Фернандо Сантош Archives - Република

К7 сапуница во Катар: Нетрпението меѓу Сантош и Роналдо кулминира, се вмеша и Георгина

Катерина — Sat, 10 Dec 2022 19:44:05 +0000

Португалија го напушта Катар пред големото финале на Мундијалот. Вечерва загуби од Мароко со 0-1 во четвртфиналето, а селекторот Фернандо Сантош кажа дека е разочаран со неуспехот.

Сантош смета дека неговите фудбалери не создале доволно шанси и затоа не успеале да најдат начин како да го скршат Мароко.

„Ни беше потребно многу време за да влеземе во натпреварот. Фудбалерите покажаа желби, но не може да победиш ако не создаваш шанси. Игравме лошо во одбраната на стартот, а потоа не создадовме доволно шанси за гол“, вели Сантош.

Сантос не беше задоволен од играта на својата репрезентација, призна дека Мароканците играле трпеливо и дисциплинирано и заслужено напредувале.

Тој додаде дека ќе анализира додека не се изладат главите, а потоа дојде и прашањето за Кристијано Роналдо.

Роналдо влезе во игра во вториот дел, а по мечот во солзи отиде во соблекувалната.

Насобраните новинари имаа едно јасно прашање до Сантос.

Дали ви е жал за Роналдо и дали ви е жал што не го ставивте Кристијан во првиот тим“, прашаа новинарите, а потоа стигна и одговорот кој ќе биде дополнителен „шамар“ за Роналдо.

„Не“, кратко одговори Сантос и остана на својата позиција.

Неговата свршеница Георгина Родригез која „распука“ по португалскиот селектор, Фернандо Сантош.

„Денеска твојот пријател и тренер донесе лоша одлука. Тој пријател за кој имаш прекрасни зборови и почит направи грешка. Човекот кој забележа дека сè се смени откако ти влезе во игра, но беше доцна. Не можеш да го потцениш најдобриот во свет. Животот ни држи лекции. Денеска загубивме, но научивме нешто“, напиша Георгина.

The post К7 сапуница во Катар: Нетрпението меѓу Сантош и Роналдо кулминира, се вмеша и Георгина appeared first on Република.

Слушај, нема да играш: Познато е што му рекол селекторот на Роналдо

Игор Чавески — Fri, 09 Dec 2022 16:48:32 +0000

Селекторот на португалската репрезентација Фернандо Сантош реши да стави крај на бројните шпекулации за Кристијано Роналдо.

Португалските медиуми објавија дека славниот ас се заканувал со напуштање на Мундијалот поради одлуката на селекторот да не го стави во стартниот состав за натпреварот против Швајцарија.

Фудбалскиот сојуз на Португалија ова остро го демантираше, а на прес-конференцијата пред мечот со Мароко, Сантос ги откри деталите од разговорот што го водел со Роналдо пред осминафиналето на Мундијалот.

Крајно време е да го оставиме Кристијано Роналдо сам“, изјави Сантос.

Никогаш не ми кажа дека сака да ја напушти нашата репрезентација“, додаде селекторот на Португалија.

Искусниот стручњак истакна дека Роналдо не го заслужил ова по се што направи за репрезентацијата на Португалија, а потоа откри што точно се случило пред натпреварот против Швајцарецот.

„Разговарав со него по ручекот на денот на натпреварот, го поканив во мојата канцеларија.Му реков „слушај нема да играш“. Роналдо не беше среќен поради таа одлука бидејќи тој секогаш беше стартер“, вели Сантош и додава дека очекувал потежок натпревар. па сакаше да го спаси капитенот за второто полувреме.

„Тој ми рече: „Дали навистина мислиш дека тоа е добра идеја? Имавме нормален разговор во кој му ги објаснив причините за таа одлука и тој ги прифати, тоа беше искрен и нормален разговор“.

Сантош повторно се осврна на приказната за напуштањето на Мундијалот.

"Никогаш не рече дека сака да оди од репрезентацијата. Тоа мора да го знаете. Иако знаеше дека нема да биде стратер, сакаше да се загрева со соиграчите. Тој беше тој кој прв истрча да се радува, тој беше тој што ги повика останатите играчи да дојдат да ги поздрават навивачите.Време е да го оставиме на мира“, изјави селекторот.

The post Слушај, нема да играш: Познато е што му рекол селекторот на Роналдо appeared first on Република.

Португалскиот селектор: Со Македонија ќе биде уште потешко!

Билјана — Thu, 24 Mar 2022 23:12:31 +0000

Португалскиот селектор Фернандо Сантош посочи после победата на европскиот првак од 2016 година против Турција, дека уште потежок меч ги чека „европските Бразилци“ против Македонија во вторник во финалето за мундијалската виза во Катар.

Португалија со 3-1 ја победи Турција, но Турците седум минути пред крајот промашија пенал за продолженија и тоа после водство на Португалците од 2-0 по првиот дел.

„Првиот меч го победивме, сега мора да победиме и на следниот, а тој ќе биде многу комплициран. Финалињата секогаш се компликувани. Со Македонија ќе биде уште потешко и покомпликувано“, рече Сантош

The post Португалскиот селектор: Со Македонија ќе биде уште потешко! appeared first on Република.