Навистина не знам како не е до власта која во август 2022 година ветуваше дека за неколку недели ќе почне производството, а за неколку месеци потоа лаже дека ги групирале парцелите па тоа било пречка за да отпочне, за да повеќе од година дена сведочиме на банкрот на компанијата, изјави претседателот на ВМРО-ДПМНЕ, Христијан Мицкоски денеска од општина Аеродром одговарајќи на новинарско прашање за пропаднатата фабрика за електрични возила во Тетово.

Треба да видиме дали е исплатена државна помош, ги охрабрувам медиумите да ја прашаат владата, а доколку не одговори, за неколку месеци од денеска идната влада на ВМРО-ДПМНЕ ќе даде одговор на ова прашање, додаде Мицкоски.

Мицкоски посочи дека ако е исплатена државна помош, тоа што тој го направил сторил огромно кривично дело и злоупотреба на народни пари и ќе одговара за сето тоа.

Ние од самиот почеток предупредувавме дека ова е уште една шарена лага во очи на тогаш вонредните локални избори во општина Тетово кога имаше повторени избори за советот и во предизборна еуфорија се сликаше целиот државен врв на чело со Ковачевски, Ахмети и останатата група. Сега истите ги нема да излезат во јавност и да кажат зошто компанијата која така помпезно ја најавуваа банкротираше и дали е исплатена државна помош, а ако е исплатена колкава е таа државна помош за да знаеме колку долго некој ќе одговара затоа што ги злоупотребува народните пари, потенцираше Мицкоски.

The post Мицкоски: Предупредувавме дека фабриката за електрични возила е шарена лага appeared first on Република.

Ливадата со нарасната трева наместо фабрика е единствениот проект од „Зелената агенда“ на ДУИ и нивната експозитура СДС! Фабрика за производство на електрични автомобили во Тетово нема! Да не беа трагични, смешни ќе беа зборовите на Деспотовски и Ковачевски пред една година, но и во текот на цела година поврзани со фабриката која не постои!По цела година лаги дека се тече според план и дека фабрика ќе има, а според најавите за четири месеци од денеска треба и електрични автомобили да се возат произведени во Тетово, по најавите дека цели 43 милиони евра помош од буџетот следат за фабриката, по лагите за 900, а можеби и 3-4.000 нови вработени, одговорноста е директно кај Јован Деспотовски - посочи портпаролот на ВМРО-ДПМНЕ, Наум Стоилковски на денешната прес-конференција.

Тој додава дека по една година разна нива, продолжуваат лагите за фабрика за автомобили во Тетово! Ламентирањата на Деспотовски дека имало план и имало конзорциум, не го менуваат фактот дека фабрика нема!

За да биде појасно, во Македонија може да има и конзорциум со план за вселенски истражувања, но тоа не го менува фактот дека ниту сме сила, ниту дека имаме ракета, но можеби Деспотовски ќе смета дека сме го освоиле Марс!Во бизнисот, времето е пари, загубена една цела година, за фабрика, за електрични автомобили е сериозен показател дека станува збор за голема лага. Лага испорачана од владата, од ДУИ, од СДС, и од Јован Деспотовски којшто глумеше домаќин на прославата за наводен камен темелник за фабрика!
И затоа, најмалку што е потребно и очекувано, е оставка од морални причини од Јован Деспотовски од позиција директор на ТИРЗ - рече Стоилковски.

The post Стоилковски: Ливадата со нарасната трева наместо фабрика е единствениот проект од „Зелената агенда“ на ДУИ и нивната експозитура СДС appeared first on Република.

ДУИ и СДС денеска мора да одговорат каде е фабриката за електрични автомобили, откако пред точно една година направија прескапа прослава за наводен камен темелник во ТИРЗ Тетово, рече на денешната прес конференција портпаролот на ВМРО-ДПМНЕ, Наум Стоилковски.

Тој потсетува дека на 13 август лани цела влада на ДУИ и СДС организираа скапа манифестација за отпочнување на градба на фабрика за електрични автомобили, со тоа што во 2024 година требаше да се возат првите коли на струја од Тетово. Димитар Ковачевски порача дека ќе се отворат 890 добро платени работни места, а по тие изјави да се налепија бројки од 3000-4000 поврзани вработувања во ТИРЗ Тетово, рече Стоилковски.

– По цела година наместо фабрика има ливада која не е ни искосена. Очекуваме и по овој прес ДУИ и СДС, Крешник Бектеши од позиција министер за економија и Јован Деспотовски од позиција Директор на ТИРЗ, повторно да тврдат дека сè тече според планот и дека изградабата на фабриката ќе почне наскоро, рече Стоилковски.

Тој побара министерот Бектеши и директорот на ТИРЗ Десподовски, како и ДУИ и СДС, да одговорат: Каде е фабриката за електрични автомобили која доби и државна помош во износ од 43 милиони евра? Ако фабриката ја нема, каде завршија околу 43 милиони евра од државната помош? Колку чинеше прославата за лагата почеток на градба, дали и за тоа пари зема омилената Арберија? Ќе признаат ли ДУИ и СДС дека фабрика за автомобили е уште една лага поврзана со ДУИ и фирми спонзори на ДУИ?

https://www.youtube.com/watch?v=0hFeVjawon8

The post Стоилковски: Каде е фабриката за електрични автомобили во Тетово која доби државна помош од 43 милиони евра? appeared first on Република.