Низ годините наназад постојано зборуваме за фантом пензионери, за фантом осигуреници, но никој досега не извади податоци. Очекувам во периодот кој следи најпвин да се направат ревизии, да ја видиме реалната состојба на Пензискиот фонд, а потоа може да размислувате каква политика ќе воведувате, вели министерката за финансии Гордана Димитриеска Кочовска.

-За да може да носите одредени одлуки, вие мора да ја имате реалната слика. За жал во изминатиот период можам само да констатирам дека ние никогаш не сме ја имале реалната слика. Јас сега имам постојана комуникација со министрите, бидејќи го подготвуваме буџетот за 2025 година, разговаравме за одредени работи кај нив и она што најмногу ме загрижува е неодговорноста на поедини институции во делот на тоа како треба да си ги третираат своите обврски и реализации на буџетот. Ние сето тоа тоа треба да го смениме, и токму во таа насока МФ веќе прави план и почнува со работа со Академијата за јавни финансии каде што ќе има постојано предавања и обуки за вработените во делот на финансии по институциите, бидејќи навистина имаме големи недоразбирања и потоа се појавуваат обврски за кои што тие дури не се ни свесни. Често одговорот им е вака било 30 години, тоа треба да го смениме, да застанеме на нозе и да ја видиме реалната слика и да најдеме механизам како тоа ќе го менуваме, вели министерката за финансии на новинарско прашање дали Владата работи во насока на креирање политики во наредниот период за зајакнување на Фондот за пензиско и инвалидско осигурување и негова самоодржливост.

Во однос на пензиите, напоменувајќи дека е во надлежност на Министерството за социјала, по ново демографија и млади, таа посочи дека лицата со најниски пензии се токму лицата од периодот на транзицијата, кои останаа без работа или имаат малку стаж.

За барањето на синдикатите за минимална плата од 450 евра, таа кажа дека не би коментирала однапред за прашање кое ќе се разгледува на денешната прва седница на Социо-економскиот совет која ја води министерот за економија и труд, каде треба да се донесат одредени политки.

The post Димитриеска Кочовска: Треба да го смениме неодговорното однесување на поедини институции кон обврските за реализација на буџетот appeared first on Република.

Министерот за локална самоуправа Златко Перински денеска имаше состанок со градоначалниците од Полошкиот плански регион.

На состанокот беше констатирано дека општините имаат потреба од финансиска поддршка од Владата за реализација на поголеми капитални проекти. И покрај вонредните напори од страна на локалните власти, со дополнителните средства од Владата многу важни прашања за граѓаните ќе бидат решени многу побрзо.

Министерот за локална самоуправа Перински ги информираше градоначалниците дека првите сто милиони евра ќе можат да се реализираат веќе од септември, но важно е што финансиската поддршка ќе биде уште поголема и континуирана во наредните години. „Потребно е да се посветите на изработка на проекти и проектна документација за да се осигура брза и квалитетна изведба на инфраструктурните проекти“, рече министерот Перински. Перински истакна дека постапката на проверка на проектите и на проектната документација ќе ја спроведе Министерството за локална самоуправа, но во следната фаза ќе се врши и редовен надзор над реализацијата на средствата и на квалитетот на изведување на проектите од страна на општините.

На состанокот беше истакнато дека јавниот повик ќе биде отворен за сите општини, сите имаат еднакви шанси, се ќе зависи од квалитетот на проектите со кои што општините ќе аплицираат. „Ќе бидеме најзадоволни доколку има многу и издржани проекти кои ќе ги апсорбираат сите расположливи средства и кои што ќе гарантираат брза реализација и брзо решавање на потребите на граѓаните“, рече министерот Перински.

Општините најавија дека ќе учествуваат на повикот со апликации за различни капитални инвестиции, како што се изградба на основно и средно училиште во Општина Тетово, реконструкција на булеварот Браќа Ѓиновски и реконструкција на шеталиште во Гостивар и бројни други проекти во другите општини. Овие проекти по завршувањето на повикот ќе бидат евалуирани од страна на комисија и одобрените ќе почнат да се финансираат.

The post Министерот Перински со градоначалниците од Полошкиот плански регион: Многу приоритетни прашања во општините чекаат на финансиската поддршка од Владата, потребите на граѓаните се најважни appeared first on Република.

Од Кабинетот на заменик-министерката за финансии во техничката Влада,  Елена Петрова со писмено соопштение информираат дека до 15 мај 2024 година поминавме два викенди, три празнични неработни денови и еден изборен неработен ден.

Колку потроши Владата во преостанатите седум работни денови, додека треба да се пакува за да ги испразни кабинетите?

Вкупните буџетски расходи од 367 милиони евра во календарскиот период 01/05-15/05/2024 год. се: само за 9% помалку од вкупните буџетски расходи за ЦЕЛ месец мај во 2023 година поголеми во просек за 11% од вкупните буџетски расходи за ЦЕЛ месец мај во 2022 год., 2021 год. и во ковид-годината 2020.

Во овој календарски период 01/05-15/05/2024 год. новосоздадениот буџетски дефицит т.е. негативна разлика меѓу помалку наплатените буџетски приходи и повеќе исплатените буџетски расходи изнесува 189 милиони евра и е: во просек за 250% поголем од буџетскиот дефицит создаден во текот на ЦЕЛ месец мај во претходните четири години (2020-2023) поголем за околу 170% во споредба со буџетскиот дефицит создаден во текот на ЦЕЛ месец мај во кризната-ковид 2020 година.

Новата политичка влада на ВМРО-ДПМНЕ и коалиционите партнери наскоро ќе биде назначена. Ќе дојдат нови луѓе кои одговорно ќе ги водат државните органи и тела, ќе ги насочат јавните финансии за создавање долгорочни бенефити за македонските граѓани, но и од првиот ден ќе ги "отворат сметките", ќе ги разоткријат и ќе иницираат сакционирање за сите досегашни незаконски и штетни трошења од Буџетот, стои во соопштението од Кабинетот на заменик-министерката за финансии во техничката Влада Елена Петрова.

The post Петрова: Колку потроши Владата во преостанатите седум работни денови, додека треба да се пакува за да ги испразни кабинетите? appeared first on Република.

Со измени на Законот за Буџет кои ќе стапат во сила на почетокот на годината министерства, јавни претпријатија, акционерски друштва во државна сопственост, јавно-приватни субјекти ќе можат да вработуваат без да добијат согласност од Министерството за финансии.

Министерот за финансии Бесими на брифинг со новинарите вели дека со ова се децентрализирализира вработувањето на државно.

Досега сите јавни институции бараа согласност за Годишен план од Финансии, МИОА или Политички систем, потоа Финансии мораше да даде известување за обезбедени финансиски средства, познато како ,,согласност” за вработување, па дури потоа институцијата објавуваше оглас.

Сега се укинува ,,согласноста за вработување” па институцијата ќе може да вработува само со изјава од раководно лице на институцијата дека се обезбедени средства за вработување.

Ова, според Бесими ќе доведе до индивидуална одговорност кај раководните лица бидејќи ако ги злоупотребеле буџетите на институциите ќе одговарале кривично.

The post Предизборие на најјако: Од 1 јануари вработување во администрација без амин од Финансии appeared first on Република.

Се ослободивме од ретроградните Меркур и Венера, па конечно работите почнуваат да се враќаат во нормала, а тоа важи и за финансиската состојба. Сонцето и Марс во Вага влијаат на потребата за рамнотежа, па добро е што ќе има помалку избрзани, финансиски потези.

Играме уште еден ѕвезден рулет, а одредени знаци ќе имаат поголема среќа кога се парите во прашање. Доколку се прашувате кој ќе има пари до крајот на септември, меѓу нив се и знаците: Девица, Вага, Стрелец и Лав.

Девица

Меркур тргна напред, а Сонцето и Марс ви носат одлична заработка. Парите едноставно сами ќе ви дојдат во следниот циклус.

Вага

Позитивен период за пари ви трае цело време. Планетите се поволни за вашиот знак, па имате можност да заработите повеќе. Висината на вашата заработка во овој период зависи исклучиво од вашата иницијатива.

Стрелец

Плутон во добри аспекти ви носи можност да заработите многу пари. Јупитер во Бик ви обезбедува добар приход, а исто така го менува вашиот однос кон парите. Научивте дека понекогаш ризикот се исплати.

Лав

Меркур ви носи стабилна заработка. Финансиски конечно ќе се опоравите од трошоците што ги имавте во август.

Хороскопскиот знак, пак, кој треба да игра игри на среќа е Бик.

The post Четири хороскопски знаци ќе добијат пари до 30 септември, еден знак треба да игра и игри на среќа appeared first on Република.

Задолжувањето на американската влада за уште 1.000 милијарди долари треба да го зголеми притисокот врз банкарскиот систем на земјата, пишува „Фајненшл тајмс“.

Главната загриженост што ја изразија аналитичарите е дека огромниот обем на ново издавање ќе ги зголеми приносите на државниот долг, трошејќи ја готовината од банкарските депозити.

По решавањето на спорот за плафонот на долгот, Министерството за финансии ќе се обиде да го врати своето готовинско салдо, кое минатата недела го достигна најниското ниво од 2017 година. „ЈП Морган“ процени дека Вашингтон ќе треба да позајми 1,1 трилиони долари во краткорочни државни записи до на крајот на 2023 година, со издавање на нето банкноти од 850 милијарди долари во следните четири месеци.

Сите знаат дека „поплавата“ доаѓа. Државните записи ќе станат уште поевтини и тоа ќе изврши притисок врз банките, изјави стратегот на инвестициските фондови Генади Голдберг.

Тој рече дека очекува најголем пораст на издавањето на државни записи во историјата, освен за време на кризи како што е финансискиот колапс од 2008 година и пандемијата од 2020 година. Аналитичарите велат дека записите ќе имаат рок на доспевање од неколку дена до 12 месеци.

„Приносите веќе почнаа да растат во очекување на зголемена понуда“, додаде инвестицискиот експерт Грегори Петерс.

Оваа промена го зголемува притисокот врз депозитите во американските банки, кои веќе паднаа оваа година, бидејќи растот на каматните стапки и неуспехот на регионалните кредитори ги принудија клиентите да бараат алтернативи со повисоки приноси.

Понатамошното повлекување на депозитите и зголемувањето на приносите може да ги принудат банките да понудат повисоки каматни стапки на штедните сметки, што може да биде особено скапо за помалите кредитори.

„Зголемените приноси би можеле да ги принудат банките да ги зголемат стапките на депозитите“, рече Питерс.

Аналитичарите сметаат дека новото задолжување на Министерството за финансии „може да го влоши стресот што веќе постои во банкарскиот систем“. Шокот од понудата доаѓа бидејќи американската централна банка веќе ги продава своите обврзници, додека до неодамна беше голем купувач на државниот долг. Експертите посочуваат дека веќе има значителен буџетски дефицит и дека ненадејното издавање на државни записи веројатно би предизвикало турбуленции на пазарот во месеците што следат.

Клиентите на банките веќе во голема мера се префрлија на фондовите на пазарот на пари кои инвестираат во корпоративниот и државниот долг по колапсот на банките оваа пролет. Но, додека фондовите на пазарот на пари обично се големи купувачи на државни благајнички записи, аналитичарите веруваат дека веројатно нема да ја купат целата понуда.

Тоа е во голема мера затоа што фондовите на пазарот на пари веќе заработуваат дарежлив принос без ризик - моментално 5,05 проценти годишно - на средствата за една ноќ оставени кај ФЕД. Ова е нешто под 5,2 проценти достапни по споредливата трезорска стапка, што носи поголем ризик.

Во моментов, околу 2,2 трилиони долари дневно се внесуваат во механизмот за обратен откуп на ФЕД (РРП), главно од фондовите на пазарот на пари. Таа готовина би можела да се прераспредели за да се купат државни записи доколку тие нудат значително повисоки приноси од фондовите на ФЕД, велат аналитичарите. Но, стапката на RRP се прилагодува на каматните стапки. Значи, ако инвеститорите очекуваат ФЕД да продолжи да ја затегнува монетарната политика, тие најверојатно ќе ги задржат своите пари во централната банка наместо да купуваат обврзници.

„Додека фондовите на пазарот на пари со пристап до RRP кои може да купат некои државни записи е на маргините, ние веруваме дека ова е веројатно ќе биде малку во однос на другите типови инвеститори како што се корпорациите, фондовите за обврзници без пристап до капацитетите за RRP и странските купувачи“, напиша Џеј Бери, од „ЈП Морган“.

Минатонеделните податоци за вработеноста во мај го зголемија притисокот со зголемување на очекувањата на инвеститорите дека каматните стапки дополнително ќе се зголемат - што може да го намали апетитот за државниот долг по сегашните стапки.

The post Финансиската „поплава“ во САД продолжува appeared first on Република.

Сојузот на синдикатите на Македонија се огласи по најновата одлука на министерот за финансии Фатмир Бесими да ја избрише одредбата со која се зголемуваат платите на вработените во Министерството за финансии за 30 проценти.

Министерот за финансии Фатмир Бесими е главната причина поради која 138.000 работници во јавниот сектор заедно со ССМ започнаа генерален штрајк во јавниот сектор токму поради лошите политики и тоа што работници не го добија услогласување на нивните плати кое им следува согласно Закон, а за што во текот на утрешниот ден со почеток во 10 часот е првото рочиште пред Основниот граѓански суд Скопје, по тужбата на ССМ против Државата односно Владата за дискриминацијата и неусогласување на платите во јавниот сектор согласно Закон, се вели во соопштението од ССМ.

Министерот Бесими, како што пишуваат од Синдикатот, „од вчерашниот ден со бришење на одредбата за зголемување на плата што самиот ја донесе и ја бранеше, свесно прави кривично дело по член 166 од Кривичниот законик, поради тоа што тој свесно не се придржува кон закон за платата и надоместоците на платата и со тоа повредува, одзема или ограничува право што на работникот му припаѓа“.

Дали Фатмир Бесими треба да раководи со Министерството за финансии, особено ако пред два дена на јавен настан на Владата го бранеше зголемување на платите за да го задржи кадарот во министерството, па со вчерашните случувања веројатно истиот тој кадар не му е потребен, што произлегува дека брка од работа повеќе од 650 вработени во Министерството за финансии и на своја рака прави упад во правниот поредок на државата и пременување на законите.

Шест месеци укажуваме дека односот на одредени владини функционери е недостоен и недостоинствен кон работниците, а Владата како награда кон таквите министри дополнително им дава надлежности кои се спротивни на Закон и меѓународни документи како оние надлежности кои му ги даде на Министерот за финансии Бесими да не дозволува потпишување на ниту еден колективен договор, а токму поради непотпишување на колективните договори сме доведени во состојба Бесими мислењето да го менува од денес за утре, што произлегува дека кој што сака и како сака прави во Владата, а Владата потоа го спасува во услови кога ќе произлезе проблем од таквото однесување.

Министрите спротивно на закон самите одлучуваат и бираат дали ги спроведуваат одредбите од Законите и дали одредени членови ќе ги применуваат или не, па така на своја рака одлучија дека членот 8 од Законот за минималната плата за усогласување на платите некаде ќе го спроведуваат, а некаде нема, а сега иако донесоа Закон за буџети за зголемување на платите на вработените во Министерството за финансии за 30 отсто, сега одлучуваат да не го почитуваат и да не го спроведуваат законот, па Владата наместо да го следи добриот пример и за сите работници во јавниот сектор да ги зголеми платите, со вчерашниот чин таа сака да им скрати и да земе од работниците и од нивните плати.

Ваквите случувања на самоволие и самовластие на овој министер кои што продолжуваат и понатаму треба да бидат доволен аргумент за основаноста на тужбата на ССМ и апелираме судот со своја одлука да стави крај на ваквото самовластие и самоволие на одредени министри како министерот за финансии Бесими и да престане атакот врз работниците и правниот поредок и судот да овозможи заштитат на правната сигурност, се вели во опширното соопштение од Синдикатот.

The post Синдикатот до министерот Бесими: Должен сте да го спроведувате и почитувате законот што самиот го донесовте appeared first on Република.

Денеска пред Министерството за финансии, на протест излегоа вработените во оваа институција. Нивното незадоволство кулминира поради неисполнување на ветувањето дека ќе добијат повисоки плати за 30 отсто.

The post Не го добија ветеното покачување на платата: Протест на вработените во Министерството за финансии appeared first on Република.

Министерството за финансии во октомври 2022 година со примена на мерките за заштеда на електрична енергија евидентира помала потрошувачка од 44 отсто во споредба со истиот месец во 2021 година.

Заштедата е резултат на примена на мерките, не само во централниот објект на Министерството за финансии, туку и во 34-те подрачни одделенија и 17 трезорски канцеларии низ целата држава, велат од Министерството за финансии.

Според податоците на министерството, во текот на октомври 2022 година биле потрошени помалку 100.000 киловат часови.

-Примената на мерките обезбеди заштеда на електрична енергија во текот на септември 2022 за 32 проценти, нагласуваат од министерството.

Оттаму истакнуваат дека вработените во Министерството за финансии ќе продолжат и во наредниот период со примената на воведените мерки, што, како што велат, овозможуваат рационално користење на ресурсите, а притоа непречено одвивање на целокупниот процес на работа.

-Мерките што ги презема Министерството за финансии се дел од пакетот што го усвои Владата со цел да се намали потрошувачката на електричната енергија кај државните и јавните институции, со цел да имаме сигурност и безбедност во снабдувањето со електрична енергија во текот на зимата. Пакетот содржеше и препораки за заштеди до населението и компаниите, велат од Министерството за финансии.

The post Министерството за финансии во октомври со заштеди од 44 отсто на електричната енергија appeared first on Република.

Затемнувањето на Сонцето се смета за важен настан во астрологијата бидејќи носи важни промени. На 25 октомври нè очекува последното затемнување на Сонцето за 2022 година, а се во сезоната на Скорпија. Како еден од најмистериозните знаци на Зодијакот кој носи трансформации, периодот од  23 октомври до 21 ноември, кога Сонцето ќе влезе во знакот Скорпија, ќе биде многу моќен и ќе донесе многу промени.

Скорпијата е знак на интимност и екстремни чувства, па затоа треба да очекуваме вакви теми да се појавуваат често во овој период. Ќе сакаме да откриеме што е длабоко, што е скриено во нас и потиснато. Ќе имаме желба да ги откриеме сите скриени и тајни нешта, а соочувањето со вистината понекогаш нема да биде едноставно и пријатно чувство.

Во моментот Сонцето е во знакот Вага, а тоа значи дека се стремиме кон правда и апсолутна рамнотежа, но кога ќе премине во Скорпија повеќе ќе се раководиме од интуицијата. Скорпијата е страсна, има силна волја и знае што сака да добие. Таа се бори за тоа со сите сили. Затемнувањето на Сонцето во Скорпија ќе им донесе таква трансформативна енергија на сите знаци. Но, во овој период може да се појават и негативни импулси, како што се љубомора, манипулации и желба за одмазда. Можеме да ги контролираме, само треба да имаме силна волја.

Со други зборови, овој период ќе нè поттикне целосно да се вратиме кон себе, да го откриеме нашиот потенцијал и да ги препознаеме нашите силни страни. Затемнувањето на Сонцето во Скорпија нè поттикнува да се запознаеме подлабоко и подобро, да ги прифатиме своите емоции и да станеме свесни од кои треба да се ослободиме, а кои да ги прифатиме и развиеме. Во овој период, неопходно е да најдеме начин како да ги трансформираме нашите чувства во самољубие и самоприфаќање со помош на сопствената сила и мудрост.

Поставете си одредени прашања, погледнете во своето срце и нека вашиот ум биде отворен за нови знаења. Сега е вистинското време да ја дознаете вистината по која копнеевте долго време.

Не плашете се да ги изразите своите чувства, не срамете се од она што е внатре во вас и што ви ја топли душата. Кажете ѝ нешто убаво на саканата личност; кажете им на оние кои ве лажеле и повредиле дека ја знаете вистината; заблагодарете им се на оние кои ве воспитале… Нека проговори вашата душа за време на затемнувањето на Сонцето во Скорпија!

The post За точно 10 дена следи последното помрачување за 2022, најмногу ќе влијае врз финансиите appeared first on Република.

Барањето на вработените во Министерството за култура за зголемување на платата по разни основи, како дополнителна работа, неискористени денови за годишен одмор, како и право на неплатено отсуство…, кое би се регулирало со Колективен договор, деновиве доби негативен одговор од министерот за финансии Фатмир Бесими. Како што велат, во писмото кое пристигнало до нив од Министерството за финансии, како основна причина за одбивање на барањето се наведува – економската криза, пишува весникот „Вечер“.

Од Министерството за финансии се посочува дека согласно Законот за буџетот, „буџетските корисници не смеат да преземат обврски или да направат расходи над лимитот на одобрените средства со Буџетот“.

Истовремено, во писмото се напоменува дека продлабочувањето на енергетската криза во светски рамки се одразува и врз економијата на нашата држава и остварувањето на предвидените стапки на економскиот раст.

Целиот текст тука

The post Економска криза има за вработените во Kултура, но не и во Финансии appeared first on Република.

The post Германскиот канцелар Шолц под истрага поради финансиска афера appeared first on Република.

Според кинескиот хороскоп предвидува вториот дел од 2022 година ќе донесе можности за изобилство и финансиски напредок за овие 5 хороскопски знаци.

Вол (1925, 1937, 1949, 1961, 1973, 1985, 1997, 2009)

До крајот на 2022 година би требало да вложите малку повеќе труд доколку сакате успешна кариера. Ќе наидете на безброј можности кои ќе ви донесат финансиски просперитет. Освен тоа, следните неколку месеци се одличен период да започнете свој бизнис.

Тигар (1926, 1938, 1950, 1962, 1974, 1986, 1998, 2010)

Наредниот период ќе ви биде полн со промени. Ве очекува успех како на љубовен така и на финансиски план. Тоа значи дека вашата финансиска ситуација значително ќе се подобри бидејќи ве очекуваат нови извори на профит. Постои можност да започнете со нова работа или зголемување на платата.

Змеј (1928, 1940, 1952, 1964, 1976, 1988, 2000, 2012)

Ве очекува голема среќа во периодот што следува. Комуникацијата со нови и успешни луѓе ќе ја одржи вашата репутација, но и ќе ја зголеми вашата желба за успех. Освен тоа, ви претстои и подобрување на финансиската состојба. Сепак, обидете се и да заштедите, не трошете ги вашите приходи на непотребни работи.

Мајмун (1920, 1932, 1944, 1956, 1968, 1980, 1992, 2004, 2016)

Периодот до крајот на годината ќе биде финансиски најуспешен за луѓето родени во овој знак. За да го направите тоа, треба да ги искористите сите можности кои ви се укажуваат. Енергијата на универзумот ќе ви помогне да ја подобрите вашата финансиска состојба – ќе наидете на безброј можности за да остварите нов финансиски приход.

Петел (1921, 1933, 1945, 1957, 1969, 1981, 1993, 2005, 2017)

Ве очекува среќа и успех на сите полиња. Ќе успеете да ги остварите своите планови за кои вложивте толку многу труд во минатото. За таа цел, доволно е да ги искористите креативноста, енергијата и фантазијата. Ќе го завршите сето она што сте испланирале, како и работите кои веќе сте ги започнале. Ве очекува и поволен период за трошење.

The post Од 1 јули кинескиот хороскоп ветува многу пари за овие пет знаци appeared first on Република.

Повеќе можности за финансирање проекти за компаниите, зголемена понуда на инструменти за инвестирање, како и привлекување на странски инвеститори се главните цели на Стратегијата за развој на финансискиот пазар, што на предлог на Министерството за финансии ја усвои Владата.

Главните домени на Стратегијата за развој на пазарот на капитал се зголемување на понудата на сопственички хартии од вредност, преку стимулирање на иницијалните јавни понуди и целосна или делумна приватизација преку берзата со цел развивање на примарниот пазар на акции, зголемување на понудата на должнички хартии од вредност, преку издавање голем број на различни типови на обврзници со цел зголемување на инвестициите и промена на сопственичката структура, а заради потребата од развивање на секундарен пазар на должнички хартии од вредност, како и зголемување на искористувањето на потенцијалите на институционалните инвеститори во функција на развојот на пазарот на капитал, промена на архитектурата на небанкарската финансиска регулација, организиран (институционален) пристап во подигнување на финансиската едукација во доменот на пазарот на капитал, соопшти Министерството за финансии (МФ).

Како што нагласуваат, целта на Стратегијата е динамизирање на пазарот на капитал и достигнување на развиеност на ниво на просекот во ЕУ. Притоа, како индикатори за достигнување се поставени нивото на пазарна капитализација, ликвидноста на пазарите на капитал, структурата на изворите за финансирање на проектите кај компаниите, структурата на инвестициските портфолија на индивидуалните инвеститори и нивото на финансиска едукација.

Улогата на финансиските пазари во сите земји е многу важна за економскиот раст. Централниот пункт на економските политики се инвестициите, па оттука и развојот на пазарот на капитал е значаен долгорочен економски фактор кој влијае врз обемот на производство и вработеноста. Покрај мерките за проширување на понудата на инструментите на пазарите на капитал, Стратегијата предвидува мерки за зголемување на побарувачката на хартиите од вредност, кое се постигнува преку зголемување на атрактивноста на финансиските инструменти, олеснување на регулаторните ограничувања и подигнување на свесноста и финансиската едукација на учесниците, велат од МФ.

Пазарот на капитал, додаваат, е местото каде компаниите имаат можности за мобилизирање на пофлексибилни извори на финансирање. Доминантно застапените традиционални начини на финансирање преку банкарски кредити, ќе се здобијат со алтернативи кои ќе бидат од корист особено за компаниите во рана фаза на развој и растечките компании преку издавање хартии од вредност, како и организирање фондови за ризично финансирање. Имено, секоја идеја која успешно ќе се финансира и развие преку т.н. фондови за ризично финансирање или платформите за групно финансирање (crowdfunding), својот понатамошен развој ќе може понатаму да го поддржи и преку пазарите на акции.

За домаќинствата, пак, пазарот на капитал претставува можност за долгорочни вложувања и остварување на повисоки приноси, кои истовремено може да се стабилизираат преку диверзификацијата. Значаен акцент на Стратегијата е ставен на зголемувањето на учество на домаќинствата и домашните и странски институционални инвеститори. Привлекувањето на странски инвеститори, со цел вбризгување на свеж странски капитал, а со тоа и зголемување на стапките на раст на економијата ќе се спроведе преку дефинирање на начинот на презентирање на инвестициските можности на земјата, анимирање на компаниите за учество на регионални инвеститорски конференции, како и подигнување на визибилноста и достапноста на домашните хартии од вредност за странските инвеститори, посочуваат од МФ.

Во целиот овој процес, додаваат, важна улога игра и финансиската едукација со која ќе се доближат новите можности до потенцијалните корисници и нивно искористување од поголем број инвеститори.

Со цел зголемена ефикасност на регулаторните тела и сеопфатен пристап при регулирање, Стратегијата предвидува обединувањето на регулаторите на финансискиот пазар кои ќе имаат одговорност за сите процеси на финансиските пазари. Денес, финансиската регулација во  Македонија е поставена на тој начин што повеќе финансиски регулаторни тела регулираат одреден специфичен сегмент од финансискиот пазар, прецизираат од МФ.

Стратегијата, како што нагласуваат, e подготвена низ инклузивен процес на размена на идеи и консултации во рамките на Советот за развој на пазарот на капитал со кој раководи Министерството за финансии.

Основните цели на Стратегијата се зголемување на придонесот на пазарот на хартии од вредност во БДП на земјата, зајакнување и задржување на стабилноста и сигурноста на финансискиот систем, поддршка за развој и имплементација на дигиталните решенија за зголемување на достапноста на инструментите на пазарот на капитал, подигнување на ефикасноста на процесите кои се одвиваат во него и друго, потенцираат од МФ.

The post МФ: Со Стратегија за развој на финансискиот пазар до алтернативни можности за финансирање appeared first on Република.

Од годинава општините ќе добиваат повеќе пари со што треба да станат финансиски постабилни и на тој начин да испорачуваат подобри и поефикасни услуги за граѓаните. Со реформата за унапредување на фискална децентрализација предвидено е постепено до 2024 година општините да добијат повеќе приходи од личниот данок на доход и од стапката на дотација од ДДВ.

Сегашните три проценти предвидени приходи за општините по основ на данокот на личен доход треба да се зголемат до шест проценти во 2024 година, а стапката на дотација од ДДВ од сегашните 4,5 проценти да се зголеми на шест проценти во 2024 година.

Зголемувањето на приходите од данокот на личен доход ќе оди постепено. Поточно, годинава тој процент ќе биде четири, следната година пет проценти за веќе во 2024 година да достигне шест проценти.

Постепено зголемување ќе има и кај стапката на дотација од ДДВ така што таа годинава ќе изнесува пет проценти, во 2023 година 5,5 проценти и во 2024 година шест проценти.

Податоците покажуваат дека од 2005 до 2019 година, средствата за општините се зголемени од 5,9 милијарди денари на 37 милијарди денари. Сега, согласно закон, општините добиваат 2,8 милијарди денари преку дотација од ДДВ и преку данокот на личен доход, а со реформата за унапредување на фискалната децентрализација се предвидува овие средства да се зголемат речиси двојно, односно на 5,2 милијарди денари во 2024 година.

Фонд за перформанси (успешност) и Фонд за воедначување

Средствата ќе се распределуваат во три фонда и тоа Основен фонд  во кој ќе одат 4,5 проценти од наплатениот данок на додадена вредност остварен во претходната фискална година, како и Фонд за перформанси и Фонд за изедначување каде ќе се слеваат по 0,75 проценти од наплатениот данок на додадена вредност остварен во претходната фискална година.

Општините кои ќе имаат позитивни резултати и повисока реализација на сопствените приходи ќе добијат повеќе средства од Фондот за перформанси, а оние кои имаат пониски приходи заради ограничениот капацитет на ресурси, а покажале добри резултати во собирањето на сопствените приходи, ќе добиваат средства од Фондот за воедначување.

Годинава, кога треба да почне постепеното зголемување на средствата, во Фондот за перформанси и во Фондот за воедначување ќе се распоредат по 0,25 проценти соодветно, додека во Основниот фонд ќе се распоредат 4,5 проценти. Веќе во 2023 година, кога се очекува приходите од ДДВ да се искачат на 5,5 проценти од наплатениот данок на додадена вредност остварен во претходната фискална година ќе се распоредат 0,5 проценти во Фондот за перформанси и Фондот за воедначување, а за Основниот фонд остануваат 4,5 проценти.

Нови инструменти за поголема финансиска дисциплина

Со реформата за унапредување на фискалната децентрализација се очекува да се зголеми и финансиската дисциплина и да се намалат и репрограмираат доспеаните, а ненамирени обврски.

Општините ќе имаат можност за финансиска консолидација преку 10-годишна структурна обврзница што ќе ја издава Министерството за финансии. Таа е една од трите инструменти што општините ќе ги имаат на располагање во случај на финансиска нестабилност што е регулирано со Предлог-законот за измени и дополнувања на Законот за финансирање на единиците на локалната самоуправа. Покрај ова, на општините на располагање ќе им бидат уште два инструмента – условен кредит, кој ќе го издава исто така Министерството за финансии со времетраење од 10 години, како и бескаматна општинска обврзница која е со рок на доставување до 10 години. Бескаматната општинска обврзница ќе се издава по донесување акт за одобрување на емисијата на хартии од вредност од страна на Комисијата за хартии од вредност.

За користење на еден од инструментите, општината ќе доставува барање до Министерството за финансии врз основа на Планот на мерки за надминување на финансиската нестабилност. Барањето ќе содржи податоци за потребниот износ на финансиски средства и можноста за користење на еден од инструментите.

Наспроти досегашната обврска, градоначалникот да прогласува финансиска нестабилност, сега финансиската нестабилност настанува по сила на закон со денот на исполнување на еден од условите пропишани во Законот, без да се чека на донесување одлука од страна на градоначалникот.

Веднаш по настапувањето на финансиската нестабилност, Советот на општината, на предлог на градоначалникот, носи План на мерки за надминување на финансиската нестабилност. Мерките опфаќаат ограничувања на градоначалникот во поглед на користењето на општинските средства по повеќе основи со цел рационално користење на средствата и надминување на финансиската нестабилност. Планот транспарентно се објавува на веб-страницата на општината со цел запознавање на пошироката јавност, а Министерството за финансии го следи спроведувањето на мерките од Планот.

Со зајакнување на фискалната одговорност на општините, се очекува да се зголеми и транспарентноста во нивното работење. Поточно, тие ќе имаат обврска да објавуваат финансиски податоци на своите веб страни, а се најавува и зголемена контрола од страна на финансиската инспекција.

Унапредувањето на фискалната децентрализација е во согласност со Европската повелба за локална самоуправа на Советот на Европа (1985) којашто е прифатена со Декларација и ратификувана и во нашето Собрание во 1997 година.

Децентрализацијата официјално почна од 1 јули 2005 година, согласно Законот за локална самоуправа кој беше донесен во 2002 година. Со Законот за финансирање на единиците на локалната самоуправа кој е донесен во 2004 година се уредува финансиското работење на општините, како и фазниот пристап на фискалната децентрализација. Втората фаза од процесот на фискалната децентрализација почна од 1 јули 2007 година со оценување на општините за влез во втора фаза.

The post Од годинава општините ќе располагаат со повеќе пари, но ќе треба да има и поголема финансиска дисциплина и отчетност appeared first on Република.