Супер-тајфунот Ман-ји, кој зајакнува и може да има „потенцијално катастрофално“ влијание врз Филипините, денеска стигна до брегот на архипелагот и предизвика бранови високи до 14 метри, според податоци од метеоролошката служба.

Повеќе од 650.000 луѓе се евакуирани. Во општина Катандуанес, во областа Бикол, ветровите достигнаа брзина од 195 км/ч, објави националната метеоролошка агенција.

Милиони луѓе се загрозени од супер-тајфунот, кој е шеста голема бура што ги погоди Филипините за еден месец.

Во претходните бури загинаа најмалку 163 луѓе, илјадници останаа без покрив над главата, а беа уништени посевите и добитокот.

Властите го повикаа населението да ги послуша предупредувањата и да побара засолниште од невремето.

The post „Потенцијално катастрофалниот“ супер-тајфун Ман-ји стигна на Филипините appeared first on Република.

Силниот тајфун „Пепито“ продолжува да беснее низ Југоисточна Азија. Филипините се особено погодени.

Ветровите кои дуваат со брзина од 250 км/ч рушат дрвја, откорнуваат покриви од куќи, превртуваат автомобили и уриваат далноводи. Огромни бранови ги обиваат бреговите на островот.

Повеќе од милион луѓе веќе се евакуирани од областа на катастрофата.

The post Откорнати покриви, превртени возила, урнати далноводи: Филипините погодени од супер тајфунот „Пепито“ appeared first on Република.

Најмалку 81 лице го загуби животот, а 34 се водат како исчезнати откако бурата „Трами“ го погоди северозападниот дел на Филипините.

Според владината Агенција за вонредни ситуации, бројот на жртвите се очекува да се зголеми бидејќи продолжуваат да пристигнуваат извештаи од други области.

Речиси половина милион луѓе избегаа во повеќе од 6.400 засолништа кои се отворени во неколку провинции.

На итен состанок на владата, претседателот Фердинанд Маркос изрази загриженост поради извештаите на владините метеоролози дека бурата, единаесетта што ги погоди Филипините од почетокот на годината, може да го промени правецот следната недела.

Филипинската влада ги затвори училиштата и владините канцеларии пред три дена за да се осигура безбедноста на милиони луѓе на островот Лузон.

The post Најмалку 81 лице го загуби животот во бурата „Трами“ на Филипините appeared first on Република.

На натпреварот од Кошаркарската асоцијација на Филипини (ПБА) помеѓу Мералко Болтс и Магнолија Хотшотс (99:94) вчеравечер беше постигнат првиот кош кој вреди четири поени.

Автор на првиот удар за четири поени во историјата на кошарката е Американецот од тимот на Болтс, Крис Банчеро.

Пред него, Крис Њусом беше првиот што се обиде да го погоди обрачот од зад лакот за четири поени, но промаши.

Филипинската лига е првата професионална која спроведе линија за четири поени која е на далечина од 8,2 метри од обрачот.

Лигата ја тестираше иновацијата на два „Ол-стар“ натпревара

The post Не ти оди за три, пробај за четворка: Во Филипини почна да важи кош за четири поени appeared first on Република.

Силен земјотрес со јачина од 7,1 степени според Рихтеровата скала денеска го погоди југозападниот регион Сангај на Филипините.

Земјотресот се случил во заливот Моро, јужно од Минданао, на длабочина од 620 километри, околу 2:13 часот по локално време, соопшти Геолошкиот институт на САД.

Во моментов нема извештаи за жртви или материјална штета.

Ова е најдлабокиот земјотрес во поновата историја, веројатно очекуваме нови разорни земјотреси.

Да потсетиме дека неодамна силен земјотрес со јачина од 5,36 степени според Рихтеровата скала ги погоди Филипините во раните утрински часови.

Според EMSC, земјотресот се случил околу 01:25 часот на островот Минданао.

Епицентарот на земјотресот тогаш бил на длабочина од 46 километри.

The post Земјотрес со јачина од 7,1 степен ги погоди Филипините appeared first on Република.

Атрактивни Филипинки и езотични девојки од Јужна и Југоисточна Азија ќе го пополнуваат персоналот во хотелско-угостителските објекти на охридската ривиера, пренесува „Алфа“, откривајќи дека поради недостаток на кадар, тоне туристичкиот сектор, па така во безизлез туристичките работници кои останаа без жив човек, улогата на келнери и кувари им ја доверуваат на странци претежно од азиските земји, кои не знаат нити што работат, ниту пак можат да се разберат оти не знаат ни англиски, а камоли македонски јазик.

Па ако продолжи трендов кој што е моментално со одлив на работниот персонал од државата, ќе мора да се бара некој начин. Иако јас лично сметам дека доколку оние плати кои што се даваат на странците на локалниот персонал, нашиот персонал нема ни да има потреба да оди надвор. Како што стојат работите најверојатно ќе треба да се зголеми квотата за работни дозволи овде во Македонија затоа што за жал најавите не се баш многу позитивни, вели Ана Јанчева, хотелиер.

Во хотелско-угостителските капацитети има над 200 слободни работни места. Хотелиерите сега бараат Македонија да го промени законот за вработување и работа на странци и по примерот на Хрватска да ја укине квотата за работни дозволи за странци.

За да ги задржиме нашите кадри тука треба да ги платиме, па не мора да имаме многу профит, смали си од профитот, дај им на вработените нека континуирано работат сите објекти, истакнува туристичкиот водич Љупчо Јузмески.

The post Филипинки ќе ја спасуваат сезоната во Охрид appeared first on Република.

Четири лица загинале во експлозија на католичка миса на југот на Филипините. Вкупно 42 луѓе претрпеле претежно полесни повреди, соопштија властите, додавајќи дека ситуацијата е под контрола.

Инцидентот се случил во гимназијата на државниот универзитет Минданао во Марави, најголемиот муслимански град во земјата.

Во 2017 година, во Марави се водеше петмесечна битка меѓу владините сили и милитантите поврзани со Исламската држава.

Милитантите обединети во групата Даулах Исламијах-Мауте би можеле да стојат зад бомбашкиот напад, изјави бригадниот генерал Алан Ноблеза, полициски командант во регионот.

Генералот Ноблеза вели дека 11 милитанти биле убиени од филипинската војска минатиот петок во соседниот град Дату Хофер Ампатуан, што укажува на тоа дека денешната експлозија би можела да биде форма на одмазда.

Филипинскиот претседател Фердинанд Маркос Јуниор ја осуди експлозијата како „бесмислен и најгнасен“ чин, „извршен од странски терористи“. Тој ја повика јавноста на смиреност.

Бидете уверени дека извршителите на овој безмилосен чин ќе ги изведеме пред лицето на правдата, нагласи тој.

The post Четворица загинати и десетици повредени во бомбашки напад на католичка миса на Филипините appeared first on Република.

Познат радио новинар на Филипините бил застрелан додека вршел директен пренос на неговата емисија.

Националната унија на новинари на Филипините (НУЈП) во соопштение објави дека 57-годишниот радио радиодифузер Хуан Џумалон - професионално познат како диџеј Џони Вокер - бил убиен во Мисамис Оксидентал. Работел за радио станицата „Gold FM 94,7“ на Филипините.

Локалните медиуми соопштија дека нападот од неидентификувани вооружени лица бил фатен на преносот во живо на радио станицата на Фејсбук.

Националната унија на новинари на Филипините го нарече нападот врз Џумалон „дрско убиство“.

Нападот е уште повеќче за осуда бидејќи се случи во домот на Џумалон, кој служеше и како радио станица. Многу новинари од заедницата ни пријавија дека добиваат закани од политичарите и нивните поддржувачи по нивното покривање на изборите во Барангај и Сангујанг Кабатаан минатата година на 30 октомври“, изјави високиот член на НУЈП, Кет Кортез.

https://twitter.com/nujp/status/1721007805677895873?ref_src=twsrc%5Etfw%7Ctwcamp%5Etweetembed%7Ctwterm%5E1721007805677895873%7Ctwgr%5Efe0fe3456716d0465eff691e2ccc5db2b46d838a%7Ctwcon%5Es1_&ref_url=https%3A%2F%2Fd-31305965803808863572.ampproject.net%2F2310201815000%2Fframe.html

Локлани медиуми објавија дека полициски извори соопштиле оти двајца вооружени напаѓачи пристигнале пешво радио станицата додека Џумалон ја емитувал својата програма. Еден маж, наводно, извадил пиштол од џебот непосредно пред да влезе во кабината каде што Џумалон бил на етерот. Тој испукал еден истрел кон новинарот. Другиот чувал сгража.

Тие веднаш побегнале од местото на настанот. Еден од нив наводно го зел ланчето што го носел Џумалон. На видеото од пукањето, нашироко споделено на социјалните мрежи, се гледа како маж го извлекува ланчето од телото.

Филипинскиот претседател Фердинанд Маркос Јуниор го осуди убиството на новинарот и нареди истрага.

The post Егзекуција пренесувана во живо: Двајца напаѓачи ладнокрвно застрелале новинар додека ја стримувал својата радио емисија appeared first on Република.

САД немаат право да се мешаат во проблемите меѓу Кина и Филипините, соопшти денеска кинеското Министерство за надворешни работи за тензиите околу спорните води во Јужното Кинеско Море.

-САД не се страна во прашањето на Јужното Кинеско Море, тие немаат право да се мешаат во проблемот меѓу Кина и Филипините, изјави портпаролот на министерството Мао Нинг на редовниот брифинг со новинарите како одговор на прашање за американската порака дека ќе ги брани Филипините.

Кина и Филипините имаат неколку големи спорови во Јужното Кинеско Море, првенствено во спорните води околу вториот атол Томас Шоал, дел од островите Спратли.

Во неделата кинески брод се судри со филипински брод, по што Манила најостро ги осуди „опасните маневри за блокирање“ на кинескиот брод.

-Ветувањето на САД дека ќе ги бранат Филипините не смее да го наруши суверенитетот и поморските интереси на Кина во Јужното Кинеско Море и не смее да поттикнува незаконски претензии од Филипините, кажа Нинг.

Портпаролот на филипинското Министерство за надворешни работи допрва треба да одговори на барањето за коментар.

Американскиот претседател Џо Бајден вчера во Белата куќа изјави дека посветеноста на САД за одбраната на Филипините е „цврста како железо“, откако ја обвини Кина дека дејствува „опасно и незаконски“ во Јужното Кинеско Море.

-Секој напад врз филипински авиони, бродови или вооружени сили ќе го активира… нашиот договор за заемна одбрана со Филипините, рече Бајден на заедничката средба со австралискиот премиер.

The post Мао Нинг: САД не се страна во прашањето на Јужното Кинеско Море, тие немаат право да се мешаат во проблемот меѓу Кина и Филипините appeared first on Република.

Филипините обвинија брод на кинеската крајбрежна стража дека утринава се судрил со филипински брод за снабдување во близина на мал гарнизон во спорниот дел од Јужното Кинеско Море.

Поради опасните маневри со блокада, бродот 5203 на кинеската крајбрежна стража се судри со брод за снабдување (...) кој е под договор со вооружените сили на Филипините во Спратлис, на околу 25 километри од атолот Секонд Томас Шоал, каде што се наоѓа филипинската морнарица, соопшти владина работна група.

https://twitter.com/TeamAFP/status/1715943135573127397?ref_src=twsrc%5Etfw%7Ctwcamp%5Etweetembed%7Ctwterm%5E1715943135573127397%7Ctwgr%5E1133f7d21e8d968eb7beb186120435de27c180d0%7Ctwcon%5Es1_&ref_url=https%3A%2F%2Fmia.mk%2Fstory%2FD184D0B8D0BBD0B8D0BFD0B8D0BDD0B8-D0BFD0BED180D0B0D0B4D0B8-D0BED0BFD0B0D181D0BDD0B8-D0BCD0B0D0BDD0B5D0B2D180D0B8-D0BAD0B8D0BDD0B5D181D0BAD0B8-D0BFD0B0D182D180D0BED0BBD0B5D0BD-D0B1D180D0BED0B4-D181D0B5-D181D183D0B4D180D0B8-D181D0BE-D0BDD0B0D188D0B8D0BED182

Во друг инцидент, брод на филипинската крајбрежна стража, што ја придружувал мисијата за снабдување бил „удрен“ од „брод на кинеската поморска полиција“.

Националната работна група на Западното Филипинско Море силно ги осудува најновите опасни, неодговорни и незаконски дејствија утринава на ГЦЦ (кинеската крајбрежна стража) и кинеската поморска полиција“, се вели во соопштението.

Јужното Кинеско Море Филипинците го нарекуваат Западно Филипинско Море.

The post Опасни маневри: Кинески патролен брод се судрил со филипински брод на крајбрежната стража appeared first on Република.

Социјалната мрежа Икс на Илон Маск, порано позната како Твитер, почна да им наплаќа на новите корисници во Нов Зеланд и Филипините по 1 долар годишно за пристап до клучните функции, како дел од новото пробно тестирање. Тие вклучуваат можност за објавување, реобјавување, лајкнување на објави и одговарање на објави, пренесува Би-Би-Си.

Оние кои ќе се откажат од претплатата ќе можат само да читаат објави, да гледаат видеа и да следат профили. Платформата за социјални медиуми соопшти дека целта е „да се намали бројот на ботови, како и манипулацијата со платформата“.

Новите профили, исто така, ќе мораат да го потврдат нивниот телефонски број, иако Маск рече дека сè уште ќе може слободно да се создаваат профили „само за читање“, кои немаат клучни карактеристики.

Минатиот месец, шефот на Икс, Тесла и СпејсИкс сугерираше дека сите корисници на социјалната мрежа можеби ќе треба да платат за пристапот. Откако Маск го купи Твитер за 44 милијарди долари минатата година, бележи континуиран пад на приходите.

Иако постои јасен финансиски интерес за компанијата да им наплаќа на корисниците, контроверзниот милијардер рече дека да ги натера луѓето да платат за услугата има за цел да се справи со ботовите. Платените претплатници на подобрената услуга, наречена Икс Премиум, сега плаќаат за повеќе функции како подолги објави и зголемена видливост на платформата.

Икс Премиум моментално чини 8 долари месечно во САД. Цената се разликува во зависност од тоа во која земја престојува претплатникот, додека другите корисници сè уште можат да го користат Икс бесплатно.

Еден ризик од ставање на Икс зад ѕидот за плаќање е дека платформата може да изгуби голем дел од своите корисници. Тоа, пак, може да ги намали приходите од рекламирање, кои во моментов претставуваат огромно мнозинство од приходот на компанијата.

Во последните недели, компанијата беше под истрага од Европската унија за можно ширење на терористичка и насилна содржина и говор на омраза, по нападот на Хамас врз Израел. Исто така, казнет е од австралиското тело за заштита на безбедноста на интернет поради неуспехот да соработува со истрагата за практики против злоупотреба на деца.

The post Икс почна да им наплаќа на новите корисници од Нов Зеланд и Филипините по 1 долар годишно appeared first on Република.

Траектот „M/V Esperanza Star“, со 65 патници и 55 полицајци и членови на екипажот, се запалил додека пловел од јужниот остров Сикијор кон блискиот остров Бохол.

Сите 120 лица на траект што се запалил во морето во централниот дел на Филипините се спасени, соопшти крајбрежната стража.

Пожарникарите на крајбрежната стража на друг брод употребиле воден топ за да го изгаснат пожарот. Според портпарол на крајбрежната стража, причината за пожарот сè уште не е позната.

Не е соопштено каде се наоѓаат и во каква состојба се спасените патници и членови на екипажот.

Филипините, архипелаг со повеќе од 7.600 острови, имаат лоша поморска безбедност, со бродови кои се често преполни и многу стари.

Во март, ферибот со околу 250 луѓе се запали и на југот на Филипините, при што загинаа повеќе од дваесет луѓе, меѓу кои и едно шестмесечно бебе.

The post Траект со 120 луѓе се запалил на Филипините appeared first on Република.

Најактивниот вулкан на Филипините изминативе 24 се активираше со зголемен интензитет, исфрлајќи големи количини лава по падините на вулканската планина Мајон, јавуваат медиумите. Десетици илјади луѓе се во подготвеност да ја напуштат опасната зона во случај на голема ерупција.

WATCH: Mayon Volcano glows in the night sky as lava and bright orange rocks fall down its slopes this evening.

State volcanologists earlier placed Mayon under Alert Level 3, warning nearby residents of possible explosive activity.

📹 Jolly Gozon, Lowie Quijada/CNN Philippines pic.twitter.com/GUsKLh3xuC

— CNN Philippines (@cnnphilippines) June 11, 2023

Откако вулканската активност се интензивираше минатата недела, повеќе од 12.600 луѓе избегаа од главно сиромашните земјоделски заедници на 6 километри од кратерот на Мајон.

Сепак, илјадници луѓе остануваат во опасната зона во подножјето на Мајон бидејќи немаат каде да одат и да се извлечат од потенцијалната поголема опасност, пренесуваат медиумите.

https://www.youtube.com/watch?v=iQWXBx6Whxk

The post Се активираше вулканот на Филипините, евакуирани илјадници луѓе appeared first on Република.

Филипинските власти денеска наредија евакуација на илјадници жители, затворање на училишта и канцеларии и забрана за бродски превоз поради очекуваното пристигнување на тајфунот Мавар, кој се приближи до северните филипински провинции една недела откако помина низ американската територија Гуам во западниот Пацифик.

Тајфунот е проследен со силни ветрови со постојана брзина од 155 километри на час и налети до 190 километри.

Метеоролозите предвидуваат дека планинските делови на Филипините ќе бидат поштедени од директен удар од тајфунот, а анализите покажуваат дека бурата се врти североисточно кон Тајван или јужна Јапонија.

The post Филипинските власти почнаа со евакуација поради тајфунот Мавар appeared first on Република.

Земјотрес со јачина од 6 степени според Рихтеровата скала денеска го погоди јужниот дел на Филипините, соопшти Американскиот сеизмолошки институт (УСГС).

Локалните власти предупредуваат на можна материјална штета и дополнителни последователни потреси.

Земјотресот не бил на голема длабочина, а се случил околу 14 часот по локално време во близина на селото Сан Маријано во провинцијата Давао де Оро, на јужниот филипински остров Минданао.

Официјален претставник од локалната канцеларија за катастрофи изјави дека се проверуваат информациите за лизгање на земјиштето на националниот пат.

Тој рече дека не добиле информации за други штети или жртви, но дека ги проверуваат околните села.

Земјотресите се вообичаени на Филипините, кои се наоѓаат на пацифичкиот „огнен појас“, зона на интензивна вулканска и сеизмичка активност.

The post Земјотрес со јачина од 6 степени на Филипините appeared first on Република.

Во поплавите и одроните предизвикани од тропската бура на Филипините загинаа 110 луѓе, а повеќе од 2,4 милиони се погодени, соопшти денеска националната агенција за катастрофи.

Како што пренесе ДПА, 33 лица сè уште се водат како исчезнати, а над 100 се повредени.

Погодените области претрпеа големи поплави откако бурата Налга донесе обилни дождови неколку дена пред да удри на источниот дел на Филипините во саботата.

Налга се оддалечи од Филипините, но нова тропска бура се движеше кон источниот брег на земјата и се очекуваше да донесе нови дождови, соопшти метеоролошката служба.

Сепак, се очекува бурата Банјан да ослабне во тропска депресија, додаде службата.

Филипинскиот архипелаг секоја година го зафаќаат просечно 20 тропски циклони

The post Поплави на Филипини, 110 луѓе загинаа appeared first on Република.

Тропската бура „Налга“ на Филипините зеде најмалку 72 жртви, а 33 лица се здобија со повреди, соопшти денеска Агенцијата за катастрофи , пренесе Си-ен-ен.

Состојба на природна катастрофа е прогласена во градот Котабатао, на островот Минданао, каде околу 67.000 жители се погодени од бурата.
На фотографии и видеа од потрагата и спасувачките напори, може да се види како тела се вадат од водата и густата кал и како жители се заглавени на покриви.

Временската прогноза е дека се очекува главниот град Манила и блиските провинции да бидат погодени од невреме за време на викендов.

The post Најмалку 72 загинати во тропската бура Налга на Филипините appeared first on Република.

Земјотрес со јачина од 6,4 степени според Рихтеровата скала го погодил северниот дел на Филипините, соопшти Геолошкиот институт на САД (УСГС).

Очекуваме материјална штета, изјави сеизмологот Чарм Виљамил.

Земјотресот што се случил во 22:59 часот по локално време во близина на градот Долорес бил почувствуван и во главниот град Манила, кој е оддалечен повеќе од 330 километри.

Персоналот на Меморијалната болница Маријано Маркос со 200 кревети во градот Батац, на околу 60 километри од епицентарот, ги евакуирал пациентите.

На фотографии објавени на социјалните мрежи се гледаат урнати тавани во некои болнички соби.

Во јули, земјотрес со јачина од 7 степени во истиот сектор предизвика лизгање на земјиштето во планинска област при што загинаа 11 лица, а стотици беа повредени.

The post Силен земјотрес во Филипини appeared first on Република.

Синот на соборениот диктатор Фердинанд Маркос, Фердинанд Маркос Помладиот положи заклетва за претседател на Филипините.

Конгресот минатиот месец ја прогласи неговата убедлива победа на изборите. Нова потпретседателка ќе биде Сара Дутерте, ќерката на претседателот кој си заминува, Родриго Дутерте.

Активисти и лица кои живееле во времето на диктатурата на Фердинанд Маркос протестираа поради инаугурацијата, што се одржа на скалите од Националниот музеј во Манила.

Ова е ноќен кошмар за сите кои ја преживеале тортурата за време на диктатурата - реагираа активистите.

Илјадници полицајци се распоредени околу местото каде се одржа свеченоста.

Поради пандемијата од корона вирусот, Филипините минуваат низ најтешката рецесија од Втората светска војна, следена со невработеноста и недостигот од храна. Пандемијата сериозно ги погоди Филипините, при што починаа околу 60.000 лица.

Се очекува кризата да биде дополнително задлабочена поради војната во Украина.

The post Синот на соборениот диктатор положи заклетва како нов претседател на Филипините appeared first on Република.

Филипинскиот вулканот Булусан исфрли голем облак пепел поради што се евакуирани жителите од околните градови, а постои опасност и од нова ерупција.

Според филипинскиот Институт за вулканологија и сеизмологија, ерупцијата на вулканот, лоциран во провинцијата Сорсогон, во источниот дел на Филипини, траела околу 17 минути, а пепелот бил исфрлен најмалку еден километар во висина.

Со пепел покриени се два града во провинцијата Сорсогон, што се наоѓа околу 500 километри јужно од Манила.

Вулканот Булусан е активен изминатите години, а десетина слични ерупции беа забележани помеѓу 2016 и 2017 година.

Филипини се наоѓаат на така наречениот сеизмички огнен појас на Пацификот, со повеќе од 20 активни вулкани.

The post Ерупција на вулкан на Филипините appeared first on Република.