Културен Центар Јереван, Ерменија

Руски Драмски Театар Костанај, Казахстан

Театарска Дружина ЕМА Загреб, Хрватска

ОХО Продукција Скопје, Македонија

The post Гран при за Арам Хованисјан од Ерменија за претставата „Дон Кихот“ на 25. издание на Фестивалот на монодрама во Битола appeared first on Република.

Во рамките на Фестивалот на монодрама во Битола, денес ќе бидат изведени претставите: грчката „МЕДЕЈА-Црвена Празнина“ и македонската „Сите најубави работи“.

„МЕДЕЈА-Црвена Празнина“ е по мотиви од  Еврипид, а во продукција на Театар 1+1=1   Театарска Компанија, Атина Грција. Драматизација и  режија: Софија Дионисопулу, актер: Деспина Сарафеиду. Истата ќе биде изведена на Новата сцена од 20 часот. Претставата се базира на пред-Еврипидските верзии на митовите. Децата не се убиени. Тие се жртвувани за Хера да стане бесмртна и на тој начин, тие се спасени од гневот на Коринтијаните. Текстот е лирски монолог напишан за актерка и изведен како поема.

Од 21.30 на Големата сцена ќе биде изведена „Сите најубави работи“ на ОХО Продукција,Скопје. Продуцент е Пеце Талески, режија Дејан Пројковски, игра Иван Ангелов. Драмата ”Every Brilliant Thing“ на Данкан МекМилан ја повлекува завесата за тоа како е да се биде дете на родител, кој поминува низ тешки животни моменти и колку сме потребни за оние што ги сакаме. Публиката е вклучена цело време, во интеракција со актерот и со тоа се засилува врската, се создава интимност и длабока врска.

The post Претставите „МЕДЕЈА-Црвена Празнина“ и „Сите најубави работи“ денеска на фестивалот на монодрама во Битола appeared first on Република.

Фестивалот на монодрама го одбележува своето значајно 25-то издание во Битола под слоганот „Слободата живее тука“, како значајна пресвртница во фестивалскиот израз.

Со музичкиот спектакл „Глумците пеат“ свечено ќе биде отворен овој фестивал кој од 25 до 31 мај ќе се одржува во Битола, а затворањето на фестивалот и претставата која ќе им биде посветена на наградените ќе биде со извонредната “Чудна случка со кучето во ноќта” на Драмски театар од Скопје.

Директорката на Центарот за култура кој е организатор на фестивалот, Маја Андоновска-Илијевски на пресот го нагласи трајното значење на фестивалот за актерите.

„Ова е фестивал кој докажа дека има непоколеблива посветеност да негува уметнички сјај дури и во услови кога не беше толку познат, а докажа дека може да создава уметност и во време на пандемијата. Така што овие 25 години значат многу за еден мал, но мошне значаен фестивал кој го става актерот во самиот центар. Ова е фестивал којшто покажа и докажа дека монодрамата како театарска форма е мошне значајна за актерот. И мотото „Слободата живее тука” е една директна асоцијација дека не само актерите туку и уметниците се во константна трка и потрага по слобода а неа ја наоѓаат токму таму каде што творат, на сцените” - истакна Андоновска-Илијевски.

Овогодинешниот фестивал ветува програма со исклучителен квалитет и разновидни наративи од Македонија, Хрватска, Србија, Турција, Грција, Бугарија, Ерменија, Казахстан и Обединетите Арапски Емирати.

Селекторот Петар Мирчевски се осврна на богатството на македонскиот талент прикажан во продукциите како „Фетишистот“ на Здравко Стојмиров и „Сите најубави работи” на ОХО продукција со актерот Игор Ангелов во режија на Дејан Пројковски. Нивниот придонес е пример за посветеноста на фестивалот за негување на домашните таленти, притоа прифаќајќи ја глобалната перспектива.

Размислувајќи за извонредното патување на фестивалот кое се протега во четврт век, Љупка Коларова-Пајевиќ се потсетува на неговата еволуција, од скромните почетоци до тоа да стане интернационален фестивал на кој настапувале големи актерски имиња и продукции. За неа е длабоко влијанието на фестивалот врз уметничкиот пејзаж, обезбедувајќи платформа за актерите и драматурзите креативно да се изразат и да го збогатат културното ткиво во регионот.

Жирито на Интернационалниот Фестивал на монодрамата ќе го сочинуваат: режисерката Зоја Бузалковска, актерката Билјана Драгичевиќ-Пројковска и Нина Мазур која цели 25 години е дел од Фестивалот.

Покрај официјалната програма која ќе понуди 10 монодрами на сцените, офф-програмата на фестивалот како и секоја година изобилува со содржини. Од промоции на книги, живи споменици и жонглери вдолж Широк Сокак и ДЏ сетови на избрани артисти, во чест на славењето на монодрамата.

Фестивалот на монодрамата доби финансиска поддршка од Министерството за култура и Општина Битола. А големиот спектакл “Глумците пеат” е со поддршка на спонзорот ЗК Пелагонија.

The post 25. издание на Фестивалот на монодрама во Битола ја слави уметничката слобода appeared first on Република.

Центарот за култура соопшти дека манифестацијата „Глумците пеат“ доаѓаат за прв пат во Битола на 25 мај на свеченото отворање на јубилејното 25-то издание на Интернационалниот фестивал на монодрамата.

Организаторот вели дека ќе биде одлична Евровизиска вечер со над 70 учесници на сцената.

Почетокот е во 19:30 часот.

The post По Скопје, сега редот е на Битола: „Глумците пеат“ на 25 мај на јубилејното издание на Интернационалниот фестивал на монодрама appeared first on Република.

Актерката Јанјиндулам Рагкасурен од Монголија го освои највисокото фестивалско признание, наградата Гран при на фестивалот за монодрама во Битола.

Одлуката на меѓународното жири е доделена за изведба на монодрамата „Кој сум јас“ на авторот и режисер Батделгер, кој исто така доаѓа од Центар за монодрама во Улан Батор, Монголија.

Според востановената традиција, жирито додели посебна награда за најдобро актерско остварување и таа му припадна на италијанскиот актер Салваторе Арена кој во Битола ја изведе монодрамата „Како мало зрно песок“. Оваа монодрама доби и најмногу гласови и од публиката, за што Општина Битола додели посебно признание.

Синоќа на свеченото затворање на фестивалот за монодрама, награда за најдобра режија му беше доделена на Хорхе Лопез од Шпанија кој беше режисер на монодрамата „Крвава свадба“ на театарот Абрего Кантабрија.

Во чест на наградените велешкиот театар „Јордан Хаџи Константинов-Џинот“ ја изведе претставата „Нема струја за електричниот стол“ од Александар Секулов, во режија на Дејан Пројковски.

Од 12 мај до 20 мај, Битола беше град на театарски блесок, пречекувајќи талентирани актери од 11 земји кои на три различни фестивалски сцени прикажаа 13 извонредни монодрами, оставајќи ги гледачите маѓепсани од моќта на еден изведувач на сцената.

Под слоганот „Да се ​​биде“, директорката на Центарот за култура кој е организатор на овој фестивал, Маја Андоновска Илијевски го изрази своето задоволство од успехот на овогодинешното издание. 

„Ова беа денови на прослава на уметничкото изразување, покажувајќи ја уникатната способност на актерите да ја воодушеват публиката со своите соло изведби. Ние сме неизмерно горди што собравме таков спектар на таленти од целиот свет, а публиката не награди со полни гледалишта за сите претстави“, изјави таа синоќа на церемонијата на затварање и доделување на награди.

Фестивалот не само што собра актери и театарски ентузијасти, туку доби и значајна поддршка од градот кој во деновите на фестивалот беше трансформиран и во отворена сцена на пантомимичари гости во офф програмата кои беа атракција низ битолскиот Широк Сокак и Старата битолска чаршија. Градоначалникот на Битола Тони Коњановски го пофали фестивалот за неговиот придонес во културниот пејсаж на градот. Тој во своето обраќање во салата на свеченото затворање изјави: „Меѓународниот фестивал на монодрама стана симбол на посветеноста на Битола кон магијата на моноспектаклот“. И ја додели наградата на градот Битола која ја избира публиката според гласовите по изгледаните претстави на претставата  „КАКО МАЛО ЗРНО ПЕСОК“ - Мана Чума Театар, Калабрија Регион, Италија

Автор: Салваторе Арена и Масимо Барила

Режија: Салваторе Арена Актер: Салваторе Арена.

Стручното жири составено од театарската критичарка и драматург Нина Мазур која е Потпретседател на Интернационалниот Форум за Монодрама  на UNESCO и актерите Николај Урумов и Сашко Коцев,на овогодинешниот фестивал ги додели официјалните награди на Хорхе Лопез и Пати Доминик за претставата „Крвава свадба” од Шпанија за најдобра режија заради богатиот режисерски израз со многу симболи кои ја збогатија актерската игра на Марија Видал која со своите актерски вештини  ги оживеа зборовите на Лорка. 

Наградата за најдобро актерско остварување ја доби 

Салваторе Арена ,за улогата во претставата „Како мало зрно песок” од Италија, заради својот широк спектар на емоции на сцена кои ја освоиа едногласно и публиката и членовите на жири комисијата.

За најдобро остварување во целост, Гран При наградата на ова издание на фестивалот ја доби претставата „Кој сум јас” од Монголија на авторот и режисер Б.Батделгер и на актерката Јанјиндулам Рагкасурен. Претстава која жирито ја доживеа буквално како нотите отсвирени на една харфа, нежна ,емотивна, тивка и кревка. Актерскиот израз беше универзален и разбирлив и немаше никаква јазична бариера. Секој збор беше симфонија од чувства ставен во режисерскиот концепт кој беше суптилен и ненаметлив, кој беспрекорно оркестрираше опседнат перформанс истражувајќи ги длабочините на човечките емоции.

Публиката синоќа во салата на Народниот театар во Битола ја покажа својата благодарност кон актерите со громогласен аплауз и овации додека додека се прогласуваа победниците.

24. Интернационален фестивал на монодрама не беше ограничен само на трите фестивалски сцени, туку се прелеа и по битолските улици, креирајќи  пантомима претстави кои внесоа смеа и радост во секој агол од градот. Во меѓувреме, офф програмата на фестивалот понуди две работилници кои ги водеа Дарко Вељиќ и Мето Јанакиевски,  а Кафе Јагода понуди прекрасен спој на музика и уметнички дискусии, поттикнувајќи инклузивна атмосфера и за уметниците и за присутните.

Во чест на победниците, по официјалната церемонија на доделување на награди настапи велешкиот театар Јордан Х. К. Џинот  со претставата „Нема струја за електричниот стол “

Текст: Александар Секулов 

Драматург: Сашо Димовски

Музика: Сашко Костов 

Режија: Дејан Пројковски 

The post Јанјиндулам Рагкасурен од Монголија освои Гран при на фестивалот за монодрама во Битола appeared first on Република.

Претставата „Нема струја за електричниот стол“ на театарот „Јордан Х. К. Џинот – Велес, во режија на Дејан Пројковски, во чест на наградените на Фестивалот на монодрама во Битола, ќе биде изведена на сцената на Битолскиот театар.

Се работи за дело на современиот бугарски писател Александар Секулов. Во оваа црна комедија, изведена во дуодрамски формат, иновативниот сценски јазик на Пројковски е изграден во колизија меѓу актерската игра на сцената и користењето на филмскиот кадар во функција на сценското дејство.

За режисерот Пројковски, претставата зборува на еден современ сценски јазик, со многу технологија, анимација, видео. Таа е специфична во изразот и претставува спој помеѓу театарот и филмот.

Улогите во претставата ги толкуваат Васил Зафирчев, како Осудениот на смрт и Исидор Јованоски како Леонард. Покрај режисерот Пројковски, зад претставата стојат Сашо Димоски како драматург, Филип Коруновски како автор на сценскиот дизајн и на плакатот за претставата и како коавтор на видеодизајнот и анимациите заедно со Борче Конзулов. Музиката за претставата и нејзината изведба во живо се на Сашко Костов, а камерите во претставата се на Данчо Стефков и на Александар Костов.

Инаку, по успехот на претставата „Инферно“, за чии изведби и натаму се бара билет повеќе, ова е втора соработка на Пројковски со Велешкиот театар.

The post Претставата „Нема струја за електричниот стол“ во режија на Пројковски ќе се одигра во Битола во чест на наградените на Фестивалот на монодрама appeared first on Република.

Денес на 24. Интернационален фестивал на монодрама во Битола ќе бидат изведени претставите од Србија, „Чучук Стана – Србинка и Гркинка“

на Народниот Театар на Тимочка Краина „Зоран Радмиловиќ“, Заечар, Србија од 19.30 на Сцена на НУ Народен театар – Битола и од 21.30 на Големата сцена на Центарот за култура ќе гостува претставата „Кој сум јас“ на Центар за Монодрама, Улан Батор, Монголија.

Автор и режисер на претставата од Србија е Жељко Хубач, а истата е во изведба на актерката Наташа Петровиќ.

Чучук Стана не е само српска хероина од времето на побуната против Турците, туку и жена која со своето однесување и што е уште поважно со нејзините постапки, поставила основи на она што денес го нарекуваме феминизам. Во суштина, Чучук Стана за мене е првата српска феминистка и нека ме поправат историчарите доколку постоеле слични примери во подалечната српска историја. Ова е приказна за нејзиниот живот и борбите за време на востанието и после него.

Автор и режисер на претставата од Монголија е Б. Батделгер,а истата е во изведба на актерот Јанјиндулам Рагкасурен.

Во оваа претстава се збпрува за постпородилната криза која ги погодува повеќето жени во светот, што директно доведува до негативно влијание врз нивната психолошка добросостојба. Скоро секоја жена се споредува себеси со другите во општествениот свет после породувањето. Приказната ја прикажува оваа занемарена криза преку ликот на Монголката Сувд, која го надминува постпородилниот синдром и на кој начин таа се справува со психолошката болест преку ноќ.

The post Претставите „Чучук Стана – Србинка и Гркинка“ од Србија и „Кој сум јас“ од Монголија денеска на Фестивалот на монодрама во Битола appeared first on Република.

Денес на Фестивалот на монодрама во Битола ќе биде изведена претставата „ Свиреж-мајка ми беше секретарка на Менгеле“. Се работи за независен проект од Камери театар Тел Авив, Израел. Претставата ќе се одигра на сцената под ротација на Народниот театар со почеток од 20 часот. Истата е работена по автобиографскиот текст на Јакоб Бучан, адаптација Хадар Галрон, режија Хана Вазана-Гринвалд, актер Хадар Галрон.

Тами, единственото преживеано дете од Аушвиц, на 45 годишна возраст открива дека сеуште не почнала да живее. Ова запрепастувачко откритие и станува јасно преку еден странец, кој одеднаш влегува во нејзиниот живот и ги отвора заклучените врати на нејзината душа. Тами чувствува дека ова е нејзината “последна шанса”… но дали е способна да љуби како што сонува? Од кого треба да побара дозвола? Дали може да верува дека заслужува љубов?

Оваа монодрама ја носи болката на втората генерација преживеани и ги открива невидливите рани од Холокаустот, преку човечка приказна за жена која се бори за нејзиното природно право да се радува, живее, љуби…Но црната дупка внатре се заканува дека ќе го проголта секој кој ќе се приближи.

The post Претставата „Свиреж-мајка ми беше секретарка на Менгеле“ на Камери театар од Тел Авив денеска на Фестивалот на монодрама appeared first on Република.

The post „Торонто експрес“ на 24. Интернационален фестивал на монодрамата во Битола appeared first on Република.

The post Гран при за монодрамата „Едит Пјаф“ на театар „Годо“ од Букурешт, Романија appeared first on Република.

The post Вечерва се затвора Фестивалот на монодрамата во Битола, 13 претстави конкурираат за наградата “Гран при“ appeared first on Република.

Автор Лот Векеманс

Режија Хриспиме Шахинијан

Актер Нора Бадалијан

Во 21часот на сцена под Ротација на програмата е претставата од Велика Британија- „ А јажето се уште и е врзано околу стапалата“. Автор Каролин Брнс Кук, Режија Колин Ваткис, актер Каролин Брнс Кук.

The post „Сестрата“, „ А јажето се уште и е врзано околу стапалата“ и „Помеѓу“ вечерва на Фестивалот на монодрама во Битола appeared first on Република.

Вечерва започнува фестивалот на монодрамата во Битола. Годинава новина е дневната офф-програма која од 12:00 до 15:00 часот ќе се случува на делови и од Широк Сокак со учество на актери од Статуа Фест.

Монодрамата е широк поим, кој што опфаќа еден човек на сцена, а сцената секаде може да се случи. Оваа година имаме гости, колеги, актери, пантомимичари од „Статуа фест“. Мојата идеја како директорка на фестивалот е да ја фузираме и да ја привлечеме битолската публика, бидејќи имавме две тешки пандемиски години, каде што публиката во салите беше во намален број и ова е една идеја, за оние кои што точно не знаат што е фестивалот на монодрамата, преку нашите колеги-статуи, да разберат дека станува збор за еден човек на сцена, а од другата страна, самите статуи се многу атрактивни, има вакви примери низ сите поголеми градови низ Европа, така што му дава едно освежување, еден нов ветер на фестивалот и јас се надевам дека почетокот на оваа соработка е оваа година, а дека ќе ги има се почесто во Битола, како атракција, бидејќи веќе гледаме дека битолчани застануваат, се сликаат и се инспирирани од она што го гледаат, а тоа се нашите колеги, ние ги делиме нашите флаери со програмата од фестивалот и тоа е и покана за битолската публика да го проследат во наредните седум дена 23 издание на Интернационалниот фестивал на монодрама, кој се случува во организација на Центарот за култура вели директорката Маја Андоновска-Илијевски за Тера телевизија.

Вечерва од 20 часот е свеченото отворање на фестивалот со МНТ-Скопје, Македонија, „ САМО ГЛАС“ , автор Нина Плавањац, режисер Марјан Неќак, актер Звездана Ангеловска.

Фото: Диоген Хаџи Коста Милевски

The post Пантомимичари од „Статуа фест“ на Широк сокак: Монодрамата опфаќа еден човек на сцена, а сцената може секаде да се случи appeared first on Република.

Под мотото „Помеѓу“ од денеска до 21 мај во Битола ќе се одржи 23-то издание на Интернационалниот фестивал на монодрама.

На сцените на Центарот за култура и Битолскиот народен театар ќе се претстават професионални актери од земјава и од Велика Британија, Ерменија, Хрватска, Шпанија, Азербејџан, Полска, Израел, Бугарија, Молдавија и Романија. Ќе бидат изведени вкупно 13 монодрами со уметнички сензибилитет на новодефинираните театарски тенденции.

Скапоцено е што мојот град Битола е запишан на светската мапа на фестивали на монодрама. Оваа година растеретени од ковид протоколите, со храбра одлука од наша страна да направиме повторно светски фестивал, зошто пред сe како актер, а потоа како директор на оваа национална институција од културата, знам колку овој проект е посебен, зошто не станува збор за никаква комерцијална, туку за сериозна и квалитетна уметничка продукција. Со поддршка на Министерството за култура, Општина Битола и на неколку спонзори, на кои сме им бескрајно благодарни работевме повеќе месеци на овој проект, кој бара и одлична мрежа на контакти низ светот, за што во ЦК имаме одличен тим кој стои позади фестивалот и селекција која тука, оваа година ќе го донесе најдоброто, истакна Маја Андоновски Илијевски.

Жири комисијата ќе биде составена од режисерот Владимир Милчин, актерката Бедиа Бегова и македонскиот писател и драмски уметник Сашо Димоски. Селектор на фестивалот е доајенот на македонскиот тетатар, актерот Петар Мирчевски.

Слоганот „Помеѓу“ говори и за навистина тешката задача да се селектира од досега можеби најголемиот прилив на апликации за учество. Над 70 пријавени монодрами од целиот свет, а дури 11 беа од Хрватска, каде по неколку нивни гостувања на овој ист фестивал, стануваме славна точка, што е навистина убава вест. Помеѓу многу дилеми, што да се избере, зошто ние како директно инволвирани со месеци во овој проект, верувајте му се радуваме на фестивалот како на најголем театарски празник, бидејќи низ годините наназад не се забележал толкав голем интерес за учество. Програмата е затворена, има одличен избор и од аспект на текстови, и од аспект на продукција, а актерскиот чин на креирање на монодрама ќе го оживее театaрскиот свет на малку поинаков начин, истакна Петар Мирчевски.

Свеченото отварање на фестивалот ќе биде вечер, со претставата „Само глас“ на МНТ Скопје, додека затворањето е на 21 мај со претставата „Странци“ на Драмски театар Скопје. Годинава новина е дневната офф-програма која од 12.00 до 15.00 часот ќе се случува на делови и од Широк Сокак со учество на актери од Статуа Фест. Централна точка на оваа придружна програма ќе биде Јагода на крајот од оваа позната пешачка зона на Битола, каде актерите живи статуи и познатите артисти од битолската електронска сцена ќе имаат своја програма.

Графичката дизајнерка Ангела Христовска и продукцијата Сектор се автори на впечатливиот дизајн на плакатот и придружните промотивни материјали за фестивалот.

The post 23. Интернационалeн фестивал на монодрама во Битола appeared first on Република.