Претседателот на Регулаторната комисија за енергетика Марко Бислимовски денеска објави дека сепак, барем до крајот на годината, нема да има дополнителен попладневен час на евтина тарифа за електрична енергија за домаќинствата.

Од 1 ноември требаше да се воведе уште еден час поевтина струја, од 13.00 до 16.00 часот, наместо како што е досега од 13.00 до 15.00 часот.

Сега Бислимовски вели дека ова би ја загрозило евтината тарифа во ноќните часови од 22:00 до 7:00 часот наутро, односно двата ноќни часа од 22.00 до полноќ.

- Анализите покажаа дека цените на берзата се евтини во периодот од 12.00 до 16.00 часот и може да се воведат дури четири часа евтина попладневна тарифа, наместо два како досега, но проблемот е во тоа што ноќните цени на берзата сега се многу високи и ќе треба да ја укинеме евтината струја од 22.00 до 00.00 часот, а луѓето веќе имаат стекнато свои навики и не сакаме да предизвикаме револт, рече Бислимовски.

Овој статус ќе остане до крајот на годината, а понатаму повторно ќе се разговара со ЕСМ и со ЕВН, најави првиот човек на РКЕ.

The post Сепак нема да има дополнителен попладневен час на евтина тарифа до крајот на годината appeared first on Република.

Додека проблемот со броилата сѐ уште е актуелен, Марко Бислимоски потврдува дека официјално евтината тарифа се врати кај домаќинствата игнорирајќи го овој проблем.

Бислимоски вели дека никој нема да биде оштетен.

Кај нас во Македонија сите броила се дигитални, но не значи дека секое дигитално броило има далечинско отчитување. Како што ќе доаѓа отчитувачката група за да се промени, така ќе биде променета енергијата од скапа во евтина. Потрошувачката за декември ќе биде со целосна применета евтина тарифа. Не можат екипите на ЕВН одеднаш да заменат повеќе од 400.000 броила, но до крајот на месецот ќе биде 90% завршена. Никој нема да биде оштетен, рече претседателот на РКЕ Марко Бислимоски.

На социјалните мрежи се споделуваат две фотографии направени после 13 часот кога треба да има евтина струја, а на кои се гледа дека броилото работи во скапата, а не евтината тарифа. Броилото е од новите, што значи не спаѓа во групата броила чии домаќинства ќе останат без евтина струја затоа што се од стар тип кај кои треба рачно подесување.

Тоа покажува дека и кај новите броила процесот не се одвивал автоматски, односно дека не сите домаќинства кои имаат од таквите броила користат ефтина струја во периодот меѓѕ 13 и 15 часот. Инаку, како што забележувате на втората фотографија, стрелката покажува на Т1, што значи скапа тарифа, наместо на Т2 што значи евтина тарифа.

Бислимовски додаде во однос на снабдувањето со електрична енергија според податоците со коишто располага ЕСМ производните капацитети се во добра кондиција.

Не е исклучена можноста за да постои зголемување на цената на струјата поради што потрошувачката на електричната енергија е намалена за 10% заради поставувањето на фотоволтаци– но секако ќе се најдат соодветни креативни решенија што е во наши рамки. Доколку се држиме до плановите за домашно производство на домашна енергија ќе немаме проблеми“ – истакна Бислимоски.

The post Бислимовски вели дека евтината струја се врати кај граѓаните, но проблемот со броилата сѐ уште е актуелен appeared first on Република.

Стартува евтината дневна тарифа на струјата во периодот од 13 до 15 часот. Со воведување на дневната евтина тарифа домаќинствата ќе имаат на располагање вкупно 11 часа евтина електрична енергија во текот на едно деноноќие од понеделник до сабота и 24 часа во ден недела.

ЕВН од денеска ќе почне да ги сетира броилата, па граѓаните пред да ја користат дневната евтина тарифа треба да проверат дали им е извршено сетирање.

„Електродистрибуција поседува 170.000 броила со далечинска комуникација и 650.000 обични броила кои треба да се сетираат на лице место. Од 1 декември ќе влегува во сила новиот тарифен систем, а тогаш ќе започне и сетирањето на броилата. На екранот на броилата се појавува ознака Т1 за висока тарифа и Т2 за ниска тарифа, што значи дека во зависност од периодот на денот се појавуваат и се активни соодветните ознаки на екранот“, велат од ЕВН.

Корисникот може да препознае дали му е сетирано броилото на евтина тарифа од 13 до 15 часот доколку му се појави соодветната ознака за евтина тарифа во наведениот временски период. Дневна тарифа на струјата ќе има во периодот од 13 до 15 часот.

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Тарифен систем за продажба на електрична енергија на потрошувачите кои ги снабдува универзалниот снабдувач и снабдувачот во краен случај со кој се утврдува дека евтината дневна тарифа стартува од 1 декември 2023 година во периодот од 13 часот до 15 часот.

-Со воведување на дневната евтина тарифа домаќинствата ќе имаат на располагање вкупно 11 часа евтина електрична енергија во текот на едно деноноќие од понеделник до сабота и 24 часа во ден недела. РКЕ по направените анализи оцени дека се создадени услови домаќинствата да користат дополнителни часови во коишто надоместокот за потрошената електрична енергија ќе се пресметува по евтина тарифа. Податоците укажуваат дека инвестицискиот циклусот во обновливи извори на енергија го зголеми производството на електрична енергија со што директно се влијаеше врз намалување на цената преку ден, вели претседателот на РКЕ, Марко Бислимоски.

Подзаконските акти што ги донесе РКЕ утврдуваат и нови рокови според кои енергетските компании од следната година ќе треба да ги достават своите барања најдоцна до 30 септември, а одлуките за новите тарифи ќе бидат соопштени најдоцна до 30 ноември и истите ќе бидат на сила од следната година.

The post Проверете: Само ако на броилото имате ознаки Т1 и Т2 од денеска ќе имате евтина струја appeared first on Република.

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Тарифен систем за продажба на електрична енергија на потрошувачите кои ги снабдува универзалниот снабдувач и снабдувачот во краен случај со кој се утврдува дека евтината дневна тарифа стартува од 1 декември 2023 година во периодот од 13 часот до 15 часот.

Со воведување на дневната евтина тарифа домаќинствата ќе имаат на располагање вкупно 11 часа евтина електрична енергија во текот на едно деноноќие од понеделник до сабота и 24 часа во ден недела. РКЕ по направените анализи оцени дека се создадени услови домаќинствата да користат дополнителни часови во коишто надоместокот за потрошената електрична енергија ќе се пресметува по евтина тарифа. Податоците укажуваат дека инвестицискиот циклусот во обновливи извори на енергија го зголеми производството на електрична енергија со што директно се влијаеше врз намалување на цената преку ден - вели претседателот на РКЕ, Марко Бислимоски.

Подзаконските акти што ги донесе РКЕ утврдуваат и нови рокови според кои енергетските компании од следната година ќе треба да ги достават своите барања најдоцна до 30 септември, а одлуките за новите тарифи ќе бидат соопштени најдоцна до 30 ноември и истите ќе бидат на сила од следната година.

The post Од утре стартува дневната евтина тарифа на струјата appeared first on Република.

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Тарифен систем за продажба на електрична енергија на потрошувачите кои ги снабдува универзалниот снабдувач и снабдувачот во краен случај со кој се утврдува дека евтината дневна тарифа стартува од 1 декември 2023 година во периодот од 13 часот до 15 часот.

Со воведување на дневната евтина тарифа домаќинствата ќе имаат на располагање вкупно 11 часа евтина електрична енергија во текот на едно деноноќие од понеделник до сабота и 24 часа во ден недела. РКЕ по направените анализи оцени дека се создадени услови домаќинствата да користат дополнителни часови во коишто надоместокот за потрошената електрична енергија ќе се пресметува по евтина тарифа. Податоците укажуваат дека инвестицискиот циклусот во обновливи извори на енергија го зголеми производството на електрична енергија со што директно се влијаеше врз намалување на цената преку ден - изјави Марко Бислимоски, претседател на РКЕ.

Подзаконските акти што ги донесе РКЕ утврдуваат и нови рокови според кои енергетските компании од следната година ќе треба да ги достават своите барања најдоцна до 30 септември, а одлуките за новите тарифи ќе бидат соопштени најдоцна до 30 ноември и истите ќе бидат на сила од следната година.

Од 1 декември домаќинствата ќе имаат ниска тарифа за електрична енергија од 13 часот до 15 часот и од 22 часот до 7 часот секој ден, како и цел ден недела. Тоа значи дека вработените, кои преку ден не се дома, нема да можат да ја користат евтината струја.

The post Од петок се воведува евтина струја, но најголем дел на граѓаните нема да можат да ја искористат! appeared first on Република.

Од 1-ви декември 2023 година, во Македонија повторно ќе се воведе евтината дневна тарифа за електричната енергија. Оваа одлука е донесена од Регулаторната комисија за енергетика и водни услуги (РКЕ) и беше објавена од претседателот на РКЕ, Марко Бислимоски. Евтината дневна тарифа ќе важи во периодот од 13 до 15 часот и ќе биде на располагање на околу 200 илјади потрошувачи кои имаат таканаречени смарт броила и оние кои имаат непречен пристап до броилата на ЕВН​​​​​​.

Одлуката за повторно воведување на евтината дневна тарифа се смета за значајна мерка во контекстот на економските и енергетските предизвици со кои се соочува земјата. Регулаторната комисија истакна дека електродистрибуцијата има рок од четири месеци да ги усогласи сите 700 илјади броила за домаќинствата, што укажува на значителните подготовки што треба да се направат за успешното спроведување на оваа промена​​.

Оваа промена се очекува да има позитивно влијание на потрошувачите, овозможувајќи им да го намалат својот трошок за електрична енергија преку искористување на поволните цени во специфицираниот период од денот. Се очекува дека оваа мерка ќе придонесе за подобро управување со енергетските ресурси и ќе помогне во областа на енергетската ефикасност во земјата​​.

The post Се враќа евтината дневна струја во Македонија appeared first on Република.

Евтината дневна тарифа на електричната енергија започнува со примена од 1 декември во периодот од 13 до 15 часот и во првите 10 дена од декември најголем дел од потрошувачите, односно најголем дел од домаќинствата ќе имаат пристап на евтината тарифа, потврди денеска претседателот на Регулаторната комисија за енергетика (РКЕ) Марко Бислимоски.

Тарифниот систем за евтината дневна тарифа е донесен уште во јуни, објавен е во „Службен весник“, нема никакви измени и сето тоа ќе стартува и ќе си функционира беспрекорно. Значи, нема никакви проблеми. Евтината тарифа ќе биде воведена и тоа ќе биде одлична вест за граѓаните, особено за пензионерите коишто во изминатиот период кажаа јасно и гласно дека таа многу им помага во нивниот стандард и од тоа нема отстапки, рече Бислимоски во одговор на прашање пред почетокот на Економскиот форум „Од криза до решенија: Станавме ли поотпорна економија денес?“ во организација на Фајнанс тинк.

Нагласи дека потрошувачите треба да и веруваат на РКЕ.

Ние не бегаме, со секој којшто сака да разговара на оваа тема ќе разговараме, ќе се убедуваме, ќе се докажуваме, но многу пати досега докажавме дека тоа што сме го кажале тоа и се реализирало. Како ќе биде во наредниот период не зависи само од РКЕ, зависи од многу други чинители. Што може да преземе РКЕ како во случајот со парното ќе преземе за да не дозволиме ценовни шокови за потрошувачите во државата, потенцира Бислимоски.

The post До 10 декември најголем дел од домаќинствата ќе имаат евтина дневна тарифа на струјата appeared first on Република.

При крај сме со подготовките и како што ветивме до 1 декември годинава се ќе биде подготвено за воведување евтина дневна тарифа на електричната енергија, а до крајот на декември сите достапни броила ќе бидат сетирани, порача денеска менаџерот на Електродистрибуција Сашо Салтировски.

Дел од броилата се т.н. смарт броила, тие ќе ги смениме дури преку ноќ и веќе од 1 декември околу 200.000 корисници ќе имаат веќе сетирани тарифи, а другите би биле во текот на месецот. Многу ќе зависи од потрошувачите и достапноста на броилата, рече Салтировски во одговор на новинарско прашање при денешната посета на министерот за економија Крешник Бектеши на подружницата на ЕВН Македонија во Бутел заедно со директорот на Бирото за метрологија, Авдуљ Сељам Селами.

Тој ги замоли граѓаните да им бидат достапни броилата, за како што рече, да можат нивните читачи да ги прочитаат, бидејќи во текот на читањето се прави сетирањето на броилата.

Сите оние броила што ќе бидат достапни ќе бидат сетирани во текот на декември, а колку вкупно броила ќе бидат сетирани ќе зависи од достапноста на броилата. Сите броила што се достапни ги читаме еднаш месечно и сите тие ќе бидат сетирани, бидејќи тоа оди оптички со еден уред се оди од броило до броило и при читањето софтверот ги сетира како што треба да се сетира, појасни Салтировски.

Нагласи дека во викенд куќи не можеме да се сетира броилото ако куќата е затворена.

Ако луѓето се на работа, а не се дома, а броилото е внатре не можеме да го сетираме. Во Арачиново броилата се надвор и таму со сигурност ќе бидат сетирани затоа што во изминатиов период тој проект е завршен, рече Салтировски.

Министерот Бектеши потсети дека одлуката за воведување на евтина дневна тарифа на електричната енергија ја носи Регулаторната комисија за енергетика (РКЕ) кое е независно тело.

Воведувањето на дневна евтина тарифа е поврзано со производството, со капацитетот на ЕСМ за да произведува струја во тие пикови. Согласно анализите кои се направени одлучивме сите заедно евтина дневна тарифа да биде воведена на 1 декември. Ги повикуваме сите граѓани кои сакаат да имаат евтина дневна тарифа од 1 декември да им дозволат пристап на службите на ЕВН до броилата за да можат да интервенираат. Ако броилото не е достапно тоа ќе биде сетирано од наредниот месец, посочи Бектеши.

The post Од први декември ќе има евтина дневна тарифа, граѓаните да дозволат да се направи читање на броилата, порачуваат од компанијата appeared first on Република.

ДДВ-то за струја ќе биде 18% и ќе почне да се применува од 1 јули кога ќе има и нови цени на струјата во тарифните блокови. Министерот за економија Крешник Бектеши уверува граѓаните нема да плаќаат поскапа струја.

Бектеши најави средба на надлежните инситуции во склоп на енергетскиот совет на која ќе разговара за нов модел за пресметување на цената на електричната енергија.

Се враќа и дневната евтина тарифа на струја, нo нема да стапи на сила истовремено за сите. Ќе бидат два часа во денот, во периодот од 11 до 16 часот. Евтината струја нема да стапи на сила во еден ист момент за сите, поради тоа што голем дел од броилата немаат далечинско управување, па тимови ќе треба кај секој да пристапат физички.

https://republika.mk/vesti/ekonomija/bislimoski-se-vraka-dnevnata-evtina-tarifa-na-strujata/

The post Евтината тарифа за струјата нема да важи за сите граѓани одеднаш appeared first on Република.

Можно враќање на дневната евтина тарифа за струјата, најави денеска претседателот на Регулаторната комисија за енергетика, Марко Бислимоски, кој рече дека ќе се разгледаат сите опции по завршување на грејната сезона.

Прво да видиме како ќе заврши оваа грејна сезона, да го видиме производството на ЕСМ, да видиме како оди набавката на електричната енергија, па понатаму ќе размислуваме за сите можни опции што ги имаме - најави  Бислимоски.

Тој посочи дека домашното производство на електрична енергија во периодот од октомври минатата година до јануари годинава е на завидно ниво. Така, во првиот месец годинава, 87 отсто од потребите за електрична енергија во државата се обезбедени од домашни капацитети, додека само 13 отсто е увезена и тоа за сите потрошувачи, а не само за домаќинствата и малите потрошувачи. Тоа, според Бислимоски е добар резултат.

Позитивните трендови продолжуваат, намалени се загубите, а ЕСМ може да има дополнителни приходи од продажбата на вишоците. Така што, имаме добар материјал за почеток на дискусија за враќање на евтината дневна струја - рече Бислимоски.

The post Можно е враќање на дневната евтина струја! appeared first on Република.

Наместо пониска од берзанската, добија струја по берзанска цена плус маржа. Неколку клиники и инситуции кон средината на декември склучиле договор со ЕСМ Продажба за набавка на струја според пазарните цени на берзата ХУПЕКС. Договорите објавени на страницата на Бирото за јавни набавки покажуваат дека здравствените установи и натаму ќе плаќаат берзански цени. ЕСМ продажба склучи договор вреден 2,6 милиони евра со 8 државни Клиники и институти по просечна цена на берзата на ХУПЕКС плус 5% трговска маржа.

Цените ќе бидат променливи во зависност од нивното движење на берзата. Кон крајот на септември премиерот Димитар Ковачевски на вонредна прес-конференција најави понски цени на струјата од берзанските за јавните здравствени установи, кога Кличинкиот центар се соочи со закана од мрак поради неплатени сметки за струја. Владата плати дел од долгот, ветувајќи бенефицирана цена за целото јавно здравство.

Од друга страна пак ЕСМ Продажба, пред неколку дена ги продаде своите ноќни вишоци на фирмата ЕТМТ Енерџи ДООЕЛ Скопје, и тоа по цена од 98 до 103 евра за мегават час. Во одредени периоди кога ЕСМ Продажба ги продава своите ноќни вишоци цената на берзата е повисока од онаа на компанијата.

The post Иако Ковачевски им вети, нема поевтина струја за болниците и клиниките, а плаќаат и маржа appeared first on Република.

Големи компании се снабдуваат со поевтина електрична енергија, која според законот не им следува, преку отворање на мали фирми „ќерки“ со до 20 вработени и со закупување на нивното броило, објави Телма.

Имајќи предвид дека преку таа шема одредени големи фирми користат и до десетпати поефтина струја, МЕПСО, но и УЈП треба да ги детектираат злоупотребите и да пресметаат колку пари од ДДВ се одлеале од државниот буџет.

Телевизијата нагласува дека од Владата не одговараат кои се фирмите кои на овој начин се снабдувале со струја од февруари до денес.

Синџир на маркети, казина, аптеки, фабрики, осигурителни компании, се само дел од големите фирми кои го изиграле законот и направиле огромни финансиски заштеди од февруари навака, наведува Телма.

The post Големи компании преку направена „шема“ користат евтина струја appeared first on Република.

Премиерот Димитар Ковачевски смета дека е можно да се најде решение за вклучувањето на сите училишта на регулираниот пазар на електрична енергија и за вклучување на институциите од здравствениот сектор кај ЕСМ снабдување и оти тоа нема во голем дел да влијае на зголемување на цената на струјата на регулираниот пазар.

Таа мерка не е предложена еднострано. Знаете дека имаше седница на Економскиот совет во проширен состав на која покрај владините министри од економските ресори присуствуваа и сите директори на државни претпријатија од енергетскиот сектор, претставници наголеми приватни компании од енергетскиот сектор, стопански комори, академската заедница, РКЕ… и тогаш кажавме дека Министерството за економија заедно со АД ЕСМ треба да направат детална анализа во однос на вклчувањето на сите училишта на регулираниот пазар, потоа вклучување кај ЕСМ снабдување на институциите од здравствениот сектор со оглед на тоа дека тие плаќаат голем дел од нив на краен снабдувач и треба да се стават на посигурен снабдувач на електрична енергија - изјави денеска премиерот Ковачевски во одговор на новинарско прашање по посетата на Општата градска болница во Гостивар.

Тој додаде дека штом ќе бидат усогласени барањата на компанијата, на стопанството, со регулативите за кои е задолжена РКЕ, ќе се излезе со финална солуција како ќе изгледа префрлањето на нови институции на регулираниот пазар.

Нормално дека останува на РКЕ да го разгледа во детали барањето кое што го има не само Владата, туку и другите институции и на крајот да најдеме солуција. Досега се покажа дека со напорна работа, со добра координација помеѓу сите институции може да се изнајде решени како што изнајде решение за субвенционирање на 80 проценти од цената на електрична енергија на граѓаните и на две третини од електричната енергија на регулиранот пазар за малите потрошувачи за 72 илјади компании, сметам дека и за ова ќе се изнајде решение - рече Ковачевски.

Тој потенцира оти цената на струјата ја одредува РКЕ и оти таа зависи од многу фактори, а не само од еден.

Зависи од цената на енергенсите која што гледаме дека расте на светските берзи, зависи од цената на транспортот која што гледаме дека расте на светските берзи, зависи од цената на основните суровини што се користат за одржување на електроенергетските постројки, зависи од цената на гасот, зависи од цената на мазутот, на јагленот итн. Од ова одлука, исто така, може да зависи, меѓутоа префрлањето на основните и на средните училишта на регулираниот пазар има многу помало учество од тоа што го имаат порастот на цените на другите енергенси ако ја погледнете формулата за формирање на цената - рече Ковачевски по посетата на болницата во Гостивар.

Во врска со информациите за заштедата на струја за над 18 проценти од страна на сите институции ви септември годинава споредено со истиот период лани, Ковачевски истакна дека сите министерства имале таква заштеда знаејќи дека ако не го направат тоа ќе имало смена на министрите.

The post Се бара чаре за школите и болниците да плаќаат поевтина струја, вели Ковачевски appeared first on Република.

Премиерот Димитар Ковачевски денеска и порача на ВМРО-ДПМНЕ контактите за набавка на евтина струја да ги достави до АД ЕСМ или до Министерството за економија.

Тоа се адресите до кои опозициската партија треба да се обрати ако навистина има такви контакти и ако сака да помогне, напомена Ковачевски, одговорајќи на пратеничко прашање. Во неговиот Кабинет, како што истакна, нема архива за прибирање понуди, ниту, пак, може да доѓаат пратеници или министри со некакви контакти.

Премиерот подвлече дека секоја помош во овие услови е добредојдена и ќе се почитува. Воедно повтори дека на 15 октомври ќе почне грејната сезона во Скопје и дека парно ќе има.

Зборувате за контакти од компании кои може да обезбедат енергенси со одредени цени. Нека се достават тие контакти за евтина струја во архивата на АД ЕСМ или до министерот за економија за да видиме какви се понудите, какви се условите за испорака, која е според меѓународните стандарди точката за преземање на енергенсите и ако понудата е најдобра, ќе биде приатена. Секоја помош во овие услови е добредојдена, никој не одбива ништо. Ако навистина постојат такви контакти, тоа се адресите: ЕСМ и Министерството за економија. Министерот Бектеши е на располагање и во текот на вчерашниот ден тој веќе имал контакти. Кај мене во Кабинет нема архива за понуди од компании. Во ЕСМ има отворена постапка и за јаглен и за мазут и за гас. Секој што има понуда за овие енргенси, веднаш може да ја достави таму доколку одговара на условите. Не може кај мене да доаѓаат контактите, да доаѓа некој пратеник или министер. Има отворени повици, јавно објавени и секогаш победува најдобрата понуда - потенцира премиерот.

Осврнувајќи се на мерките кои се преземаат за полесно справување со енергетската криза, Ковачевски уште еднаш повтори дека се во тек преговорите со Србија и Турција за обезбедување енергенси.

Премиерот ги спомна и синоќа донесените одлуки на Економско-енергетскиот совет според кои сите училишта во земјава се ставаат на регулираниот пазар, а болниците ќе добиваат поевтина струја преку ЕВН продажба.

За да нема физички прекин на наставата, донесовме одлука на регулираниот пазар да бидат и основните и средните училишта. Ако општините направеа реорганизација на своите трошоци и ребаланси на Буџетите и ако се водеа од тоа дека постои енергетска криза, не ќе имаше потреба да бидат ставени на регулираниот пазар. Кога ги правеа буџетите тие воопшто не земаа предвид дека се наоѓаме во енергетска криза. Тоа го кажав, но бев критикуван, за на крајот Данела Арсовска да рече дека не може да испорача ништо зашто сме биле во енергетска криза. Сега сите сфатија дека се во енергетска криза ама никој не седна да направи ребаланс - рече Ковачевски.

The post Ковачевски: ВМРО-ДПМНЕ да ги достави контактите за набавка на евтина струја до ЕСМ appeared first on Република.

Можно е поскапување и на евтината струја, објави „Телма“.

Какви точно ќе се знае утре, но според информациите можно е и цената за евтината тарифа која граѓаните најчесто ја користат да се зголеми. Исто така РКЕ наместо една просечна, утре ќе објави четири цени, за секој тарифен блок посебно.

Она што се знае е дека цените за потрошувачката на киловатите, во сите блокови ќе бидат зголемени. Но најголемо поскапување ќе има за последниот, четвртиот блок кое се очекува да биде и повеќе од 140 отсто. На овие граѓани електрична енергија ќе им се фактуира по цени, слични како на отворен пазар.

Регулаторна ги прави последните пресметки за новите цени на струјата кои треба да ги објави утре. Речиси сите енергетски компании прикажаа зголемени трошоци и побараа поскапување на својата услуга и тоа од 60 до 80 отсто.

The post Ќе поскапи евтината струја? appeared first on Република.

Нема да има никаква измена во делот на евтината тарифа од 22:00 – 07:00 часот, ќе се интервенира само во високата тарифа, рече денеска министерот за економија Крешник Бектеши.

Колкава ќе биде финалната цена по блокови, ќе се знае откако ќе се одлучи со која цена ЕСМ ќе ги покрива потребите на ЕВН хоум за домаќинствата, малите и микро претрајтијата.

-Финализиран е новиот модел на тарифирање од страна на РКЕ. Само треба да се одлучи од страна на Владата во делот на цената на ЕСМ што ќе ја даде за ЕВН хоум како што правиме двапати годишно. Лани одлучивме да биде 41 евро, сега се прават анализите во ЕСМ. Кога ќе се одлучи со која цена ЕСМ ќе ги покрива потребите на ЕВН хоум за домаќинства и мали и микро претрајтија, тогаш ќе знаеме колкава би била финалната цена по блокови, информира Бектеши.

Бектеши потсети дека на регулираниот пазар, освен домаќинствата, влегуваат и микро и малите компании со не повеќе од 50 вработени и со приход под два милиона евра во претхоната година.

– Но, што направиле одредени фирми, за што е известана УЈП, отвориле други фирми или го намалиле бројот на вработени за да влезат на регулираниот пазар. За жал, тоа го направиле и одредени општини, рече министерот.

The post Бектеши: Евтината тарифа од 22 до 7 часот нема да се менува appeared first on Република.