СДСМ е политичка партија која не прави компромис со принципите на слободата и еднаквоста, кои воедно и се во темелите на ЕУ, каде нашата држава сакаме да ја видиме како полноправна членка. Носењето на одлуки кои ќе не доближат до оваа наша стратешка цел, значи создавање на можности за иднината за која младите размислуваат. Затоа ние сме на страна на младите, на идните генерации, носиме одлуки кои создаваат економски перспективи за сите нив“, порача потпретседателот на СДСМ, Фатмир Битиќи во рамки на Летниот камп на Социјалдемократската младина на Македонија кој се одржува во Охрид.

Потпретседателот Битќи, нагласи дека преку евроинтегративните процеси се создаваат подеднакви можности за сите млади во земјава.

„Со забрзувањето на евроинтегративните процеси за нашата држава ќе донесе и порамномерен економски развој во земјава, со што иднината нема да биде само привилегија на младите кои живеат во најбогатиот Скопски плански региона, туку подеднакви можности ќе имаат и оние кои живеат во Североисточниот регион“, рече Битиќи.

The post Битиќи: СДСМ е на страна на младите и appeared first on Република.

Природно е трендот на покачување на минималната плата да биде проследен со соодветно зголемување и на останатите плати, а нема апсолутно никаков простор за загриженост дека ваквото зголемување на минималната плата ќе ја забрза инфлаторната спирала, изјави заменик-претседателот на Владата задолжен за економски прашања, координација на економските ресори и инвестиции, Фатмир Битиќи.

Битиќи во интервју за 24 Инфо за тоа дали ќе следува покачување на останатите плати во јавниот и приватниот сектор, вели дека вработените во јавниот сектор веќе добија покачување на платите според колективните договори за секоја гранка одделно.

-Со ова покачување на минималната плата ќе се зголемат платите на административците кои имаат засновано работен однос според Законот за административни службеници (ЗАС), додека сите останати кои се под државна капа имаат свои гранкови синдикати кои имаат склучено колективни договори и нивните плати и надоместоци се дефинирани во овие колективни договори, рече Битиќи..

Во врска со приватниот сектор негови очекувања се дека и природно е овој тренд на покачување на минималната плата да биде проследен со соодветно зголемување и на останатите плати, кое секако дека треба да биде проследено со соодветно зголемување на продуктивноста, ефективноста и ефикасноста во работењето на секој наш работник, како во јавниот така и во приватниот сектор.

Вицепремиерот задолжен за економски прашања, координација на економските ресори и инвестиции, во интервјуто потенцира дека нема апсолутно никаков простор за загриженост дека ваквото зголемување на минималната плата ќе ја забрза инфлаторната спирала.

- Водејќи се според основните економски законитости, ние живеевме и се уште живееме во период на повисоки цени на енергенси и основни прехранбени продукти исклучиво заради нивното намалено производство, а не заради зголемената куповна моќ на домаќинствата. Дополнително енергенсите како и основните прехранбени продукти ги користиме ограничено, односно многу тешко е во пракса да се случи зголемување на нивните цени заради енормно зголемената побарувачка.
Краткорочните предвидувања за до крајот на оваа година, како од страна на меѓународата организација за храна и земјоделие (FAO) поврзано со цените на храната, така и на интернационалната агенција за енергија (IEA) поврзани со цените на енергенсите се дека ќе има нивно понатамошно намалување, но секако со послаба динамика. Овие предвидувања охрабруваат и ни даваат надеж дека нивниот ефект ќе се прелие и врз нашата економија која знаеме дека е скоро 100% увозно зависна од енергенси, и која произведува околу ½ од вкупните потреби за храна, вели Битиќи.

Вицепремиерот потенцира дека 2022 година, според официјалните бројки на Народна Банка сме ја завршиле со историски рекорден износ на странски директни инвестиции во земјата во износ од 753,8 милиони евра. Според него, нашата економија нема потреба само од ИТ инженери и работници кои се потребни на ИКТ индустријата, туку има една подолга низа на високо квалификувани профили за кои понудата на работна сила кај нас е многу ограничена или воопшто ја нема

The post Битиќи најавува дека со зголемувањето на минималната плата ќе се зголемат и платите во сите сектори appeared first on Република.