Владата во Софија на денешната седница донесе одлука парично да го награди бугарските олимпијците кои освоија медали на Игрите во Париз.

Освојувачите на златен медал ќе бидат наградени со по 125.000 евра, на сребрен медал со по 100.000 евра, додека паричната награда за освоениот бронзен медал изнесува 50.000 евра, објави бугарскиот премиер Димитар Главчев.

Игрите во Париз беа најуспешни во историјата на Бугарија со освоени три златни, еден сребрен и три бронзени медали.

Според бројот на освоени одличја, Олимпијадата во Париз беше најуспешна за бугарските спортисти по Атина 2004, кога натпреварувачите од Бугарија се закитија со два златни, еден сребрен и девет бронзени медали.

The post Бугарија богато ќе ги награди освојувачите на медали appeared first on Република.

Првиот министер за политички систем и односи меѓу заедниците Артан Груби во својот говор во пресрет на 51-то Собрание на Европскиот Олимписки Комитет што се одржува денеска во Скопје нагласи дека овој настан е од големо значење бидејќи покажува единство на вредностите.

Тој, како што соопштија од Министерството, кажа дека преку спортот се испраќа порака за мир и единство на народите во арените на успехот.

– Извонредно задоволство е што меѓу многуте јубилеи што ги одбележавме, како што се 30-годишнината од државната независност и 20-годишнината од Охридскиот договор, денеска заедно одбележуваме една важна годишнина, 30-годишнината од основањето на Олимписките игри на нашата земја. Комитет, дом кој достоинствено ги презентира нашите спортски вредности на секое олимписко натпреварување, рече Груби.

Меѓу другото, Груби им посака на младите спортисти да имаат инспирација кај нивните предци да се искачат на високите пиедестали на успесите и да ја направат горда нашата земја.

– Во оваа прилика, ги пренесувам моите искрени честитки до раководството на Олимпискиот комитет на земјата, до сите спортисти кои беа дел од неговото 30-годишно патување, но и до оние кои многу години пред формирањето на оваа институција не правеа горди со нивните олимписки успеси. Посакувам младите спортисти да имаат инспирација од нивните предци за да се искачат на високите пиедестали на успехот и да ја направат својата земја горда, заклучи Груби

The post Груби глуми и министер за спорт: Прв говорник на Собранието на Европскиот Олимписки Комитет appeared first on Република.