Од 31 мај до 2 јуни, студентите од Факултетот за драмски уметности организираат филмски викенд „ХАЈ-ФАЈ“, информираа организаторите.

ХАЈ-ФАЈ е нова меѓународна филмска платформа направена од студенти за студенти. Истата ќе служи како отскочна даска за промоција на студенти од филмски катедри при нивното прогресирање кон професионалци.Програмата за овој прв настан е поделена на официјална филмска програма со студентски кратки филмови на колеги од Србија, Косово, Словенија, Бугарија, Црна Гора, Босна и Херцеговина.

Понатаму, carpe diem програма, чиј фокус е вмрежување. Гостите ќе имаат шанса да ги споделат своите искуства, да предложат соработка и да се запознаат со локалните фестивали, меѓу кои „Синедејс - фестивал на европски филм“, Интернационален фестивал на филмската камера „Браќа Манаки“, „Дрим Шорт“ филмски фестивал, „Бич филм фестивал“, Младински филмски фестивал, „Ѕирни“ фестивал на филм и музика и „Македокс“ фестивал на документарен филм. Додека, актуелните средношколци иматуранти ќе имаат шанса да се запознаат со овогодишните уписи за филмска режија, снимање и монтажа на ФДУ.

И за крај музичка ОФФ програма каде, во улогата на диск-џокеи, ќе настапат Миа Ѓоргиевска, Лазар Христов и Јане Вељаноски и Марко Младеновиќ и Христијан Ристески. Влезот за сите настани е слободен. Целосната програма и распоред се достапни на социјалните мрежи на ХАЈ-ФАЈ и Академска сцена. ХАЈ-ФАЈ е поддржан од Универзитетот Св. Кирил и Методиј, Факултетот за драмски уметности, Котур Кафе и Филм, Мамма Италиана и винарија Тиквеш, стои во соопштението на организаторите.

The post ХАЈ-ФАЈ филмски викенд од 31 мај – 2 јуни на ФДУ appeared first on Република.

Факултетот за драмски уметности (ФДУ) Скопје во соработка со Амбасадата на НР Кина вечерва, на 30 мај, со почеток од 20 часот организира Вечер на кинески филм.

Во просториите на Академската сцена на ФДУ ќе биде прикажан филмот „Убав поглед“.

Пред проекцијата свое кусо обраќање ќе имаат Деканот на ФДУ и НЕ Амбасадорот на НР Кина.

По завршетокот на проекцијата ќе следи коктел со традиционална кинеска храна.

The post Вечер на кинески филм на ФДУ appeared first on Република.

Од 31 мај до 2 јуни, студентите од Факултетот за драмски уметности (ФДУ) го организираат филмскиот викенд „Хај -Фај“, соопштија од ФДУ.
ХАЈ-ФАЈ е нова меѓународна филмска платформа направена од студенти за студенти. Истата ќе служи како отскочна даска за промоција на студенти од филмски катедри при нивното прогресирање кон професионалци.

Програмата за овој прв настан е поделена на официјална филмска програма со студентски кратки филмови на колеги од Србија, Косово, Словенија, Бугарија, Црна Гора, Босна и Херцеговина. Понатаму, carpe diem програма, чиј фокус е вмрежување. Гостите ќе имаат шанса да ги споделат своите искуства, да предложат соработка и да се запознаат со локалните фестивали, меѓукои „Синедејс - фестивал на европски филм“, Интернационален фестивал на филмската камера „Браќа Манаки“, „Дрим Шорт“ филмски фестивал, „Бич филм фестивал“, Младински филмски фестивал, „Ѕирни“ фестивал на филм и музика и „Македокс“ фестивал на документарен филм.

Актуелните средношколци и матуранти ќе имаат шанса да се запознаат со овогодишните уписи за филмска режија, снимање и монтажа на ФДУ. И за крај музичка ОФФ програма каде, во улогата на диск-џокеи, ќе настапат Миа Ѓоргиевска, Лазар Христов и Јане Вељаноски и Марко Младеновиќ и Христијан Ристески.

Влезот за сите настани е слободен. Целосната програма и распоред се достапни на социјалните мрежи на ХАЈ-ФАЈ и Академска сцена.

The post Студентите на ФДУ го организираат филмскиот викенд „Хај-Фај“ appeared first on Република.

Вечерва со почеток во 20:00 часот, во просториите на Факултетот За Драмски Уметности во Скопје, подгответе се да го слушнете Звукот на новата генерација!

Еклектични настапи, стилски и жанровски разновидни изведби на студенти од Факултетот за музичка уметност во Скопје, проследена со ДЏ сет на талентираниот Јован Вуковиќ!

Вечерта ќе имаме можност да ги проследиме и младите драмски актери. Нивната претстава треба да ја пренесе младешката страст, емоциите и сиров талент преку изведбата на „Требаше да имаме текст“.

Дојдете и поддржете ја иднината на младите изведувачи, инспирирајте се од нивната посветеност и бидете дел од патувањето на овие надежни млади уметници.

The post Студентска уметничка пролет вечерва на Факултетот за Драмски Уметности appeared first on Република.

Утре, на 25 март, во 20 часот на сцената на Драмски театар Скопје ќе се изведе претставата „Семејство“ на авторот Роналд Харвуд. „Семејство“ е дипломска претстава на студентите на ФДУ во класа на проф. Зоја Бузалковска и доц. Александар Степанулески.

Со ова, театарот ја продолжува традицијата за поддршка и промовирање на помладите колеги студенти и дипломци на Факултерот за драмски уметности.

Претставата со мотото „Семејствата се добри затвори“ на интересен начин ни ги пренесува семејните релации. Освен на академската сцена на ФДУ, со оваа претстава младите актери гостуваа на МТФ „Војдан Чернодрински“, а во најава се и неколку нови гостувања на сцените на македонските театри.

Играат: Мартин Ѓоргоски, Сара Спиркоска, Лазар Христов, Ања Митиќ, Леонардо Лазов, Анастасија Величковиќ, Стефан Николовски, Нела Павловска и Јана Вељановска.

The post Дипломската претстава „Семејство“ на студентите на ФДУ во Драмски театар appeared first on Република.

По повод смртта на македонскиот раскажувач, романописец, есеист, критичар и драмски автор и долгогодишен професор на Факултетот за драмски уметности во Скопје, Благоја Иванов, денеска во 12 часот на Академската сцена на ФДУ ќе се одржи комеморација.

Комеморацијата ќе биде последна прилика за целиот колектив на Факултетот за драмски уметности, во името на многу генерации студенти и колеги наставници, за последен пат да му оддадеме признание на професорот Иванов за исклучителната и посветена работа со која им ја предаваше љубовта кон драмската уметност на младите и им ги пренесуваше знаењата по предметите Југословенска драма и театар и Светска драма и театар, наведоа од ФДУ.

Иванов е роден на 4 февруари 1931 година во Скопје. Завршил Филолошки факултет во Скопје. Бил соработник, уредник и главен уредник на културниот сектор на Радио Скопје и директор на Телевизија Скопје и професор на Факултетот за драмски уметности.

Бил уредник на списанието „Млада литература“ и главен и одговорен уредник на списанието „Разгледи“. Бил дел од Друштвото на писателите на Македонија (ДПМ) од 1958 година, а бил и претседател на Друштвото. Членувал и во Македонскиот ПЕН центар.

The post Комеморација за Благоја Иванов денеска на ФДУ appeared first on Република.