Под слоганот „Секогаш спремни“, ФК Аеродром го реотвори новото фудбалско игралиште, каде обраќања имаа министерот за спорт Борко Ристовски и в.д. градоначалникот на Општина Аеродром Дејан Митевски.

Како што стои во соопштението на ФК Аеродром, Ристовски во своето обраќање ја нагласил важноста на спортскиот терен за локалната заедница и идните млади спортски таленти, посочувајќи дека ваквите проекти ја унапредуваат спортската инфраструктура во земјава.

Ова ново фудбалско игралиште не е само спортски терен, туку простор за развој, дружба и остварување на соништата на многу млади таленти. Ова игралиште е од голема важност за локалната заедница и за нашата иднина, како и за идните млади спортски таленти. Со ова придонесуваме младите да имаат можност да тренираат, да ги развиваат своите способности и да учат во тимска работа и дисциплина. Како министер за спорт, целосно сум посветен на тоа да го поддржиме спортот на локално и на национално ниво. Овој проект е само еден од многуте кои ќе ја унапредат спортската инфраструктура во нашата земја, изјавил Ристовски.

Градоначалникот Митевски изрази благодарност до клубот за неговиот придонес и посветеност на проектот, со кој, како што рече, се создаде уште едно место каде аеродромци ќе можат да спортуваат и да се дружат.

Фудбалскиот терен на кој се наоѓаме доби нов cjaj, а нашата Општина се збогати со уште еден модерен и современо уреден спортски центар. Упатувам голема благодарност и искрени честитки до ФК Аеродром, од каде со голема посветеност работеа на овој проект и создадоа уште едно место на кое аеродромци ќе можат да спортуваат и да се дружат. Особено сум среќен што нашиот Аеродром продолжува достојно да го носи епитетот - на спортска Општина. Сигурен сум дека токму од тука ќе излезат нови спортски таленти кои ќе jа претставуваат Македонија на светските терени и за кои сите заедно гордо ке навиваме, истакнал Митески.

The post Под слоганот „Секогаш спремни“ ФК Аеродром го пушти во употреба реконструираното фудбалско игралиште appeared first on Република.

В сабота, на втори ноември во 12 часот, официјално ќе биде отворен новиот фудбалски терен на ФК Аеродром. Игралиштето е лоцирано во непосредна близина на училиштето „Александар Македонски“ во Ново Лисиче. Покрај новиот фудбалски терен, на настанот ќе биде промовирано и новото лого на ФК Аеродром и ќе биде прикажана новата маскота на клубот, наречена Дромко.

Настанот ќе биде збогатен со поздравни говори од министерот за спорт, Борко Ристовски, и в.д. градоначалникот на Општина Аеродром, Дејан Митески, кои официјално ќе го отворат игралиштето. За музичка поддршка ќе биде задолжен DJ Мац, а химната на настанот ќе ја изведе нашата позната пејачка Сара Мејс.

Двочасовниот настан ќе биде исполнет со забавни активности за сите возрасти, меѓу кои специјален натпревар со познати личности и возбудлив детски турнир, каде што младите фудбалери ќе имаат можност за првпат да играат на новиот терен.

Новото игралиште, покрај редовните активности, ќе биде достапно и за изнајмување и организирање натпревари, претставувајќи идеална локација за сите спортски ентузијасти.

The post ФК Аеродром в сабота ќе го промовира новиот терен и маскотата на клубот Дромко appeared first on Република.