СВР Тетово поднесе кривична пријава против А.Џ.(25) и Р.Џ.(22), двајцата од Тетово, поради постоење основи на сомнение за сторени кривични дела „осигурителна измама“ и „поднесување на лажни докази“.

При вршење увид од екипа на СВР Тетово во врска со пријава за фалсификувани медицински извештаи, биле забележани медицинските извештаи од првопријавениот и второпријавената, кои не биле заведени во соодветни книги за заведување на сообраќајни незгоди, ниту во системот „Мој термин’’, а притоа истите извештаи биле предочени на лекарите чиј факсимил стоел на документот, по што лекарите се произнеле дека извештаите не се пополнети од нивна страна, ниту потписот е нивен. Од СВР Тетово била контактирана осигурителната компанија во врска со обештетувањето кое го добиле прво и второпријавените, од каде бил добиен одговор дека на 30.12.2021 преку адвокат до нив било доставено барање од прво и второпријавената за нематеријална штета, по што на двајцата им биле исплатени вкупно 160.000 денари.

Во изготвување на фалсификуваните медицински извештаи им помагало друго лице, а кое потоа им ги дало на првопријавениот и второ пријавената и на тој начин им помогнал да се стекнат со противправна имотна корист од 160.000 денари.

The post Измама тешка 160 000 денари: Уапсени тетовчани поради фалсификување на медицински извештаи appeared first on Република.

Регионалниот центар за гранични работи Југ поднесе кривична пријава против П.П.(65) од Прилеп поради постоење основи на сомнение за сторено кривично дело „фалсификување исправа“.

Како што информираат од МВР, пријавениот во периодот од 11.10.2020 до 02.04.2021 година, додека незаконски престојувал во Сојузна Република Германија, обезбедил фалсификувани штембили од Унгарија во неговата патна исправа за да докаже дека неговиот престој во Европската Унија не надминувал 90 дена.

Патната исправа со фалсификувани штембили ја користел во повеќе наврати, но на 20.11.2022 година при гранична контрола во Унгарија му била одземена и за тоа била водена судска постапка во Унгарија. Потоа, на 04.01.2023 пријавениот пријавил дека патната исправа му била изгубена, по што му бил издаден издаден нов пасош во Македонија, по што ги користел двете патни исправи, посочуваат од МВР.

The post Прилепчанец обезбедил фалсификувани штембили од Унгарија за во пасошот за да докаже дека неговиот престој во ЕУ не надминувал 90 дена appeared first on Република.

Единицата за економски и компјутерски криминал при СВР Скопје поднесе кривична пријава против М.А.(38) од Скопје, поради постоење основи на сомнение за сторено кривично дело „фалсификување исправа“, казниво по член 378 од Кривичниот законик.

Пријавениот набавил фалсификувана македонска возачка дозвола за управување на моторни возила од А и Б категорија со негови лични податоци и таквата возачка дозвола во текот на 2022 година ја приложил како вистинита заради замена кај надлежните институции на Италија.

The post Скопјанец фалсификувал возачка дозвола и ја користел како документ во Италија appeared first on Република.

Полициски службеници синоќа на Граничниот премин „Ќафасан“ уапсиле тетовец откако било констатирано дека поседувал фалсификувана дозвола за престој во Швајцарија.

Синоќа во 21:25 часот на Граничен премин „Ќафасан“, полициски службеници го лишиле од слобода Х.Д.(48) од Тетово, затоа што при контрола и проверка на документите било констатирано дека дозволата за престој во Швајцарија била фалсификувана - посочуваат од МВР.

Лицето било предадено на полициски службеници од Отсекот за прекуграничен криминал, странци и реадмисија Струга – Регионален центар за гранични работи Запад за понатамошна постапка.

The post Уапсен тетовец поради фалсификувана дозвола за престој во Швајцарија appeared first on Република.