Претставничката на Шпанија Шанел во саботата ја воодушеви европската публика со својот секси настап и песната „SloMo“, со која го освои третото место во финалето на „Евровизија“.

Иако не успеа да ги победи Украинците, огнената шпанска претставничка беше една од главните теми меѓу евровизиските коментатори.

https://youtu.be/jSQYTt4xg3I

Но, публиката сега е преокупирана и со видеото од возбудената и емотивна Шанел додека се чекаат резултатите од гласањето кое се шири на „Твитер“.

Згодната Шпанка прво заплака, а потоа се фрли во прегратките на Марија Перез, една од нејзините танчерки. На видеото се гледа како нејзината девојка вели „те сакам“. Откако размениле неколку зборови, девојките се бакнале во уста и силно ја гушнале.

Españita ya ha ganado #GraciasChanelRTVE #eurovision pic.twitter.com/1VzGWmnrCs

— Elisa (@elisamg31) May 14, 2022

The post Шанел резултатите ги чекаше во друштво на својата девојка, танчерка од нејзиниот секси настап appeared first on Република.

Фронтменот на Калуш оркестра, кој победи на синоќешниот избор за песна на Евровизија, се збогува со девојка си пред хотел во Италија и заминува на фронтот во Украина против Русија.

Олег Псиук, фронтменот на фолк рап-групата, е фотографиран како ја прегрнува својата девојка Олександра пред хотел во Торино, пред да ѝ се приклучи на украинската армија.

https://republika.mk/scena/muzika/pesna-i-politika-ukraina-pobedi-na-evrovizija/

Носејќи ја препознатливата розова капа и со ранец, Псиук го напушти Торино.

Зборувајќи за победата, на прес-конференција во живо, фронтменот Псиук рече: „Би сакале да им се заблагодариме на сите што гласаа за Украина - оваа победа ни значи многу. Оваа победа ќе го подигне духот и ќе доведе до повеќе победи на сите фронтови“.

Псиук, исто така, рече дека бендот ќе ја прослави својата победа на Евровизија „по војната“, додавајќи: „Луѓето гинат во војна или се борат во војна или ги губат своите работни места во Украина, тоа навистина не е најдобрата основа за прослави“.

Тој додаде: „Нашата култура е нападната. Сакавме да ја претставиме нашата музика на светот синоќа. Ја напишав евровизиската песна за мајка ми пред војната - но потоа таа почна да добива поинакво значење за различни луѓе.

„Се враќам дома бидејќи водам волонтерска организација која им помага на бегалците со храна, сместување и лекови. Ќе продолжам да го правам тоа. Ќе бидеме домаќини на Евровизија во новоизградената и среќна Украина.'

Синоќа, претседателот Зеленски вети дека ќе ја одржи Евровизија во Мариупол следната година.

https://republika.mk/vesti/svet/zelenski-evrovizija-kje-se-odrzi-vo-mariupol/

Украина заврши со 631 поен, додека ОК заврши на второто место со 466 поени. Шпанија заврши трета со 459, а Шведска четврта со 438.

The post Бакнеж за збогум: Фронтменот на Калуш оркестра од Торино ѝ се приклучи на украинската армија appeared first on Република.

Британскииот водител Пирс Морган ја нарече Евровизија „наместена фарса“, по победата на Украина. Пирс го критикуваше натпреварот, велејќи дека е „политички мотивиран“ и рече дека Украинците можеа да испратат кучиња трагачи за пронаоѓање бомби за да ја залајат националната химна и тие повторно ќе победеа, пренесе британски „Експрес“.

На Твитер, пред осум милиони следбеници, тој го нарече музичкиот настан „наместена фарса“.

Тој додаде дека се радува за Украина, но нагласи и дека Евровизија треба да престане да се нарекува натпревар, бидејќи, повтори, тоа е фарса.

The world’s most absurd, pointless, politically-motivated ‘contest’ excels itself. Ukraine could have sent one of its heroic bomb-sniffing dogs to bark the national anthem and still won. Happy for them, but please let’s stop calling #Eurovision a contest… it’s a rigged farce. https://t.co/spefapUQBt

— Piers Morgan (@piersmorgan) May 15, 2022

Морган, важи за водител кој нема влакна на јазикот. Последниот пат за своите ставови мораше да даде и отказ од водителската улога во најгледаната утринска програма во Британија „Добро утро Британија“ откако јавно ги критикуваше принцот Хари и Меган Маркл за нивното интервју кај Опра.

The post Украинците можеа да испратат и куче да ги претставува, и пак ќе победеа appeared first on Република.

Македонската претставничка на Евровизија, Андреа Коевска со песната „Circles“ го освоила 11-тото место на втората полуфинална вечер, што е за само едно место подолу од првите 10 земји-учеснички кои влегоа во финалето.

Според деталните податоци од гласањето објавени на официјалната страница, Андреа освоила вкупно 76 поени, и тоа 56 од жири и 20 од телефонското гласање.

https://republika.mk/zivot/kaleidoskop/kje-przite-na-ne-na-zejtin-izdajnici-vojna-na-tviter-megju-makedonija-i-srbija-poradi-glasovite-na-nasheto-ziri/

Податоците кои покажуваат дека Македонија најмногу поени добила од жири-комисијата на Германија, а најмалку од жирито на соседна Србија.

Во финалето, пак, македонското жири најмногу гласови ѝ даде на Шпанија, а 10 поени на српската претставничка Констракта, а публиката обратно - 12 поени за Србија, 10 за Шпанија. Украина освои 8 поени од телефонското гласање, додека според македонското жири, победничката песна на Украина не заслужи ниту еден поен.

The post Андреа била 11. во полуфинале, српското жири ѝ доделило 1 поен appeared first on Република.

Големото финале на „Евровизија“ ќе се одржи вечерва во Торино, Италија, а обложувалниците имаат нови прогнози за тоа кој ќе ја однесе победата годинава. Со месеци најголеми фаворити за победа се Украинците, односно „Калуш оркестар“ со песната „Стефанија“.

Додека според прогнозите на обложувалниците, кога станува збор за гласовите на публиката, Украина убедливо води, но кај жирито ситуацијата е поинаква.

Имено, најголеми шанси, кога е во прашање стручното жири, има Велика Британија и нивниот претставник, инфлуенсерот Сем Рајдер.

Сем има 32 години, доаѓа од Англија и има над 12 милиони следбеници на „Тик ток“.

https://youtu.be/rbtPxZby4js

The post Украина веќе не е фаворит на „Евровизија“, друга земја сега е на првото место appeared first on Република.

Вечерва во 21 часот на второто полуфинале на 66-тиот Евросонг кој се одржува во Торино,  нашата евровизиска претставничка Андреа Коевска со песната „Circles“ на Александар Масевски ќе настапи под реден број 11, од вкупно 18 земји учесници.

На евровизиската сцена во Пала Олимпико под покровителство на Европската радиодифузна унија (ЕБУ) и нејзината италијанска членка Раи, според точниот редослед, ќе настапат 18 учесници од Финска, Израел, Србија, Азербејџан, Грузија, Малта, Сан Марино, Австралија, Кипар, Ирска, Македонија, Естонија, Романија, Полска, Црна Гора, Белгија, Шведска и Чешка. На евровизиската сцена од големата петорка ќе настапат и Англија, Германија и Шпанија.

Од самиот старт Македонија е на дното според коефициентите во обложувалниците кога се во прашање шансите за победа или влез во финале. Долго време бевме последни на 40-та позиција, а денеска неколку часа пред почетокот на настапот сме на 33-та позиција (и натаму последни), откако седум земји веќе испаднаа во првата полуфинална вечер.

Претставничката на Србија Констракта, од друга страна, која единствена вечерва ќе пее на свој мајчин јазик, постојано ги зголемува шансите за победа. Беше околу 30-та позиција, па околу 20-та за да денес на денот на настапот е на 10то место.

И натаму најголеми шанси за победа има Украина, па следуваат Велика Британија и Италија.

Од 17 земји кои настапија во вторникот, во финалето се пласираа изведувачите од Швајцарија, Ерменија, Исланд, Литванија, Португалија, Норвешка, Грција, Украина, Молдавија и Холандија. Претставниците на Словенија, Хрватска, Албанија и на Бугарија, не се пласираа во финалето.

The post Андреа пред денешниот настап на последно место според обложувалниците appeared first on Република.

Изборот за песна на Евровизија синоќа беше следен и во дел од Украина, а на Твитер се појави фотографија од нивниот коментатор Тимур Мирошниченко, кој го следеше натпреварувањето и го пренесе на украинската телевизија.

Мирошниченко ја емитуваше Евровизија од импровизирано студио во засолниште, а неговата фотографија, објавена на Твитер од британскиот евровизиски новинар Вилијам Адамс, предизвика бурни емоции на социјалните мрежи.

🇺🇦 Ukraine’s #Eurovision commentator Timur Miroshnychenko is broadcasting from a bomb shelter this evening. pic.twitter.com/5t9rdtzA1n

— William Lee Adams (@willyleeadams) May 10, 2022

The post Од каде се коментираше „Евровизија“ во Украина appeared first on Република.

Швајцарија
Ерменија,
Исланд,
Литванија,
Португалија,
Норвешка,
Грција,
Украина,
Молдавија,
Холандија

Ова се финалистите од првата вечер на Евросонг 2022.

На првото полуфинале на 66. Избор за песна на Евровизија, кој оваа година се одржува во Торино настапија Албанија, Латвија, Литванија, Швајцарија, Словенија, Украина, Бугарија, Холандија, Молдавија, Португалија, Хрватска, Данска, Австрија, Исланд, Грција, Норвешка, Ерменија.

Македонската претставничка Андреа настапува во четврток на 12 мај во втората полуфинална вечер.

The post Албанија, Бугарија, Хрватска, Словенија… нема место за нив во финалето на Евросонг appeared first on Република.

Претставниците на Украина на Евровизија настапија во првата полуфинална вечер, а по настапот на публиката и се обратија зборовите: „Ви благодариме што ја поддржувате Украина“.

Оркестарот „Калуш“ донесе песна составена од етно и рап елементи, а за нивниот сценски настап доаѓаат позитивни коментари.

The rap, flute loop, the bucket hat, the breakdancing, the sparkly waistcoat. We will never be as cool as Kalush Orchestra. 🇺🇦 #Eurovision #ESC2022 pic.twitter.com/TeUmYjiI7m

— Eurovision Song Contest (@Eurovision) May 10, 2022

The post Претставниците на Украина по настапот на Евровизија: Ви благодариме што нѐ поддржувате appeared first on Република.

За време на евровизискиот настап, албанската претставничка со рацете покажа двоглав орел, симбол на Голема Албанија.

Претставничката на Албанија, Ронела Хајати, предизвика медиумско внимание за време на пробите, кога организаторите на натпреварот, поради мислењето дека делови од нејзиниот настап се премногу провокативни, решија да не објавуваат нејзини фотографии на социјалните мрежи. После тоа, Ронела се правдаше на Твитер, па дури објави и дел од настапот, што е спротивно на правилата на натпреварувањето.

For the Eurovision first-timers. You'll never regret watching this show tonight! #Eurovision #ESC2022 pic.twitter.com/ZxRQrVaD1Z

— Eurovision Song Contest (@Eurovision) May 10, 2022

https://republika.mk/scena/estrada/evrovizija-cenzuriran-nastapot-na-albanskata-pejachka-poradi-premnogu-golotija/

The post Албанската евровизиска претставничка „леташе“ двоглав орел на сцена appeared first on Република.

Следете ја првата полуфинална вечер од Евровизија 2022 година. Македонија настапува во четврток на 12 мај

https://www.youtube.com/watch?v=QQhMpP--HDk&list=PLmWYEDTNOGUJDg0GIJ4DH9Fz4aijqEKMM&index=2

The post Во живо: Евровизија 2022, прва полуфинална вечер appeared first on Република.

Нови драми и скандали се нижат на овогодинешниот „Евросонг“. Организаторите на Евровизија го цензурирале настапот на претставничката на Евровизија од Албанија, при што, пејачката во последен момент била принудена да го смени истиот.

Ронела на завчерашната церемонија се појави со чуден костум, а на главата носеше коцкаст детаљ со кој го прекри целото лице.

Инаку, Ронела со причина дошла така облечена, а тоа бил – револтот.

Пејачката е бесна поради тоа што организаторите во Торино го цензурирале нејзиниот настап, поради, како што навеле, премногу голотија.
Таа по тој повод била принудена целосно да ја промени концепцијата на својот настап како и креацијата, која не е толку експлицитна според нивните правила.
Настапот на Ронела кој е цензуриран поради нејзиниот костим, погледнете го во продолжение на текстот:

@eurovision The Sekret's out! Check out this exclusive look at @Ronela Hajati’s first rehearsal on the #Eurovision stage! 🇦🇱🦅 #Eurovision2022 #tiktokeurovision ♬ original sound - Eurovision

 

View this post on Instagram

 

A post shared by RONELA (@ronelahajatiofficial)

The post Евровизија: Цензуриран настапот на албанската пејачка поради премногу голотија appeared first on Република.

Македонскиот пејач Виктор Апсостоловски гостуваше во емисијата „Утрински брифинг“ на „Слободна“ ТВ, каде зборуваше за инцидентот во кој нашата претставничка Андреа Коевска го фрли македонското знаме за време на фотографирањето на свеченото отворање на годинашното издание на Изборот на песна за Евровизија.

Го разбирам гневот на луѓето, ја разбирам јавноста. Мислам дека има многу насобран гнев кај нас како народ. Самиот чин на фрлањето на знаме знаеме како може да се протолкува. Сепак, тоа не е причина да се пишуваат секакви коментари. Има начин на кој ќе реши оваа ситуација, има луѓе кои треба да се погрижат за ова и луѓе кои треба да одговорат на одреден начин. Според мене, се работи за неискуството на Андреа. Јас сум сигурен дека оваа постапка не беше намерна и дека никој не сака да го сврти сопствениот народ против себе, изјави Апостоловски во „Утрински брифинг“.

На прашањето која би била неговата реакција доколку се најде во слична ситуација, Апостоловски е дециден дека не би го фрлил државното знаме.

Малку е неблагодарно да се зборува. Од оваа гледна точка, сите би знаеле како да изреагираат во една таква ситуација, но кога си таму е малку поинаку. Јас не сум бил на „Евровизија“, но постојано бев пред камери кога се случуваше музичкото натпреварување „Идол“ и знам што значи да си под таков притисок. Тогаш те гледаат сите и не смееш да погрешиш нешто на каков било начин. Не можам да тврдам дека и јас не би згрешил нешто ако отидам на „Евровизија“ – никој не е совршен. Сепак, сметам дека фрлањето на знамето е т.н. рефлексија на тоа како младите ја доживуваат оваа работа. Како и да е, мислам дека не би направил такво нешто бидејќи, според мене, фрлање знаме значи пораз, заклучи пејачот.

Како потсетување, Виктор Апостоловски беше еден од финалистите на годинашниот национален Избор на песна за Евровизија. Иако неговата песна „Супермен“ беше главен фаворит на јавноста, сепак победата отиде во рацете на Андреа Коевска која годинава ја претставува нашата држава со песната „Circles“.

https://youtu.be/hQuBSyYNXmQ

The post Виктор Апостоловски: Не верувам дека Андреа намерно го фрли знамето, но никогаш не би постапил така appeared first on Република.

Организаторите на овогодинешната „Евровизија“ во Торино, Италија, го цензурирале настапот на албанската претставничка Ронела Хајати поради, како што навеле, премногу голотија. Таа била принудена целосно да ја промени концепцијата на својот настап како и облеката, која сега не е толку експлицитна.

Ронела на завчерашната церемонија се појави облечена во костим со чуден дизајн, а на главата носеше и прекривка, со која го искажала својот револт, зошто е бесна поради за цензурата.

@eurovision The Sekret's out! Check out this exclusive look at @Ronela Hajati’s first rehearsal on the #Eurovision stage! 🇦🇱🦅 #Eurovision2022 #tiktokeurovision ♬ original sound - Eurovision

The post Бил со премногу голотија: Цензуриран настапот на албанската претставничка appeared first on Република.

На вчерашниот таканаречениот тиркизен тепих  на свеченото отворање на „Евровизија“ во Торино, каде македонската претставничка го фрли македонското знаме, се случи уште еден инцидент.

Додека ги интервјуираа Махмуд и Бланко, кои оваа година ќе ја претставуваат земјата-домаќин маж се појавил на само неколку метри од музичарите и за време на нивното интервју почнал да вреска и да предупредува на опасноста од климатските промени.

Водителите најпрвин биле зачудени, а потоа веднаш повикале некој од обезбедувањето да го отстрани демонстрантот кој не се откажал, а интересно е што Махмуд цело време прилично шокиран го гледал настанот, додека Бланко дури и го поддржал непознатиот маж.

Зелен бран, ми се допаѓаат овие работи, нагласи Бланко.

Сепак, на домаќините на церемонијата не им беше пријатно.

Зелените пораки се многу важни, но ова не е вистинскиот начин да се испратат, забележа водителот.

Blanco che freeza davanti ad una persona che cerca di fare una protesta sul cambiamento climatico e poi fa “a me piacciono queste cose” momento già da subito il più alto di quest’edizione dell’#Eurovision

Si parte pic.twitter.com/1D7GQB209I

— Drama lama (@pondgitsun3) May 8, 2022

The post Уште еден инцидент на „Евровизија“, реагирало обезбедувањето appeared first on Република.

Композиторот Григор Копров во разговор за „Фокус” вели дека е изненаден од лошите коментари за евровизиската претставничка Андреа, која вчера го фрли македонското знаме на земја.

Имам син и ќерка, размислувам како родител. Андреа е само дете, кое постапило непромислено, искрено верувам без зла намера. Зошто таква омраза, зошто ја ставија веднаш на клада, зошто сите овие негативни коментари? Сигурен сум дека и таа се кае, а јавноста мора да сфати дека со овие коментари и напади се уништува нејзиниот живот. Тоа не смее да се дозволи во никој случај! Дури и одговорните од делегацијата, ако во тој момент биле покрај неа, како ќе можеле да претпостават дека таа инстинктивно ќе го фрли знамето? Тие не се во нејзината глава, никој за никого не може да претпостави што може да направи во одреден момент, вели Копров.

The post Копров: Не му го уништувајте животот на девојчето appeared first on Република.

Мери Попова, секое наше претставување на Евровизија се претвора во скандал. Секој избор на песна за Евровизија и е скандалозен, наместен, вели актерот Сашо Тасевски за шефицата на македонската евровизиска делегација.

Минатата година дозволивте бугарско знаме да се појави на спотот на македонскиот претставник кој самиот се осеќаше како Бугар.
Требаше и минатата година да го откажете учеството. Не го направивте тоа.
Оваа години а исто скандал кој се обидуваш да го оправдаш.
Очигледно смрди нешто во вашата екипа. Никој не може да е смени повеќе од деценија и покрај сите скандали. Се однесувате како да сте недопирливи, а трошите наши пари и притоа не понижувате за наши пари.
Дајте си оставки одма и со пејачката вратете се дома под итно, порача Тасевски.

The post Тасевски: И покрај сите скандали веќе деценија никој не може да ја смени Мери Попова appeared first on Република.

Македонската евровизиска претставничка Андреа Коевска уште еднаш се обрати до јавноста, овојпат преку „Инстаграм“.

Сакам на сите уште еднаш со цела почит да ви се обратам. Навистина ми е жал за сето ова што се случува. Се извинувам на сите за непромислената и брза одлука, намерата не ми беше лоша. Напротив, со голема љубов и гордост го носам знамето овие денови. Самото тоа што сум тука е чест за мене да ја претставувам Македонија и тоа навистина сакам да го направам со достоинство. Многу сум благодарна што сум тука во Торино и што со гордост ја претставувам нашата земја. Се извинувам уште еднаш од сѐ срце, а македонското знаме ќе продолжам да го веам гордо како до сега, така и наредните денови, напиша Коевска.

The post Андреа се обрати преку „стори“: Македонското знаме ќе продолжам да го веам гордо како до сега appeared first on Република.

Професорот Гордан Калајџиев смета дека фрлањето на македонското знаме од страна на македонската претставничка на „Евровизија“ беше ненамерно, но смета и дека ова е добра прилика да се прашаме од кого младите ќе учат како се сака татковината.

Девојката очигледно се збуни и немаше намера да го омаловажи знамето, второ тоа сувенир знаменце и не е баш „знаме“ и повеќето го фрлаат по настанот. Ова е добра прилика да се прашаме од кого младите ќе учат како се сака татковината и четврто, сите се јаки патриоти на прсти, а инаку „многу на број, малку за бој!”, вели тој.

The post Калајџиев: Добра прилика да се прашаме од кого младите ќе учат како се сака татковината appeared first on Република.

Српската претставничка Констракта е единствената што во евровизиското полуфинале во четврток, кога ќе настапува и Андреа Коевска, нема да има ни еден дел од песната испеан на англиски јазик.

Овој факт им беше доста интересен на евровизиските новинари во Торино, кои ја прашаа дали се плаши дека публиката нема да ја разбере на српски.

Според Констракта, песната е доволно впечатлива, така што не е битно што нема англиски делови во неа, а и „Бити здрава“ е доста лесна фраза за секој да ја научи.

The post Констракта е единствената што нема да пее на англиски appeared first on Република.