Вечерва (21 јули) во Младинскиот културен центар (МКЦ) започнува третото издание на „Марви Филмски Маратон“.

Отворањето на настанот започнува од 19 часот. Денеска ќе бидат прикажани филмовите „Лубеница“, „Јас не сум педер“, „Моето омилено место“, по што следува „Братот на Вера“ по кој е закажана дискусија. Програмата потоа продолжува со едноминутни студентски филмови од „Скала“, првата, втората и третата епизода на „Генерација Бушави“, а првиот ден ќе заврши со свирка на „Арте – Факт“ и „Допамин“.

За вториот ден од настанот, кој започнува од 17 часот е најавен базар, по што следува проекција на „Ќе му се јавам на татко ти“, „Јас не припаѓам тука“, „16ка“, па проекција на „Подарок“ по што следува дискусија. За крај на вториот ден е најавен „стенд ап“ со Радо Алексовски.

Последниот ден на „Марви Филмски Маратон“ ќе го одбележи проекцијата на „Другата Страна“, „Нур“, зелените филмови на „GoGreen“ – „Велосипедски приказни и „Што има за ручек“. Од 20:30 часот ќе се доделат наградите и ќе се означи крај на настанот. Веќе од 21 часот пак, ќе се одржи проекција на четвртата, петтата и шестата епизода на „Генерација Бушави“, а настанот ќе го заокружи ди-џеј сет на Стефан Митев.

За настанот може да се купи еднодневен билет, кој овозможува пристап до сите проекции и настани на денот кој ќе се избере, како и тридневен билет со кој посетителите имаат пристап до сите проекции, дискусии, журки и случувања. Билетите можат да се купат онлајн на bileti.mkc.mk или на билетарата во МКЦ.

The post „Марви филмски маратон“ во МКЦ appeared first on Република.