Во Македонија со СДС и ДУИ граѓаните ги немаат основните работи за живот, кои се со Устав и закони загарантирани. Учениците немаат книги, болните немаат лекови, студентите живеат мизерно, фирмите се уништуваат со даноци кои повеќе наликуваат на државен рекет, отколку на солидарен данок, но сето тоа не ја спречува власта да посегне и да ги задолжи и идните генерации, обвини портаролот на ВМРО-ДПМНЕ Марија Митева.

https://www.youtube.com/watch?v=MFONS5qpv90&embeds_referring_euri=https%3A%2F%2Fvmro-dpmne.org.mk%2F&source_ve_path=MjM4NTE&feature=emb_title

Со невидено безобразие двете задолжувања од 190 милиони евра забрзано се туркаат низ собраниска процедура со европско знаменце. Власта и покрај отворената критика од ЕК во најновиот Извештај токму за примената на европското знаменце, продолжува со злоупотреба на истото.

СДС и ДУИ под закрила на европското знаменце избегнуваат дебата затоа што немаат аргументи со кои ќе го бранат новото задолжување. Нема аргументи затоа што се задолжуваат за тековни расходи, наместо за проекти и инвестиции.

Државата ни е енормно задолжена заради расипништвото на СДС и ДУИ.И ова не е крај, власта ќе го зголеми долгот за 500 милиони евра до крајот на оваа година, со што вкупниот долг ќе достигне до 8.5 милијарди евра.

И се ќе беше поинаку, ако власта имаше некакви резултати. Но и покрај 8.5 милијарди евра долг, и милијарди потрошени од буџети, нема ниту еден проект или мерка која асоцира на оваа власт, напротив граѓаните ги асоцираат скандали, коруптивни зделки и бизнис интереси. Ги нема автопатите, нема градинки, нема нови училишта, нема ниту учебници, ниту лекови. Нејасно е каде завршија милијарди евра народни пари. Задолжување додека се може е модус операнди на оваа власт.

Граѓаните на Македонија се се поблиску до денот кога на избори ќе стават крај на ваквото владеење, по што ќе следат промени и подобра иднина!

The post Власта со европско знаменце ќе се задолжи 190 милиони евра appeared first on Република.

„Кога власта има потреба да направи некој криминал, тогаш прави маневар во јавноста дека се носи супер закон со европско знаменце, но не е тоа така. Кривичниот законик знаете како брзоплето се донесе да не се зборува ништо во еден ден, да помине брзо на комисија за да се спаси некој. А кој се спаси, пример ќе ви кажам зошто си го правеа сето ова за да се спаси еден градоначалник од Струга и 14 кривични пријави да му паднат, тоа е целта. Зошто се носи лотарија со европско знаменце, зошто? За да има некој интерес и ќар“, вели потпретседателот на ВМРО-ДПМНЕ Владо Мисајловски на денешната трибина Дебати за Македонија- „Извештајот на ЕУ за Македонија- одраз на реалноста“.

Потпретседателот додаде дека случајот со „Бехтел и Енка“ кој е донесен со европско знаменце е нотиран во извештајот од ЕК.

„Сега во овој момент се префрлаат стотици милион евра на компанија што не започнала со ништо а нема потреба да постојат закони за овој проект, зошто е тоа така направено. Како направија со европско знаменце да се одбере компанија без да има учество за други компании да се пријават па да се дебатира. Видете што е сржта на овој проект, некој да стави подизведувачи, а кога велам некој тоа се СДС и ДУИ, тука е проблемот во Република Македонија кај овие две партии пред се затоа што они бараат како да го наполнат џебот. Сржта е криминалот и корупцијата“, истакна Мисајловски.

Потпретседателот Мисајловски изјави дека тоа што ВМРО-ДПМНЕ го говореле во минатото за злоупотреба на европското знаменце е нотирано и потврдено во извештајот.

„Нема да гледате дека ако некој ставил европско знаменце дека некој закон ќе се подобри бидејќи европската комисија или Европската Унија го бара тоа, да најголем дел од тие закони ќе бидат подобрени ако имаме чесна Влада. Ние имаме чесен пристап и бевме против овие закони и сеуште сме против овие закони, а не сме против изградба на патишта. На овој начин со европско знаменце може да видиме сите оние што го говоревме во минатото дека се е нотирано во извештајот. Значи ние сме зборувале сите нешто што навистина вреди за Европа, односно за европскиот пат“, рече Мисајловски.

Потпретседателот истакна дека треба заедничко сплотување и победа за да има огромна одговорност.

„Законот за либерализација на железничкиот систем е подолго време во мојата матична комисија и често пати баравме да се објасни на граѓаните што точно значи за да видиме која е визијата. Со овој закон што сакаат да направат, прво што направиле отишле по сите европски институции да пренесат дека ВМРО-ДПМНЕ ја кочи европската иднина, па да слушнеме од комитетот за транспорт дека ВМРО-ДПМНЕ кочи, па потоа од инфраструктурната заедница дека повторно ВМРО-ДПМНЕ кочи европски закон. Овој закон се однесува за либерализација на патниот и товарниот сообраќај односно да може да се добиваат лиценци да може да се вози по македонските пруги. Ние како држава и партија не сме против европски закон, јас кога бев министер овој закон не се носеше поради една причина, поради тоа што сакавме да вложиме премногу средства во железницата со нови товарни вагони, возови, локомотиви, подобрување на самите пруги. Се започна со Битола – Каменица, почнаа нови инвестиции, почна кон Бугарија поактивно да се работи иако тоа е проблем на сите Влади, но сега СДСМ го протнува овој закон без да има никаква визија што ќе се случува во иднина. Наместо да велат дека ВМРО-ДПМНЕ го кочи, ние оставивме простор да се дебатира бидејќи ако не го ставевме на комисија, ќе го ставеа со европско знаменце. Ние многу пати велиме ако некој закон е со европска регулатива како овој ајде да го дебатираме, но кога ќе ги соочиме аргументите и фактите, тогаш нема аргументи и факти, туку само прават како власт нешто да чекираат дека нешто направиле а во позадина што се крие? Дали се крие позади секој еден ваков закон корупција? Верувајте дека се крие, тоа е заштитен знак на оваа власт, ако на ВМРО-ДПМНЕ заштитен знак беа бројките и што повеќе проекти да има во Македонија, овде имаме голем и државен проблем со криминалци и бандити што сакаат да ја ограбат Македонија“, потенцираше Мисајловски.

Мисајловски истакна дека ВМРО-ДПМНЕ има визија и и' порача на власта колку и да го менуваат кривичниот законик пак ќе одговараат.

„Треба целокупен рестарт во целото општество. Нема сектор каде не треба буквално реформа, прашањето е дали со овој потег што го направија со „Бехтел и Енка“ и толку многу вложување како најскап проект во историјата дали Македонија ќе има доволно средства за многу идни проекти, тоа е многу важно прашање, дали ќе имаме доволно средства за нови капитални проекти, никој не размислува, но ние како ВМРО-ДПМНЕ ќе размислуваме за визија, за како до Унгарија и до Солун да има брза железница, најмодерна и најубава, тоа е визија за напред, наместо да не заобиколуваат кон Бугарија ние да донесеме развојна програма како да ги подобруваме сите овие процеси. Наместо ние да зборуваме дека буџетот има толку големи дупки и да бараме начин како да го пополниме, додека зборувам јас во Собранието стигна закон, верувале или не државата до крајот на годината се задолжи со нови 500 милиони евра и знаете како ќе се достават овие закони, со европско знаменце. Прв пат во историјата на Македонија нема да идат тие закони да се гледаат во комисијата за финансирање и буџет бидејќи ја претседава пратеник од ВМРО-ДПМНЕ, Бојан Стојаноски туку со европско знаменце задолжувања за трошоците и парите што треба да се дадат на „Бехтел и Енка“ и останати, затоа нас ни треба рестарт“, дециден е Мисајловски.

Мисајловски додаде дека власта носи закон со кој сака да си се спасат од криминалот и корупцијата.

„Ако зборуваме за јавната администрација, немаат донесено закон за јавна администрација со години, целиот нивни мандат и сега на крајот од мандатот сакаат да протнат некој решенија и верувајте тоа решение ќе биде исклучиво како да се заштитат нивните вработувања, односно тие луѓе што ги имаат поставено. Оваа Влада носи закони за еден ден за да се спасат од криминал  и корупција“, заклучи Мисајловски.

The post Мисајловски: Европската комисија нотира дека владата на СДС и ДУИ ги злоупотребува процедурите и европското знаменце appeared first on Република.

Народот чека евроамбасадорот Гир да одговори, кои би биле последиците за власта, доколку од проверката на Канцеларијата на Еу произлезе дека е злоупотребено европското знаменце.
Ова би бил втор случај, после оној за коруптивниот договор со БЕХТЕЛ и ЕНКА, пишува на фејсбук Џевдет Хајредини.

The post Хајредини: Народот чека одговор од евроамбасадорот Гир, кои се последиците за власта ако е злоупотребено европското знаменце appeared first on Република.

Државната комисија за спречување на корупција (ДКСК) нема никаква алатка в раце со која може да ги натера институциите и службените лица да ги почитуваат иницијативите и мерките. Употребата на европско знаме, носење закони по скратена постапка, носење специјални закони што ги негираат сите други закони е политичката корупција што ни се случува. Во овој случај Комисијата само ќе укаже дека има некоја слабост и на крајот пак тоа продолжува. Појдовна точка е дека ваквиот закон со злоупотреба на политичка волја е спротивно на европските стандарди, рече членот на ДКСК, Нури Бајрами во одговор на прашање до каде е работата со предметот за договорот со „Бехтел и Енка“.

Според него, вакви закони можат да продуцираат се и сешто.

Членот на ДКСК, Катица Николовска на денешната седница се надоврза дека се работи на предметот, кој е комплексен и бара многу време и ресурси, но оти имаат проблем со обезбедување на целокупниот договор, бидејќи е доставен само делумно. Таа смета дека најголемиот проблем е што се озаконува корупцијата.

- Кога ќе го обезбедиме, тој што има сертификат ќе го гледа и верувам ќе излеземе со став. Штом завршиме со некој предмет особено ваков значаен, ние секогаш излегуваме во реално време, се надевам ќе известиме наскоро, рече Николовска.

Според Горан Трпеновски, член на ДКСК, политичката корупција прераснала во законска корупција, па во системска корупција, но за жал, како што рече, освен да укажува, Комисијата не можеме ништо друго.

Членот Шемси Салаи, пак, ја нагласи потребата од вклучување и на други органи кога е во прашање борбата против корупцијата.

- Иако сите закони донесени во врска со овој коридор се со голем ризик на корупција, иако имаме констатирано и доста други закони кои веќе се пред тоа со голем ризик на корупција, треба нешто да сфатиме со нашите препукувања од една на друга институција. Поминаа 30 години од осамостојување на државата ние уште немаме патишта, што е доста лоша ситуација за развојот. Со вакви патишта и низок развој на инфраструктурата воопшто, економијата не може да оди напред. Треба да се остават да се работат до крај овие проекти и да ги следиме со 100 очи отворени, до каде се постапките и ако има корупција да се постапи. Имаме органи кои треба да ги следат сите овие зделки и ако се констатира корупција да се постапува и за еден денар да е, а не па за милиони, заклучи Салаи.

The post Aнтикорупциска: Употребата на европско знаменце е политичка корупција што ни се случува, комисијата е немоќна appeared first on Република.

Повторна злоупотреба на европското знаменце и ова стана секојдневна пракса. Оваа власт покажа кршење на законите, непочитување на правото и склучува договори спротивни на законската регулатива.  Така да и овој договор со Бехтел и Енка е склучен врз основа на непостоечки законски одредби, изјави пратеничката од ВМРО-ДПМНЕ Грација Бакраческа на денешната собраниска седница.

Таа појасни дека договорите треба да се во согласност со законот а не обратно.

- Со предвидените измени во законот, се предвидува да се започне со урбанистички проект, наместо планска документација и ова е недозволиво. Ваквото законско решение за урбанистичко планирање е спротивно на законските и уставните норми. Законите  не смее да се менуваат заради одреден проект, рече Бакраческа.

Додаде и дека комората на овластени архитекти и инженери искажаа став дека процесите за урбанистичко планирање, проектирање, возобновување и изградба не смее да отстапуваат од пропишаните прописи и не смеат да бидат тие заобиколени

- Тие ја искажа загриженоста дека власта носи закони под превезот на европското знаменце, спротивни на европските вредности. Правниците исто така изразија загриженост за степенот на усогласеност на македонското и европското законодавство. Се нанесува штета на евроинтеграцискиот процес на Македонија, изјави Бакраческа.

Потенцираше дека негативностите ќе бидат нотирани во следниот извештај на ЕК бидејќи вакви закони се носат по скратена постапка.

- Со законските измени кои ги предлагаат СДС и ДУИ се овозможува при изградба на коридорите да бидат легализирани и обесштетени дивоградби кои сега ќе бидат изградени. Нелегалните објекти ќе вредат исто колку и законски изградени објекти. Тоа значи дека во наредниот период може да никнат многу дивоградби, рече Бакраческа.

The post Бакраческа: Договорите треба да се во согласност со законот а не обратно, власта поднесува измени под превез на европското знаменце со кои го загрозува евроинтегративниот процес на Македонија appeared first on Република.

Европското знаменце на законите поврзани со изградбата на коридорите, а со цел побрзо и поефикасно проектирање и градење на коридорите 8 и 10д е бидејќи Коридорот 8 е веќе ставен на мапата на трансевропски коридори и затоа што има неоснована блокада од страна на Левица поддржана од ВМРО-ДПМНЕ со цел коридорите да не се градат, изјави денеска премиерот Димитар Ковачевски одговарајќи на прашање дали одговориле на писмото од ЕУ за злоупотреба на европското знаменце.

Премиерот посочи дека вицепремиерот за европски прашања Бојан Маричиќ и Секретаријатот за европски прашања се во постојан контакт со службите во ЕУ.

Според премиерот, ВМРО-ДПМНЕ и Левица блокираат закони што се однесуваат на реформи во државата и на европскиот пат на земјата.

The post Ковачевски: Европското знаменце на законите е поради неоснованата блокада да не се градат коридорите appeared first on Република.

Причината поради која го покренав прашањето за употребата на европското знаменце, е токму поради тоа што тоа многу често се употребува за усвојување на некои закони, додека се знае дека употребата на европското знаменце секогаш се употребува преку усвојување на закон којшто е значи директно поврзан со европските практики и европското законодавство, порача амбасадорот на ЕУ во Македонија Дејвид Гир.

Тој на денешната промоција на проектите на 45 граѓански организации, имплементирани во рамки на Регионалната програма за локална демократија во Западен Балкан 2 - ReLOaD2, посочи дека секогаш употребата на европското знаменце треба да се направи по претходна вистинска консултација помеѓу сите политички партии и тоа е за усогласување на европската легислатива.

Се разбира ние имаме редовни контакти со Владата во врска со ова прашање, меѓутоа и со ред други прашања и се разбира дека секогаш сме подготвени да ја сослушаме Владата што има да каже во врска со ова прашање и со други прашања што не засегаат сите нас. И што се однесува до самата опозиција ние сме во редовен дијалог и со неа за прашањата што тие ги покренуваат, изјави Гир.

The post Гир: Многу често се употребува европското знаменце за закони за кои не е наменето appeared first on Република.

Причината поради која го покренав прашањето за употребата на европското знаменце, е токму поради тоа што тоа многу често се употребува за усвојување на некои закони, додека се знае дека употребата на европското знаменце секогаш се употребува преку усвојување на закон којшто е значи директно поврзан со европските практики и европското законодавство, порача амбасадорот на ЕУ во Македонија Дејвид Гир.

Тој на денешната промоција на проектите на 45 граѓански организации, имплементирани во рамки на Регионалната програма за локална демократија во Западен Балкан 2 - ReLOaD2, посочи дека секогаш употребата на европското знаменце треба да се направи по претходна вистинска консултација помеѓу сите политички партии и тоа е за усогласување на европската легислатива.

-Се разбира ние имаме редовни контакти со Владата во врска со ова прашање, меѓутоа и со ред други прашања и се разбира дека секогаш сме подготвени да ја сослушаме Владата што има да каже во врска со ова прашање и со други прашања што не засегаат сите нас. И што се однесува до самата опозиција ние сме во редовен дијалог и со неа за прашањата што тие ги покренуваат, изјави Гир.

The post Гир: Многу често се употребува европското знаменце за закони за кои не е наменето appeared first on Република.

Пратениците на денешната 115. седница ја изгласаа потребата по скратена постапка да се донесат неколку закони поврзани со изградбата на коридорите 8 и 10д.

Пратениците ги усвоија предлог законите, чиј предлагач е Владата, за изменување и дополнување на Законот за утврдување на јавен интерес и номинирање на стратешки партнер за имплементација на проектот за изградба на инфраструктурниот Коридор 8 (делница: Тетово – Гостивар – Букојчани и проектот за автопатот Требеништа – Струга – Ќафасан) и Коридорот 10 д (делница на автопатот Прилеп– Битола) во Република Македонија, по скратена постапка, како и измените и дополнувањата на Законот за урбанистичко планирање, Законот за градење, Законот за експропријација и на Законот за работните односи, сите по скратена постапка.

Координаторот на пратеничката група на ВМРО-ДПМНЕ Никола Мицевски рече дека владејачкото мнозинство со усвојување на овие предлог закони на Владата, го крши највисокиот акт во државата, заедно со Деловникот на Собранието.

-Денеска пред нас се наоѓаат пет закони кои се однесуваат на изградбата на коридорите 8 и 10д, на кои оваа Влада се одлучи по којзнае кој пат да го злоупотреби европското знаменце. Ова значи дека сега ќе имаме опструирана дебата како и ограничена амандманска расправа по овие закони. Ова е предвидено со членот 135 од Деловникот при што треба да се наведат податоци за изворниот акт на ЕУ со полн назив, како и изјава за усогласеност. Потпис на надлежниот министер, како и јасно наведување на правниот акт  на кој се однесува извршеното усогласување. Тоа го немаме. Празни се коресподентните табели. Ништо од ова не постои во содржината на законите и токму поради овие неправилности требало овие закони да бидат вратени на владина седница, а не да продолжат со продолжена процедура по истите, оцени Мицевски.

Тој побара согласно членот 136 претседателот на Собранието и во оваа фаза да ги врати овие закони и да побара од предлагачот да ги усогласи одредбите.

Павле Трајанов од Демократскиот сојуз се повика на повеќе членови од Деловникот за работа на Собранието , бидејки, како што рече, точките што се предлагаат на седницата се спротивни на член 135.4, член 136, член 170, 171....

-На оваа сеница Владата предлага 5 закони со европско знаменце, а никаде не видовме дека има усогласување на домашното законодавство на овие закони со законодавството на ЕУ. Се работи за да се покријат коруптивините договори на договорот постигнат со „Бехтел и Енка“ и во суштина овие 5 закони се закони за амнестија на Договорот со „Бехтел и Енка“, зборуваме за коруптивните елементи. Се случлва институционален криминал Парламентот да ги покрие криминалните дејствија, што ќе резултираат со имплементација на договорот, рече Трајанов.

Маја Морачанин од ДОМ рече дека не е прифатливо овие пет закони да бидат усвоени и разгледувани со европско знаменце бидејќи не се врши усогласување на законската регулатива со европското законодавство.

Претседателот на Собранието Талат Џафери даде пауза до 15:30 часот.

Овие закони, како што предложи Владата која е предлагач, ќе се разгледуваат на Комисијата за европски прашања односно тие се со европско знаменце.

The post Пратениците го власта гласаа ЗА законите поврзани со коридорите да се донесат со европско знаменце appeared first on Република.

Собранието денеска треба да ја почне 115. седница на која треба да ја утврди потребата за носење на неколку закони поврзани со изградбата на коридорите 8 и 10д.

На дневен ред на седницата се Предлогот на закон за изменување и дополнување на Законот за утврдување на јавен интерес и номинирање на стратешки партнер за имплементација на проектот за изградба на инфраструктурниот Коридор 8 (делница: Тетово – Гостивар – Букојчани и проектот за автопатот Требеништа – Струга – Ќафасан) и Коридорот 10 д (делница на автопатот Прилеп– Битола) во Република Македонија, по скратена постапка, како и измените и дополнувањата на Законот за урбанистичко планирање, Законот за градење, Законот за експропријација и на Законот за работните односи, сите по скратена постапка.

Овие закони, како што предложи Владата која е предлагач, ќе се разгледуваат на Комисијата за европски прашања односно тие се со европско знаменце.

За изградба на автопатиштата Струга – Ќафасан, Прилеп – Битола и Тетово – Гостивар – Букојчани, пратеници претходно побараа измени на осум закони, но бидејќи тие се блокирани од страна на опозицијата, решивме да предложиме измена на пет закони, но со европско знаменце, изјави првиот вицепремиер и координатор за следење на работите за проектот за автопатиштата, Артан Груби на прес-конференција во Владата пред неколку дена.

На ваквата најава реагираа од Канцеларијата на ЕУ во Скопје наведувајќи дека употребата на европското знаменце на предлог закони за изградба на автопатиштата од „Бехтел и Енка“ не е оправдано и нема врска со реформската агенда за ЕУ.

Реагираа и опозициските партии кои најавија дека ќе има кривични пријави. Од ВМРО-ДПМНЕ посочија дека нема да поднесат многу амандмани бидејќи, според Деловникот, дебатата за законите во Комисијата за европски прашања треба да заврши за два дена. Левица, пак, преку соопштение најави дека подготвила над шест илјади амандмани.

Координаторот на пратеничката група Никола Мицевски рече дека е многу јасно дека е прекршен Деловникот и процедурата.

Нови законски решенија во скратена постапка со европско знаменце стигнуваат во Собрание за два дена се ставаат на пленарна седница без можност да ги разгледаме, а од друга страна имаме информација за состојбите во Судскиот совет поднесена минатата недела, која била на превод, рече Мицевски.

The post Законите за изградба на коридорите влегуваат во Собрание по скратена, европска постапка appeared first on Република.

Скандалозните предлог-измени на петте закони што Владата ги усвои на седница минатиот петок денеска стигнаа во Собранието. Станува збор за предлог-измени на Законот за работни односи, на Законот за експропријација, потоа Законот за урбанистичко планирање и за градење и на Законот за утврдување на јавен интерес и номинирање на стратешки партнер за имплементација на проектот за изградба на инфраструктурниот Коридор 8 (делница: Тетово – Гостивар – Букојчани и проектот за автопатот Требеништа – Струга – Ќафасан) и Коридорот 10-д (делница на автопатот Прилеп– Битола)

Како што веќе и најави првиот вицепремиер и координатор на проектот, Артан Груби, тие се со европско знаменце.

Сепак, во образложенијата на сите предложени измени на законите точката 5 насловена како: „Преглед на регулативи од други правни системи и усогласеноста на предлогот на Закон со правото на Европската Унија“ остана празна. Поточно, во неа не е наведено зошто има потреба од изменување на конкретните закони поради усогласување со законодавството на Европската Унија.

На овој момент се осврна и лидерот на опозициската ВМРО-ДПМНЕ, Христијан Мицкоски, кој денеска беше на состанок во Стопанската комора на Македонија каде што, меѓу другото, станало збор и за изградбата на коридорите 8 и 10-д, кои ќе ги гради американско-турскиот конзорциум „Бехтел и Енка“.

Тој ги повика Делегацијата на Европската Унија во земјава и амбасадите на секоја земја-членка на Унијата поединечно уште денеска да излезат со став во врска со ставањето на предлог-измените во собраниска процедура, по скратена постапка, односно со европско знаменце. Доколку тоа не се случи, рече Мицкоски одговарајќи на новинарско прашање, опозициската ВМРО-ДПМНЕ од утре ќе отвори јавна дебата и во врска со ова прашање.

Додека траеше состанокот со Сојузот на стопански комори состојбата е изменета, односно не дека имаат намера туку дека законите се пристигнати во парламент со европско знаменце и јас денеска нема да го коментирам ова, ќе оставам од страна на Европската комисија, односно од Канцеларијата на Европската комисија тоа во текот на денешниот ден да биде искоментирано. Доколку тоа не се случи, тогаш од утре ќе отвориме јавна дебата и по тоа прашање, затоа што вересиите кои ги видовме во делот пет, кој вообичаено се користи за објаснување со кои делови од европската регулатива се усогласува овој закон, замислете, во овие предлози е празен, значи не стои таму во што се усогласува. Така ако до пред неколку минути имаа намера, еве сега сакам да ве информирам дека веќе се пристигнати законите со европско знаменце во парламентот и ја повикувам Канцеларијата на Европската комисија во Македонија, ги повикувам амбасадите на земјите од Европската Унија да се произнесат во текот на денешниот ден за ова што денеска го направи Владата на ДУИ и СДСМ, рече Мицкоски во изјава за медиумите во Стопанската комора на Македонија.

The post Предлог-измените на законите стигнаа во Собрание без образложение зошто се со европско знаменце appeared first on Република.

Претседателот на ВМРО-ДПМНЕ, Христијан Мицкоски денеска во изјава информира дека предлог-законите за изградба на делови од Коридорите 8 и 10Д веќе пристигнале во Собранието со европско знаменце.

Јавноста будно да следи во периодот што следи бидејќи имаме отсуство на јавна дебата поврзана со овие големи инфраструктурни и капитални проекти. Ќе мораме на ваков начин јавно да дебатираме. Добивме информација дека веќе законите се во Парламент и јас денеска нема да го коментирам туку ќе оставам од Канцеларијата на Европската комисија тоа во текот на денот да биде искоментирано. Ако не се случи, од утре ќе отвориме јавна дебата по тоа прашање, затоа што верзиите кои што ги видовме во делот 5, во овие предлози е празен. Ги повикувам амбасадите на земјите од ЕУ да се произнесат за ова што денеска го направи Владата, кажа Мицкоски како одговор на новинарско прашање.

The post Владините закони стигнаа во Собранието со европско знаменце: Мицкоски ги повика ЕУ и амбасадите на земјите-членки да се произнесат appeared first on Република.

Претседателот на ВМРО-ДПМНЕ, Христијан Мицкоски денеска во изјава информира дека предлог-законите за изградба на делови од Коридорите 8 и 10Д веќе пристигнале во Собранието со европско знаменце.

Јавноста будно да следи во периодот што следи бидејќи имаме отсуство на јавна дебата поврзана со овие големи инфраструктурни и капитални проекти. Ќе мораме на ваков начин јавно да дебатираме. Добивме информација дека веќе законите се во Парламент и јас денеска нема да го коментирам туку ќе оставам од Канцеларијата на Европската комисија тоа во текот на денот да биде искоментирано. Ако не се случи, од утре ќе отвориме јавна дебата по тоа прашање, затоа што верзиите кои што ги видовме во делот 5, во овие предлози е празен. Ги повикувам амбасадите на земјите од ЕУ да се произнесат за ова што денеска го направи Владата, кажа Мицкоски како одговор на новинарско прашање.

The post Мицкоски: Владините закони стигнаа во Собранието со европско знаменце appeared first on Република.

Од политички аспект имаме основа да ставиме европско знаменце на петте закони поврзани со изградбата на коридорите 8 и 10д за да успееме да ги изградиме овие автопати и да ја комплетираме трансевропската мрежа на коридори во Македонија, изјави денеска вицепремиерот за европски прашања Бојан Маричиќ.

Маричиќ укажа дека се во редовна комуникација со Европската Унија и им објасниле зошто го прават тоа.

-Тоа што мислам дека треба отворено да си го кажеме, оваа одлука е донесена за да се заобиколи нелегитимната блокада од страна на Левица, проруска партија, анти-НАТО партија, анти-ЕУ партија која ќе направи сѐ да ги спречи коридорите и впишани во европските трансевропски мрежи и за еден ваков проект реализиран од американска компанија. Сметаме дека тоа е нелегитимна блокада која ние на легитимен начин со инструмент кој ни е на располагање сакаме да ја заобиколиме и за тоа имаме основа и политичка оправданост, истакна Маричиќ.

Тој додаде дека знаат оти овие закони не се усогласени со некое европско аки, но посочи дека Коридорот 8 треба да биде впишан во трансевропската мрежа на коридори на 16 мај.

The post Имаме политичка оправданост да ставиме европско знаменце на законите поврзани со изградбата на коридорите, вели Маричиќ appeared first on Република.

Ова што ќе го слушнете од Социјалдемократите, особено од Артан Груби е целосен политички нонсенс, овој политички фолклор кој што го споменуваат унапредување на законодавството. Сакам да потсетам еве зошто постои Комисијата за европски прашања? Зошто постои институтот европско знаменце како скратена постапка, убрзана постапка? Зошто формално правно? Постои поради Договорот за стабилизација и асоцијација односно Спогодбата за стабилизација и асоцијација која што е потпишана помеѓу Македонија и ЕУ. Согласно таа Спогодба Владата на Ковачевски и Груби добија ладен туш и им пропадна практично блефот затоа што се изјаснија дека законот за „Бехтел и Енка“ е спротивно на Спогодбата за стабилизација и асоцијација“, истакна пратеникот Миле Лефков, во гостувањето во емисијата „Само Вистина“ на Канал 5 телевизија.

Лефков додаде дека Спогодбата за стабилизација и асоцијација има десет дела. Еден од деловите е усогласување на законодавството и спроведување на законите. Кога се говори за усогласување на законодавството се мисли на законодавство и законодавството на ЕУ и токму поради тоа е европското знаменце, А, не поради политичкиот нонсенс унапредување на законодавството.

И премиерот и заменик премиерот даваат заклетва дека ќе ги почитуваат Уставот и законите на Република Македонија. Значи во момент кога го потпишувале договорот, вие имате дадено заклетва што – да ги почитувате законите кои што важат сега во моментов, а не да потпишувате договори под претпоставка кои закони би важеле во иднина. Затоа што со заклетва тие се обврзани тие да ја претставуваат Република Македонија и да ги претставуваат законите и Уставот“, истакна Лефков.

Тој посочи дека сега има нонсенс каде што власта убедува дека ако се изменат законите договорот со „Бехтел и Енка“ ќе чини помалку. Тој додава дека поради тоа власта се дрзнува да стави европско знаменце.

Се откри целата криминална и коруптивна шема затоа што ако имаа тие искрен однос немаше првиот пакет од 9 закони па подоцна осум да стигнат од колеги пратеници. Се сеќавате на тој блеф на јавна сцена кога премиерот на избраниот Ковачевски, резервниот премиер ќе кажеше ние немаме ништо со тоа, пратениците сами предвиделе кои закони да се менуваат. За да дојдеме до тоа сега Артан Груби да ни кажува дека ќе стигнале до европско знаменце“, појасни пратеникот.

Лефков нагласи дека не опозицијата туку Канцеларијата на Европската Унија им даде ладен туш кога им кажа дека станува збор за злоупотреба на европското знаменце.

The post Лефков: Не е опозицијата туку Канцеларијата на ЕУ која кажува дека се злоупотребува европското знаменце за договорот со „Бехтел и Енка“ appeared first on Република.

За Делегацијата на Европската Унија во земјава, означувањето на законите поврзани со коридорите 8 и 10д со европско знаменце не е во согласност со стандардите на Унијата. Оттаму во изјава за МИА велат дека ќе побараат дополнителни појаснувања од власта откако вицепремиерот Артан Груби на прес-конференција кажа дека се донесени пет нови закони за коридорите кои ќе бидат доставени до Собранието со европско знаменце.

Означувањето на закони со знаменце на ЕУ е насочено да помогне за забрзување на интеграцијата на Македонија во ЕУ и затоа треба да има за цел усогласување на законодавството со законодавството и стандардите на ЕУ. Во конкретниот случај, се чини дека нацрт-законот не се однесува на усогласување со таквите стандарди. Ја изразивме нашата загриженост до националните власти и бараме дополнителни појаснувања, велат од Делегацијата на ЕК на прашање на МИА да дадат став за најавата дека законите за Коридорите 8 и 10д ќе бидат доставени во Собранието со европско знаме.

Од Канцеларијата на Делегацијата на ЕУ во Скопје потсетуваат дека употребата на брзи процедури треба да се ограничи и да се применува само кога е оправдано да се унапреди реформската агенда на ЕУ.

Како што рековме во последователните извештаи на Комисијата за Македонија, употребата на брзи процедури треба да се ограничи и да се применува само кога е оправдано да се унапреди реформската агенда на ЕУ. Не треба да се користи за скратување на јавните консултации или за решавање на процедуралните тешкотии во законодавниот дом, велат од Делегацијата на ЕК за МИА.

Претходно, Артан Груби, на прес-конференција соопшти дека Владата на седница донела нови пет предог-закони за коридорите 8 и 10д кои ќе бидат доставени до Собранието со европско знаме.

Тој посочи дека целта на новите законски решенија е побрза и поевтина изградба на коридорите.

https://republika.mk/vesti/makedonija/zakonite-za-behtel-i-enka-odat-so-evropsko-znamentse/

The post Законите за коридорите 8 и 10д не се за со „европско знаменце“: Делегацијата на ЕУ изрази загриженост поради одлуката на Груби appeared first on Република.

Владата на денешната седница донесе нови пет предог-закони за коридорите 8 и 10д кои ќе бидат доставени до Собранието со европско знаме. Како што соопшти првиот заменик на претседателот на Владата и министер за политички систем и односи меѓу заедниците, Артан Груби, целта на новите законски решенија е побрза и поевтина изградба на коридорите.

Од пратениците сега зависи, рече Груби, дали изградбата на коридорите ќе биде побрза и поевтина или побавна и поскапа.

Тој воедно ја повика опозицијата да прекине со блокадите на законските решенија зашто со тоа, рече, се ставаат во заложништво 150 милиони евра од граѓаните и се загрозуваат националните стратегиски проекти поради дневно-политичка агенда.

Наместо проектот да чини скоро 1,5 милијарди евра со сегашното домашно законодавство, актуелно, има можност да чини 1,3 милијарди евра со поефикасен систем не само за овој проект на изградба на коридорите 8 и 10 д, туку за сите идни национални стратешки проекти. За да се реализира тоа беа поднесени осум предлог-закони кои опозицијата ги блокира со што стави во заложништво и две години од животот на граѓаните. Замоливме да се доуредат овие закони, а нив не ги бараат ниту „Бехтел“, ниту Енка, ниту двете заедно, туку ги бараме ние како институции, Владата, пратениците, јавните претпријатија и индустријата, за поефикасен систем на градење. Увидувајќи ја очигледната бпокада и заложништвото на законите од опозицијата и имајќи ги предвид интересите на граѓаните, Владата денеска усвои пет предог-закони кои ќе ги достави до пратениците. Со оглед дека ЕУ го додаде на мапата коридори и Коридорот 8 и со оглед на неговото геостратешко значење, заедно со коридорот 10д, како и поради тоа што долго во јавноста се води дебата, одлучивме законите да се предложат со европско знаме. Пратениците да се откажат од блокади и да не ги поскапуваат автопатиштата за над 150 милиони евра и да не ги загрозуваат националните стратегиски проекти поради политичка агенда - истакна Груби.

Министерот за транспорт и врски Благој Бочварски порача дека веќе нема време за калкулации кои патишта ни се повеќе потреби, но едно е јасно: или ќе бидеме крстосница и главна европска рута на Балканот или ќе останеме обиколница.

На прес-конференцијата во Владата се и вицепремиерот Фатмир Битиќи, како и министрите за финансии, за економија и за земјоделство, шумарство и водостопанство, Благој Бочварски, Фатмир Бесими, Крешник Бектеши и Љупчо Николовски, како и заменик-министерот за труд и социјална политика Енвер Хусејин. Присутна е и директорката на Државниот инспекторат за труд, Весна Томовска.

Груби информира дека владината седница почнала со изразување едноминутно молчење за загинатите во двата немили настана во Србија, како и дека сите домашни ресорни министерства известиле за нивните тековни напори да не се случи такво нешто во земјава.

The post Законите за „Бехтел и Енка“ одат со европско знаменце appeared first on Република.

Пратениците од Комисијата за европски прашања да не дадат поддршка за новиот Закон за игри на среќа поради негова неуставност, реагира австрискиот амбасадор Георг Вуцас до Владата и пратениците откако измените на регулативата за игри на среќа стигнаа во законодавниот дом. Амбасадорот реагира дека Владата го злоупотребува и европското знаменце за да избегне јавна дебата за контроверзниот закон.

Актуелните одредби ги нарушуваат темелните вредности на уставниот поредок во член 8 од Уставот, т.е. владеење на правото, слобода на пазарот и претприемништво, почитување на општоприфатените норми на меѓународното право, пишува во писмото амбасадорот на Австрија во земјава.

Амбасадорот во писмото потенцира дека измените на Законот кои што ги предлага Владата се косат и со други членови од Уставот – членот 51 каде е регулирано дека сите закони мора да бидат во согласност со Уставот, а сите други прописи со Уставот и со закон. Вуцас наведува дека измените на регулацијата се спротивни и со членот 52 од Уставот во кој е регулирано дека законот не може да има ретроактивно дејство, а се косат и со членот 59 кој гласи:

На странските вложувачи им се гарантира правото на слободно изнесување на вложениот капитал и добивка. Правата стекнати врз основа на вложениот капитал не можат да се намалуваат со закон или со друг пропис.

Австрискиот амбасадор бара од пратениците од Комисијата за европски прашања, доколку на дневен ред биде ставен предлог-законот, да не го разгледуваат поради ненадлежност и да не дадат согласност за предлог законот поради неуставност.

Вуцас укажува дека владеењето на правото ги опфаќа сите институции и процеси, а исклучително е важна одговорноста што ја има законодавниот дом.

Пратениците и Владата го добиле писмото од австрискиот амбасадор и за дел од медиумите информирале дека забелешките сериозно ќе ги разгледаат.

The post Владата го злоупотребува европското знаменце, новиот Закон за игри на среќа е неуставен, алармира австрискиот амбасадор appeared first on Република.

Амбасадорот на ЕУ, Дејвид Гир смета дека европското знаменце треба да се употребува само кога се во прашање закони што се поврзани со европските норми и стандарди, но не и да се користи за да се избегне јавната дебата при носењето на важни закони.

Нема да коментирам поединечен закон, но сакам да го потенцирам генералниот принцип, што е од особена важност, дека скратената процедура во Собранието треба да се користи само кога се работи за специфични закони коишто се поврзани со европското законодавство. Европското знаменце треба да се употреби само кога се во прашање закони што се поврзани со европските норми и стандарди. Причината поради која е дозволена употребата на европското знаменце при носењето на законите е за забрзување на реформите што се потребни за приближување кон европското законодавство. Во никој случај тоа не треба да се користи за да се намали дискусијата за важни закони што се во прашање - истакна амбасадорот Гир во одговор на барањето упатено до него од Асоцијацијата на спортски обложувалници (АСОМ) за коментар во врска со носењето на Законот за игри на среќа.

Од АСОМ, вчера, упатија повик до евроамбасадорот Гир за соодветна реакција, оценувајќи дека Владата прави злоупотреба на европското знаменце и без јавна дебата сака да го донесе новиот Закон за игри на среќа, со кој голем број вработени во оваа дејност ќе останат без работа.

The post Гир: Европското знаменце не треба да се злоупотребува appeared first on Република.

Шефот на Делегацијата на ЕУ Дејвид Гир вели дека е загрижен од растечката политичка поларизација, особено во Собранието, поради што им порачува на „различните политички групи да седнат и да кажат – да, не се согласуваме за многу нешта, но се согласуваме за државните интереси, се согласуваме за ЕУ-агендата и за тоа дека сакаме да напредуваме“.

-Тоа значи дека ќе има помалку употреба на европското знаме за да се скрати дебатата, но и дека законските решенија нема да бидат блокирани само зашто може да бидат блокирани, вели Дејвид Гир во интервју за „360 степени“

Амбасадорот на ЕУ во земјава е охрабрен од новата динамика во односите меѓу Македонија и Бугарија, но вели дека не сака да влезе во „игра на датуми“ за тоа кога би се случила деблокада на пристапниот процес на земјава.

Она што го гледаме во изминатите месеци, од јануари наваму, е нова динамика во односите. Има работни групи, интензивирање на контактите што е многу охрабрувачки. Ова е добро, ова е позитивно, сакаме тоа да продолжи, да се одржи „моментот“ за овие прашања да се надминат и потоа да се отворат пристапните преговори, што е можно побрзо, вели евроамбасадорот.

Тој го пофали раководството на земјава за, како што вели, јасниот и недвосмислен став во изразената солидарност со Украина и со нејзиниот народ, притоа демонстрирајќи не само посветеност на насоките на ЕУ и поставувајќи се на иста линија со санкциите на ЕУ, туку и правејќи многу јасен морален избор. Посочува при тоа дека настаните во Украина уште еднаш покажале што значи европската перспектива, која вели, нуди најдобра надеж за сите нас, за демократска иднина, за побезбедна, постабилна и попросперитетна иднина.

Секако, има чувство на итност за тоа, зашто гледаме драматични настани во Украина. Но, таа итност не мислам дека ја менува основната методологија поврзана со пристапниот процес, а тоа е реформата. Темпото на самите реформи е за подготвување на оваа земја и другите држави кандидатки за членство во ЕУ. Тоа значи дека треба да се осигураме дека има систем на владеење на правото, систем кој спречува корупција, бизниси кои имаат можност да се натпреваруваат во единствен пазар од 450 милиони консументи кој е многу натпреварувачки пазар, дека луѓето може да се натпреваруваат на пазарот на трудот со вистински вештини и работни позиции. Тоа значи подготвување за членство и затоа не гледам скусување на процесот за спроведување реформи, зашто тоа не е во ничиј интерес и треба да се осигуриме дека земјата е целосно подготвена за членство за сите да можат целосно да ги уживаат бенефитите од членството кога државата ќе стане членка, порачува амбасадорот Дејвид Гир.

The post „Европското знаменце помалку да се користи“, нè искара Гир и не даде прогноза за кога би почнале преговори appeared first on Република.