При засилена акциска контрола на Министерството за внатрешни работи на територија на државата денеска санкционирани се 863 возачи за брзо возење.

Како што соопшти денеска МВР, од вкупниот број изречени санкции, 75 возила се движеле со брзина над 50 километри на час повеќе од дозволеното, а 22 возила се движеле со дури над 70 километри на час повеќе од дозволеното. Притоа, 450 возачи ја пречекориле брзината во населено место, а 413 надвор од населено место.

Од МВР најавуваат дека засилените акциски сообраќајни контроли продолжуваат и во наредните денови и апелираат до граѓаните да ги почитуваат сообраќајните правила и прописи за зголемување на безбедноста во сообраќајот.

The post Летал со 217 км/час по македонски автопат appeared first on Република.

Од вчерашните радарски контроли на брзината на возилата на автопатот Куманово - Скопје - Велес полицијата со јавноста сподели фотогафија од еден од своите уреди на која се гледа дека е регистрирано возило кое се движи со 204 километри на час.

МВР информира дека мобилната единица за безбедност на сообраќајот на патиштата за време на акциската контрола на автопатот Куманово - Скопје - Велес за санкционирање на возила кои се движат со брзина поголема од дозволената, санкционирала вкупно 143 возачи.

„Од нив, 36 возила се движеле со брзина над 50 километри на час повеќе од дозволеното, а шест возила се движеле со дури над 70 километри на час повеќе од дозволената брзина. Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи“, велат од МВР.

The post Возел со 204 км на час, фатен на радар на автопатот Куманово – Скопје – Велес appeared first on Република.