Македонската одбојкарска репрезентација со убедлива победа ги почна квалификациите за пласман на Европското првенство 2026.

Попладнево во Тбилиси, Македонија ја победи Грузија со убедливи 3:0, по сетови (25:12, 25:14 и 25:18).

По осум дена (25 август) македонските одбојкари ќе ја пречекаат Грција во рамките на 2. коло од квалификациите за ЕП 2026 група-Ф.

Директен пласман на Европското првенство ќе обезбеди само првопласираната репрезентација.

The post Експресна победа за македонските одбојкари на гостувањето во Грузија appeared first on Република.

Кошаркарската репрезентација под 20 години на Македонија ја совлада Црна Гора (81:69) и го освои 15. место на младинскиот Евробаскет.

Во последниот меч од турнирот во Гдиња, машката репрезентација стигна до првиот триумф.

Две одлично одиграни четвртини, втората и третата, им беа доволни на нашите млади кошаркари да стигнат до толку посакуваниот триумф. Овие 20 минути веројатно беа и најдобрите на нашата селекција на шампионатот во Гдиња.

Македонците ги предводеше капитенот Симиќ кој постигна 15, по 13 реализираа Стојаноски и Бојчев, Бошалески ги следеше со 12 (и пет скока), а Иванов заврши со 11 поени, седум скока и три асистенции.

The post Младите кошаркари со победа го завршија настапот на Европското првенство appeared first on Република.

Во натпреварот за пласман од 13. до 16. позиција на Европското првенство во Полска, македонската машка кошаркарска селекција под 20 години загуби од селекцијата на Исланд со убедливи 116:87.

Натпреварот беше последна шанса во битката за да се избегнат последните три позиции на првенството кои водат кон преселба во „Б“ дивизијата.

Одбраната беше сериозен проблем во играта на Македонија, а во третата четвртина за само осум минути дозволивме Исланд да постигне неверојатни 37 поени.

Шошкиќ заврши со 19 поени и пет асистенции, Јовановиќ заврши со 17 поени, три скока и две додавања, Иванов имаше 15 коша и пет скока, а Симиќ додаде 11 поени и осум скока.

Во последниот меч од турнирот во Гдиња, во недела нė чека поразениот од натпреварот меѓу Турција и Црна Гора за избегнување на последното место на ова ЕП.

The post Младите кошаркари поразени од Исланд, следната сезона ќе настапуваат во „Б“ дивизијата appeared first on Република.

Фудбалерите на Швајцарија и Англија играа четвртфинален натпревар на Европското првенство  1:1 по 120 минути игра Швајцарија поведе со голот на Брил Емболо во 75. минута.

Радоста на Швајцарецот не траеше долго, само пет минути подоцна Букајо Сака со еврогол го израмни резултатот на радост на своите навивачи.

По изведувањето на пенали подобра беше   Англија  и се пласираше во полуфиналето и ќе игра со победникот од мечот Турција и Холандија

The post Англија едвај во полуфиналето на ЕУРО appeared first on Република.

Селекторот на англиската фудбалска репрезентација, Герет Саутгејт ги искритикува неговите избраници за изданието на пријателскиот натпревар со Исланд.

Англичаните синоќа на „Вембли“ во Лондон загубија со 1:0.

Во пресрет на Евро 2024, тимот на Саутгејт има само една победа во пет натпревари.

- Далеку од идеално. Нема да се обидам да дадам оценка на друг начин. Трофеј на Европското првенство не може да се освои преку талент и со самото учество. Фудбалот не функционира така. Потребна е прецизност во секој аспект од играта за да се победи кој било натпревар на ова ниво. Бевме далеку од тоа на средбата со Исланд кој заслужи да победи. Имаа уште неколку шанси. Мислам дека навистина овој пораз ќе нè натера да се фокусираме на вистинскиот пат, рече Саутгејт.

Англија на Евро 2024 кое ќе с еигра од 14 јуни до 14 јули е во група со Шкотска, Унгарија и Швајцарија

The post Играта на Англичаните пред стартот на Европското првенство не ветува многу appeared first on Република.

 Со одигрување на трите последни бараж натпревари од синоќа познати се сите учесници на Европското фудбалско првенство 2024. Дваесет репрезентации пласман изборија врз основа на резултатите од квалификациите, три преку плејофот од Лигата на нации, а автоматско учество доби домаќинот Германија.

Целосен состав на групите на завршниот еврошампионат:

Група А: Германија, Шкотска, Унгарија, Швајцарија.
Група Б: Шпанија, Хрватска, Италија, Албанија.
Група Ц: Словенија, Данска, Србија, Англија.
Група Д: Полска, Холандија, Австрија, Франција.
Група Е: Белгија, Словачка, Романија, Украина.
Група Ф: Турција, Грузија, Португалија, Чешка.

Евро 2024 ќе се одржи во 10 градови во Германија од 14 јуни до 14 јули. Во воведниот натпревар Германците ќе играат против репрезентацијата на Шкотска, средбата ќе се одржи во Минхен. Финалето на турнирот ќе се одржи во Берлин.

Актуелен европски шампион е селекцијата на Италија

The post Грузија и Украина на ЕП appeared first on Република.

Репрезентацијата на Данска и на Шведска направија голем исчекор кон полуфиналето на Европското ракометно првенство што се одржува во Германија. Двете селекции забележаа победи во првото коло од Главната рунда и се зацврстија на првите две позиции во Групата - 2.

Резултати на натпреварите од 1. коло во Главната рунда во втората група:

Норвешка - Португалија 32:37
Данска - Холандија 39:27
Словенија - Шведска 22:28.

Табела: Данска 4 бода, Шведска 4, Португалија 2, Словенија 2, Норвешка 0, Холандија 0.

Денес на ЕП ќе почне Главната рунда во Група - 1. Двојките се:

Унгарија - Австрија
Франција - Хрватска
Германија - Исланд.

The post Данска и Шведска на чекор до полуфиналето на ракометното Европско првенство appeared first on Република.

Македонската ракометна репрезентација вечерва од 20:30 часот против домаќинот Германија го игра вториот натпревар на Европското првенство (ЕП).

Натпреварот против домаќинот на ЕП 2024 ќе се игра пред 17.000 гледачи во „Мерцедес Бенц Арена“, чиј капацитет е одамна распродаден.

Очекувам цврста Германија која ќе бара многу контакт, многу прекини. Мора да се подготвиме ментално и нашиот напад да биде подобар, тоа што ни недостигаше со Франција, изјави селекторот Кирил Лазаров.

Ова ќе биде шести дуел меѓу македонската и германската репрезентација. Низата од четири победи на Германија во меѓусебните дуели (3:25, СП 1999, 33:23, СП 2009, 24:23, ЕП 2012, 28:23, СП 2013), беше прекината на последниот дуел одигран на ЕП 2018 кога натпреварот заврши нерешено 25:25.

Претходно денеска од 18 часот во првиот натпревар од второто коло во групата А ќе играат Франција и Швајцарија.

Македонските ракометари на отворањето на ЕП беа поразени од Франција со 39:29.

The post Македонија вечерва против домаќинот Германија на Европското ракометно првенство appeared first on Република.

Репрезентацијата на Словенија од групата Д, Шведска и Холандија од групата Е, како и Данска и Португалија од групата Ф, по воведните две кола,  обезбедија настап во втората фаза на Европското првенство во Германија.

Шанса да им се приклучи на петте селекции изминатата вечер пропушти двократниот светски првак Норвешка, откако испушти три голови предност против Фарски Острови во завршните 100 секунди на натпреварот, кој по продолжение заврши нерешено 26:26.

Со овој нерешен резултат, ракометарите на Фарски Острови дојдоа до својот прв пат на ЕП и останаа во игра за пласман во вториот круг.

Норвежаните сè уште можат да завршат првопласирани во групата, но, исто така, можат да останат и без пласман во вториот круг, доколку во последното коло загубат од Словенија, а Фарски Острови против веќеотпишаната Полска забележи убедлива победа.

ЕП за ракометари, прв круг – 2 коло

Група Д (Берлин)

Полска – Словенија 25-32 (14-20)

Фарски Острови – Норвешка 26-26 (12-13)

Словенија 2 2 0 0 64-54 4
Норвешка 2 1 1 0 58-47 3
Фарски Острови 2 0 1 1 55-58 1
Полска 2 0 0 2 46-64 0

Група Е (Манхајм)

БиХ – Холандија 20-36 (7-17)

Грузија – Шведска 26-42 (9-23)

Шведска 2 2 0 0 71-46 4
Холандија 2 2 0 0 70-49 4
Грузија 2 0 0 2 55-76 0
Босна и Херцеговина 2 0 0 2 40-65 0

Група Ф (Минхен)

Чешка – Португалија 27-30 (7-13)

Грција – Данска 28-40 (13-20)

Данска 2 2 0 0 63-42 4
Португалија 2 2 0 0 61-51 4
Чешка 2 0 0 2 41-53 0
Грција 2 0 0 2 52-71 0

The post Пет репрезентации веќе обезбедија пласман во вториот круг на ЕП во ракомет appeared first on Република.

Победа во машка и пораз во женска конкуренција забележаа македонските репрезентации во 7. коло на Европското екипно првенство во шах во Будва.

Македонските шахисти во 7. коло беа поуспешни од Косово, триумфирајќи со 3-1 и пред завршните четири кола се на 27 место со шест бодови.

Во денешното 8. коло за противник ќе ја имаат селекцијата на Турција.

На женскиот турнир, македонските шахистки претрпеа висок пораз од Словенија (3.5-0.5) и по седум кола се на 28 место со пет бодови.

Противник во денешното 8 коло ќе им биде селекцијата на Норвешка.

The post Шахистите го совладаа Косово, шахистките поразени од Словенија на Европското првенство appeared first on Република.

Со победата против Словенија со 2:1, репрезентацијата на Данска се пласираше на Европското фудбалско првенство во 2024 година.

Данците имаат 22 бода по девет кола во групата Х, со што станаа 13. учесник на континенталното натпреварување.

Еуро 2024 ќе се одржи во Германија од 14 јуни, па германската репрезентација на турнирот ќе игра како земја домаќин.

Претходно билети за финалната фаза на ЕП 2024 година изборија селекциите на Франција, Белгија, Португалија, Шпанија, Шкотска, Турција, Австрија, Англија, Унгарија, Албанија и Словачка.

Првенството во Германија ќе се игра од 14 јуни до 14 јули со 24 учесници.

The post Данска e 13. селекција што веќе избори учество на Европското првенство во 2024 година appeared first on Република.

Со преостанатите осминафинални натпревари во кои Србија ќе игра против Чешка, а Полска против Белгија, денеска ќе бидат познатите последните два четвртфиналисти на Европското првенство во одбојка во машка конкуренција.

Македонските одбојкари вчера во Бари беа поразени од бранителот на трофејот и актуелен светски првак Италија со 3-0 и го заврши настапот во осминафиналето.

Пласман меѓу осумте најдобрите селекции обезбедија и Словенија, Украина, Холандија, Романија и Франција.

Четврт-финалните натпревари ќе се играат во Бари, а финалето е на 16 септември во Рим.

The post Денеска се комплетираат четврт-финалистите на Европското одбојкарско првенство appeared first on Република.

Подготвена и максимално мотивирана пред домашната публика да ја мине групната фаза, македонската машка одбојкарска репрезентација го очекува утрешниот старт на Европското првенство и воведниот натпревар против Данска во Скопје.

Селекторот Јошко Миленкоски претпладнево на средба со новинарите во Скопје порача дека одбојкарите ќе го дадат својот максимум на теренот и апелираше за голема поддршка од трибините.

Овие момци секој ден даваат сè од себе за да ја претстават државата во најдобро светло. Ова е најголем настан на нашa почва и можност да ја претставиме нашата држава и нашиот спорт, рече Миленкоски.

Селекторот порача дека за успешен настап на македонските одбојкари ќе им биде потребна и силна поддршка од трибините со Спортскиот центар „Борис Трајковски“.

Со нашата желба, мотивација и борбеност сакаме да постигнеме што повеќе, поточно пласман во следниот круг. Макотрпно работевме, но не зависи само од нас зависи и од противниците. За да постигнеме добри резултати потребна ни е поддршка од сите страни, пред сè од навивачите, за да се претставиме во најдобро светло и да сториме сè за да се пласираме во втората фаза, додаде селекторот на македонски одбојкари.

На настанот организиран од Одбојкарската федерација на Македонија (ОФМ) и НЛБ банка, своите очекувања ги изнесе и капитенот Никола Ѓорѓиев.

Групата е доста тешка, прв фаворит е Полска, а тука се Холандија и Чешка, па Данска и Црна Гора кои се на наше ниво. Утре за нас е голем ден, мора да влеземе малку позрело за разлика од претходните две европски првенства. Се надевам дека ќе бидеме мудри и ќе имаме трпение, заедно со цела Македонија ќе успееме да се радуваме на убава победа. Можам да ветам дека ќе дадеме се од себе и се надевам дека утре ќе успееме да ве израдуваме, порача Ѓорѓиев.

The post Македонските одбојкари се максимално мотивирани пред утрешниот меч со Данска appeared first on Република.

Македонската ракометна репрезентација денеска ќе го има својот прв настап на Европското првенство 2022.

Избраничките на селекторот Љубомир Савевски од 18 часот во СЦ „Борис Трајковски“ во Скопје ќе се соочат Франција. Иако Французинките важат за апсолутни фаворитки, нашите ракометарки најавуваат борбена игра и максимално залагање во обидот да направат изненадување.

Репрезентативки апелираат до навивачите да дојдат во салата во што поголем број и да им дадат поддршка.

Ова ќе биде натпревар од Ц-групата која се игра во Скопје. Во терминот од 20:30 часот, исто така во „Борис Трајковски“ ќе играат Холандија и Романија.

На првиот натпреварувачки ден на ЕХФ Еуро 2022 постигнати се овие резултати:

Данска - Словенија 26:28

Унгарија - Швајцарија 33:28

Норвешка - Хрватска 32:23

Шведска - Србија 27:21

The post Сите во „Борис Трајковски“ да ги бодриме нашите ракометарки: Македонија го почнува Еуро 2022 во Скопје против Франција appeared first on Република.

Со воведните натпревари во групите А и Б вечерва почна 15. Европско ракометно првенство во женска конкуренција, чии домаќини се Скопје, Подгорица, Љубљана и Цеље.

Во групата А, Унгарија ја совлада Швајцарија со 33-28, додека кодомаќинот Словенија триумфираше над Данска со 28-26.

Македонските ракометарки се во групата Ц во рамки на која утре со почеток во 18 часот во салата „Борис Трајковски“ за противник ќе го имаат актуелниот олимписки шампион Франција.

Во истиот термин в понеделник „црвено жолтите“ ќе играат против Холандија, додека групната фаза ќе ја заокружат против Романија, на 9 ноември (18 часот).

The post Почна женското Европско ракометно првенство во Скопје appeared first on Република.

Oд Ракометната федерација на Македонија информираат дека се пуштени во продажба дневните билети за Европското првенство на кое ќе биде и Македонија домаќин.

Билетите можат да се купуваат преку продажната мрежа на МК Тикетс низ Македонија. Повеќе информации можете да најдете на следниот ЛИНК.

Покрај продажната мрежа на МК Тикетс, билети се продаваат и на официјалната на страна на ЕХФ.

The post Цените на дневните билети за Европското ракометно првенство во Македонија од 900 до 3000 денари appeared first on Република.

Европската фудбалска асоцијација (УЕФА) го потврди распоредот на натпревари од квалификациската група-Ц за пласман на Европското првенство 2024 во Германија.

Македонската репрезентација првиот натпревар ќе го одигра на 23 март 2023 година на домашен терен против Малта.

Во второто коло во Скопје ќе ја пречека Украина на 16 јуни, а три дена подоцна (19 јуни) „црвено-жолтите ќе и гостуваат на Англија.

Во септемврискиот прозорец Македонците на 9. ќе ја пречекаат Италија, а на 12 септември ќе гостуваат на Малта.

На 14 октомври „рисовите“ ќе и гостуваат на Украина, на 17 ноември на Италија, а на 20 ноември ќе ја пречекаат Англија.

The post Македонските фудбалери ќе го почнат патот кон ЕУРО 2024 против Малта во Скопје appeared first on Република.

УЕФА одлучи да не го прошири Европското првенство. Како што објави „Скај њуз“, УЕФА ја разгледала можноста за зголемување на бројот на учесници на 32 земји, но одлучила да го задржи форматот со 24 репрезентации.

Организацијата смета дека обезбедувањето дополнителни места ќе го девалвира квалификацискиот циклус на турнирот, што ќе ги направи натпреварите помалку атрактивни и ќе бара ревизија на форматот.

За денеска во 12 часот е закажана ждрепката за квалификациите за Еуро 2024 година, а македонската фудбалска репрезентација се наоѓа во четвртиот шешир.

The post УЕФА нема да го прошири Европското првенство на 32 репрезентации appeared first on Република.

Фудбалерките на Германија се пласираа во полуфиналето на Европското пренство во женска конкуренција што се игра во Англија, откако во четврт-финалето ја совладаа Австрија со 2-0 (1-0).

Головите за Германија ги постигнаа Лина Магул во 25. минута и Александра Поп (89).

Германија во полуфиналето ќе игра против подобриот од дуелот меѓу Франција и Холандија.

Во средата пласман меѓу четирите најдобри репрезентации на ЕУРО2022 избори и домаќинот Англија со триумфот од 2-1 над Шпанија и во полуфиналето ќе игра против победникот од четвртфиналната пресметка меѓу Шведска и Белгија.

The post Германија втор полуфиналист на женското европско фудбалско првенство appeared first on Република.

На Европското првенство во танци 2022, кое ќе се оддржи од 2ри до 5ти јули, во Ист Гејт и СЦ Јане Сандански, ќе учествуваат преку 3000 танчери од цела Европа.

За таа цел,  оваа сабота (18.06.2022), со почеток од 18 часот, на платото во Ист Гејт, како последна најава за првенството, ќе се натпреваруваат преку 100  танчери од различни возрасти.

Програмата е замислена како дружење и размена на искуства на ритам машини, но и мал шоу натпревар помеѓу врвните танчери од цело Скопје.

За учесниците со најдобри перформанси следуваат многу изнадувања, а за сите обожаватели на хип-хопот следува незаборавно музичко уживање.

The post Во пресрет на Европското првенство во танци, денеска ќе се натпреваруваат преку 100  танчери од различни возрасти appeared first on Република.