Македонската фудбалска репрезентација попладнево ги завршува настапите во групата од Ц-сегментот на Лигата на нации.

На Националната арена „Тодор Проески“ од 15 часот гостува селекцијата на Фарски Острови.

Напаѓачот Александар Трајковски верува дека може да се продолжи победничката серија која трае четири натпревари.

Постои мал замор бидејќи играме во три дена два натпревари, но не е прв пат да имаме ваков ритам. Секогаш сакаме да го дадеме најдоброто од себе и наша цел е со победа да го завршиме ова издание во Лига на нации. Треба да бидеме фокусирани и доколку го дадеме максимумот сметам дека може да ја оствариме целта и три бода, изјави Трајковски.

Во пресрет на натпреварите од 6. коло, Македонија е лидер во групата со 13 бодови, Фарски Острови имаат 6, Ерменија и Летонија по 3.

The post Да ја поддржиме и да навиваме за Македонија: Фарски Острови последен ривал на македонските фудбалери во групната фаза од Лигата на нации appeared first on Република.

Македонската фудбалска репрезентација попладнево со чартер чет отпатува за Торшавн каде в сабота против домаќинот Фарски острови го игра воведниот натпревар во Ц-дивизијата во Лигата на нации.

Натпреварот за закажан за в сабота во 15 часот, на стадионот „Торсволур“ со капацитет од 6.500 седишта.

Судиската четворка доаѓа од Литванија, предводена од 31-годишниот Манфредас Лукјанчукас.

Избраниците на селекторот Благоја Милевски ќе го заокружат септемврискиот циклус во рамки на групата Ц4 во Лигата на нации идниот вторник кога на националната арена „Тодор Проески“ во Скопје ќе гостува репрезентацијата на Ерменија

The post Со среќа: Македонската репрезентација отпатува за Фарските острови appeared first on Република.

 - Репрезентацијата на Македонија ги започна подготовките за новата сезона во Лигата на нации, a прв натпревар за нашата најдобра селекција е Фарски Острови.

Фудбалерот на Бохум, Агон Елези вели дека целта за Македонија е првото место во групата.

-Мило ми е што повторно сум дел од репрезентацијата. Во тимот владее позитивна атмосфера. Нашата цел е првото место. Почеток на сезона сме и сите момци се максимално спремни и се желни за добар резултат. Во модерниот фудбал нема добиени натпревари пред време. Фарски острови е многу незгоден ривал. Мора да се прилагодиме на нивната подлога (вештачка трева), но верувам во моите соиграчи и во позитивен резултат. Македонија во оваа група цели кон првото место со оглед на нашиот квалитет имаме право да веруваме. Но, тоа треба да го покажеме на теран, изјави Елези.

The post За Македонија веќе и Фарските острови се незгоден ривал appeared first on Република.

Македонската ракометна репрезентација вечерва ги совладаа Фарски Острови со 34:26 и се пласираа на Светското првенство следната година.

Разликата од осум голови беше доволна да се анулираат седумте негатива од првиот дуел од барашот за СП одигран во средата на гостински терен кој Фараните го добија со 34:27.

Селекторот Кирил Лазаров постави извонредна игра, како во нападот, така и во одбраната. Македонците покажаа голема борбеност, беа агресивни во дуелите, играа трпеливо во нападот и на крајот заслужија мундијалски билет.

По првите 30 минути Македонија водеше со 19:15, во 37. минута ги имаше посакуваните +7, а во неколку наврати водеше и со девет разлика.

Жарко Пешевски со осум погодоци беше најефикасен во победничкиот состав. Се истакнаа и Филип Кузмановски со седум, Марко Митев со шест и Мартин Серафимов со пет погодоци.

За „Црвено-жолтите“ следното Светско првенство ќе биде деветти, по 17 пат ќе играат на голем ракометен настан, а задржан е и континуитетот на учество на големите натпреварувања кој трае од 2012 година.

The post Македонските ракометари ги совладаа Фарски Острови и се пласираа на Светското првенство 2025 appeared first on Република.

Кирил Лазаров, селекторот на македонската селекција ги одбра 16-те ракометари со кои вечерва ќе го одигра првиот од двата бараж дуели против Фарски Острови, на гостувањето во Торшавн.

Лазаров се одлучи во тимот да го вклучи и пикерот Михаил Аларов, а селекторот на националниот тим се одлучи да го вклучи и младиот Дамјан Митев, кој ќе треба да помогне во нападот на нашата селекција.

Мечот започнува во 20:00 часот, а ова се ракометарите кои вечерва ќе настапат на првиот бараж натпревар:

The post Лазаров ги одбра ракометарите за Фарски Острови appeared first on Република.

Селекторот на машката репрезентација на Македонија, Кирил Лазаров, го скрати поширокиот список од 36 ракометари на 20, за бараж-мечевите со селекцијата на Фарските Острови за пласман на Светското првенство (СП), кое во 2025 година треба да се игра во Хрватска, Данска и во Норвешка. Првиот натпревар е на гости на 8 мај, а вториот четири дена подоцна во Скопје, во СЦ „Борис Трајковски“.

Меѓу 20 ракометари, тројца се интернационалци, Никола Митревски (Порто, Португалија), Филип Талески (Бенфика, Португалија) и Никола Костески (Плзен, Чешка), а во конкуренција се и седум резервни играчи. Секако, хендикеп е отсуството на Ненад Костески, кој е повреден.
Репрезентативците треба да се соберат в петок. Македонија досега настапи на осум светски првенства, и тоа шест во низа од 2013 година, а најдобриот пласман беше забележан во 2015 година, кога беше освоено деветтото место.
Состав: голмани: Никола Митревски (Порто, Португалија), Мартин Томовски (Вардар), Марко Кизиќ (Еурофарм Пелистер). Леви крила: Цветан Кузманоски (Еурофарм Пелистер), Петар Атанасијевиќ (Еурофарм Пелистер). Десни крила: Никола Костески (Плзен, Чешка). Десни бекови: Томислав Јагуриноски (Вардар), Мартин Велковски (Алкалоид), Мартин Серафимов (Алкалоид). Средни бекови: Марко Митев (Алкалоид), Дамјан Митев (Алкалоид), Иван Џонов (Алкалоид). Леви бекови: Филип Талески (Бенфика, Португалија), Филип Кузмановски (Еурофарм Пелистер). Пикери: Жарко Пешевски (Еурофарм Пелистер), Милан Лазаревски (Вардар), Марко Стојковиќ (Алкалоид), Валентин Карасманакис (Алкалоид). Дефанзивци: Никола Марковски (Алкалоид), Михаил Аларов (Вардар). Резерви: голман Иван Галевски (Алкалоид), лево крило Гоце Ојлевски (Охрид), десно крило Никола Стоилковски (Охрид), лев бек Павле Атанасијевиќ (Еурофарм Пелистер), среден бек Мартин Карапалевски (Вардар), десен бек Давид Савревски (Алкалоид), дефанзивец Михајло Младеновиќ (Алкалоид).

The post Селекторот Кирил Лазаров го објави списокот за бараж-мечевите со Фарските Острови appeared first on Република.

Репрезентацијата на Фарски Острови е противник на македонската машка ракометна селекција во баражот за пласман на Светското првенство 2025 кое ќе се одржи во Хрватска, Норвешка и Шведска.

Македонија беше во групата на привилигирани репрезентација, а Фарските Острови беа една од селекциите кои не ги посакувавме.

Првите натпревари од баражот се играат на 7 или 8 мај, реваншите се на 11 или 12 мај. Во првиот дуел гостуваме, реваншот го играме во Скопје.

The post Македонија и Фарски Острови во баражот за ракометното СП 2025 appeared first on Република.

Македонската фудбалска репрезентација во пријателски натпревар ги совлада Фарските Острови со минимални 1:0. Стрелец на голот беше Бојан Миовски на десетина минути пред крајот. Со тоа, колку-толку „го нашминка" релативно слабото издание на нашата селекција.

Сепак, и ваквиот минимален триумф ќе треба да послужи за подобрување на атмосферата во репрезентацијата, која е во нагорна линија по квалификацискиот триумф против Малта во четвртокот.

Во игра без многу возбудувања или добро изградени акции, првото полувреме заврши со само еден момент за паметење. Го изведе Езџан Алиоски, чиј шут од косо од левата ивица на шеснаесетникот ја погоди гредата на противничкиот гол.

Во второто полувреме имаше малку пожива игра од нашите репрезентативци, кои повеќе се обидуваа да извршат притисок кон противничкиот гол. Тоа, сепак, резултираше само со неколку мешаници пред и во шеснаесетникот на Фарските Острови или, пак, удари од далечина, кошто не бараа посериозна интервенција од голманот.

Таквата состојба на теренот ја разбранува Елиф Елмас во 79 минута кога доби топка зад противничката одбрана, излезе сам пред голманот, но од 6-7 метри биеше само во добро поставениот чувар на мрежата на Фарските Острови.

Тој импулс, што го предизвика акцијата на Елмас, го искористи Бојан Миовски само две минути подоцна. Прими топка на раб од шеснаесетникот и со смирен и одмерен удар од десно ја пласираше топката во долниот десен агол на немоќниот противнички голман.

Тој погодок беше доволен за триумф на македонските фудбалери.

The post Македонија со многу мака и добар потег до минимален триумф со Фарските Острови appeared first on Република.