Европскиот парламент денеска на заседанието во Стразбур со 418 гласа „за“, 185 „против“ и 67 „воздржани“ го усвои Буџетот на ЕУ за 2025 година, во вкупен износ од над 199,4 милијарди евра, од кои 800,5 милиони евра се наменети за реагирање на непредвидливи потреби.

Буџетот беше усогласен меѓу претставници на Европскиот парламент и на земјите членки на Унијата на 16 ноември, по што Советот на ЕУ во понеделниот даде „зелено светло“ за негово усвојување.

На инсистирање на европратениците во буџетот се обезбедени повеќе средства за поефикасно справување со предизвиците во здравството, хуманитарната помош, управувањето со границите и климатските активности.

Така, дополнителни 230,7 милиони евра беа пренасочени за истражувањето, здравствената заштита, образованието, младите земјоделци, социјалното осигурување, одговор на елементарни непогоди, климатската акција, хуманитарната помош, воената мобилност и граничните контроли. Покрај ова, дополнително финансирање од 422 милиони евра е обезбедено за програмата Еразмус+ и 20 милиони евра за иницијативата Хоризонт Европа.

Според претседателот на Комисијата за буџет на ЕП, белгискиот европратеник Јохан Ван Овертвелт, Буџетот е насочен кон справување со итните предизвици, како руската агресија врз Украина, тековните миграциски притисоци, ескалацијата на кризата на Блискиот Исток, влијанието на природните катастрофи и конкурентноста на европските економии.

- Ова ќе обезбеди ЕУ да може ефикасно да одговори на овие итни реалности, додаде Ван Овертвелт.

Известувачот на ЕП за Буџетот за 2025 година, романскиот европратеник Виктор Негреску изјави дека со речиси 200 милијарди евра, оваа буџетска рамка е за шест отсто поголема од овогодишната, со што се обезбедени уште 10 милијарди евра за „потребите на Европејците“ и за економско закрепнување на Унијата по Ковид пандемијата.

- Одобрувајќи го нашиот Буџет за следната година, испраќаме силна порака до граѓаните на ЕУ дека и покрај тешкиот политички и економски контекст, Европската Унија е во состојба да обезбеди финансиски средства неопходни за спроведување на нејзините политики и да одговори на потребите на луѓето, рече Негреску.

По одобрувањето на Буџетот за 2025 година од страна на европратениците, претседателката на Европарламентот, Роберта Мецола ја потпиша Одлуката за негово усвојување и сега преостанува уште тој да биде објавен во Службениот весник на ЕУ.

The post Европскиот парламент го усвои Буџетот на ЕУ за 2025 година appeared first on Република.

Европскиот парламент на денешното продолжение на овонеделното заседание во Стразбур треба да гласа за одобрување на новата Европска комисија на Урсула фон дер Лајен со мандат за следните пет години.

Сесијата ќе започне со тричасовна дебата на европратениците со Фон дер Лајен околу составот и програмата за работа на новата Европска комисија, по чие завршување ЕП ќе треба да гласа за нејзино одобрување во пакет.

За да биде одобрена, новата Европска комисија треба да добие мнозинство од гласовите на европратениците што ќе учествуваат во гласањето.

Одобрувањето следи откако во периодот помеѓу 4 и 12 ноември, сите кандидати за членови на ЕК беа сослушувани од страна на ресорните комитети на Европарламентот околу соодветноста и способноста да ги извршуваат должностите поврзани со ресорите што им се доделени, по што беа потврдени нивните номинации.

Согласно процедурите во Европската Унија по одобрувањето на новата Еврокомисија од страна на европратениците, Советот на ЕУ со квалификувано мнозинство гласови формално ги назначува еврокомесарите. Се очекува целата постапка да заврши до крајот на месецов, со што новата Еврокомисија ќе стапи на должност на 1 декември.

Вака утврдената листа ќе биде проследена до Европскиот парламент на понатамошна процедура на одобрување на кандидатите и ќе биде објавена во Службениот весник на Европската Унија.

Инаку, постапката на потврдување на еврокомесарите беше заокружена минатата седмица, откако по еднонеделни преговори трите групации од проевропско центристичко мнозинство во Европскиот парламент - Европската народна партија (ЕПП), Прогресивната алијанса на социјалистите и демократите (СД) и либералната група „Да ја обновиме Европа“ (РЕ) минатата среда постигнаа договор за одобрување на шестмината кандидати за извршни потпретседатели на ЕК и на еврокомесарот за здравство и благосостојба на животните Оливер Вархеји.

Согласно постигнатиот договор, СД се откажа од противење на одобрувањето на кандидатот за извршен потпретседател на ЕК за кохезија и реформи и за еврокомесар за кохезивна политика, регионален развој и градовите, Италијанецот Рафаеле Фито, кој доаѓа од редовите на десничарската алијанса Европски конзервативци и реформисти (ЕЦР), и на Вархеји, близок до екстремно десничарската група Патриоти за Европа (ПФЕ), а за возврат ЕПП се согласи за поддршка на кандидатурата на извршна потпретседателка на ЕК за чиста, праведна и конкурентна транзиција и за еврокомесарка за конкурентност, социјалдемократката Тереза Рибера Родригез.

Договор предвиде и одземање на ингеренциите на Вархеји за правата на сексуално и репродуктивно здравје и за подготвеноста и управување со кризи, како и за надзорот над Управата за подготвеност и одговор при здравствени итни случаи (ХЕРА). Овие надлежности ќе ги преземе Белгијката, Хаџа Лабиб, која ќе биде еврокомесарка за подготвеност, управување со кризи и еднаквост.

Дополнително, договорот вклучува и Изјава за соработка меѓу ЕПП, СД и РЕ во имплементирањето на политичките приоритети за претстојниот мандат на институциите на ЕУ, со фокус на одржливиот раст, конкурентноста, подготвеноста, демократските вредности, дигитална транзиција и посветеност на „се поблиска Унија“.

Покрај за изборот на новата Европска комисија, европратениците денска треба да гласаат и за одобрување на Предлог-буџетот на ЕУ за 2025 години. Доколку европратениците го одобрат предложениот буџет, претседателската на Европарламентот, Роберта Мецола веднаш по гласањето ќе ја потпише одлуката за негово усвојување, откако тој претходно беше одобрен и од Советот на ЕУ.

The post Европратениците ќе гласаат за одобрување на новата Европска комисија appeared first on Република.

Европскиот парламент се согласи да ги одобри сите седум кандидати за комесари, кои не добија зелено светло за извршување на тие функции по сослушувањата пред надлежните комисии, пренесува Политико, повикувајќи се на четворица претставници на ЕП и политички функционери.

Со тоа ќе се стави крај на ќорсокакот во процесот на одобрување кандидати за еврокомесари, што настана меѓу политичките фракции во однос на составот на новата Европска комисија.

Политичката групација на социјалистите и демократите не беше задоволна од одлуката на извршниот потпретседател на италијанската Комисија за кохезија и реформи Рафаела Фито да и се даде толку висока функција, додека Европската народна партија ја доведе во прашање соодветноста на шпанскиот кандидат за извршен потпретседател за фер и конкурентна транзиција Тереза ​​Рибера за таа позиција.
Претходно, вршителот на должноста портпаролка на ЕП, Делфин Колард, најави дека вечерва во 19 часот ќе се сретнат претседателите и координаторите на политичките групи на надлежните комисии за да продолжат со оценувањето на кандидатурите на Оливер Вархеји, Рафаел Фит, Каја Калас, Роксана Минзата, Стефан Сежурн, Хена Виркунен и Тереза ​​Рибера.

Во Европскиот парламент од 4 до 12 ноември се одржаа сослушувања на кандидатите за комесари, на кои 19 од 26 кандидати добија зелено светло од надлежните комисии на ЕП за својата работа, меѓу кои и кандидатката за еврокомесарка за проширување Марта Кос од Словенија.

На одобрување и понатаму чекаат унгарскиот кандидат за комесар за здравје и благосостојба на животните Оливер Вархеји и сите шест кандидати за извршни потпретседатели Тереза ​​Рибера, Рафаела Фито, Стефан Сежурне, Хена Виркунен, Роксана Минзату и Каја Калас, која исто така е назначена за висок претставник на ЕУ за надворешни работи политика и безбедност.

Европскиот парламент треба да гласа за целиот состав на Европската комисија за време на пленарната сесија, што ќе се одржи од 25 до 28 ноември во Стразбур.

Новата ЕК би можела да почне со работа на 1 декември.

The post Политико: ЕП ги одобри преостанатите седум кандидати за комесари, вклучувајќи ја и Каја Калас appeared first on Република.

Европскиот парламент на денешното заседание во Стразбур со 518 гласа „за“, 56 „против“ и 61 „воздржан“ го одобри новиот пакет за макрофинансиска помош за Украина, наречен Украинскиот механизам за заемна соработка, кој предвидува исплата на заем за земјата во износ до 35 милијарди евра.

Заемот е дел од пакетот договорен на ниво на Г7 во јуни годинава за финансиска помош за Украина во вкупен износ од околу 45 милијарди евра (50 милијарди американски долари). Сумата што ќе ја исплати ЕУ би можела да биде и помала во зависност од висината на заемите што ќе ги доделат другите партнери на Унијата од Г7.

Предвидено е сервисирањето и отплатата на заемот да се врши од идните приходи од профитите од замрзнатите средства на руската Централна банка во ЕУ. Средства од позајмицата ќе и се исплаќаат на Украина до крајот на 2025 година.

Исплатата на средствата од заемот е условена со „континуирана посветеност“ на Украина на одржувањето на ефикасни демократски механизми, почитување на човековите права и спроведување на условите утврдени во Меморандумот за разбирање.

Пред гласањето, известувачот за ова прашање, шведската либерална европратеничка Карин Карлсбро изјави дека во услови кога Украина продолжува да се спротивставува на руската агресија и нејзините храбри граѓани се борат не само за сопственото опстојување и слобода, туку и за одбрана на демократијата, човековите права, слободата и меѓународното право за сите, потребна и е огромна и итна финансиска поддршка.

– Русија мора да плати за нападот врз Украинците и бруталното уништување на инфраструктурата, градовите, селата и домовите во земјата. Товарот на обновата на Украина ќе го понесат одговорните за нејзиното уништување, односно Русија, нагласи Карлсбро.

Украинскиот механизам за заемна соработка веќе го поддржаа земјите членки на Унијата и по неговото одобрување во Европскиот парламент, потребно е уште формално усвојување од страна на Советот на ЕУ. Регулативата за Механизмот ќе стапи во сила следниот ден по нејзиното објавување во Службениот весник на ЕУ.

Европската комисија минатиот месец најави дека ќе и одобри заем на Украина во износ до 35 милијарди евра, како дел од планот за финансиска помош на Г7, што ќе биде финансиран од замрзнатите руски државни средства. Одлуката за исплатата на заемот уследи откако земјите членки на ЕУ се согласија за користење на профитот од замрзнатите руски средства за воени поддршка и обнова на Украина.

По руската агресија на Украина во февруари 2022 година, ЕУ замрзна приближно 210 милијарди евра средства од Централната банка на Русија што се наоѓаа во европските земји.

The post Европратениците го одобрија заемот на ЕУ за Украина вреден 35 милијарди евра appeared first on Република.

The post Хаос во Европскиот парламент: Левичари ја пееја „Бела Чао“ appeared first on Република.

Роберта Мецола од малтешката конзервативна Национална партија (ПН), која е дел од групата на Европската народна партија (ЕПП), денеска беше реизбрана за претседателка на Европскиот парламент со мандат од две и пол години.

На конститутивното заседание на новиот состав на Европскиот парламент, што се одржува во Стразбур, за Мецола гласаа 562 европратеници, а нејзината противкандидатка за функцијата Ирене Монтеро од шпанската партија Можеме (Подемос), дел од групата на Левицата, доби 61 глас. Вкупно 77 гласачки ливчиња беа прогласени за неважечки.

За да биде избрана, на една од двете кандидатки за претседателка на ЕП и беше потребно да освои апсолутно мнозинство од дадените валидни гласови или во овој случај 312 гласа.

Процесот на избор на претседател на ЕП, што се спроведе со тајно гласање, и пребројување на гласачките ливчиња, го контролираа осум европратеници избрани со ждрепка.

Пред гласањето Мецола и Монтеро им се обратија на европратениците презентирајќи ги своите заложби и визии за работата на Европскиот парламент и иднината на ЕУ.

Конститутивното заседание на ЕП го отвори Мецола, по што гудачки оркестар во живо ја изведе химната на ЕУ „Одата на радоста“. До изборот на новиот претседател, претседавањето со седницата го презеде актуелната потпретседателка Пина Пичерно.

Овој десетти состав на Европскиот парламент има 720 места или 15 повеќе отколку претходниот парламентарен состав. Вкупно 54 отсто од европратениците се новоизбрани, а 39 проценти од членовите на Европарламентот се жени.

Најмлад член на Европскиот парламент е 23-годишната европратеничка Лена Шилинг од австриската партија Зелени – Зелена Алтернатива (ДГ), а најстар 77-годишниот Леолука Орландо од италијанскиот Сојуз на зелените и левицата (АВС). И двајцата европратеници се дел од групата на Зелените во ЕП. Просечната возраст на европратениците во овој состав е 50 години.

Европратениците се организирани во осум пратенички групи и тоа Европската народна партија (ЕПП) со 188 пратеници, Прогресивната алијанса на социјалистите и демократите (СД) со 136, Патриоти за Европа (ПФЕ) со 84, Европски конзервативци и реформисти (ЕЦР) со 78, Да ја обновиме Европа со 77, Зелени – Европска слободна алијанса (Зелени/ЕФА) со 53, Левицата во Европскиот парламент (Левица) со 46 и Европа на суверени нации со 25 пратеници. Вкупно 33 европратеници не се дел на ниту една пратеничка група.

The post Роберта Мецола реизбрана за претседателка на Европскиот парламент appeared first on Република.

Десничарското политичко движење на Виктор Орбан привлече доволно партии за да биде признато во Европскиот парламент како посебна група, што ќе биде голем поттик за напорите на унгарскиот премиер „да ја промени европската политика“. Орбан на 30 јуни објави дека има намера да формира нова парламентарна група наречена „Патриоти за Европа“.

Последни кои објавија дека се приклучуваат на блокот на Орбан се данската Народна партија и националистичката белгиска партија Фламански интерес, која се залага за независност на Фландрија, со што „Патриоти за Европа“ сега обединува 23 европратеници, доволно за да биде формално признат.

Дел од овој блок претходно станаа главните десничарски партии од Австрија, Чешка, Португалија, Шпанија и Холандија. Орбан кажа дека партиите првпат ќе се сретнат утре во Брисел, а сојузници би можеле да станат и францускиот Национален собир и италијанската партија Лига.

Со формирањето на овој блок Орбан се обидува да стане доминантната десничарска сила во Европскиот парламент. Покрај семејните вредности и запирањето на имиграцијата, блокот ќе се залага и за укинувањето на европската воена помош за Украина.

The post Орбан собра доволно партии за да формира нов десничарски блок во Европскиот парламент appeared first on Република.

Премиерот на Унгарија, Виктор Орбан, престојува во Виена за да го промовира „Патриотскиот манифест“ со Херберт Кикл, лидер на австриската десничарска Партија на слободата, како и Андреј Бабиш, поранешен премиер на Чешка.

Орбан, Кикл и Бабиш го потпишаа „Патриотскиот манифест“ изутринава во Виена, обидувајќи се да формираат најголем десничарски блок во Европскиот парламент.

Говорејќи за ТВ ФПО, Орбан изјави дека ќе формира нова политичка сила, која според него ќе стане најголемиот десничарски блок во Европскиот парламент.

Унгарските медиуми претходно пишуваа за тоа дека Виктор Орбан работи на создавање нова фракција во Европскиот парламент. Освен австриските и чешките конзервативци и десничари, фракцијата треба да ја сочинуваат и претставници на партијата на словачкиот премиер Роберт Фицо, како и полската партија Право и правда (ПиС) која ја води Јарослав Качински.

Орбан и неговите сојузници на ниво на Европската Унија изразија големо незадоволство од распределбата на позициите по изборите, кои претежно им припаднаа на функционерите од Европската народна партија (ЕПП) и Социјалдемократите. Ваквата распределба Орбан ја окарактеризира како удар врз цела Европа и нејзините вредности.

The post „Патриоти за Европа“: Орбан формира нов десничарски блок во Европскиот парламент appeared first on Република.

Петар Поп-Арсов

Пвиот бран на реакции по оджувањето на изборите за пратеници во Европскиот парламент полека стивнува. Сепак, неизбежни се таканаречените афтершокови од политичкиот земјотрес кој што и се случи на Европа. Се редат последователни потреси кои што сè уште  одекнуваат низ континентот, а интересот на јавноста и понатаму останува фокусиран на процесот кој што ќе следи како последица на изборните резултати. Најновата информација говори за тоа дека европските лидери не успеаа да се договорат за распределба на клучните места во рамки на Европската унија. Но, и тоа ќе биде иако пораката од овие избори не се однесуваше само на распределбата на функциите.

Без разлика на тоа дали се работи за поголеми или помали земји членки на ЕУ, или пак се работи за земји кандидати за членство, интересот за изборните резултати кои во значителна мера ќе го трасираат патот по кој што ќе се движи континентот во следните пет години останува во фокусот на вниманието на европската јавност. Ова особено доаѓа до израз откако некои од најистакнатите европски лидери претрпеа сериозни неуспеси во сопствените земји. Во исто време, десничарските и екстремно десничарските партии направија значителен скок.

Првиот впечаток од европските избори е дека Европа прави сериозно свртување вдесно. Тоа го говорат бројките на остварените мандати. Европската народна партија (EPP) како победничка и најголемата политичка сила која што ќе биде застапена во Европскиот парламент има згоелмување за 16 мандати во однос на претходниот парламентарен состав, односно од 174 порасна на 190 пратенички места. Тоа е сериозен показател дека десницата во Европа ја зацврстува својата доминација во рамки на Европскиот парламент кое што понатаму може да има импликации и на распоредот на силите во парламентите на национално ниво.

Ако на овој факт го надоврземе резултатот остварен од т.н. екстремна десница, односно оној дел од десницата која што е поделена во неколку политички блока во кои што има благ или сериозно изразен евроскептицизам, суверенизам, како и грижа за заштитат на идентитетот, навистина може да заклучиме дека десницата во Европа извојува сериозна победа. Сите десно ориентирани партии (гледано според стандардната дефиниција за поделба на левица и десница) заедно имаат далеку повеќе од половината на мандатите од вкупно 720 пратеници на Европскиот парламент, кое што за европски услови претставува сериозно мнозинство.

Но, дали вообичаената поделба на десни и леви сè уште е важечка и може да се примени во политичките случувања на европскиот континет? Дали овие, по дефиниција десни партии, политички се компатибилни меѓу себе и ќе можат да соработуваат и да ја водат ЕУ во наредните пет години?

По се изгледа дека не!

Политичката поделбата во Европа одамна не се движи по линијата на разграничување помеѓу класичните левица и десницата. Европската унија стана комплексна политичка структура во која егзистираат повеќе линии на разграничување кои истовремено претставуваат и линии на поврзување и соработка ако на нив гледаме од друга перспектива.

Независно од математиката која јасно покажува дека вкупниот материјален биланс на десницата е доволен да владее со континентот, сепак ќе се прават други комбинации кои во игра повторно ќе ги внесат другите линии на политичка поделба. И покрај јасните победи и порази низ Европа, ниту еден блок не може да создаде чисто мнозинство кое истовремено ќе ја интегрира вкупната политичка платформа врз која тие функционираат. По се изгледа дека евроскептицизмот повторно ќе биде фактор на обединување на најголемите, по дефиниција спротивставени политички сили во ЕУ, Европската народна партија (EPP) и Европските социјалисти и демократи (S&D). Но, тоа е само по дефиниција. Во пракса е сосема поинаку.

Постоењето на евроскептицизмот како таков, како и се поголемото зацврстување на суверенистите и чуварите на националниот идентитет на европските народи на политичката сцена, ги приморува поддржувачите на европската идеја да се обединат независно од нивната профилација на левица или десница. Коалицијата меѓу ЕПП и Социјалистите е веќе испробан рецепт на функционирање во рамки на институциите на ЕУ и тоа беше формулата со која Европската унија се справи со надоаѓачкиот евроскептицизам кој својата сила ја покажа уште на претходните избори во 2019 година.

А, како не би имало појава на евроскептицизам, зајакнување на суверенизмот и негативниот став кон проширувањето, кога ЕУ се покажа како многу ранлива на неконтролираните процеси на миграција кои го погодија континентот. Недоволната подготвеност и исклучително либералниот став на највлијателните европски политичари кон ова прашање придонесоа мобилизацијата на европската политика да започне од нејзината база, меѓу европските граѓани и народите на земјите членки. Слабите перформанси на европскиот политички врв имаат свои негативни импликации и врз земјите кандидати кои се ставени во положба на бескрајни преговори, реформи и реформи на реформите без да се гледа крајот и конечниот исход на таквиот процес. Впрочем, Македонија најдобро ја почувствува „способноста и ефикасноста“ на последните неколку генерации на европската политичка елита.

Затоа се такви и резултатите од изборите. Затоа Макрон, симболот на социјал-либералните политики во Европа доживува сериозен пораз. Неговите политики создадоа таква реакција меѓу француските граѓани што доведоа до победа т.н. екстремна десница. Во Франција, една од локомотивите на Европската унија, веќе не можеме да зборуваме за победа на EPP или на S&D, туку за победа на политиките кои се дијаметрална спротивност на она што го претставуваше Макрон. Во Франција зборуваме за победа на екстремната десница!

Ако на сето тоа ги надоврземе последните иницијативи на Макрон за испраќање на француски трупи во Украина и дозвола за користење на француското оружје за гаѓање на цели во Русија, може да заклучиме дека француските граѓани навистина испратија радикална порака во однос на ваквите политики. Со други зборови, Французите испратија порака за мир. Порака спротивна на политиките на Макрон.

Неконтролираната миграција, војната реторика и загрозувањето на животите на сопствените граѓани не можат да се третираат ниту како леви, ниту како либерални, социјални или демократски политики. Тоа се политики кои одат во една своја форма на екстремизам и радикализам.

Парадоксално е да се дефинира нечија политика како крајно десна доколку се залага за одбрана од неконтролираната миграција и нарушувањето на популационата рамнотежа. Нелогично е некоја политика да се дефинира како радикално десна доколку се залага за заштита на сопствениот народ, за мир и за спротивување на учеството на сопствените синови на туѓите бојни полиња.

Во Европа имаме појава на нов радикализам и екстремизам. Тој не е ниту десен, ниту лев. Европскиот радикализам и екстремизам е либерален, кој со својата политика турна еден цел народ во беспоштедна војна со несогледиви последици. Војната во Украина е одговорност на сите страни кои се вклучени на овој или оној начин, а токму политиките на екстремниот европски либерализам го туркаат континентот во уште поголем судир.

Изборите за Европскиот парламент се нешто многу повеќе од избори за пратеници со високи плати во Стразбур. Тоа беа избори на кои беше испратена сериозна политичка порака која е многу повеќе од тоа кој ќе раководи со бриселската бирократија или кој колку раководни места ќе има во Европската комисија и останатата ЕУ архитектура на владеење. Пораката испратена од европските граѓани е последната шанса за мирот во Европа. Тоа е порака која што мора соодветно и правилно да биде разбрана од оваа генерација на европски политичари чиј што фокус треба да биде ставен на суштината, а не на фотелјите кои што треба да бидат пополнети.

The post Екстремниот либерализам на европската политичка елита appeared first on Република.

Портпаролот на Кремљ, Дмитриј Песков, изјави дека официјална Москва ги следи изборите за Европскиот парламент. Тој изјави дека мнозинството во парламентот ќе биде проукраинско и дека Русија внимателно ќе го анализира идниот состав на парламентот.

На прашањето како го коментира францускиот претседател Емануел Макрон кој повика на предвремени парламентарни избори поради неговиот вчерашен пораз, Песков изјави дека Русија не се меша во внатрешните работи на други земји и дека тоа е работа на Париз.

Тоа е внатрешно прашање на Француската Република, ние не би сакале да се мешаме во внатрешните работи на земјата, спротивно на клеветите што понекогаш се шират во Европа и Америка, истакна Песков на прес-конференција.

Тој посочи дека Русија „внимателно“ ќе ги следи изборите во Франција, особено имајќи го предвид крајно „непријателскиот однос на француското раководство кон Русија“.

Макрон синоќа и се обрати на нацијата и најави распуштање на францускиот Парламент, како и предвремени избори кои ќе се одржат на 30 јуни и 7 јули.

The post Песков: Мнозинството во Европскиот Парламент ќе биде проукраинско, Русија внимателно ќе анализира appeared first on Република.

Италијанската наставничка, Иларија Салис, на која и се суди во Унгарија за напад врз група неонацисти и се наоѓа во домашен притвор во Будимпешта, е избрана за пратеник во Европскиот парламент во Италија.

Како кандидат на лево-зелената алијанса АВС, 36-годишната Салис освои толку повластени гласови во Италија што и е обезбеден мандатот во Европскиот парламент, пишува ДПА. Алијансата АВС го удвои својот изборен успех во споредба со последните избори на 6,7 отсто.

Случајот веќе некое време ги затегнува односите меѓу Унгарија и Италија. Салис е обвинета дека во февруари минатата година физички ги нападнала учесниците на собирот организиран во чест на злогласните нацистички СС, заедно со уште неколку учесници на контра-демонстрациите.

Според обвинителството, во нападот тешко биле повредени шестмина учесници на неонацистичкиот собир. На почетокот на судењето во јануари оваа година, Салис беше донесена во судницата со лисици на рацете и нозете, што предизвика негодување во Италија. Откако платила кауција, таа била ослободена од затвор и ставена во домашен притвор.

Дпа потсетува дека секоја година околу 11 февруари голем број десничарски екстремисти од Унгарија и од странство се собираат во Будимпешта на комеморацијата на операцијата на СС на крајот на Втората светска војна.

АВС и семејството на Иларија Салис побараа нејзино итно ослободување од притвор.

The post Италијанска наставничка, која се наоѓа во притвор во Унгарија, освои место во Европскиот Парламент appeared first on Република.

Сите пратеници во Европскиот парламент имаат иста плата и според податоците од 2023 година таа изнесувала 10.075 евра бруто или 7.854 евра нето по одбивањето на даноци на ЕУ и придонесите за осигурување. Платата на европратениците е дефинирана со Статутот на пратениците во Европскиот парламент, а се пресметува од основната основна плата на судија на Судот на Европската унија, при што надоместокот на европратеникот е 38,5 отсто од таа плата.

Покрај таа плата, европратениците добиваат и други бенефиции, па освен платата од 7.854 евра, можат да заработат и дополнителни неколку илјади евра.

На пример - дневница од 350 евра, што покрива сместување, оброци и поврзани трошоци секој ден за време на службената работа на член на ЕП, а на висината на дневницата влијае и дали гласале. Потоа следуваат патните трошоци за доаѓање на седниците и состаноците на Европскиот парламент во Брисел и Стразбур, а горните граници се поставени до највисоката цена на авионскиот превоз од бизнис класата, билетите за воз од прва класа или 0,58 евра по километар за автомобил (до максимум 1.000 километри).

Пратениците во ЕП исто така, имаат право на враќање до две третини од третмани за лекување. Најконтроверзен е надоместокот за општи трошоци од 4.950 евра месечно, што им овозможува на пратениците да ги покријат трошоците како што се изнајмување канцеларија во земјата-членка во која се избрани или трошоци за ИТ хардвер и софтвер, канцелариски материјали, мобилни телефони/претплати и онлајн претплати. Таа сума оди директно на сметката на европратеникот и трошоците не мора да бидат оправдани, поради што додатокот се смета за контроверзен.

Исто така, предвидена е и такса за крајот на мандатот, односно преоден хонорар во висина од една месечна плата за секоја година во која извршувале функција, но најмногу две години од крајот на мандатот. Кога поранешен европратеник ќе ја преземе функцијата на друго место, износот на преодниот додаток се намалува во зависност од висината на новата плата. Ако европратеник има право на старосна или инвалидска пензија истовремено, не може да добива и пензија и надоместок, туку мора да избере едно или друго.

Во исто време, секој европратеник има право и на месечен буџет од 28.696 евра, од кои се покриваат трошоците како што се платите на персоналните асистенти, но овие пари не им се исплаќаат директно на европратениците, тие не смеат да вработат блиски роднини и асистенти не може да учествува во активности кои би можеле да доведат до конфликт на интереси.

Според овие привилегии, по изборите во 2024 година се очекуваат вкупно 720 пратеници, што е за 15 повеќе од последните избори, а најмногу пратеници ќе имаат Германија (96) и Франција (81). Следуваат Италија (76), Шпанија (61) и Полска (53), Романија (33) и Холандија (31). Белгија (22), Грција (21), Чешка (21), Шведска (21), Португалија (21), Унгарија (21) и Австрија (20) ќе имаат околу 20 европратеници. Помалку од тоа имаат Бугарија (17), Данска (15), Финска (15), Словачка (15) и Ирска (14). Хрватска има 12, а на дното на листата се Литванија (11), Словенија (9), Летонија (9), Естонија (7), Кипар (6), Луксембург (6) и Малта (6).

The post И тие лапаат патни трошоци и дневници: Колку заработуваат европратениците appeared first on Република.

Европратениците кои ќе бидат избрани ќе имаат плата од околу 10.000 евра месечна бруто-плата, односно добиваат околу 7.850 евра нето, пишува „mirovina.hr“.

Дополнително, европратениците добиваат надоместок за општи трошоци во износ од 4.950 евра, што всушност е паушал кој им овозможува да ги покријат трошоците како што се киријата за канцеларија во земјата-членка во која се избрани или трошоци за ИТ хардвер и софтвер, канцелариски материјал, мобилни телефони на пост-пејд тарифа и Интернет-претплата.

Секојдневно имаат и дневница од 350 евра за сместување, храна и поврзани трошоци, а добиваат и службено возило. Покриени им се и трошоците за патување до работа. Членовите на ЕП имаат право на поврат на две третини од трошоците за лекување. Сите овие трошоци се плаќаат со парите на даночните обврзници, како што објаснил Иван Матиќ од Здружението „Бонсаи“, кој 11 години работи во Европскиот парламент.

Дополнителна пензија

Европратениците не треба да се грижат ниту за пензијата, бидејќи имаат право на дополнителна пензија, покрај стандардната од државата од која доаѓаат. Станува збор за пензија од 3,5 отсто од платата за секоја година стаж и една дванаесетина за секој нареден цел месец, но не повеќе од 70 отсто вкупно.

Пратениците имаат право на пензија кога ќе наполнат 63 години. Според сегашните плати, тоа изнесува околу 1.760 евра дополнителна пензија.

Исто така, треба да се спомене дека европратениците на крајот на мандатот имаат право на преоден додаток во висина од една месечна плата за секоја година во која ја извршувале функцијата, но најмногу до две години.

Сепак, треба да се знае дека кога поранешниот европратеник ќе преземе функција на друго место, висината на преодниот додаток се намалува во зависност од висината на новата плата. Ако поранешниот член на ЕП истовремено има право на старосна или инвалидска пензија, тој не може да прима и пензија и надоместок, туку мора да избере само едното или другото.

The post Зошто политичарите сакаат да бидат пратеници во Европскиот парламент: Платата е 10.000 евра месечно appeared first on Република.

Во Бугарија денеска е молк пред утрешните шести парламентарни избори во изминатите три години. Бугарите утре ќе гласаат и за пратеници во Европскиот парламент.

На двојните избори се пријавени 6.518 кандидати, 6100 за националниот парламент, а 418 кандидати за 17 пратенички места што и припаѓаат на Бугарија во Европскиот парламент.

На парламентраните избори ќе учествуваат 32 политички формации - 20 партии, еден независен кандидат и 11 коалиции, кои ќе се борат за 240 пратенички места во бугарскиот парламент.

Право на глас на изборите за Националното собрание имаат 6.593.275 гласачи, а за пратеници во Европскиот парламент 6.138.050.

Надвор од државата ќе се гласа во 60 земји, на 769 избирачки места. Бугарите во странство ќе можат да гласаат на 166 избирачки места во Турција, на 118 во Обединетото Кралство, 103 во Германија, 64 во Шпанија, 55 во САД, 28 во Грција, 27 во Италија, 24 во Холандија, 16 во Канада, 15 во Франција, на шест во Сверна Македонија, на четири во Србија,...

Избирачките места ќе бидат отворени од 7:00 до 20:00 часот.

Најголеми шанси за победа на изборите му се даваат на поранешниот премиер Бојко Борисов и неговата партија ГЕРБ. Според предизборните анкети, ГЕРБ ќе освои околу 25 отсто од гласовите, што е десет отсто повеќе од коалицијата „Продолжуваме со промените/Демократска Бугарија“ (ПП/ДБ) на Кирил Петков и Христо Иванов.

Близу 15 отсто се и националистичка партија „Преродба“ на Костадин Костадинов и партијата на Турците во Бугарија, Движењето за права и слободи, предводено од Делјан Пеевски, поранешен медиумски магнат кој е на „црната листа“ на САД и Велика Британија поради корупција. За Бугарската социјалистичка партија (БСП) ќе гласаат околу девет проценти, а на граница за влез во Парламентот со близу шест отсто е Има таков народ (ИТН) на Слави Трифонов.

Слични резултати се предвидуваат и за изборите за Европскиот парламент.

Одѕивот на гласачите на предвремените избори за национално собрание се очекува да биде околу 40 отсто.

Бојко Борисов најави дека веќе нема да се кандидира за премиер, но вети дека ќе се обиде да состави коалиција за да стави крај на политичката нестабилност.

Во случај на неуспех, наесен би можело да се организираат нови избори, што според аналитичарите е многу веројатно сценарио.

The post Бугарите утре на двојни избори, за Националниот и за Европскиот парламент appeared first on Република.

Според анкетите на јавното мислење, екстремната десница ќе постигне значителен успех на изборите за Европскиот парламент, па така ќе расте влијанието на поранешните маргинални партии во Европската унија, пишува ДПА.

Но, колку би можело да биде големо тоа поместување надесно и колку ќе ја „тресне“ Европската унија?

Нагло свртување надесно

Веќе со месеци политичките аналитичари прогнозираат дека на европските избори партиите од левиот центар и Зелените ќе загубат пратенички места на сметка на централно-десничарските партии.

Уште на почетокот на годината Советот за надворешни работи предвиде дека ќе има „остро свртување надесно“ и дека антиевропските партии би можеле да победат на изборите во дури девет земји, вклучувајќи ги Белгија, Италија и Франција.

До одреден степен, ова би можело да го загрози мнозинството што го имаат трите вентрално профилирани групи: Европска народна партија (ЕПП) на десниот центар, социјалдемократите на левиот центар (С&Д) и либерално-центристичка Да ја обновиме Европа.

Екстремно десничарскиот „Идентитет и демократија“ (ИД) и помалку радикалните, но евроскептични европски конзервативци и реформисти (ЕЦР) се двете главни групи кои најверојатно ќе имаат најголема корист од изборите.

Податоците од анкетата од крајот на мај покажуваат дека ИД може да освои 68 места, а ЕЦР 75 мандати.

Со тоа тие од моменталните 118 би го зголемило бројот на свои места во Европскиот парламент на 143. Европски парламент има 720 места.

ЕПП, С&Д и Да ја обновите Европа треба да имаат 404 места во новото свикување, што е послабо мнозинство од сегашните 417 места, но, тие се надеваат, сепак доволно за да се зачува мнозинството што го имаа од изборите во 2019 година.

Доколку проекциите се покажат точни, парламентот сепак ќе има повлијателен националистички блок, што секако ќе ги промени дискусиите за клучните прашања со кои се соочува Европа.

Што доведе до подем на крајната десница?

Дејствувањето на полето на климатските промени, растот на миграцијата и одговорот на неа, економската несигурност и гневот против естаблишментот се меѓу многуте причини поради кои аналитичарите го објаснуваат подемот на екстремната десница.

Сето горенаведено, засилено со руските кампањи за дезинформација, создаде моќен микс што ја издигна екстремната десница.

Заменик -претседателката на Европската комисија, Вера Јурова, како што ја цитира Фајненшл тајмс, се пожали дека Европа се бори против „лавина дезинформации“ од Русија.

Истрагите ширум ЕУ откриваат докази за тоа. Белгискиот премиер Александар Де Кро во март изјави дека разузнавачките служби на неговата земја откриле руски мрежи во „неколку европски земји“ со цел да влијаат на европските избори.

Радикалните десничарски партии истовремено тврдат дека институциите на ЕУ доминираат во секојдневниот живот на јавноста, а во исто време тие се немоќни да им помогнат.

Како екстремната десница ќе влијае на европската политика?

Влијанието на радикалите од десниот спектар веројатно ќе ја спречи успешната соработка на ЕУ за сеопфатните политики како што се климата и миграцијата, во согласност со нивната цел за зајакнување на суверените улоги на земјите.

Затоа е можно амбициозните европски политики кои бараат високо ниво на соработка меѓу земјите-членки да не ја видат светлината на денот во мандатот на следната Европска комисија.

Примери за такви типови договорени политики на Комисијата во заминување се Зелениот план или Европскиот пакт за миграција и азил.

Неизвесна иднина за Урсула фон дер Лајен

Поместувањето надесно може да влијае и на изборот на следниот претседател на Европската комисија, веројатно најмоќната улога во ЕУ.

Германската конзервативка Урсула фон дер Лајен од ЕПП сака втор мандат, но наоѓањето парламентарно мнозинство кое ќе ја поддржи може да се покаже исклучително тешко бидејќи политичките групи ги прилагодуваат своите потези на растечката поддршка од гласачите за екстремната десница.

Лидерката на француското Национален собир Марин Ле Пен за италијанскиот весник „Кориере дела сера“ изјави дека сака поблиску да соработува со „Браќата на Италија“, на премиерката Џорџија Мелони.

„Ако успееме, можеме да станеме втората најмоќна група во Европскиот парламент. Мислам дека таквата можност не треба да се пропушти“, рече Ле Пен.

Двете партии припаѓаат на две различни групи во ЕП, Националниот собир припаѓа на ИД, а Браќата на Италија на ЕЦР.

Спојувањето на ИД и ЕЦР може да се покаже како одлучувачки фактор за изборот на идниот прв човек на ИК и за составот на следната Комисија.

Во април, фон дер Лајен не ја исклучи соработката со ЕЦР и ја доби поддршката од италијанската премиерка.

Тоа може да се покаже како ризична стратегија: германскиот канцелар Олаф Шолц ја предупреди Фон дер Лајен да не се обидува да обезбеди нов мандат со помош на десничарските екстремисти.

Екстремната десница е поделена

Но, екстремната десница е далеку од хомогена сила.

Тоа што прво ги дели е Русија. Полската партија Право и Правда, дел од ЕЦР, е дијаметрално спротивна на про-Кремљ позицијата на унгарската Фидес за украинската војна. Во меѓувреме, Мелони зазеде јасна проукраинска позиција.

Друга поларизирачка област се обидите на крајната десница да се привлечат до „мејнстримот“, привлекувајќи на тој начин одредена категорија гласачи.

Голем раскол се појави во групата ИД откако водечкиот изборен кандидат на АфД, Максимилијан Кра, изјави дека не сите членови на СС, нацистичката паравоена група, се криминалци.

Ова доведе до осуда од Националното собрание, кое се обидува да ја разниша својата антисемитска репутација, и на крајот резултираше со протерување на АфД од групата ИД.

Но, ниту успехот на радикалната десница на изборите, ниту именувањето на Фон дер Лајен се сигурни.

Меѓутоа, јасно е дека „санитарниот кордон“, неформален повоен договор за исклучување на екстремната десница од власта, се распаѓа, бидејќи сè повеќе такви партии влегуваат во владејачките коалиции

The post Почнуваат изборите за Европскиот парламент: Европа нагло врати на десно appeared first on Република.

Германија има најголем број граѓани кои ќе можат да гласаат на изборите за Европскиот парламент, каде што има и најголем број на оние кои за првпат можат да изберат европратеници.

Според податоците на националните статистички служби на 27-те земји-членки на ЕУ, објавени денеска од Евростат, Германија има 65,1 милиони граѓани со право на глас.

Зад неа се Франција со 50,7 милиони и Италија со 47,3 милиони.

Најмалку гласачи имаат Малта (0,4 милиони), Луксембург (0,5 милиони) и Кипар (0,7 милиони).

Европскиот парламент се избира на пет години, а од последните избори во 2019 година, 5,1 милион германски граѓани се стекнале со право на глас, најмногу во ЕУ.

За првпат ќе можат да гласаат 4,5 милиони француски граѓани и 2,8 милиони италијански државјани.

Најмалку нови гласачи имаат Малта (26.000), Кипар (59.000) и Естонија (70.000).

Процентуално, Белгија (9,8 отсто), Франција (девет отсто) и Кипар (8,7 отсто) имаат најголем удел на граѓани кои за првпат можат да учествуваат на европските избори.

Вкупно околу 360 милиони граѓани на ЕУ од 6 до 9 јуни ќе можат да гласаат за 720 пратеници на новото свикување на Европскиот парламент.

The post Германија има најмногу гласачи на изборите за ЕП, најмалку има Малта appeared first on Република.

Од 6 до 9 јуни, граѓаните од сите 27 земји-членки на ЕУ ќе изберат нов состав на Европскиот парламент, што заедно со другите институции на ЕУ ќе ја обликува политиката на ЕУ во следните пет години.

Гласањето за ЕП, единствената институција на ЕУ директно избрана од граѓаните, во Холандија почнува на 6 јуни, неколку земји ќе гласаат на 7 и 8 јуни, а во повеќето земји избори ќе се организираат в недела, на 9 јуни, кога треба да се познати и резултатите од гласањето.

Годинава се избираат 720 пратеници, 15 повеќе од претходните избори во 2019 година.

Бројот на пратеници од секоја земја во ЕП зависи од нејзиното население, па така Германија ќе има 96 пратеници, Франција 81, Италија 76, Шпанија 61 и Полска 53, додека Кипар, Луксембург и Малта ќе имаат најмалку по шест пратеници.

Националните политички партии учествуваат на изборите, но кога се избираат европратениците, повеќето одлучуваат да станат дел од транснационални политички групи, од кои моментално има седум: Европска народна партија (ЕПП), Прогресивна алијанса на социјалистите и демократите (С/Д), Обнови ја Европа , Европски конзервативци и реформисти (ЕЦР), Идентитет и демократија (ИД), Зелено-европска алијанса за слобода и Европска обединета левица-Нордиска зелена левица.

Покрај нив, има пратеници и партии кои не се поврзани со ниту една голема политичка групација.

Од почетокот на годината, бројни анкети укажуваат дека ИД како политичка групација на десничарски и екстремно десничарски партии, на кои припаѓаат Националното собрание на Марин Ле Пен и Лигата на Матео Салвини, како и ЕЦР, во која доминантната партија на италијанската премиерка Џорџа Мелони, полскиот Право и правда и шпанскиот Вокс би можеле значително да го зголемат бројот на пратенички места и да се „искачат“ од шесто и петто на четврто и трето место во ЕП.

Иако традиционално двете најголеми политички групи во централно-десниот и левиот центар ЕП - Европската народна партија (ЕПП) и Прогресивната алијанса на социјалистите и демократите (С&Д) - се очекува да освојат најмногу гласови и да останат на првото и второто место, најверојатно ќе имаат помалку пратеници во новото свикување на Европскиот парламент.

Најголеми загуби, според проекциите, ќе претрпи либералната група „Обнови ја Европа“, во која членуваат и партијата Преродба на францускиот претседател Емануел Макрон, како и Зелените.

Во ЕУ расте тензијата за тоа кои сојузи или коалиции планираат да формираат политички групи по изборите, што беше поттикнато од претседателката на Европската комисија и кандидат на ЕПП за новиот мандат, Урсула фон дер Лајен, откако таа не ја отфрли можноста за соработка со ЕЦР.

Покрај тоа, нејзината ЕПП одби да ја потпише декларацијата на лидерите на социјалистите и демократите, Обнови ја Европа, Зелените и левицата, која повикува на отфрлање на соработката со екстремно десничарските и радикалните партии. Европските партии од левиот центар ја предупредија Фон дер Лајен дека нема да ја поддржат нејзината кандидатура за втор мандат, доколку тоа значи поддршка на екстремно десничарските партии, вклучително и партијата на Џорџа Мелони.

Од другата страна, лидерката на француската крајна десница Национален митинг Марин Ле Пен и предложи на Мелони да ги здружат силите во новото ЕП откако ИД неодамна ја исфрли Алтернативата за Германија (АфД) како водечки кандидат на АфД за европските избори. Исто така, постојат шпекулации дека Фидес на унгарскиот премиер Виктор Орбан би можел да се приклучи на ЕЦР.

Европскиот парламент, како единствена институција на ЕУ директно избрана од гласачите од сите 27 земји, ги поврзува граѓаните со извршната власт на ЕУ - Европската комисија и Советот на ЕУ, составена од министри од владите на ЕУ.

Европскиот парламент и Советот на ЕУ, како две законодавни тела на ЕУ, ги делат овластувањата за усвојување и измена на законите и одлучување за буџетот на ЕУ. Пратениците исто така ја надгледуваат работата на Европската комисија и другите тела на ЕУ и соработуваат со националните парламенти на земјите-членки на ЕУ.

Иако ЕП е единствената демократски избрана институција на ЕУ, граѓаните со гласањето на изборите индиректно влијаат врз составот на другите тела на ЕУ.

Така, една од првите задачи на членовите на ЕП, по изборот на претседателот на ЕП на првата пленарна седница, ќе биде да изберат нов претседател на Европската комисија, кој ќе го назначат земјите-членки.

ЕП, исто така, одобрува 27 комесари, по еден од секоја земја-членка на ЕУ, кои ќе ја предводат ЕУ во следните пет години, како и високиот претставник на ЕУ за надворешни работи и безбедносна политика.

Изборот на претседател на ИК се врши според процес во кој европските политички партии пред изборите предлагаат водечки кандидати за таа позиција. Граѓаните на ЕУ можат да поддржат конкретен кандидат со гласање за одредена партија.

Најголемата политичка група по изборите има најголем мандат да предложи кандидат за претседател на ЕК, кој по изборите го избира ЕП со апсолутно мнозинство, на предлог на земјите-членки.

Доколку кандидатот не добие доволно гласови, земјите-членки на ЕУ мора да предложат друг кандидат.

Европските политички партии не се обврзани да предложат водечки кандидат за лидер на ЕК, а можат да предложат и неколку кандидати, што некои го направија, додека ЕЦР и ИД одлучија да не предложат свои кандидати.

ЕПП ја предложи актуелната претседателка на Европската комисија, Урсула фон дер Лајен за водечки кандидат, Николас Шмит е кандидат на Партијата на европските социјалисти, додека „Обнови Европа“ сега предложи тројца кандидати - Валери Хејер, Сандра Гозија и Мари-Агнес Штрак Цимернам.

Валтер Баер е кандидат на Партијата на европската левица, Бас Екаут и Тери Рајнке се кандидатите на Европската зелена партија, Раул Ромева и Мејлис Розберг беа предложени од Европската слободна алијанса, Валерија Гилецки од Европското христијанско политичко движење.

The post Од четврток почнуваат изборите за европарламентарци appeared first on Република.

Граѓаните на земјите од Европската унија од 6 до 9 јули излегуваат на гласање за да изберат претставници во Европскиот парламент, но според изборните правила што многу се разликуваат од земја до земја - на некои места изборниот праг е 5 отсто, а во други нема, додека во некои земји можат да гласаат дури и 16-годишници.

Во повеќето европски земји изборите се одржуваат на 9 јули, но тие почнуваат на 6 јули кога се одржуваат во Холандија.

Ден подоцна Ирците и Чесите излегуваат на гласање, додека на 8 јуни избори за Европскиот парламент се одржуваат во Летонија, Малта, Словачка и Италија. Во две земји изборите се одржуваат во текот на два дена - Чешка и Италија.

Во новото свикување, Европскиот парламент нема да ги има досегашните 705, туку 720 пратеници.

Минималниот број на европретставници по земја е шест. Најмалите европски земји - Малта, Кипар и Луксембург - имаат толку европратеници. Германија има најмногу европратеници, 96.

Граѓаните на 14 земји од ЕУ можат, доколку живеат во странство, да гласаат по пошта.

Хрватска е меѓу осумте земји чии граѓани своето право на глас можат да го остварат само со гласање во дипломатските претставништва на земјата. Во четири земји (Чешка, Ирска, Малта и Словачка) нема можност за гласање надвор од државата, додека само една (Естонија) има можност за електронско гласање.

Гласањето на изборите за Европскиот парламент е задолжително во Белгија, Бугарија, Луксембург и Грција.

Во повеќето земји, вклучително и во Хрватска, на изборите за Европскиот парламент има само една изборна единица. Исклучок во овој поглед се Белгија, Ирска, Италија и Полска.

Изборен праг од пет проценти постои во девет земји. Сепак, повеќето земји, поточно 13 од нив, немаат одреден изборен праг. Изборниот праг е четири отсто во Италија, Австрија и Шведска, три отсто во Грција и 1,8 отсто во Кипар.

Возраста за гласање е иста како и полнолетството во повеќето земји-членки. Во Грција може да гласаат и седумнаесетгодишници, додека во Белгија, Германија, Малта и Австрија може да гласаат со наполнети 16 години.

Минималната возраст на кандидатите на изборите варира од 18 до 25 години. Во 15 држави минималната возраст на кандидатите е 18 години.

Три години постар од минималната возраст е правило во дури девет земји, додека во Романија кандидатот мора да има најмалку 23 години, а во Грција и Италија 25 години.

The post Во јули граѓаните на ЕУ ќе ги бираат новите европратеници appeared first on Република.

Меѓу 25 и 26,5 отсто е рејтингот на грчката владејачка партија Нова демократија во пресрет на европските избори на 9 јуни и е стабилна на првата позиција, со предност од 13 до 15 проценти пред опозициската СИРИЗА, според истражувањата на јавното мислење во Грција, спроведени од агенциите „MRB“ и „Pulse“ за грчките телевизии „Опен“ и „Скај“, јави дописничката на МИА од Атина.

Споредбено со европските избори во 2019 година, кога, Нова демократија победи со 33 отсто, СИРИЗА беше втора со 23,7 проценти, а ПАСОК освои 7,7 отсто, сега, првите две партии се со намален рејтинг, додека третата партија е во подобра позиција.

На прашањето дали ќе гласаат на евроизборите, 74 отсто од анкетираните на едната и 83,5 проценти од другата анкета одговориле позитивно.

Анкетата на „Pulse“ за „Скај“ била спроведена помеѓу 13 и 15 мај 2024 година со учество на 1.104 гласачи, додека пак истражувањето на „MRB“ за „Опен“ од 10 до 14 мај со анкетирани 1.100 лица

The post Партијата на Мицотакис води на анкетите пред европските избори appeared first on Република.

Европскиот парламент од денеска започнува кампања за поттикнување на граѓаните на ЕУ да учествуваат на Евроизборите закажани за од 6 до 9 јуни годинава, чија примарна цел е да се зголеми одѕивот на гласачите.

Идејата на кампањата е да се пренесе пораката: „Користете го вашиот глас, не дозволувајте толку лесно да ви биде одземена демократијата. Таа е дадена, вие треба да ја браните“.

Почнувајќи од првите директни избори за европратеници во 1979 година кога одѕивот беше 61,99 отсто, тој беше во опаѓање на секое следно гласање, паѓајќи под 50 проценти на сите избори по 1999 година, за да ја достигне најмалата излезност од 42,61 отсто во 2014 година. На последните избори за членови на Европарламентот во 2019 година, во сенка Брегзитот, одѕивот беше 50,62 проценти.

Во фокусот на кампањата се ставени историјата на демократијата во Европа, руската инвазија врз Украина и антидемократските трендови на континентот, со потсетување на искуствата на Европејците со диктатура и војните, Холокаустот, Прашката пролет од 1968 година, падот на Берлинскиот ѕид, па се до и достигнувањата на европскиот мир.

– Демократијата е во опасност. Искористете го вашиот глас или другите ќе одлучат наместо вас, повикува Европарламентот.

За спроведување на оваа кампања Европскиот парламент издвои буџет од 37 милиони евра, што претставува 0,08 евра по глава на граѓанин на ЕУ со право на глас на Евроизборите.

Својата последна предвидена пленарна седница во сегашниот состав Европскиот парламент ја одржа минатата недела.

The post ЕП започна кампања за поттикнување на излезноста на Евроизборите appeared first on Република.