Левиот бек на македонската ракометна репрезентација Филип Талески ќе ја продолжи кариерата во Бенфика, откако денеска потпиша едногодишен договор со португалскиот клуб.

Талески се сели во Португалија од редовите на македонскиот вицешампион Вардар 1961 и ќе биде трет македонски ракометар во историјата кој ќе ги носи дресот на Бенфика по репрезентативните голмани Никола Митревски и Борко Ристовски.

-Доаѓам во голем град и голем клуб. Зборував со моите колеги Никола Митревски и Борко Ристовски, кои ми кажаа сè за клубот. Можам да ветам дека ќе работам напорно и посветено, за да придонесам заедно со моите нови клупски колеги да ги исполниме нашите цели, порача за клупскиот сајт 27 – Талески.

Македонскиот лев бек во минатото настапуваше и за скопски Металург, како и за германските клубови Балинген и Рајн Некар

The post Вардар ослабен, Талески потпиша за Бенфика appeared first on Република.

Полицаецот што по ракометниот натпревар помеѓу Вардар и Еурофарм Пелистер на 13 мај го удри ракометарот Филип Талески со пендрек по глава доби кривична пријава, а ќе биде суспендиран и од работа, соопшти денеска Министерството за внатрешни работи (МВР).

Оттаму велат дека кривичната пријава е за делото малтретирање во вршење служба, а ја поднел Одделот за внатрешна контрола при МВР до Специјализираното одделение за гонење кривични дела сторени од лица со полициски овластува во Основното јавно обвинителство за гонење организиран криминал и корупција.

Пријавениот на 13.5.2023 година, околу 20 часот во спортската сала ’Билјанини извори‘ во Охрид по завршување на ракометен натпревар, при вршење на службата со умисла извршил малтретирање врз оштетениот Ф.Т. на начин што неосновано и прекумерно употребил средства за присилба врз него, соопштија од МВР.

Во врска со суспензијата, пак, велат дека таа ќе трае додека да заврши дисциплинската постапка која ќе ја покрене Одделот за внатрешна контрола.

Полицаецот е вработен на подрачјето на СВР Охрид, а инцидентот се случи во турканици на теренот по завршување на натпреварот од финалето на Купот на Македонија што се играше во Охрид помеѓу скопски Вардар, чиј ракометар е Талески, и битолскиот тим Еурофарм Пелистер.

The post Суспензија и кривична пријава за полицаецот што со пендрек го удри по глава ракометарот Талески appeared first on Република.

Со хаштагот #СитеСмеФилип на социјалните мрежи му се пружа поддршка на ракометарот Филип Талески, кого вчера го нападна полицаец по завршувањето на натпреварот Вардар - Пелистер во Охрид.

И професорката Татјана Алексиќ остро се спротистави на диктатурата на власта на СДСМ и ДУИ.

Она што ги вознемирува граѓаните е отсуството на реакција од страна на владејачката СДСМ како владеачка партија. Наместо осуда и казна, коалициските партнери на двоецот Спаовски-Ковачевски крајно подло се обидоа да го оправдаат овој чин на терор на полицијата кон македонските граѓани.

Kоалицискиот партнер на СДСМ, лидерот на партијата ПОЕН, Рубин Земин во Фејзбук статус невешто и срамно се обиде да ги одбрани полициските сили на СДСМ и на ДУИ.

https://republika.mk/sport/rakomet/da-ne-go-udri-od-chista-mira-namalete-dozhivuvaneto-vaka-od-koalitsijata-na-sdsm-go-pravdaat-kotekot-vrz-taleski/

The post „Сите сме Филип“: Стоп за полициската бруталност appeared first on Република.

Еден од лидерите на владеачката коалиција на СДСМ, Рубин Земон го оправдува нехуманиот, нечовечкиот и авторитарниот чин на полицаецот од редовите на власта кој на натпреварот Вардар - Пелистер жестоко со силен замав на пендрек го удираше нашиот ракометарски првенец, младиот спортист Филип Талески.

https://republika.mk/sport/rakomet/im-prechi-s-shto-e-makedonsko-video-od-tepaneto-na-politsijata-vrz-taleski/

Што треба друго да се превзеде во моментов? Ниту Талески е Звонимир Бобан, ниту играа Динамо со Црвена Ѕвезда, намалите малку доживувањето, ќе изјави политичарот од власта и лидер на владеачката партија ПОЕН.

Јавноста изминатите денови со право реагира на оваа отворена манифестација на тоталитарна свест на власта на Ковачевски, но за жал, партиите дел од коалицијата на СДСМ немаат трошка совест и не се кријат кога повикуваат на линч против спортистите.

The post „Да не го удри од чиста мира? Намалете доживувањето“ – вака од коалицијата на СДСМ го правдаат ќотекот врз Талески appeared first on Република.

Министерството за внатрешни работи за изјава за „Курир“ информира дека Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случувањата на вчерашниот ракометен натпревар.

-По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица.

По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Курир“.

The post Внатрешна контрола на МВР ќе го испитува тепањето на Талески appeared first on Република.

Македонскиот репрезентативец Филип Талески со ништо не го предизвика инцидентот што се случи на финалето на купот меѓу Вардар и Еурофарм Пелистер во Охрид. Припадник на полицијата без никаков повод го удри Талевски по што на теренот настана општа мешаница.

Погледнете што се случуваше во видеото на „Екипа.мк“.

https://www.youtube.com/watch?v=y6JMlEHZ6rI

https://republika.mk/sport/rakomet/politsijata-na-spasovski-go-udri-rakometarot-na-vardar-filip-taleski-so-pendrak-po-glava/

The post Им пречи сѐ што е македонско: Видео од тепањето на полицијата врз Талески appeared first on Република.

По завршувањето на куп финалето меѓу Вардар и Еурофарм Пелистер се случи инцидент. Во една мешаница припадник на полицијата од Охрид со пендрак го удри играчот на Вардар Филип Талески по главата.

Македонскиот репрезентативец тргна да се пресмета, но беше спречен од соиграчите.

Во тој момент некој извика - „што правиш бе будала еден“, по што полицаецот се повлече.

The post Полицијата на Спасовски го удри ракометарот на Вардар Филип Талески со пендрак по глава appeared first on Република.

Селекторот на македонската ракометна репрезентација, Кирил Лазаров, го објави поширокиот список на ракометари за претстојните натпревари во рамки на квалификациите за Европското првенство 2024.

„Црвено-жолтите“ се дел од група 1, заедно со репрезентациите на Португалија, Турција и Луксембург.

На списокот на Лазаров, помеѓу 35-те повикани играчи се најдоа и Филип Талески и Гоце Георгиевски кои ги пропуштија претходните две средби, со Португалија дома и на гостински терен.

Македонската репрезентација на 26 април му гостува на Луксембург, а четири дена подоцна ја пречекува Турција. Со една победа избраниците на Лазаров речиси сигурно ќе обезбедат место на Еуро 2024

Европското првенство ќе се одржи од 10 до 28 јануари 2024 година во Германија.

The post Талески и Георгиевски се враќаат во репрезентацијата: Лазаров го објави списокот за квалификациите за Еуро 2024 appeared first on Република.

Македонската ракометна репрезентација претрпе три убедливи порази и не ја мина групната фаза на Светското првенство 2023.

Вечерва „црвено-жолтите“ загубија од Аргентина со 26:35.

Свое видување за настапите во Ф-групата искажа Филип Талески

– Ќе анализираме на крај. Очигледно има проблем, меѓутоа мора да се реши ако сакаме да одиме напред, да бидеме добра репрезентација. Во моментов е оваа слика што ја гледаме сите. И ние знаеме дека тоа е тоа. Сега ни преостануваат натпреварите за пласман, а потоа кога ќе се вратиме потребна е добра анализа да видиме во што е проблемот и да се поправиме.

Избраниците на селекторот Кирил Лазаров продолжуваат во т.н. Президент куп со натпревари за пласман од 25 – 32. место

The post Талески: Во моментов е оваа слика што ја гледаме сите appeared first on Република.

Познатиот ракометар кој настапува во дресот на Вардар, Филип Талески, стана татко по втор пат.

Имено тој денеска доби уште една ќерка од бракот со сопругата Ена, а веста на социјалните мрежи ја сподели сопругата на неговиот колега, голманот Борко Ристовски.

Репрезентативецот Филип Талески во 2019-та година стапи во брак со битолчанката Ена Секуловска, во родното Крушево, а истата година претходно тие ја добија ќерката Софиа.

The post Ракометарот на Вардар доби принова – второ и пак женско appeared first on Република.

Зад нас се четвртфиналните рунди во СЕХА лигата во кои нашите претставници Вардар 1961 и Еурофарм Пелистер минаа низ трилер мечеви кои беа решени на пенали со тоа што „црвено-црните“ паднаа во рулетот против Нексе, додека пак битолчани успеаа да се радуваат против Мешков Брест.

Од пресметките во Скопје, Битола и останатите битки од четвртфиналната фаза беа избрани најдобрите голови и одбрани каде место имаше за неколку асови на нашите претставници.

Цепелинот на Филип Талески и Куни Моралес се најде на втората позиција на најтрактивни погодоци, додека Руди Сери го зазема третото место на оваа листа, а пак Урбан Лесјак ја има одбраната на „колото“.

https://youtu.be/pzpMeYKFtTc

The post Цепелинот на Талески и Моралес е меѓу најатрактивните во СЕХА лигата, двоецот на Пелистер е во Топ 5 изборот appeared first on Република.

На последните мечеви гледаме еден „нов“ Филип Талески.Веќе не се плаши да шутне, има поголема самодоверба а тоа призна и самиот тој по победата над Чешка.

Изгинавме за навивачите, Македонија го продолжува континуитетот да настапува на големите натпреварувања. Не постоеше страв, кога со Миркуловски влеговме во игра на крајот, бев сигурен во себе. Всушност, побарав од Кире да ме стави во игра на крајот и постигнавме гол. Потоа, Миркуловски со својата пожртвуваност додаде до Јагуриновски кој имаше одличен меч и Кузмановски погоди и го заврши својот перфектен меч. Верувавме во победа, знаевме дека нема да биде лесно, но хероите се познаваат кога е најтешко, – изјави Талески.

The post Талески: Побарав од Кире да ме стави во игра на крајот и постигнавме гол appeared first on Република.

Репрезентативниот бек, Филип Талески вели дека можеа да завршат добра и голема работа уште во Злин, но дека ја прокоцкаа во последните дваесетина минути.

Можевме и тука да завршиме добра работа, но прокоцкавме многу. Имавме контрола до 42, 43 минута. Квалитетна одбрана, сигурни во напад. Ги изненадивме на стартот во второто полувреме со брзите голови на почеток. Дури се свестија требаше уште малку да нагазиме за да завршиме голема работа тука. Но, што е тука. И ова реми пред натпревар да ни го дадеа ќе го прифатевме со задоволство. Ова ќе не држи свесни. Знаеме дека Чешка е квалитетен противник. Ќе не анализираат добро и имаат четири дена да се подготват за нас. Очекуваме уште подобра и поквалитетна игра од нив. Очекувам да променат нешто во одбраната за вториот меч. Во напад тоа е тоа од нив. Им недостигаат некои играчи поради повреда. Ние мора да се фокусираме на нашата игра. Не смееме да имаме падови како во второто полувреме. Ако играме како до 42. минута можеме да одиме на светско. Тажни сме бидејќи изгубивме победа и не смееме тоа да го дозволиме во Скопје. Знаеме што не чека во Скопје, полна сала и се надевам дека со поддршка на навивачите ќе се пласираме на Светско првенство, изјави Талески.

The post Талески: Можевме да завршиме голема работа во Чешка, но прокоцкавме многу во финишот appeared first on Република.

Македонската мaшка ракометна репрезентација не успеа да дојде до посакуваниот триумф на Европското првенство кое е во тек. Црна Гора беше селекција против која се надевавме на два големи бода после онаа игра против Словенија. Македонија загуби од Црна Гора со 24-28 и практично ги загуби сите шанси за пласман во втората фаза на шампионатот.

Филип Талески по мечот со еден збор ја опиша нашата игра.

СРАМНО!… Ништо друго не сакам да кажам!

Македонија последниот меч од групната фаза го игра во понеделник, против Данска.

The post Талески по поразот од Црна Гора: Срамно! appeared first on Република.

Левиот бек на македонската ракометна репрезентација, Филип РТалески, го постигна првиот гол на Европското првенство.

Во третата минута од дуелот против Словенија, Талески силовито тргна кон средината и со удар од 9-10 метри ја затресе слоивенечката мрежа.

https://twitter.com/EHFEURO/status/1481677206803910656

The post Погледнете го голот на Филип Талески со кој Македонија го отвори Европското првенство appeared first on Република.