На Телеграм каналите специјализирани за следење на случувањата во Украина, е објавена анализа за веројатниот план на НАТО и на Украина за распоредување и употреба на западните борбени авиони Ф-16 кога тие ќе им бидат испорачани на украинските сили. Според таквата анализа, Ф-16 авионите ќе бидат активно поддржани од западните авиони за далекуметно извидување и набљудување AВАКС, кои ќе обезбедуваат разузнавачки информации.

Целта е да се има поглед во задниот дел од руската страна на фронтот на 100-150 км, за да биде откриено полетувањето на руските авиони и од безбедно растојание да бидат насочувани ракетите лансирани од Ф-16.

https://republika.mk/vesti/svet/holandija-ke-isporacha-24-borbeni-avioni-f-16-za-ukraina/

Според украинските аналитичари, очекувањата се дека авионите Ф-16 ќе го бидат опремени со ракети модел AИМ-120Д со опсег на лет над 160 км, а со таквата тактика, Украинците и Западот се надеваат дека тоа ќе ги спречи руските авиони да се приближат до линијата на фронтот на повеќе од 50 километри.

The post Западни АВАКС-и ќе следат цели, украинските ловци ќе стрелаат ракети: Ова е планот на НАТО за делување на авионите Ф-16 во Украина appeared first on Република.

Холандската министерка за одбрана, Каиса Олонгрен, изјави дека Холандија ќе и обезбеди на Украина вкупно 24 борбени авиони Ф-16.

Севкупно, на Украина ќе и обезбедиме 24 борбени авиони Ф-16. Тие ќе и бидат предадени на Украина штом се е подготвено. Овој момент зависи од обуката на украинските пилоти и техничари, како и, се разбира, од инфраструктурата, нагласи Олонгрен.

Според неа, овој трансфер е заеднички напор со Украина, како и со Данска, САД и други земји.

Тешко е, комплицирано е, но ќе се случи. Нашата коалиција се надева дека ова лето ќе можеме да почнеме со испорака на борбени авиони Ф-16, прво од Данска, а потоа и од Холандија, додаде Олонгрен.

Холандија има намера да ја изврши првата испорака на Ф-16 во Украина во втората половина на оваа година, забележуваат украинските медиуми.

The post Холандија ќе испорача 24 борбени авиони Ф-16 за Украина appeared first on Република.

На социјалната мрежа „Х“ (поранешен Твитер) е објавено дека фотографијата од првиот борбен авион ловец Ф-16 со ознаки на украинските воздухопловни сили и неговиот пилот со прекар „Фантом“, објавена од западни и украински медиуми, не поминала автентизација и верификација во графички уредувач.

Во анализата се посочува дека областите истакнати во контрастни бои се наоѓаат токму на местата каде што се наоѓаат ознаките на украинските воздухопловни сили на фотографијата од борбениот авион и оделото на пилотот.

Оваа алатка покажува присуство на артефакти за компресија од друга слика, што укажува дека и „украинскиот Ф-16“ и неговиот „пилот“ биле едноставно фотошопирани со украински знамиња.

https://twitter.com/Roberto05246129/status/1756241871657894079

The post Сликата од „првиот украински Ф-16“ објавена од украински и западни медиуми е фотошопирана appeared first on Република.

Генералниот секретар на НАТО, Јенс Столтенберг, изјави дека испораката на борбрните авиони ловци Ф-16 на Украина нема радикално да ја променат ситуацијата на фронтот.

Авионите Ф-16 се голем придонес на членките на Алијансата. Овие авиони имаат многу модерна опрема, што е многу важно за Украина. Но, тие не се сребрен куршум, не постои систем што целосно би ја променил ситуацијата на бојното поле или во воздухот. Сепак, добро обучените и добро опремени Ф-16 значително ќе ги подобрат борбените способности на Украина“, изјави генералниот секретар на НАТО Јенс Столтенберг по состанокот на министрите за одбрана на земјите-членки на Алијансата во Брисел.

The post Столтенберг: Ловците Ф-16 нема радикално да ја променат ситуацијата во Украина appeared first on Република.

Испораката на првите Ф-16 авиони од Данска во Украина е одложена за најмалку шест месеци. причина за одложувањето е тоа што украинските пилоти се уште не се подготвени да им биде дозволено управувањето со борбените авиони.

Првично, испораката беше планирана за околу Нова година, но сега е одложена за вториот квартал од годинава.

Меѓу другото, зборуваме за завршување на обуката на украинскиот персонал кој ќе управува со авионите по нивното префрлање. Распоредот за подготовка зависи истовремено од голем број фактори, како што се техничките и временските услови“, весникот „Берлингске“ ја цитира пораката од министерството за одбрана на Данска.

Шест украински пилоти во моментов се на обука за летање со Ф-16 во Данска.

На крајот на август, Холандија објави подготвеност да пренесе 42 американски ловци Ф-16 во Украина, а Данска му вети на Киев 19 такви авиони. Американските власти го одобрија овој чекор.

Украинските власти изразија надеж дека Украина ќе добие борбени авиони во првата половина на 2024 година. На тоа, американскиот секретар за одбрана Лојд Остин, изјави дека тоа ќе се случи не порано од пролетта.

The post Украина извиси за авионите Ф-16 од Данска: Со рокот од Нова година не бидна ништо, сега ќе ги чека на пролет appeared first on Република.

Американски борбен авион Ф-16 се урнал за време на тренинг лет над Жолтото Море, објавија американските сили во Кореја (УСФК).

Пилотот на борбениот авион се катапултирал по што јужнокорејската морнарица го извлекла од морето меѓу Корејскиот Полуостров и Кина, соопшти УСФК.

Пилотот е во стабилна состојба, а причината за несреќата се истражува. Авионот полетал од американската воздушна база во Гунсан, во западна Јужна Кореја. Вкупно 28. 500 американски војници се стационирани во Јужна Кореја.

The post Американски Ф-16 се урна во море во близина на Кина appeared first on Република.

Министерката за одбрана на Белгија, Лудивајн Дедондер, соопшти дека земјата ќе испрати неколку борбени авиони Ф-16 на Украина во 2025 година.

Како што пренесуваат локалните медиуми, Дедондер прецизира дека тоа ќе биде можно откако ќе почнат првите испораки на поновите борбени авиони Ф-35 за белгиските воздухопловни сили, што се очекуваат на крајот на годината.

Планирано е и Белгија да се вклучи во обуката на украинските борбени пилоти.

Претходно, белгиските политичари и војската влегоа во отворен спор околу тоа дали да и дадат борбени авиони на Украина. Некои тврдат дека тоа не е можно бидејќи белгиските ловци биле премногу стари и затоа би биле опасни за украинските пилоти.

The post Белгија ќе испрати борбени авиони Ф-16 во Украина, откако ќе добие понови Ф-35 appeared first on Република.

Украинските воздухопловни сили објавија дека Андриј Пилшчиков, воен пилот и поборник за купување американски борбени авиони Ф-16 за Украина, е меѓу тројцата загинати во судир на два авиони за време на тренинг лет западно од Киев.

„Гардијан“ наведува дека судирот се случил во петокот, и во него настрадал Пилшчиков со прекар „Џус“, објаснувајќи дека тој прекар му го дале инструкторите на пилоти од САД за време на обуката затоа што Пилшчиков не пиел алкохол.

Се известува дека и украинскиот претседател Володимир Зеленски се простил од „Џус“ во ноќно видео обраќање, наведувајќи дека Пилшчиков бил „еден од оние кои многу и помогнале на земјата“.

https://twitter.com/ZelenskyyUa/status/1695504821585850369?ref_src=twsrc%5Etfw%7Ctwcamp%5Etweetembed%7Ctwterm%5E1695504821585850369%7Ctwgr%5Ebf63eb6d7e2ab51e0a132a02578a1b9f8ce96001%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F4229024%2Fko-je-bio-stradali-ukrajinski-pilot-kojeg-su-amerikanci-obucavali-za-f-16-i-zvali-djus-i-zbog-kojeg-je-spaljen-klavir-na-auto-putu

„Гардијан“ наведува дека украинските истражители покренале постапка за смртта на „Џус“ и другите двајца пилоти, а засега нема индиции за вмешаност на Русија во овој инцидент.

Се вели дека Пилшчиков течно зборувал англиски и бил еден од двајцата украински пилоти кои минатото лето го посетија Вашингтон за да се сретнат со членовите на американскиот Конгрес и да лобираат за испорака на Ф-16 во Украина.

Освен тоа, „Џус“ редовно се појавуваше во американските медиуми, каде при неговото вклучување дополнително се залагаше за набавка на овие борбени авиони.

Неговото долгогодишно лобирање конечно вроди со плод на почетокот на овој месец, кога Данска и Холандија, по одобрение од Вашингтон, објавија дека ќе испорачаат американски ловци во Киев, а Норвешка го стори истото.

Портпаролот на украинската воена авијација Јуриј Игнат изјави дека е уверен оти Украина на крајот ќе има 120 авиони Ф-16, од кои првиот најверојатно би требало да се појави на нејзиното небо на почетокот на следната година.

Меѓутоа, во тој авион нема да биде Пилшчиков.

Не можете ни да замислите колку сакаше да лета со Ф-16, изјавил рекол Игнат и додал дека „Џус“ редовно учествувал во борбени мисии и пресретнувал руски крстосувачки ракети и беспилотни летала.

Игнат објасни дека Пилшчиков се обидел да воведе реформи во украинските воздухопловни сили.

Тој секогаш се обидуваше да ги воведе стандардите на НАТО во Украина, како и западните традиции, вели Игнат.

„Гардијан“ наведува дека во саботата вечерта бил запален клавир на оддалечен автопат во Украина, со цел да се одбележи смртта на „Џус“ и неговите колеги.

https://twitter.com/clashreport/status/1695689417900339432?ref_src=twsrc%5Etfw%7Ctwcamp%5Etweetembed%7Ctwterm%5E1695689417900339432%7Ctwgr%5Ebf63eb6d7e2ab51e0a132a02578a1b9f8ce96001%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F4229024%2Fko-je-bio-stradali-ukrajinski-pilot-kojeg-su-amerikanci-obucavali-za-f-16-i-zvali-djus-i-zbog-kojeg-je-spaljen-klavir-na-auto-putu

„Њујорк пост“ пишува дека Пилшчиков бил припадник на единицата „Духот на Киев“, која го бранела централниот и северниот дел на земјата од почетокот на војната во Украина.

Се верува дека тие собориле дури шест руски борбени авиони на првиот ден од војната на 24 февруари минатата година.

The post Загина „Духот на Киев“, кој беше обучен за Ф-16: Заради неговата смрт Украинците запалија клавир на автопат appeared first on Република.

Данска ќе донира 19 борбени авиони Ф-16 на Украина, изјави данската премиерка Мете Фредериксен на заедничка прес-конференција со украинскиот претседател Володимир Зеленски во воздухопловната база Скидструп.

Фредериксен рече дека се надева дека првите шест ловци ќе бидат испорачани околу Нова година, а во 2024 година Украина ќе добие уште пет авиони.

Зеленски пристигна во посета на Данска, неколку часа по посетата на воздухопловната база во Холандија, каде што исто така доби уверување дека неговата земја ќе добие борбени авиони Ф-16

The post Данска вети 19 борбени ловци Ф-16 за Украина appeared first on Република.

Планот за обука на украински пилоти да управуваат со западните борбени авиони Ф-16 допрва треба да биде договорен, и покрај најавите на САД дека обуките би можеле да почнат во наредните недели.

Како што пренесува „Политико“, повикувајќи се на извори, идејата за испраќање украински војници и пилоти во воената воздухопловна база во Аризона не добила голема поддршка.

Според соговорниците на весникот, самите авиони ќе пристигнат во Украина не порано од идната пролет.

Веројатно ќе научиме некои пилоти да летаат до крајот на годината, но тешко дека вистински Ф-16 во украински бои ќе се појави пред пролетта, вели изворот на „Политико“.

The post Западот не може да се договори за обука на украински пилоти на Ф-16 appeared first on Република.

Шефот на руската дипломатија Сергеј Лавров денеска изјави дека доставување на воените авиони Ф-16 на Украина за Москва значат нуклеарна закана.

Самиот факт дека украинските вооружени сили имаат такви системи ќе го сметаме за закана од Западот во нуклеарна смисла. Русија не може да ја игнорира способноста на тие авиони да носат нуклеарни боеви глави, изјави Лавров во интервју за онлајн весникот Лента.ру.

Тој додаде дека Москва ги предупредила САД, Велика Британија и Франција за тоа.

САД и нивните сателити во НАТО создаваат ризици од директен вооружен конфликт со Русија, а тоа може да има катастрофални последици, предупреди Лавров.

САД во мај одобрија испорака на авиони Ф-16 на Киев. Датумот на испорака и нивниот број сè уште не се утврдени. Украина минатата недела соопшти дека ќе биде формирана „коалиција“ од 11 земји кои ќе ги обучуваат нејзините пилоти за авионите.

Руската нуклеарна доктрина предвидува „строго одбранбена“ употреба на атомско оружје во случај на напад врз Русија со оружје за масовно уништување или напад со конвенционално оружје „што го загрозува самиот опстанок на државата“.

The post Лавров: Авионите Ф-16 ги сметаме за нуклеарна закана appeared first on Република.

Тоа што САД дадоа зелено светло на украински пилоти да им се овозможи обука за летање на Ф-16, создаде моментум што неизбежно ќе донесе борбени авиони на украинскиот фронт, изјави високиот претставник на ЕУ за надворешна политика и безбедност Жозеп Борел.

- Знаете, секогаш е исто, разговараме, на почетокот сите се колебливи, изјави Борел.

Тој даде пример за долгата дебата и првичното противење за испраќање напредни борбени тенкови Леопард во Украина. Борел рече дека обуката за украинските пилоти веќе е започната во Полска и во некои други земји.

Таква обука планираат и Холандија, Данска и други земји.

Не е донесена одлука за вистинската испорака на борбени авиони од четвртата генерација, но сегашната обука на пилоти, процес кој обично трае неколку месеци, ќе помогне да се забрза борбената готовност откако ќе се донесе формална одлука

The post ЕУ поддржува авионите Ф-16 да завршат во Украина appeared first on Република.

Префрлањето борбени авиони Ф-16 во Украина ќе покрене прашања за вмешаноста на НАТО во конфликтот, изјави рускиот амбасадор во САД, Анатолиј Антонов.

„Украина нема инфраструктура за функционирање на Ф-16, ниту го има потребниот број пилоти и персонал за одржување“, рече Антонов во коментарот објавен на каналот Телеграм на амбасадата.

„Што ако американските борбени авиони полетаат од аеродромите на НАТО контролирани од странски „волонтери“?

Во петокот, американскиот претседател Џо Бајден одобри програми за обука на украински борбени пилоти Ф-16, а украинскиот претседател Володимир Зеленски го увери Бајден дека авионите нема да се користат за напад на руска територија. Антонов нагласи дека секој украински удар на Крим ќе се смета за удар врз Русија.

„Важно е САД да бидат целосно свесни за руски одговор“, додаде амбасадорот

The post Дали авионите „Ф-16“ во Украина значи директно мешање на НАТО во конфликтот? appeared first on Република.

Данска ќе помогне во обуката на украински пилоти за борбениот авион Ф-16 од американско производство.

Данскиот министер за одбрана, Троелс Лунд Поулсен, соопшти дека таквата одлука доаѓа откако официјален Вашингтон објави дека ќе ги поддржи напорите за обука на пилоти на Киев.

Нашата земја сега ќе може да продолжи напред за колективен придонес за обука на украински пилоти да летаат со Ф-16, изјави Поулсен, кој е вршител на должноста министер за одбрана на Данска.

Претходно Велика Британија го поздрави потегот на САД за дозвола на обука на пилоти за тој тип авиони.

Британскиот премиер Риши Сунак ја поздрави најавата на Вашингтон во објава на Твитер

Добредојдена е најавата дека САД ќе одобрат обука на украински пилоти за борбени авиони Ф-16. Обединетото Кралство ќе работи заедно со САД и Холандија, Белгија и Данска за Украина да ја добие потребната борбена способност во воздух“, напиша Сунак на Твитер.

The post Откако САД одобрија: Данска ќе обучува украински пилоти за авионите Ф-16 appeared first on Република.

Администрацијата на американскиот претседател Џо Бајден, која ги одобрува сите набавки на ловците Ф-16 произведени во САД не дозволува украинските пилоти да поминат обука на авионите во сопственост на европските земји, објави „Њујорк тајмс“.

Минатата недела, Велика Британија објави дека ова лето ќе почне со обука на украински пилоти „со искуство за управување со разни типови авиони“.

Сепак, без одобрување од САД обуките најверојатно ќе се ограничат на изучување техничка документација и тактички лекции, без пристап до самите авиони, вели за весникот неименуван службеник.

Неколку европски земји, меѓу кои Холандија и Велика Британија, се подготвени да предадат на Украина ловци Ф-16, а за чија неопходност говореше украинскиот претседател, Володомир Зеленски. Сепак, во Белата куќа постои сомнеж дека на Украина ѝ се потребни вакви скапи авиони.

Според американскиот висок службеник, сомнежот донекаде доаѓа од тоа што мултимилионската цена на авионите ќе се одрази на и онака сѐ помалиот воен буџет на земјата. Покрај тоа, САД се загрижени од тоа тајните технологии вградени во авионот да не паднат во рацете на Русите, пишува Њујорк тајмс.

The post „Њујорк тајмс“ тврди дека САД не дозволуваат украинските пилоти да поминат обука на ловците Ф-16 appeared first on Република.

Министерот за одбрана на Украина Алексеј Резников ги повика странските пилоти и специјалисти да се приклучат на одбраната на Украина.

Резников го упати овој апел за време на заедничкиот брифинг за новинарите со данскиot колега Троелс Лунд Поулсен во прес-центарот во Одеса, пренесува украинската новинска агенција Униан.

Овој повик е упатен до пилотите. Доколку има пилоти кои знаат да летаат со борбени авиони Ф-16 и се подготвени да учествуваат (во војната), ние сме подготвени да им ја отвориме вратата, рече Резников.

Засега, САД одбиваат да испорачаат борбени авиони Ф-16 на Украина. Американскиот претседател Џозеф Бајден за време на посетата на Киев изјави дека на Украина сè уште не и се потребни авиони бидејќи, како што истакна, САД во моментов им обезбедуваат на украинските вооружени сили и друго важно оружје.

Американскиот секретар за одбрана Лојд Остин изрази уверување дека на Украинците на бојното поле во моментов им е потребна воздушна одбрана со долг дострел и оцени дека повеќенаменскиот борбен авион Ф-16 нема да ѝ помогне на Украина во оваа фаза од војната.

The post Украина ги повика странските пилоти на Ф-16 да се борат против Русија appeared first on Република.

Американскиот претседател Џо Бајден изјави дека Вашингтон нема да испраќаат борбени авиони Ф-16 во Украина, пренесуваат британските медиуми.

Западните медиуми минатата недела соопштија дека група воени претставници „во тишина” го наговараат Пентагон да испрати авиони Ф-16 во Киев.

За ова прашање францускиот претседател Емануел Макрон, синоќа не ја исклучи можноста Париз да испрати борбени авиони во Киев, но под одредени услови.

САД за неколку недели ќе почнат да ги испраќаат ветените 31 тенк „М1 Амбрамс”„ во Украина.

The post Бајден: САД нема да испраќаат борбени авиони Ф-16 во Украина appeared first on Република.

Бугарија го има првиот пилот за американските авиони-ловци Ф-16 што ќе бидат испратени во земјата. Како што јави дописникот на МИА од Софија, капетанот Александар Велинов успешно ја завршил обуката во Националната военовоздухопловна гарда во Аризона, САД.

Таму се обучуваат уште четворица бугарски пилоти.

Велинов во интервју за БНР истакна дека ова е многу добра шанса неговите колеги да можат да летаат со сосема нов авион-ловец, за разлика од сегашните МиГ-29, кои се стари над 30 години.

Се радувам што новата техника доаѓа во овој момент, кога јас ќе можам да управувам со новите авиони подолг период - изјави бугарскиот пилот на Ф-16.

Бугарија ќе ја добие првата серија од осум американски борбени авиони Ф-16 во 2025 година, што доцни една година поради Ковид-19. Во моментов се водат преговори меѓу Бугарија и производителот на Ф-16 за набавка на втора серија од осум авиони, со кои Софија до 2030 година ќе има вкупно 16 нови авиони-ловци Ф-16, што ќе бидат цела ескадрила

The post Александар Велинов е првиот воен пилот на Бугарија обучен да лета на американските Ф-16 appeared first on Република.

САД одобрија продажба на осум борбени авиони Ф-16 на Бугарија со цел да се зајакне безбедноста на оваа членка на НАТО за време на војната што Русија ја води во Украина, соопштија од Стејт департментот.

Во соопштението се вели дека Стејт департментот го известил Конгресот за неговата намера да ги продаде овие авиони-борци, како и муниција на Бугарија за 1,67 милијарди долари (1,5 милијарди евра).

Во соопштението не се наведува дали оваа продажба отвора простор за трансфер во Украина на борбени авиони од советско производство, кои ги има Бугарија во моментов.

The post Бугарија купува борбени авиони Ф-16 од САД за 1,5 милијарди евра appeared first on Република.