Германската министерка за надворешни работи, Аналена Бербок, изјави дека на Украина и треба тешко оружје.

Таа додаде дека партнерите немаат време да бараат изговори и треба да бидат креативни.

Повеќе од јасно е дека на Украина и е потребна дополнителна воена поддршка за да може да се одбрани. Тоа го правиме заедно со нашите меѓународни партнери, заедно со европските партнери даваме дополнителни милиони... Но, јасно е дека на Украина и требаат дополнителни воени материјали, пред се тешко оружје, и сега нема време за изговори, сега е време за креативност и прагматизам - истакна германската министерка.

Реакцијата на ЕУ на војната во Украина беше воведување санкции кон Русија и поддршка на Украина од секаков вид, вклучително и праќање воена опрема.

The post Германската шефица на дипломатијата: На Украина треба да ѝ се испрати тешко оружје appeared first on Република.