Зголемување на еднократната финансиска поддршка за прво и второ дете, како и еднократна финансиска помош за третородено дете и повеќе, финансиска поддршка за мајките кои се вратени од породилно отсуство, ин-витро постапка со можност секоја жена да добие до шест бесплатни оплодувања, „дом за млади – купи куќа за младите“, поддршка за фирмите кои ќе вработат мајки на три или повеќе деца и програма „Добродојдовте дома“ за поддршка на лицата кои ќе се вратат од странство, како и за стимулирање на останување во државата, односно спречување на одливот на мозоци, најави денеска министерот за социјална политика, демографија и млади Фатмир Лимани.

На прес-конференција по повод сработеното во првите 100 дена, Лимани информира дека Планот за демографија предвидува мерки за поттикнување на наталитетот.

-Сто дена Влада, значи сто дена посветеност. Затекнавме закочени проекти, неисплатени средства, демотивирани вработени, но, пред се, разочарани граѓани од целокупната состојба во државата. Сто дена не се многу, но во овој период направивме значајни промени кои го подобрија животот на граѓаните и тука нема да застанеме. Нашата цел е да ги задржиме младите дома, да ги поддржиме семејствата, да обезбедиме достојна старост за највозрасните сограѓани и да обезбедиме поддршка за ранливите, нагласи министерот.

Тој потсети дека околу 340 000 пензионери на 1 октомври добија за 2 500 денари повисоки пензии, а на први април ќе добијат, рече, уште толку. Се осврна на поддршката за младите и општините, на инвестициите во градинките, центрите за лица со попреченост и останатите проекти.

-Владата обезбеди 250 милиони евра за капитални инвестиции за општините. Пристигнати се 357 проекти од околу 80 општини. Дел од нив се и за градинки и центри од областа на социјалната заштита. Во изминативе 100 дена поставивме камен-темелник на две нови градинки во Општина Бутел, во вредност од 100 милиони денари и во Општина Гази Баба, населено место Трубарево, во вредност од 19 милиони денари. Почнавме со градежни активности за доградба на објектот „Изворче” при градинката “Срничка”, Општина Аеродром, инвестиција вредна 120 милиони денари. Во завршна фаза се измените на Законот за детска заштита што ќе овозможи добивање лиценци за негуватели и воспитувачи и ќе се отвори простор за вработување над 800 лица, потенцира Лимани.

Според него, пуштена е во употреба доградбата на градинката „Гоце Делчев“ во Општина Илинден, завршени се и градинките во населените места Јегуновце, Теарце, Тетово, Липково и Шуто Оризари, а во завршна фаза се и градинките во Општина Чаир, Прилеп, Битола и Св.Николе – с.Ерџелија. Градежни работи, дополни, течат во уште 13 градинки.

-Покрај инвестициите во Детски Градинки, инвестираме и во центри за лица со попреченост, како и домови и центри за највозрасните лица. Почната е изградба на дневен центар за лица со телесна или ментална попреченост во Општина Кавадарци, проект вреден над 40 милиони денари, а тече и процесот на реконструкција и адаптација на крило во дом за стари лица во Берово, во вредност од 11 милиони денари. Почнавме постапки за нови четири објекти и во тек е комплетирање на документација и склучување на договор за изведба. Два од нив се за вон семејна заштита на повозрасни лица во Крива Паланка и Кавадарци, и два за лица со попреченост во Боговиње и Македонски Брод. Опфатени се сите делови на земјата, се инвестира онаму каде што општините изразиле интерес за потребите на своите жители, истакна министерот.

Грижата за младите, посочи, се потврдува со поставување неколку стратешки цели: зголемено учество во носење одлуки на локално и централно ниво, младинска работа преку подготовка и донесување закон за младинска работа и зголемување на бројот на отворени сервиси за млади во општините, поддршка на млади талентирани лица, поддршка на младите во дeлот на нивното вработување, и на ангажман во насока на целосно спроведување на Законот за младинско учество и младински политики.

Според Лимани, во завршна фаза е реконструкцијата на Заводот за рехабилитација на деца и младинци – Скопје, Топанско Поле кој се трансформира во Ресурсен центар за социјални услуги.

-Во изминативе 100 дена се склучени нови 10 договори со општини и лиценцирани даватели на социјални услуги, односно услуги во домот и услуги во заедницата. Министерството обезбедува средства за услугите по завршувањето на финансиската поддршка со грантот од Светска Банка. Во рамките на јавни установи за згрижување деца со воспитно-социјални проблеми и нарушено поведение со финансиска помош од Светска банка и Европската унија направен е предлог проект за реконструкција за дел од установата за отворање на Советувалиштен центар за деца во ризик. Одобрена од Европска Комисија е ИПА 3 Оперативна програма „Човечки капитал“, каде влегуваат „Гаранција за Млади“, вработувања на ранливи категории, социјално претприемништво, социјален дијалог, социјални услуги, социјално домување. Грант од ЕУ, информира министерот.

The post „Дом за млади – купи куќа за младите“ и поддршка за фирмите кои ќе вработат мајки на три или повеќе деца appeared first on Република.

Фатмир Лимани денеска ја презеде функцијата министер за социјална политика, демографија и млади од Фљакрон Беџети, државниот секретар во Министерството за труд и социјална политика кое со реорганизацијата на државата управа е преименувано во Министерство за социјална политика, демографија и млади. Од поранешното Министерство за труд и социјална политика, надлежностите за труд ги доби Министерството за економија.

Лимани во новата Влада влегува како кадар од Движењето Беса, кое е дел од коалицијата „Вреди“.

Фатмир Лимани е роден во Кичево на 14 јануари 1973 година, со моментално живеалиште во Општина Петровец, Скопје. Дипломирал на Филозофскиот факултет во Универзитетот во Тетово, каде се стекнал со звање дипломиран професор по историја.Неговото работно искуство почнува во 2005 година, како управител на бензиската пумпа „Голден оил“ во Кичево, по што во 2007 година станува претседател на Движењето „НДРИШЕ“, како и член на Надзорниот одбор на АД „МЕПСО“. Во 2011 година, Лимани станува заменик генерален директор и член на Управниот одбор на АД „ЕСМ“, каде поминува десет години. Лимани беше независен кандидат за градоначалник на Општина Кичево во 2021 година, додека во 2022 стана потпретседател на Движењето „Беса“. Во 2024 година добива мандат за пратеник во Собранието на Република Македонија од редовите на Движењето „Беса“.

Во биографијата приложена до Собранието стои дека мајчин јазик на Лимани е албанскиот, додека има познавање од македонскиот, англискиот и германскиот јазик. Како што е наведено, тој поседува компјутерски вештини од „Microsoft Оffice - Word“, „Excel“, „Power Point“, „Internet Explorer“, „Windows“, „Outlook Express“ и други.

The post Фатмир Лимани ја презеде функцијата министер за социјална политика, демографија и млади appeared first on Република.

Направив скрининг на богатството што го имаат луѓето во ДУИ, собрав храброст и ги објавив и вилата на Али Ахмети и куќата на неговиот шофер. Сите знаеме во каква куќа живееше порано неговиот шофер. Беше тип на куќа во два спрата, штала ја викавме порано, две соби горе, две долу, а долу стоеја животните. Сега има вила и огромно дворно место кое го има узурпирано, рече Фатмир Лимани, потпретседател на Движењето Беса во „За или против“ на телевизија Алфа.

https://republika.mk/vesti/makedonija/limani-semejstvoto-ahmeti-zloupotrebi-pet-milioni-frantsi-od-fondovite-na-ona/

Меѓу другото, Лимани истакна дека првиот вицепремиер Артан Груби е извршителот на мафијата

Артан Груби имаше многу голема самодоверба и за време на локалните избори, но во Кичево победија со помош на СДСМ, самодовереба дека ќе победат имаа и во Тетово, но изгубија со пет советнички места разлика. Самодовербата ја базираат на злоупотребените средства, мислат дека со тие пари ќе ги купат граѓаните, но не знаат дека граѓаните сега се на на друго повисоко ниво и парите ти ги зема и гласа против, додаде Лимани.

The post Шоферот што живееше во штала сега е милионер, Груби е извршител на мафијата appeared first on Република.

Фатмир Лимани, потпретседател на Беса, во вчерашното интервју за „Алфа“ откри нови детали за семејството на лидерот на ДУИ Али Ахмети. Конкретно, тој објави дека Ахмети злоупотребил околу пет милиони франци кои биле наменнети за борците на поранешната ОНА.

Ако сме вистинска држава тогаш МНР треба да побара како во Швајцарија биле регистирани двата фонда „Татковината повикува“ и „Национална слобода“ и со колку милиони евра располагаа и колку се потрошени за војната овде и на Косово.Станува збор за сума од пет милиони евра.Прашањето е каде завриле и за какви цели се потрешени-прашува Лимани.

The post Лимани: Семејството Ахмети злоупотреби пет милиони франци од фондовите на ОНА appeared first on Република.

Фатмир Лимани, внук на Али Ахмети  во интервју за Алфа ТВ вели дека семејството Ахмети има големо богатство  а тоа се гледа и од возниот парк што го поседува.

Неговиот син вози Порше, сопругата БМВ. Сумата на возниот парк достигнува еден милион евра-откри Лимани.

The post Внукот на Ахмети: Синот на Али вози Порше, сопругата БМВ appeared first on Република.

Американците ги ориентираат нашите граѓани со тоа што објавуваат лица како непожелни за САД, како што е последниот случај со градоначалникот на Општина Струга, Рамиз Мерко. Со тоа, тие велат дека во државата има криминал и тој криминал е кренат на ниво на градоначалници и во политичките субјекти. Тој е длабоко навлезен и се развива како метастаза и во владата и тоа е еден показател за кого граѓаните треба да гласаат. Американците не можат да донесат демократија тука, туку тие не ориентираат кон демократијата. Потенцирам уште еднаш, почетокот на разоткривањето и на нивниот крај крајот започнува со црната листа, или листата на непосакуваните на американскиот Стејтдепартмент, која почнува со Рамиз Мерко и на крај ќе заврши со секој функционер е замешан во курупција, без разлика да му припаѓа на таборот ДУИ, СДСМ или други - вели Фатмир Лимани во „За или против“ на телевизија Алфа, кој меѓу другото додаде дека крајот на ДУИ веќе започнал кога се тргнаа од програмските цели, кои во суштина беа во интерес на сите граѓани.

Во однос на тоа дека граѓаните и до сега го знаеле, а ДУИ сепак уште владее веќе дваесет години, Лимани вели дека до сега граѓаните не знаеле за она што го поседува Али Ахмети.

Корупцијата и криминалот не беше разоткриен како сега. Пред пет години не се знаеше дека Али Ахмети има вили, дека неговиот син има Порше, дека неговата сопруга има БМВ, дека вредноста на нивниот возен парк достигнува некаде околу еден милион евра. До вчера Албанците, но и Македонците мислеа дека тој е лидер кој не е замешан во овие коруптивни афери - рече Лимани.

The post Лимани: Крајот на ДУИ започнува со црната листа на САД која започна со Рамиз Мерко, само возниот парк на Али Ахмети е еден милион евра appeared first on Република.

Фатмир Лимани роднина на семејствтото Ахмети вели дека оваа фамилија од Зајас пред воениот конфликт била сиромашна и дека нагло се збогатиле откако влегле во власта.

-Јас ги познавам, фамилија сме, кои биле, колку имале, со што се занимавале пред 2001 година и после. Биле сточари и земјоделци и секогаш на работ на егзистенција, целата фамилија Ахмети, вели Лимани за „Фокус“.

The post Роднина на Ахмети: Фамилија сме ги знам, пред 2001 година беа сточари и земјоделци секогаш на раб на егзистeнција appeared first on Република.

Потпретседателот на Беса Фатмир Лимани вчера во емисијата „200“ на Алсат изјави дека партијата не е против вклучувањето на Бугарите во Уставот, но е против Албанците во највисокиот правен акт да се претставуваат со проценти.

Ние не сме против вклучување на Бугарите во Уставот. Ние не сме против вклучувањето на секоја заедница во Уставот. Но ние сме против тоа Албанците да се претстават како 20 отсто. Албанците со преамбулата договорена со Охридскиот договор се државотворен народ. И во случај да не се избрише 20 отсто како дефиниција внатре во Уставот, Беса ќе гласа против, вели Лимани.

Според Лимани, ова не е условување, а како што рече и претседателот на ВМРО-ДПМНЕ, Мицковски не бил против бришење на 20 отсто.

Ние не условуваме. За ние да условуваме треба да има страна која не се согласува. ВМРО-ДПМНЕ отворено кажа дека нема проблем да се брише 20 отсто. Претседателот на државата пред некој ден изјави дека тоа не е проблем. Тоа не е условување. Тоа е легитимно право, дури тоа е гарантирано и со потпишувањето на договорот од Охрид. Тоа не е условување. Ние како Беса имаме поднесено амандман во Владата, која потоа ќе го достави во Собрание тоа барање за уставни измени, вели Лимани.

Тој додаде дека Беса нема да учествува во работната група за составување на уставните амандмани.

The post Лимани: Беса ќе гласа против уставни измени, доколку во Уставот не се избришат 20-те проценти appeared first on Република.

Внукот на Али Ахмети, потпретседателот на Беса, Фармир Лимани во Фејсбук обраќање зборува за организираниот криминал со коцкарници во Македонија. Тој вели дека зад втората лотарија во Македонија стои ДУИ, односно разработен систем кој се финансира со илегални пари од коцкањето.

Главен за втората лиценца за ЛОТАРИЈА во МАКЕДОНИЈА, е фирмата „Новоматик“. Сè започнува со казиното во Гевгелија, кое го води Граф со соработникот Тал Силберштајн, со еврејско потекло, кој ја дизајнира стратегијата на политичкото дејствување на ДУИ, пишува Лимани во објавата.

За Силберштајн Лимани вели дека е човекот кој на ДУИ му го покажа трикот на големите измами дека преку 3-Д рекламирање.

Проектите да се прикажат како реализирани во фантазијата - желбите на народот и лаги да обезбедат диктаторска власт, која ја практикуваат низ годините. Сето тоа финансирано од средства што ги имаат изворите во мрачните бизниси, а кои се развиваат преку коцкање, лотариите, игри на среќа и казина кои се диригирани од сегашните владетели.

Исто така, неопходно е да се анализира измамата на гласачите преку непостоечки теории и проекти како што се:
• Албански премиер, што не се случи.
• Зелената агенда, која не беше направена.
• Заедно за Европа, што нема да се случи.
• Коридор 8, кој не е изграден
• Тунелот од Тетово до Призрен, кој не е изграден.
• Автопатот од Скопје до Блаце, кој не е изграден.
• Познатата железница Кичово-Лин, која нема да се гради.

ШТО ТРЕБА ДА СЕ АНАЛИЗИРА И ДА СЕ ИСТАКНЕ ВО ЦЕЛАТА ОВАА СОСТОЈБА?!

▪︎ „АУСТРИА КАЗИНО“, под чија „сенка“ работи НОВОМАТИК, го раководи австрискиот ГРАФ, кој е меѓу најбогатите во Австрија. И се поставува прашањето зошто на овој човек да му се дозволи да го ограби нашиот страден народ?!!!

• Ученикот на ТАЛ СИЛБЕРШТАЈН е АСАФ, консултант на Ковачевски, Вучиќ, Ахмет и Рама, но во раниот период му беше „учител“ и на Груевски и сите овие го измислија:
ПОЗНАТИОТ ПРОЕКТ „ОТВОРЕН БАЛКАН“!!!

ВО ОВОЈ СЛУЧАЈ ТРЕБА ДА СЕ ПОТЕНЦИРА:

• 40.000.000 € годишен промет од ЛОТАРИЈА!
• 500.000.000 евра годишен обрт од КАЗИНА!
• ЛИЦЕНЦИТЕ И ДОЗВОЛИТЕ ги издава Министерството за финансии и Дирекцијата за лотарија, со кои раководат функционери на ДУИ кои зборуваат албански јазик.

• ПОСЛЕ СЕТО ОВА СЕ ПОСТАВУВААТ ПРАШАЊАТА:
- Зошто субјектот на ДУИ го усвои Законот за легализација на ДРОГАТА?!
-Зошто субјектот на ДУИ го рашири коцкањето, игрите на среќа и казината во нашата држава?!
- Зошто субјектот на ДУИ го изработи проектот за протерување на Албанците кои не се согласуваат со нејзините опасни политики?!
- Каде завршуваат сите овие пари што се споменати погоре?!
- Која е точката на среќавање на функционерите, корумпираните, криминалци и организираниот криминал во сите овие ситуации?!

НАРОДЕ, КРАЈНО ВРЕМЕ Е ЗА ОСВЕСТУВАЊЕ!
ДЕЛУВАЈ ПРЕД ДА НЕ Е ПРЕДОЦНА, ЗА ИДНИНАТА НА НАШИТЕ И ВАШИ ДЕЦА!
03 февруари 2023 година
Ф.Б.Л.

The post Фатмир Лимани за казината, Отворен Балкан, дрогата и другите валкани бизниси на ДУИ appeared first on Република.

Потпретседателот на Движењето БЕСА, Фатмир Лимани, пред неколку дена објави видео од неколку куќи за кои вели дека му припаѓаат на претседателот на ДУИ, Али Ахмети и покрена многу дилеми за потеклото на имотот на Ахмети.

Во интервју за весникот ЛАЈМ, Лимани вели дека преку овие снимки се обидел да ги отфрли клеветата против него, за поседување на луксузна вила, објавени пред извесно време, од „луѓе блиски до ДУИ“.

Овие објави не се направени денеска. Пред два месеци имаше таков објава порталите кои ги контролираат, обидувајќи се да прикажат дека е моја една од нивните вили која се наоѓа некаде во делот на Буковик. Од тогаш почна овој судир и моето интересирање да видам чија е поконкретно таа и затоа сметав дека е разумно со тие средства со кои тие се обидуваат да ја девалвираат мојата личност, да се обидам да одговорам во однос на овие обвинувања за имот кој не е мој, ниту во моја, ниту во сопственостна моето семејство. Јас само одговорив.

 

Но, нема причина да се грижат толку многу, кога и самиот претседател на тој субјект побара скрининг или скенирање на сите нивни имоти што ги поседуваат и ако им се легални, немаат причина да се грижат. Во секој случај јас сум подготвен и однапред и порано, сум одговарал пред законите, зошто да не одговарам и денеска. Кога сакаат, во секое време, јас сум подготвен да одговарам, не само врз основа на кривични дела, туку на секој начин кој тие ќе одберат“, вели Лимани.

https://republika.mk/vesti/makedonija/limani-ova-se-saraite-na-ali-pasha-dali-navistina-mislevte-deka-vechno-ke-molchime-za-da-go-chuvstvuvate-luksuzot-vo-tselosen-mir/

The post Лимани за имотите на Ахмети: За сите нивни имоти што ги поседуваат и ако им се легални, немаат причина да се грижат appeared first on Република.

Потпретседателот на движењето Беса, Фатмир Лимани преку Фејсбук најави дека ќе пишува и открива „вистини и криминали за бизнисот со Лотарија и казината“.

Со наслов „Казината и молзењето на луѓето", Лимани на фејсбук Али Ахмети го именува по неговиот прекар Абаз Џука, па вели:

● Поранешниот патриот Абаз Џука, барал и добил директор на македонска ЛОТАРИЈА, за да молзе и да краде албански семејства!
● Зошто не доби ниту една дирекција, за економски развој за да ги вработи младите на државата, туку се избори да стане даночник на бенефиции од КАЗИНА!?
● Асистентот на Артан Груби станува директор на Македонска лотарија, а што добиваат, а што губат Албанците со ова!?
● Колку месечни поволности се собираат во касата на Али Ахмети од обложувалниците што ги отвори низ нашата држава?!
*ПС: Во наредните денови ќе се занимаваме со проблематиката на коцкање, казина, лотарии....

Во разговор за МКД.мк Лимани, инаку внук на Ахмети, објаснува дека целта на лидерот на ДУИ е партијата да навлезе што подлабоко и во институции кои носат „брзи" пари и каде е вносно да се има свој „удел". Лимани објаснува по барање на Ахмети за директор на Лотарија беше поставен Перпарим Бајрами, инаку близок соработник на Артан Груби.

Која е причината што влегуваат во Лотарија? Треба да се знае дека лиценците за казината ги даваат директорот на Лотарија и Министерството за финансии, каде министер е од ДУИ. Тие две институции не се случајно земени од ДУИ, нагласува Лимани.

The post Ахмети влегува во казино бизнисот, открива неговиот внук appeared first on Република.

Фатмир Лимани, член на Беса во интервју за „МКД.мк“говори за изборите за советници во општина Тетово, за успехот на Беса, за поразот на ДУИ и за понудената соработка кон Алијанса која тие ја одбиле. Лимани објаснува дека одбената коалиција била голема грешка што ја направиле Алијанса бидејќи заедно ќе имале 16 или 17 советници.

 Седнавме со нив, им рековме дека им даваме 50 отсто од листата, односно половина кандидати за советници од Беса, половина од Алијанса. И не само тоа, им понудивме власт во Тетово - 50 : 50. Но во Алијанса, исто како и во ДУИ, мислеа дека се многу јаки, дека се посилни од Беса. Им рековме дека многу од ограноците на Алијанса се приклонуваат кон нас. Имаа лоша прогноза, лоши теренски информации. Не го слушаа ниту тетовскиот огранок на Алијанса, кој беше за тоа да одиме заедно. Крајот е таков, секој лидер било да е на власт или е во опозиција, мисли дека неговите политики се исправни, а не на ограноците. Тоа е таа погрешна политика и погрешна проценка за која веќе кажав што мислам и колку се битни ограноците-вели Лимани за „МКД.мк“.

Лимани, кој е поранешен член на ДУИ, и внук на лидерот Али Ахмети, владеењето на партијата од Мала Речица го споредува со диктатура.

.Тие од врвот на ДУИ си играа со паметот, особено тоа беше видливо со „Зелената агенда". Да не го заборавиме и тоа дека тие се долги 20 години на власт, а тоа веќе значи своевидна диктатура. Дваесет години! Па толку години дома нема да те трпат ако едно исто постојано зборуваш и на ист лош начин се однесуваш. Да не зборувам за празните ветувања од типот дека ќе направат тунел од Тетово до Призрен, потоа автопат од Гостивар до Кичево, па од Кичево до Дебар и да не ги редам многуте други ветувања кои беа само голи фрази. ДУИ со празните ветувања, со користењето на власта заради вдомување на фамилиите на функционерите се веќе целосно прочитани, во случајов од тетовци на кои низ годините ДУИ им излезе низ нос. Па тетовци најдобро ги познаваат луѓето од врвот на ДУИ. Пак ќе речам, диктаторскиот однос им се удри од глава, од односот на ДУИ кон Албанците. Каков е тој однос? Ако си со ДУИ добро е, ако си против ДУИ, а си Албанец, тогаш, надвор од земјава.

The post Внукот на Али Ахмети од Беса: ДУИ се долги 20 години на власт, а тоа веќе значи своевидна диктатура appeared first on Република.

Откако албанските медиуми како скандалозна и тајна ја објавија средбата на лидерот на ВМРО-ДПМНЕ Христијан Мицкоски, градоначалникот на Тетово и лидер на Беса Билал Касами и Фатмир Лимани, сега дел од Беса, тој на „Фејсбук“ им возврати со сите теми на кои разговарале, порачувајќи му на „Али Бег“ дека нема потреба од шпиони, зошто сам ќе си каже што се зборувало.

НА СРЕДБАТА СО МИЦКОСКИ РАЗГОВОРЕМЕ:
️️🔸 За средбата на А.Ахмети и Мицкоски што се одржа во Собранието, но и молбите на Али за формирање предизборна коалиција..❗️
🔸️ За барањето на ДУИ, да добијат „ЛИЦЕНЦА“ за приватна ЛОТАРИЈА, за уште појако да се инсталира Коцкарскиот систем во државата..❗️
🔸️ За милионските пазарења на ЧЕТАТА, во врска со „КОРИДОРОТ 8“ ❗️
🔸️ За злоупотребите и рекетирањето направени од страна на функционерите кои ја водат УЈП .. ❗️
️ 🔸️За спас на државата од АРАМИСКАТА ЧЕТА на чело со Карадузен Али Бег.. ❗️
🔸️ Дури и за …. ️ ️Напиша на Фејсбук Лимани.

Проект за проширување на најфреквентниот пат во Чаир кој го вети и никогаш не го реализираше четата на Карадузенот… 😉
️◾️ * П.С.: На шпионот на Карадузенот да не му „останува на ум“ за што сме дискутирале, следниот пат е добредојден на масата затоа што јас секаде зборувам отворено.
13 мај 2022 година Тетово Ф.Б.Л. напиша Лимани.

The post „За спас на државата од арамиската чета на Али Бег“: Лимани објави за што разговарале со Мицкоски appeared first on Република.

Независниот кандидат за градоначалник на Општина Кичево на изминатите избори, воедно и внук на лидерот на ДУИ Али Ахмети, Фатмир Лимани во „Click Plus“ на ТВ21 истакна дека членови, односно тесната структура на ДУИ направиле милиони, а во наредниот период ќе презентира и докази.

„Од каде е сето тоа богатство. Од каде сите тие пари. Знаеме кои беа до вчера. Знаеме во какви услови сме живееле и во период од 20 години со плати од 1000-700 евра направија милиони? Од каде? Дали сте слушнале шофер да има куќа вредна милион? Логично дали може да има? Доколку куќата чини 500-600 илјади евра, тогаш тој треба да биде милионер. Како тоа може да го направи некој со 600 евра кога е сиромашен“, вели Лимани.

Лимани оди дотаму што тврди дека окколу 80 проценти од членовите на ДУИ се милионери

Главна цел зошто ДУИ сака да остане на власт под секоја цена се личните придобивки од кои станале милионери, вели Лимани, кој неодамна стана член на Беса.

Во врска со овие тврдења Лимани вели дека тие ќе ги документира и со видеа. Тој исто така ја обвини ДУИ дека ја заборавила својата генеза, а актуелната ДУИ нема никаква врска со убедувањата и целите на почетната структура. Како резултат на тоа, според него, над 200 војници преминале во Беса.

Јас имав средби со војниците, веднаш штом излегов и преминав кај Движење Беса. Имаше иницијатива да се сретнам со 50 војници. Знаете колку дојдоа? Над 220. Јас мислев дека нема да дојдат ниту 50! Се поставува прашањето зошто 220, 230 војници? Која е причината поради која и тие преминаа во Движење Беса, рече Лимани.

Лимани нагласи и дека се деградирани главните фигури на ОНА кои биле дел од првичната структура на ДУИ, а веќе не се, како Садула Дураку, Хазби Лика, Фазли Велиу и Муса Џафери.

Меѓу другото, претходно го обвини и лидерот на ДУИ Али Ахмети дека е диктатор кој е 20 години на власт.

„Никаде во Европа нема таков пример“, рече Лимани.

Како што е познато пред извесно време, односно по локалните избори Лимани одлучи да се приклучи на Беса.

The post Внукот на Али Ахмети: Членови на ДУИ направија милиони, шофер има куќа од милион долари appeared first on Република.

Фатмир Лимани, роднина на лидерот на ДУИ Али Ахмети и независен кандидат за градоначалник на Кичево на последните локални избори, кој денеска премина во Беса, најавува дека ќе се залага за обединување на албанската опозиција во пресрет на следните парламентарни избори, независно дали ќе бидат вонредни или во редовниот термин.

Во изјава за Фокус, Лимани вели дека преговарал за припојување и кон Алијанса за Албанците на Зијадин Села, но наместо со АА, успеал да постигне договор за соработка со Беса на Биљал Касами, каде ќе биде координатор за цела петта изборна единица.

Преговорите со Алијанса не успеаа поради нивниот локален огранок во Кичево, поради кој всушност не постигнавме договор. Но, успеавме да се договориме со Беса, во чии рамки нема само да делувам само во Кичево, туку и во Струга, Охрид, Битола, Долнени и цела петта изборна единица – вели Лимани.

Кога говори за обединување на албанската опозиција, тој посочува дека мисли на Беса и на Алијанса за Албанците, но не и за новиот владин партнер Алтернатива, бидејќи, според него, партијата на Африм Гаши има договор со ДУИ за да добие 3 пратенички места на заеднички листи на следните избори.

Според него, Беса и Алијанса заедно можaт да ја загрозат ДУИ на изборите и да освојат доволен број на пратеници кој ќе им овозможи да бидат легитимен и стабилен партнер во идната влада, која, како што истакнува Лимани, нема дилеми дека ќе ја формира ВМРО-ДПМНЕ, а Христијан Мицкоски ќе бидат мандатар.

Ако сме обединети, може да освоиме 12 пратеници најмалку, од кои еден во првата, по 2 во втората и петтата изборна единица, како и најмалку 7 во шестата изборна единица, каде локалната власт во Тетово и Гостивар е во раце на опозицијата. Со 12 пратеници, а може да освоиме и повеќе, дефинитивно влегуваме во идната влада – смета Лимани.

Инаку, Лимани е во роднински врски со Ахмети и со неговиот вујко Фазли Велиу. Тој стана актуелен во јавноста кога лани најави дека ќе се кандидира за градоначалник на Кичево, за да му се спротивстави на долгогодишниот градоначалник и некогашен сопартиец Фатмир Дехари. Дотогаш, беше заменик-директор на АД ЕСМ или поранешно ЕЛЕМ.

Како што е познато, во градоначалничката трка во Кичево, Лимани освои над 5 илјади гласа во првиот изборен круг, но не успеа да се пласира во вториот круг, каде влегоа Дехари и кандидатот на ВМРО-ДПМНЕ Александар Јовановски. Иако Јовановски водеше во првиот круг, а Лимани индиректно ги упати своите поддржувачи кон него, сепак, на крајот Дехари доби уште еден мандат.

The post Мицкоски е идниот мандатар, вели Фатмир Лимани, внукот на Ахмети кој премина во БЕСА appeared first on Република.

оранешниот заменик-директор на ЕСМ и внук на Али Ахмети, Фатмир Лимани, денес ќе ѝ се приклучи на партијата Беса заедно со својата политичка структура, објави Алсат.

Лимани беше независен кандидат за градоначалник на Кичево на локалните избори минатата есен.

Од Беса целат дека станува збор за крупен политички настан, поради тоа што Лимани, покрај во Кичево, каде водеше тесна борба за градоначалничката функција, има ограноци и во Скопје, Арачиново, Битола, Струга и во други места.

Приклучувањето на Лимани го потврди и лидерот на опозициската партија Беса, Биљал Касами.

Лимани со години беше член на ДУИ, но ја напушти партијата по серија несогласувања со раководството.

The post Внукот на Али Ахмети, Фатмир Лимани, од денеска е член на Беса appeared first on Република.