор, со истрајност и упорност стигнаа до еден од најголемите брендови за млади категории во Македонија. ФК Кул со гордост може да се каже дека има најдобри услови за млади категории, во моментот има околу 550 членови и 20 лица кои се грижат клубот да функционира беспрекорно.

Клубот е учесник со сите категории од детска, младинска – Супер Лига и сениорска лига на натпреварувања во организација на ФФМ. Зад успешноста на сите тимови белег оставаат сите генерации со учества на турнири, освоени награди и признанија. Посветеноста и истрајноста, предводени од спортскиот дух за победа се мотивација за уште многу успеси.

ФК Кул упатува голема благодарност до родителите, младите фудбалери, тренери, стручни лица и пријатели кои се дел од клубот, веруваат и го бодрат клубот да продолжи по истата патека на успехот.

The post ФК Кул 15 години посветени на спортскиот дух и многу успеси appeared first on Република.

Генерацијата 2009 на ФК Кул ќе игра во полуфиналето на турнирот „Прилеп Куп 2022“ откако денес го доби и вториот натпревар во својата група.

После убедливата победа против екипата на Победа (6:0), момците на Марко Арсовски во рамките на 2.коло беа подобри од екипата на ФК Битола. Конечниот резултат гласеше 3:0. Заслужена победа за ФК Кул, кој беше подобар на теренот.

По првото полувреме ФК Кул имаше минимално водство од 1:0 со голот на Петар Крчаноски. Избраниците на Арсовски имаа контрола на играта и во вториот дел од натпреварот, кога зголемија на 2:0 преку Леон Андовски. Во овој период од дуелот, одлична двојна интервенција имаше Бобо Георгиевски кој спаси чист погодок и спречи намалување на резултатот. За поубедлива победа од 3:0 се погрижи Никола Динов.

Утре во рамките на полуфиналето ќе играат со екипата на ФК Перак од Прилеп, додека другата полуфинална двојка ја сочинуваат екипите на Пелистер и Битола.

https://republika.mk/sport/fudbal/fk-kul-so-golem-triumf-protiv-fk-pobeda-pobednichki-start-na-turnirot-prilep-kup-za-generacijata-2009/

The post Полуфинале за генерација 2009 на ФК Кул на турнирот во Прилеп appeared first on Република.

Генерацијата 2009 со победа го започна турнирот „Прилеп Куп 2022“. Избраниците на Марко Арсовски во рамките на 1.коло беа подобри од екипата на ФК Победа од Прилеп, нашите млади надежи славеа убедлива победа со резултат 6:0.

Комплетна доминација за нашиот тим на овој натпревар, конечниот резултат ја отсликува ситуацијата на теренот, на кој играше само еден тим. Екипата на Победа речиси и да немаше ниту една сериозна прилика кон нашиот гол. Уште по првото полувреме ги решивме дилемите околу конечниот победник, кога на пауза се замина со резултат 4:0. Кирил Стојановски беше играчот кој ги постигна првите два гола за 2:0, додека резултатот на 3:0 го зголеми Јован Гиевски. Резултатот 4:0 на полувреме со својот прв гол го постави Марио Николовски.

Тренерот Марко Арсовски на овој натпревар им даде шанса за настап на сите играчи кои му беа на располагање. Едноставно силите ги чувавме за вториот денешен натпревар во групата, но и покрај тоа успеавме да постигнеме уште два гола во вториот дел од натпреварот. Со хет-трик на Кирил Стојановски зголемивме на 5:0, додека конечните 6:0 со својот прв гол денес ги постави Јорго Цаца.

Денес со почеток од 12:00 часот го играме и вториот натпревар, противник е екипата на ФК Битола.

The post ФК Кул со голем триумф против ФК Победа – победнички старт на турнирот „Прилеп КУП“ за генерацијата 2009 appeared first on Република.

Избраниците на Марко Арсовски полесно од очекувањата го добија натпреварот од 1/4-финалето против екипата на Ла Масиа, која ја поразија убедливо со резултат 4:0.

Младите надежи од ФК Кул имаа целосна контрола на играта во текот на целиот натпревар и на крајот заслужено се радуваа на пласманот на најдобрите четири екипи од цела Македонија.

Пред да го отвориме резултатот свои обиди имаа Матеј Ивановски, како и Филип Дукоски, додека после една мешаница во голманскиот простор на охриѓани, Јован Гиевски беше играчот кој го отвори резулатот на 1:0, кој беше актуелен на полувреме. Во овој дел од натпреварот свој обид имаше и Марио Стојчевски, кој голманот на Ла Масиа го одбрани.

Во вториот дел целосно ја разбивме противничата екипа. После нафрлена топка од корнер на Крчаноски, водство од 2:0 со глава ни донесе Матеј Ивановски кој ја заби топката во мрежата. Не застанавме тука и покрај солидното водство, продолживме да го напаѓаме голот на противникот. Таквата игра ни донесе и нови голови, Јован Гиевски со својот втор погодок зголеми на 3:0, додека конечните 4:0 беа дело на Игор Трпковски, велат од клубот.

Полуфиналето се игра утре.

The post ФК Кул: Со головите на Гиевски, Ивановски и Трпковски генерацијата 2009 обезбеди полуфинале appeared first on Република.

Генерацијата 2011 од фудбалскиот клуб Кул - Кисела Вода ќе игра на завршниот турнир на најдобрите осум екипи од цела Македонија - објави Клубот на својот фејсбук профил.

Тие додаваат:

Во борбата за пласман на завршниот турнир во Детската Лига на ФФМ, нашите млади надежи во одлучувачкиот натпревар беа подобри од екипата на Карев со резултат 2:1. Јаков Савов беше играчот кој го отвори резултатот и ни донесе предност од 1:0, резултат кој беше актуелен на полувреме. Во второто полувреме падна по еден гол во двете мрежи. Посигурно водство од 2:0 ни донесе Давид Ночевски, додека Карев до крајот на дуелот успеа само да намали на 2:1, но за нив настапот во Детската лига сезонава заврши.
Заслужена победа за нашите момчиња кои беа подобри на теренот и прикажаа повеќе од противникот. Честитки до цела екипа и нивниот тренер, Мики Тодоровски. Да потсетиме дека оваа наша генерација е актуелен освојувач на бронзениот медал, но претстојниов викенд ќе атакуваме со сите сили и на златото.

https://republika.mk/sport/fudbal/generacijata-2009-na-fk-kul-od-kisela-voda-kje-igra-na-zavrshniot-turnir-na-najdobrite-8-ekipi-od-makedonija/

The post И генерација 2011 од ФК Кул се пласираше на завршниот турнир, атакува на злато appeared first on Република.

The post Генерацијата 2009 на ФК „КУЛ“ од Кисела Вода ќе игра на завршниот турнир на најдобрите 8 екипи од Македонија appeared first on Република.

Генерацијата 2011 од фусбалскиот клуб Кул Кисела Вода забележа уште една победа и се наоѓа многу блиску до пласман на завршниот турнир во Детската Лига. Избраниците на Мики Тодоровски се покажаа како многу посилен противник на натпреварот со екипата на Албарса, славејќи со резултат 4:0.

По првото полувреме нашите млади надежи имаа минимално водство од 1:0 со погодокот на Филип Чангов. Во вториот дел бевме доминантни и постигнавме уште три гола во противничката мрежа. Во листата на стрелци се запишаа уште и Леон Дончевски, Давид Ночевски и Стефан Стојановски - велат од Клубот.

За учество на завршниот турнир, ќе се борат во понеделник, со подобриот од утрешниот натпревар меѓу екипите на Форца и Карев.

https://republika.mk/sport/fudbal/fc-cool-kisela-voda-samo-ushte-edna-pobeda-ja-deli-generacijata-2009-do-plasman-na-zavrshniot-turnir-vo-detskata-liga/

The post Генерацијата 2011 од ФК Кул со нова победа, блиску до завршниот турнир во Детска Лига appeared first on Република.

Само уште една победа ја дели генерацијата  2009 на ФК Кул Кисела Вода до пласман на завршниот турнир во Детската лига. Утрово, екипата која е предводена од Марко Арсовски во рамките на 1/4 финалето на екипи кои доаѓаат од скопско-кумановскиот регион, беше подобар во дуелот против Њу Старс. Победата беше изразена со резултат 2:1.

Јован Гиевски беше играчот кој денес ги постигна двата гола, првиот беше после изведен слободен удар на Матеј Ивановски од средината на теренот, Гиевски беше играчот кој малку ја допре топката доволно да заврши во противничката мрежа.

Истиот играч имаше можност да го зголеми резултатот, со удар од белата точка, но немаше среќа и ја погоди пречката. Резултатот 1:0 беше актуелен на полувреме.

Во второто полувреме исто така бea подобри на теренот, а Јован Гиевски со феноменален погодок го зголеми  водството на 2:0.

Се играше последната минута од натпреварот, кога противникот намали на 2:1, резултат кој беше и конечен на овој натпревар.

Утре во рамките на 1/2 финалето ќе се сретнат со екипата на Форца, последната пречка за пласман на завршниот турнир.

The post Една победа го дели ФК Кул од пласман на завршниот турнир во Детската лига appeared first on Република.

Во рамките на 4. коло од Регионалната скопска лига, денеска на Цементарница генерацијата 2008 на ФК Кул ја пречека екипата на Шкендија. Натпреварот заврши без победник и голови, со конечни 0:0.

За Кул стартни беа Ангел Цветевски, Мартин Гоџо, Драган Лазаров, Леон Ангелески (К), Андреј Николовски, Михаил Алексов, Ведран Арнаудов, Теодор Велковски, Трајче Талевски, Калин Лупевски и Трајче Костадинов.

Во првото полувреме не видовме погодок, ниту посериозна шанса кон двата гола. Се играше на средината на теренот и двете екипи беа претпазливи во своите обиди. Во првиот дел од натпреварот Кул се закани преку Ведран Арнаудов и Калин Лупевски, но голот на Шкендија остаана безбеден.

На кратка пауза се замина со почетните 0:0.

Во второто полувреме и двете екипи покажаа поотворена и похрабра игра. Видивме по една голема шанса на двете страни за отворање на резултатот. После само две минути игра во вториот дел, беше досуден пенал за екипата на Шкендија, кој не беше реализиран. Голманот Ангел Цветевски со одлична интервенција спаси негатива. Најголемата шанса за Кул ја имаше Јован Гиевски, но немаше среќа и ја погоди пречката од голот на гостинската екипа.

Се играше акција од левата страна, по која борбениот Лупевски успеа да одземе топка, упати центар шут, а топката стигна до Гиевски, кој биеше од некаде 18 метри погодувајќи ја пречката. Во овој дел од натпреварот обиди имаа Ангелески и Лупевски, но без реализација. Обид од слободен удар имаше и противникот, но денес Цветевски не дозволи да биде совладан. На крајот натпреварот заврши без голови, со резултат 0:0.

Во игра на натпреварот влегоа и Петар Крчаноски, Јован Гиевски, Лука Аврамовски, Матеј Ивановски, Андреј Кузманов и Тарик Муртиќ. 

The post Кул и Шкендија одиграа без голови appeared first on Република.