Документарниот филм на Дејан Аќимовиќ, „Се случи“, за легендарниот ватерполо играч и тренер, Ратко Рудиќ, ја освои главната награда на Парискиот филмски фестивал, што се одржуваше за време на Олимписките игри (ОИ).

Филмот ја освои престижната награда „Олимписки избор“ (Olympians Choice), на првиот филмски фестивал „Оли хаус“ (OLY House). На фестивалот што го организираше Меѓународната организација на олимпијци како дел од ОИ во Париз. беа прикажани 25 филма од целиот свет.

Во филмот за Ратко Рудиќ, во 115 минути, раскажано е „патувањето“ на најтрифејниот ватерполо стручњак на светот, од неговите почетоци како играч во Задар до неговите фантастични тренерски резултати.

Ратко Рудиќ (76) денеска е член на Управниот одбор (УО) и претседател на Стручниот совет на Хрватскиот ватерполо сојуз.

The post За време на Олимписките игри се одржа Парискиот филмски фестивал: Награден е филмот „Се случи“ за легендарниот ватерполо играч и тренер Ратко Рудиќ appeared first on Република.

Мрежата Edu Cuts, како дел од проектот „Култура и креативнст на Западен Балкан“ објави повик за учество на млади филмски ентузијасти на програмата Prishtina Kino Kabaret која ќе биде дел од 16. издание на фестивалот PriFest – International Prishtina Film Fest што ќе се одржи од 10 до 15 сптември во Приштина, Косово.

Како што информираат организаторите, овој настан на учесниците ќе им понуди интензивно филмско искуство преку креативни аудиовизуелни работилници и кратки филмски проекти.

„Работилницата што ќе се реализира за време на фестивалот (10 до 15 септември 2024), ќе вклучува едукација, креативност и интеракции со експерти и врсници од земјите од Западен Балкан кои имаат заеднички интерес за аудиовизуелната и филмската уметност, заедно со подготвеноста за тимска работа под надзор на ментори“, додаваат оттаму.

На повикот можат да се пријават сите млади кои се на возраст од 15 д 25 години, се државјани на земјите од Западен Балкан (Косово, Албанија, Македонија, Србија, Босна и Херцеговина и Црна Гора) и активно да зборуваат англиски јазик.

Повеќе детали може да најдете ТУКА.

Заинтересираните може да се пријават ТУКА.

Мрежата Edu Cuts на едно место обединува филмски фестивали и организации кои се фокусирани на промоција и имплементација на едукација и мобилност на млади таленти. Проектот Култура и креативност за Западен Балкан (CC4WBs), финансиран од Европската Унија , има за цел да го поттикне дијалогот во Западен Балкан преку зајакнување на културните и креативните сектори за зголемено социо-економско влијание.

Проектот „Култура и креативност за Западен Балкан (CC4WBs)“ е поддржан од British Council.

The post Бесплатни креативни филмски работилници за млади на PriFest во Приштина appeared first on Република.

„Преку езерото”  – што беше идеја на филмскиот режисер Јани Бојаџи, пред само три години веќе прераснува во етаблиран фестивал на балкански и медитерански филм . Покрај Дојранското езеро и под звезденото небо ќе има проекции на пет долгометражни филмови од кои 4 играни и еден долгометражен документарен. Филмскиот фестивал кој е единствен од ваков тип во Македонија нуди одлична програма за сечиј вкус и може да го задржи сечие внимание. Годинава „Преку езерото“  има регионализација и со своја програма во Гевгелија, Валандово и во Богданци.

Поразлично од досега, со „СТЕЛА“ и проекција на кратки филмови за деца и млади синхронизирани на македонски јазик, фестивалот почнува од вечерва од 20:00 часот во Детски парк во Стар Дојран.

Утревечер според предвиденото има студентска програма но истовремено ќе се прикаже и видео омаж од филмови на ВЛАДО ЈОВАНОВСКИ под отворено небо во Амфитеатаротна брегот на Дојранското езеро.

В петок од 20 часот е закажано и официјалното отворање, кога и за прв пат од одржувањето на фестивалот ќе се додели специјалната награда во филмската индустрија „Мето Јовановски” а ќе има и проекција на последниот негов филм.
„Руски конзул“. Потоа ќе следува проекција на македонскиот филм „Параноик” и францускиот „И ПОКРАЈ ТОА ШТО Е НОЌ” .

Сабота на 10 август исто така публиката ќе ужива во најдобрите филмови од селекцијата. Ќе бидат прикажани еден македонски филм “ДАЛИ СИ МАЖ“,израелскиот – СРЕБРЕН БУНТ, по еден хрватски и грчки филм човекот КОЈ НЕМОЖЕМЕ ДА МОЛЧИ и ТИШИНА 16-9. Проекција ќе има и на два филма од Франција: ВОЛКОТ И МАЧКАТА и БАЛАДА .

Недела е и последната вечер, кога ќе имаат прикажан филмот ЅВЕЗДЕНА од соседна Србија, ХОТЕЛ ПУЛА од Хрватска , ПОДРУМ од Турција, португалскиот филм ЛОШО НА МОМЕНТ и францускиот ЗАРАЗЕНИ.На свеченото затворање на фестивалот ќе бидат доделени фестивалските награди како и грантовите за дипломски студенски филмови.

Конечно, идејата на организаторите веќе трета година по ред е фестивалот да се одржува во Дојран, покрај брегот на езерото, а од година во година веќе изгради репутација на врвно културно случување не само во Македонија, туку и во земјите од регионот.

The post 3. издание на Фестивалот на балкански и медитерански филм „Преку езерото“ appeared first on Република.

Во петок во Музејот на современа уметност од 21 часот ќе се одржи пред фестивалското MакеДокс корзо за загревање.

,,Петок отсекогаш бил ден за корзо и добра журка. Затоа овој петок протегнете ги нозете до МСУ и дојдете на игранка со диџеј Шурбе…Секој нека си го донесе шанкот од дома…. А ние ќе се погрижиме за вода, ем ракија, вино и по некое пивце за живце. Да се загрееме за 15ка и за копање емоции низ времето”, се вели во најавата на МакеДокс.

The post MакеДокс корзо за загревање во МСУ appeared first on Република.

Осмото издание на фестивалот за краток филм „Drim Short“ ќе се одржи од 8 до 11 август во Струга.

„Осум лета, една идеја за бесконечност. ‘Слободата’ денес е тема која често се користи, а ретко се ползува. Слободата, која е безброј пати злоупотребена, погазена, украдена и прелажана. Слободата, која денес е заробена од ‘слободниот свет’“, се посочува во најавата за настанот.

Оттука, тие велат дека осмото издание на фестивалот ќе се одржи со идејата за „Бесконечна слобода“, за оние кои измислуваат нови универзуми и за оние кои патуваат низ нив, за оние кои веруваат и за оние кои не веруваат.

„Слободата е болест што не се лекува. А филмот е една бесконечност од светови, фантазии и имагинации, во кои слободата не завршува онаму каде што почнува слободата на другиот. Денес кога реалниот свет е посуров од филмската фикција, тогаш бесконечноста е нашиот придонес кон слободата“, велат од „Drim Short“.

Фестивалската програма ќе биде распределена во четири фестивалски денови, со филмови во интернационална, регионална, студентска поддржана од Европската куќа Струга и специјална програма „Соочување со минатото“ во соработка со Форум ЗФД Скопје, во селекција на Иван Бакрач.

„Со цел промоција на македонскиот филм и македонските филмски автори, фестивалот и оваа година ќе ја претстави програмата ‘MK Special’ чиј победник го избира публиката. Фестивалот продолжува со VR програмата каде ќе се прикажат кратки филмови во специфичен формат. Во едукативниот дел од фестивалот ќе проследиме два мастеркласови, како и една дискусија за филм на тема ,,Соочување со минатото” во соработка со Форум ЗФД Скопје, на која ќе учествуваат филмски уметници од регионот“, додаваат од „Drim Short“.

Музичката програма оваа година ќе биде посветена на македонската музика. Фестивалот ќе го отвори групата Фолтин со целовечерен концерт, додека фестивалот ќе го затвори групата Искра.

Деталите за програмата се достапни на следниов ЛИНК.

The post Осмо издание на „Drim Short Film Festival“ од 8 до 11 август appeared first on Република.

The post Филмскиот фестивал „Преку езерото“ од оваа година воведува наградата „Мето Јовановски“ во чест на легендата на македонскиот и балканскиот филм appeared first on Република.

Филмот „Тага“ на Тина Величковиќ е во селекција за најдобар студентски краток филм на Silver Frame Film Fest во Сребреница кој се одржува на 15,16 и17 јули.

„Тага“ е студенстки филм во режија на Тина Величковиќ, на кој директор на фотографија е Димитар Атанасовски а дел од екипата се Горјан Атанасов, Марко Рикалоски, Стефан Ѓорѓиев, Филип Трајковиќ, Ивица Димитријевиќ, Стефан Николовски, Филип Христовски, Александар Микиќ и Ања Митиќ.

The post Филмот „Тага“ на Тина Величковиќ во селекција за најдобар студентски краток филм на Silver Frame Film Fest во Сребреница од 15- 17 јули appeared first on Република.

WatchOut! е Меѓународен филмски фестивал на отворено организиран од Центарот за балканска соработка ЛОЈА во Тетово.

Тринаесеттото издание на WatchOut! Меѓународниот филмски фестивал во Тетово ќе се одржи од 12 до 15 јуни 2024 година. Проекциите се закажани со почеток во 20:00 часот во Амфитеатарот пред Музејот на Комунистичката партија во Тетово. Ако времето е лошо, алтернативни места се кино просторите на CBC LOJA.

Ова издание на WatchOut! Филмскиот фестивал ќе го пофали животот и надежта, додека ги истражува неодамнешните реалности и борбата за подобар свет. Фестивалот ќе ги искористи уметноста и културата за да ни ја доближи туѓата реалност, истовремено премостувајќи ја со надеж за посветла иднина.

The post WatchOut! Филмски фестивал на отворено од денес во Тетово appeared first on Република.

Фестивалот на Југоисточна Европа, SEE FF 2024, годинава го имаше своето 14-то издание во Париз, 9-мо во Берлин, а по четврти пат и во главниот град на САД , Вашингтон.
Овогодишната богата програма од играни, документарни, кратки и анимирани филмови, предизвика голем интерес кај американската и европската публика.
Европското и Американското жири на фестивалот ги донесоа одлуките за добитниците на награди на фестивалот.
Американското жири во состав Партисија Корбет, претседател, Џеклин Хедингтон, Роман Костовски, наградата за најдобар игран филм му ја додели на филмот „Чуварите на формулата“ од Србија, во режија на Драган Бјлеогрлиќ, кој истотака ги понесе наградите за најдобар актер Алексис Маненти и Радивоје Раша Буквиќ и Најдобро сценарио (Вук Ршумовиќ, Огњен Свиличиќ, Драган Бјелогрлиќ), додека пак за најдобра актерка беше прогласена Даница Чурчиќ од црногорскиот филм Сирин.
Наградата за надобар краток филм ја доби „Кутии“, на младата македонска режисерка Ангела Димоска, за најдобар документарен филм беше прогласен црногорскиот „Шагаргур“ од Наташа Нелевиќ, додека пак за најдобар анимиран филм беше прогласен „Реконструкт “ (Габор Урлих, Унгарија).

Европското жири на фестивалот, за Париз и Берлин, во состав Фроса Пејоска-Бушро, претседател, Фредерик Фапани фон Лотринген, Ив Русле и Игор Станковиќ наградата за најдобар филм, истотака му ја додели на „Чуварите на формулата“, кој истовремено доби и награди за најдобра актерка (Ана Сера), најдобар актер (Алексис Мананти) и најдобра режија (Драган Бјелогрлиќ). Покрај тоа, награда за најдобар актер доби и Наум Шопов од бугарскиот филм „Без крилја“, за најдобра актерка Даница Чурчиќ (Сирин), најдобро сценарио Нина Огњановиќ („Овде ќе помине патот“) од Србија.
Наградата за документарен филм ја понесе македонскиот филм „Скршени синџири: враќање по ИСИС“ во режија на Сибел Абдиу“, за најдобар анимиран филм беше избран бугарскиот „Флип“, (Ивајло Бољаров), додека наградата најдобар краток филм ја понесе „Крадецот“ од Матео Пицокаро (Грција).
Гран при на Академија Балканика Еуропеана ја понесе српскиот филм „Светлост и сенки“ посветен на познатиот сликар Сава Шумановиќ (1896-1942) во режија на Драган Елчиќ.
Традиционалните награди за животно дело беа доделени на Желимир Жилник (SEE Legend 2024) од Србија, Енико Есењи (SEE ACTRESS 2024) од Унгарија, “Frédéric Rossif 2024“ и припадна на славната француска документаритстка Мари-Моник Робен, додека пак наградата Europa Prima 2024 ја доби Силвестр Клансие, Претседател на Академијата Маларме.
Оваа година за првпат беше доделна наградата „Светска визија за Македонија и Балканот“, која ја понесе познатиот бизнисмен Цветан Панделески, а наградата SEE Personality 2024 ја доби Костадин Костадинов, Градоначалник на Струмица.
Посебни претставувања на добитниците на наградите ќе бидат организирани оваа есен на универзитетот Пантеон Асас на Сорбона и во Нови Сад, првиот град на европската култура на Балканот.
Фестивалот се организира во соработка на универзитетите Еуропа Прима од Скопје, ИНАЛКО од Париз, Хумболд од Берлин, Американ Јуниверсити од Вашингтон, како и издавачката куќа Пламен Прес, исто така од Вашингтон.

The post Триумф на „Чуварите на формулата“ на Бјелогрлиќ на фестивалот на југоисточна Европа во Париз, Берлин и Вашингтон – SEE FF 2024 appeared first on Република.

Македонскиот филм “М“ на режисерот Вардан Тозија, во продукција на “Фокус Покус Филмс“, ја освои наградата за Најдобар интернационален филм на 16-то издание на филмскиот фестивал “Ноќ на хоророт“, одржан во Висконсин, САД.

По повеќе од една декада одржување на овој престижен жанровски фестивал во Мелбурн и Сиднеј, Австралија, неговото седиште се префрлува во САД.
Жирито го опиша “М“ како “чудесно остварување, трогателна драма за созревање сместена во дистописки кошмар од Вардан Тозија, на кого се доделува наградата за Најдобар интернационален филм“.

“М“ ќе има нови две премиери овој месец – во официјалните селекции на еден од најголемите балкански фестивали, Интернационалниот филмски фестивал во Софија, и “Фантаспоа“, еден од водечките жанровски фестивали на Латинска Америка, што ќе се одржи во Порто Алегре, Бразил.

Постапокалиптичните приказни се актуелни во светската кинематографија, меѓутоа, македонската кинематографија не можеше да се пофали со ниту еден филм од овој жанр.Но, Вардан Тозија го промени тоа режирајќи го филмот „М“, еден од првите македонски филмови со постапокалиптична тематика.

Филмот е копродукција меѓу Македонија, Хрватска, Косово и Франција и станува збор за дистописка бајка во која главен лик е 8-годишниот Марк, кој во суровиот свет обземен од таен вирус е во потрага по својата мајка. Сценариото е на Вардан Тозија и Даријан Пејовски, кинематографер е Влатко Самоиловски, сценографијата е на Кирил Спасески-Кикич, а костимите се на Андреа Кустовиќ и Николина Костаншек. Маскер е Горан Игњатовски.

Улогите ги толкуваат Матеј Сиваков, Сашко Коцев, Александар Ничовски, Тони Михајловски, Камка Тоциновска и Бојана Грегориќ-Вејзовиќ.

По успешното деби „Џган“ во 2016, Тозија се враќа со „М“, кој лани во мај беше прикажан на Канскиот маркет за филмски професионалци и на 73. издание на Берлинскиот филмски фестивал.

The post „М“ на Вардан Тозија ја освои наградата за Најдобар интернационален филм во Висконсин appeared first on Република.

Од 14 до 16 декември 2023 година, во Прилеп, по осми пат ќе се одржи меѓународниот филмски фестивал „Winter Apricots“. Фестивалот кој што ќе го оживее Прилеп преку филмови, музика, работилници, разговори, дружби и добро друштво.

За време на фестивалските денови ќе имате можност да погледнете филмови во три натпреварувачки селекции (национална, балканска и интернационална), како и неколку придружни програми. Покрај филмови, фестивалот ќе биде домаќин и на повеќе гости, работилници, концерти, како и специјални програми.

Денес во 17.30 часот, во просториите на киното “Мис Стон“, фестивалот започнува со една посебна проекција насловена “ЗА ВИДЕОАРТОТ НА ЕДЕН ФЛАНЕР (клиничка слика на периферното)“. Интригирачко патување во светот на видеоартот на уметникот Борјан Заревски презентирано од страна на кураторот Влатко Галевски, како совршен вовед во Winter Apricots 2023.

Музичката програма на фестивалот исто така започнува денес со концерт на енергичното авангардно дуо СИЗ од Куманово, со почеток од 21.00 часот. Во сабота вечер односно затворањето на фестивалот е резервирано за свинг-одисејата на Летечки Пекинезери и нивнaта инволвирачка атмосфера.

The post Почнува осмото издание на меѓународниот филмски фестивал „Winter Apricots“ appeared first on Република.

Жирито на фестивалот „Храбар Балкан“ во состав: Димитрис Керкинос, Дина Покрајац и Никола Стојановиќ одлучи „Најхрабар филм“ за оваа година да го прогласи филмот „Молкот на разумот“Silence of Reason  на режисерката Кумјана Новакова.

The post „Silence of Reason“ на Кумјана Новакова прогласен за „Најхрабар филм“ на Фестивалот на авторски филм во Белград appeared first on Република.

Со проекција на македонскиот филм „Домаќинство за почетници“, по сценарио и во режија на Горан Столевски, а во продукција на Лист Продукција, во Центарот за култура во Битола официјално е отворено 44. издание на Фестивалот на филмска камера „Браќа Манаки“.

Како што јави известувачот за МИА од Битола, Фестивалот годинава е под мотото „Прекрасното непознато“, а најавено е присуство на 400 гости.

За време на свеченоста, на годинешниот лауреат, оскаровецот Питер Бижу му беше врачена наградата Златна камера 300 за животен опус.

Филмот „Домаќинство за почетници“ се занимава со универзалните вредности на семејството - она во кое сме се родиле и она кое самите сме го избрале.

Главните улоги ги толкуваат: Анамариа Маринка (позната по филмот „4 месеци 3 недели 2 дена“ на Кристиан Мунгиу) и Алина Сербан од Романија, Самсон Селим, Миа Мустафа и Џада Селим од Македонија и Владимир Тинтор од Хрватска.  Во споредните улоги се: Сара Климоска и Ајше Усеини од Македонија и Розафа Челај од Косово.

Продуцент на филмот е Марија Димитрова, а остатокот од авторската екипа ја сочинуваат: Ана Жежничек - сценограф, Роза Трајческа Ристовска – костимограф, Александара Чевреска - арт директор, Горан Игњатовски и Леонора Мехмети Хоџа - маскери, Ален Синкауз и Ненад Синкауз - композитори, Зоран Максимовиќ - снимател на звук и Ема Бортињон - дизајнер на звук.

На Фестивалот, што ќе се одржи до 29 септември, ќе бидат прикажани повеќе од 70 филмови, распоредени во неколку натпреварувачки програми.

Во главната програма се 12 филмови, кои наспроти доминацијата на технологијата денес, раскажуваат егзистенцијални човечки приказни.

Актерката и продуцентка Лабина Митевска е годинашна добитничка на „Големата ѕвезда на македонскиот филм“ – награда која Друштвото на филмски работници на Македонија (ДФРМ) ја доделува од 2013 година.

The post Премиерата на македонскиот филм „Домаќинство за почетници“ го отвори Фестивалот „Браќа Манаки“ appeared first on Република.

Комедијата „Poor Things“ на грчкиот режисер Јоргос Лентимос, освои „Златен лав“ на годинашниот Венецијански филмски фестивал, кој заврши синоќа.

Покрај Ема Стоун, која ја толкува главната улога, во филмот играат и актерите Вилем Дафо и Марк Рафало.

Наградите за најдобра глума им припаднаа на Кејли Спини, за улогата на Присила Присли во филмот „Priscilla“, и на Питер Сарсгард, за неговата улога во семејната драма „Memory“.

Наградата „Сребрен лав“ ја доби драмата „Evil Does Not Exist“ во режија на Јапонецот Рјусуке Хамагучи.

The post Комедијата „Poor Things“ освои „Златен лав“ на Филмскиот фестивал во Венеција appeared first on Република.

Со српскиот филм „Летото кога научив да летам“ на Радивоје Андриќ се отвори неофицијалната програма на фестивалот на медитеранскиот и балканскиот филм „Преку езерото“ во Дојран.

Како дел од првата фестивалска вечер, актерката Елена Трајковска имаше кратко едукативно шоу за децата за филмот како медиум, a најмалите уживаа и во детска анимирана фестивалска програма.

Специјалната програма на „Преку езерото“ оваа година во фокус ги има српскиот современ филм и кинематографија. Србија е земјата од каде што почнуваат тенденциите во балканскиот и медитеранскиот филм.

Српските филмаџии се храброста во светот на филмот. Филмските слики што доаѓаат од Дунав, секогаш се влеваат во Црно Море, а оттаму во Средоземно Море, и стануваат бран што ги поплавува сите медитерански филмаџии и љубители на филмот. Во ова специјална селекција ќе видиме три нови српски филма. Првиот филм е за деца и млади, вториот за возрасни, а третиот за сите Балканци и Медитеранци, кои ќе уживаат во љубовна драма од минатото, информираат организаторите.

Фестивалот продолжува и следните денови до 23 јули со селекција на најдобрите филмски остварувања во светот на подвижните слики на Балканот и Медитеранот од срцето на Европа.

Вечер проекција ќе има филмот „Името на народот“ на српскиот режисер Дарко Бајиќ. Филмот го следи животот на српскиот патриот и интелектуалец Светозар Милетиќ и неговото семејство за време на борбата за ослободување на српскиот народ од австроунгарското угнетување.

The post Со српскиот филм „Летото кога научив да летам“ на Радивоје Андриќ се отвори фестивалот „Преку езерото“ во Дојран appeared first on Република.

финалист на филмски фестивал во Индија...ИНДИЈА?!?! Земја која произведува филмови повеќе одошто цел свет заедно!?!?

The post Јанко Илковски: Браво Максим, финалист на филмски фестивал во Индија, земја која произведува филмови повеќе одошто цел свет заедно appeared first on Република.

Гламурот се врати на свеченото отворање на 79-от Филмски фестивал во Венеција, а првпат по 2019 година филмските ѕвезди прошетаа слободно по црвениот тепих по ограничувањата кои беа воведени поради пандемијата со ковид-19.

Во трката за престижниот „Златен лав“ за најдобар филм, ќе се натпреваруваат 23 филмови, а фестивалот ќе биде во центарот на вниманието до 10-ти септември.

Претседателката на жирито, 61-годишната Џулиен Мур, блесна во фустан на модната куќа „Валентино“.

Оваа година фестивалот е замислен како „прозорец отворен кон светот“, истакна уметничкиот директор и филмски критичар Алберто Барбера.

Честа да го отвори натпреварувачкиот дел на фестивалот ја имаше филмот „White Noise“ на Ноа Баумбах, со Адам Драјвер, Грета Гервиг и Џоди Тарнер-Смит.

Филмот „Најсреќниот човек на светот“ на Теона Стругар Митевска ќе ја доживее својата светска премиера на престижниот Венециски филмски фестивал. По премиерата на „Прашина“ на Милчо Манчевски во 2001 година, ова е прв мнозинско македонски филм што ќе доживее своја премиера во една од официјалните натпреварувачки програми – „Хоризонти“. Филмот на Стругар Митевска ќе се натпреварува во неколку категории меѓу кои најдобра режија и најдобар филм.

Официјалната проекција на „Најсреќниот човек на светот“ е закажана во петок, 02. септември во киносалата „Sala Darsena“ со почеток во 14.15 минути, а потоа на 03. септември во киносалата „Palabiennale“со почеток во 13.30 минути.

Џоди Тарнер-Смит , Џулијан Мур и Грета Гервиг беа меѓупрвите првите ѕвезди кои пристигнаа на премиерата на „White Noise“ и позираа на црвениот тепих, облечени во гламурозни креации во кои доминираше црна боја.

Сепак, и покрај впечатливите креации на актерките, вниманието на црвениот тепих оваа година го украде Хилари Клинтон. Поранешната државна секретарка на церемонијата на отворање на престижната Мостра беше стилизирана во нежно кафтан со тиркизна јака. Клинтон својот изглед на црвениот тепих го заокружи со масивни сребрени алки и мокасини во бела боја. Хилари беше придружувана од италијанскиот министер за култура Дарио Франческини.

Марија Карла Боскано оваа година беше една од најхрабрите гостинки на отворањето на овој престижен фестивал. Италијанската манекенка позираше на црвениот тепих во креација од Жан Пол Готје.

Иконата на францускиот филм Катрин Денев се закити со наградата Златен лав за животно дела на овогодинешното отворање на фестивалот. Во текот на нејзината кариера Денев работеше со некои од најголемите европски режисери, како Луис Буњуел, Франсоа Трифо, Маноел Де Оливеира, Роман Полански и Ларс фон Трир.

На црвениот тепих во следните денови се очекуваат да продефилираат уште многу звучни холувудски имиња. Шпанската актерка Пенелопе Круз е протагонистка во италијанскиот филм на Емануеле Криалезе насловен „The Immensity“, додека Австралијката Кејт Бланшет игра диригент на оркестар во „Tár“ на Тод Филд.

The post Гламур на свеченото отворање на 79. издание на Филмскиот фестивал во Венеција appeared first on Република.

Од 5 – 7ми август во Стар Дојран ќе се одржи првото издание на Меѓународниот филмски фестивал ПРЕКУ ЕЗЕРОТО / ACROSS THE LAKE DOJRAN FILM FESTIVAL.
Ова е фестивал на медитеранскиот и европскиот филм и автори кои живеат или потекнуваат од медитеранските и европските земији и е прв филмски фестивал од оваков формат во Македонија, кој ќе го збогати културниот живот во градот и околината и традиционално ќе се одржува во Дојран, покрај брегот на езерото.

“ПРЕКУ ЕЗЕРОТО“ е иницијатива предводена од Јани Бојаџи, филмски режисер и продуцент.

За ова прво издание селектирани се 9 исклучителни кратки филмови од 8 медитерански земји, со актуелни теми кои се раскажани со медитерански дух, специфичен и посебен во уметноста на филмот.

Ви ја претставуваме главната натпреварувачка програма:

1. А ЛА КАРТ на Василис Циуварас и Таксиархис Делијанис / ГРЦИЈА / 2022
   A LA CARTE by Vassilis Tsiouvaras and Taxiarchis Deligiannis / GREECE / 2022
2. ПРЕСУДА на Дора Јунг / Србија / 2022
   VERDICT by Dora Jung / Serbia / 2022
3. МАРКО на Марко Шантиќ / Хрватска / 2021
   MARKO by Marko Shantic / Croatia / 2021
4. ПЕРИКИ на Ангела Димеска / МАКЕДОНИЈА / 2022
   WIGS by Angela Dimeska / MACEDONIA / 2022
5. ВИНОЖИТО на Александар Вујовиќ / ЦРНА ГОРА / 2020
   RAINBOW – Aleksandar Vujovic / MONTE NEGRO / 2020
6. КРИМИНАЛЦИ на Серхат Караслан / ТУРЦИЈА / 2021
   THE CRIMINALS by Serhat Karaaslan / TURKEY / 2021
7. ШТО НЕ ЗНАЕМЕ ЗА МАРИЈАМ на Морад Мостафа / ЕГИПЕТ / 2021
   WHAT WE DON`T KNOW ABOUT MARIAM by Morad Mostafa / EGYPT / 2021
8. СВЕТИОТ СИН на Аљоша Масине / ИТАЛИЈА / 2022
   FIGLIO SANTO(HOLY SON) by Aliosha Massine / ITALY 2022
9. ПОГЛЕД ОД БАЛКОН на Арис Капланидис / ГРЦИЈА / 2021
   VIEW FROM THE BALCONY by Aris Kaplanidis / HELLAS / 2021

Покрај главната програма во склоп на фестивалот ќе се прикажат и неколку долгометражни филмови од медитеранските земји кои се истакнале по особениот пристап на темата кој нуди нов поглед на нештата кој го поттикнува дијалогот помеѓу различните култури, општествени групи, нации......

Во рамките на фестивалските содржини предвиден е мастерклас на тема: „Трагањето на сценаристите по вистинското значење на темата во нивните сценарија“. Мастеркласот ќе го води докажаниот скрипт-консултатнт од Англија Џон Стивенс.

Меѓународното жири кое ќе ги оценува филмовите во натпреварувачката конкуренција ќе го предводи истакнатиот грчки режисер Василис Мазоменос а членови на жирито се Гоце Кралевски продуцент и Ева Камчевска сценарист од Македонија.

The post Вечерва почнува првото издание на Меѓународниот филмски фестивал „Преку езерото“ appeared first on Република.

Девет исклучителни кратки филмови од осум медитерански земји, со актуелни теми ќе бидат прикажани на првото издание на Меѓународниот филмски фестивал „Преку езерото“ што ќе се одржи од 5 до 7 август во Стар Дојран.

Станува збор за прв филмски фестивал од ваков формат во земјава, кој ќе го збогати културниот живот во градот и околината и традиционално ќе се одржува во Дојран, покрај брегот на езерото. Во фокусот е медитеранскиот и европскиот филм и автори кои живеат или потекнуваат од медитеранските и европските земији.

„Преку езерото“ е иницијатива предводена од Јани Бојаџи, филмски режисер и продуцент.

Како што најавија од фестивалот, за ова прво издание селектирани се девет филмови од осум медитерански земји, со актуелни теми кои се раскажани со медитерански дух, специфичен и посебен во уметноста на филмот.

Поточно, во главната натпреварувачка програма се филмовите „А ла карт“ на Василис Циуварас и Таксиархис Делијанис од Грција, „Пресуда“ на Дора Јунг од Србија, „Марко“ на Марко Шантиќ од Хрватска, „Перики“ на Ангела Димеска од Македонија, „Виножито“ на Александар Вујовиќ од Црна Гора, „Криминалци“ на Серхат Караслан од Турција, „Што не знаеме за Маријам“ на Морад Мостафа од Египет, „Светиот син“ на Аљоша Масине од Италија и „Поглед од Балкон“ на Арис Капланидис од Грција.

Покрај главната програма во склоп на фестивалот, како што е најавено, ќе се прикажат и неколку долгометражни филмови од медитеранските земји кои се истакнале по особениот пристап на темата кој нуди нов поглед на нештата кој го поттикнува дијалогот помеѓу различните култури, општествени групи, нации.

Во склоп на фестивалот ќе се одржи и мастерклас на тема „Трагањето на сценаристите по вистинското значење на темата во нивните сценарија“. Мастеркласот ќе го води докажаниот скрипт-консултатнт од Англија, Џон Стивенс.

Меѓународното жири кое ќе ги оценува филмовите во натпреварувачката конкуренција ќе го предводи истакнатиот грчки режисер Василис Мазоменос, а членови на жирито се Гоце Кралевски продуцент и Ева Камчевска сценарист од Македонија.

The post Прво издание на Меѓународниот филмски фестивал „Преку езерото“ од 5 до 7 август во Стар Дојран appeared first on Република.

Од актерите, потврдено е присуството на Пенелопе Круз и Кејт Бланшет, а од режисерите, Дарен Аронофски, Алехандро Инариту и Лука Гвадањино.

Овогодинешниот 79. филмски фестивал во Венеција ќе биде домаќин на многу познати личности од 31 август до 10 септември.

Од актерите, потврдено е присуството на Пенелопе Круз и Кејт Бланшет, а од режисерите, Дарен Аронофски, Алехандро Инариту и Лука Гвадањино.

Во трката за престижниот „Златен лав“ за најдобар филм ќе се натпреваруваат 23 филма.

The post Светска филмска елита доаѓа во Венеција: Во конкуренција е филмот на Џафар Панахи, кој треба да одлежи шестгодишна затворска казна за „пропаганда против режимот“ во Иран appeared first on Република.