Новите царини можат да бидат штетни за глобалниот раст и да доведат до маѓепсан круг на трговска војна, изјави потпретседателот на Европската централна банка (ЕЦБ) Луис де Гуиндос, откако Доналд Трамп победи на претседателските избори во САД.

Трамп во своите предизборни говори најави дека ќе воведе основни царини од 20 отсто за американскиот увоз од сите земји кои се трговски партнери на Вашингтон и високи царини од 60 отсто за увоз од Кина, а многу економисти сметаат дека таквиот потег би бил крајно негативно за глобалната економија.

Ако воведете царини, треба да имате на ум дека другата страна ќе реагира и ќе возврати, а тоа може да доведе до маѓепсан круг во однос на инфлацијата и царините, предупреди Де Гиндос на конференцијата во Лондон, додавајќи дека тоа ќе биде  најлошиот можен исход.

The post ЕЦБ: Новите царини би можеле предизвикаат маѓепсан круг на трговска војна appeared first on Република.

Европската централна банка најверојатно ќе ги намали каматните стапки во четврток како увертира за потегот на САД следната недела, бидејќи глобалниот монетарен циклус се навалува кон посинхронизирано олеснување.

Официјални лица од еврозоната сигнализираа дека ќе донесат второ намалување на трошоците за задолжување, по потегот во јули, што ќе биде под лупа од инвеститорите кои бараат намери на креаторите на политиката за понатамошни чекори подоцна оваа година. Најмалку уште едно намалување е веројатно во 2024 година.

Заедно со потегот на намалување на каматната стапка на 4 септември од страна на Банката на Канада, времето на состанокот на ЕЦБ – неколку дена пред првичното намалување на Федералните резерви што се очекува на 18 септември – нагласува како големите напредни економии сега се повеќе се усогласуваат додека официјалните лица се свртуваат кон поддршка на економскиот раст сега кога проценуваат дека ризиците за инфлација исчезнале.

Во еврозоната, олеснувањето како клучна мерка на растот на платите во текот на вториот квартал помогна да се развеселат креаторите на политиката.

Слично на тоа, извештајот за потрошувачките цени во САД, објавен во средата, може да им понуди уверување на официјалните лица на ФЕД дека инфлациските притисоци се стабилизираат, по податоците од петокот кои покажаа дека вработеноста во САД ги промашила прогнозите.

За инвеститорите, прашањето што виси на состаноците овој месец е степенот до кој ваквото намалување на стапките најавува подлабок циклус на олеснување што не само што може да ги отстрани ограничувањата во големите економии, туку и да започне да ги стимулира.

The post ЕЦБ во четврток најверојатно ќе ги намали каматните стапки appeared first on Република.

Европската централна банка повторно ги зголеми каматните стапки за 25 базични поени на рекордни четири отсто и соопшти дека таквиот потег ќе даде „значаен придонес“ за ставање под контрола на инфлацијата.

Управниот совет одлучи да ги зголеми трите клучни каматни стапки на ЕЦБ за 25 базични поени и соодветно каматната стапка на главните операции за рефинансирање и каматните стапки на маргиналната кредитна линија и депозитната линија ќе се зголемат на 4,50 отсто, 4,75 отсто и 4,00 проценти, соодветно, од 20 септември 2023 година.

Централната банка објави дека ќе ги постави трошоците за задолжување на „доволно рестриктивни нивоа колку што е потребно“.

The post Европската централна банка ги зголеми каматните стапки за 25 базични поени на рекордни четири отсто appeared first on Република.

Италијанската премиерка, Џорџа Мелони, предупреди дека Со зголемувањето на каматните стапки, Европската централна банка следи поедноставен рецепт за борба против инфлацијата што може да направи повеќе штета отколку корист.

На јунската сесија, ЕЦБ повторно ги зголеми каматните стапки во еврозоната на највисоко ниво во последните 22 години и додаде дека речиси сигурно ќе ги зголеми во јули бидејќи инфлацијата ќе остане над целта од два отсто до крајот на 2025 година.

Треба одлучно да се бориме против инфлацијата, но многумина веруваат дека едноставениот рецепт за зголемување на каматните стапки што го следи ЕЦБ не е добро решение. Мораме да го вклучиме во пресметката ризикот дека континуираното зголемување на каматните стапки може да им наштети на нашите економии повеќе отколку инфлацијата, дека лекот на крајот може да направи повеќе штета отколку самата болест, оцени шефицата на италијанската Влада во Парламентот.

Стравувањата на официјален Рим се дека зголемените каматни стапки ги зголемуваат трошоците за сервисирање на јавниот долг на Италија и оти е можно да предизвика нова рецесија.

Италијанската премиерка се надоврза на неколку членови на владата кои ја критикуваа ЕЦБ од почетокот на циклусот на затегнување на монетарната политика во јули минатата година.

Министерот за животна средина и енергија Жилберто Пичето Фратин изјави дека „прекумерното“ зголемување на стапката на ЕЦБ може да има ефект на бумеранг.

Министерот за надворешни работи Анонио Тајани изјави дека зголемувањето на трошоците за задолжување „не е во интерес на (економскиот) раст“.

Мелони, говорејќи во Домот на пратеници во пресрет на самитот на ЕУ во Брисел, посочи дека инфлацијата не е предизвикана од прегревање на европската економија, туку од надворешни фактори, како што е војната во Украина, која го поттикна растот на цените на енергенсите.

Претставниците на Италија во ЕЦБ, членот на Управниот одбор Фабио Панета и шефот на италијанската централна банка Игнацио Виско, се меѓу поборниците за мека монетарна политика во управниот совет кој одлучува за каматните стапки во еврозоната.

The post Италијанската премиерка: Монетерната политика на Европската централна банка може да предизвика поовеќе штета отколку корист appeared first on Република.

Претседателката на Европската централна банка, Кристин Лагард изјави дека нема јасни показатели дека базичната инфлација го достигнала својот врв и додаде дека зголемувањето на каматните стапки ќе продолжи.

Во говорот на банкарска конференција во Хановер, Лагард се осврна на прекините во синџирот на снабдување по пандемијата на коронавирус.

Таа потсети дека растот на инфлацијата забрза на почетокот на 2022 година и дека во јули 2022 година почнаа да ги зголемуваат каматните стапки.

Лагард додаде дека инфлацијата се уште е многу висока и така ќе остане уште долго време.

„Затоа мораме да продолжиме со циклусот на зголемување на стапката додека не бидеме доволно уверени дека инфлацијата ќе достигне задоволително ниво“, рече Лагард.

The post Продолжува растот на каматите, инфлацијата се уште не е на врвот, вели претседателката на ЕЦБ appeared first on Република.

Неодамнешното пропаѓање на банката „Силикон Вели“ (Silicon Valley Bank) во САД и кризата со „Кредит Свис“ (Credit Suisse) во Швајцарија во текот на викендот предизвика загриженост за целиот меѓународен финансиски сектор. Додека европските влади и финансиски институции одблизу ја следат состојбата, не е сѐ толку црно.

Во понеделникот, европските и финансиските лидери ја креваа довербата на потрошувачите по кризата по кризата во „Кредит Свис“, втората по големина банка во Швајцарија. Итното преземање на „Кредит Свис“ од страна на конкурентот „УБС“ (UBS) и потешкотиите со кои се соочија некои помали американски институции ја зголемија загриженоста околу банките во еврозоната во текот на оваа недела.

Европските советодавни тела потврдија дека во случај на пропаѓање на банка во Европската Унија се применува фиксно правило согласно кое се повикуваат акционерите и другите доверители. Акционерскиот капитал прв ги покрива загубите на банката. Доколку ова е недоволно, се преминува на обврзниците, тнр. АТ1 капитал.

Во случајот со „Кредит Свис“, сопствениците на овие обврзници ќе ги изгубат нивните инвестирани средства во текот на преземањето од страна на „УБС“. За тие АТ1 обврзници, загубата изнесува 16 милијарди швајцарски франци (16 милијарди евра). Акционерите на „Кредит Свис“ исто така ќе изгубат голем дел од нивните пари но ќе добијат хартии од вредност од „УБС“.

Претседателот на Европската централна банка (ЕЦБ), Кристин Лагард, изрази оптимизам дека нема да има прелевање на овој настан во финансискиот систем на еврозоната.

Европскиот банкарски сектор беше отпорен благодарение на силниите капитални и ликвидни позиции. Имајќи ги в предвид моменталните пазарни тензии, ЕЦБ беше подготвена да го поддржи, ако е потребно, финансискиот систем со ликвидни средства, како и да го задржи урамнотеженото функционирање на монетарната политика, изјави Лагард.

Минатата недела ЕЦБ ја крена каматната стапка за 50 процентни поени и покрај превирањата. Во поглед на тековното високо ниво на несигурност, централната банка не се обврза за во иднина. Лагард стави јасно до знаење дека монетарните чувари ќе се водат од економски податоци.

Политичарите и претставниците на централните банки низ Европа не се согласни околу ефективноста на последната одлука на ЕЦБ за каматните стапки.

Италија: Политиката на ЕЦБ за каматни стапки под лупа

Италијанскиот министер за економија Џанкарло Џоргети изјави во понеделникот дека верува оти влијанието на кризата во „Кредит Свис“ врз италијанскиот банкарски систем ќе биде „незначително“. Зборувајќи за пазарните турбуленции поврзани со „Кредит Свис“ и претходното пропаѓање на банката „Силикон Вели“ во САД, тој рече дека верува оти пазарите малку се смириле.

Мислам дека состојабата во Европа е под контрола. Ние сме во постојана комуникација со регулаторните тела и сме спокојни околу италијанскиот банкарски систем“, изјави Џоргети.

Миланската берза регистрираше пад од 2,6 проценти во раното тргување во понеделникот, каде акциите на банките паднаа после повеќе од еднонеделни турбуленции на меѓународните пазари на пари. Спасот на „Кредит Свис“ што беше објавен во текот на викендот не успеа да ги смири грижите на инвеститорите. Во вторникот, миланската берза се затвори со пораст од 2,53 проценти откако акциите на банките силно се вратија по неодамнешните загуби поради „Силикон Вели“ и „Кредит Свис“.

Џоргети исто така ги повтори своите критики кон политиката на Европската централна банка за зголемување на каматните стапки заради спречување на високи нивоа на инфлација.

[Политиката] внимателно треба да се калибрира бидејќи зголемувањето на каматните стапки може да биде корисно во контрола на инфлацијата но исто така може да предизвика проблеми во финансиската стабилност“, изјави Џоргети.

Италијанската влада не беше задоволна од одлуката на ЕЦБ да ја зголеми основната каматна стапка за 50 процентни поени.

ЕЦБ не се движи во вистинска насока, дури и ако денес се означи стартот на преосмислувањето. Според мене, ова не е добар начин за справување со инфлацијата“, изјави заменикот премиер и министер за надворешни работи Антонио Тајани.

Франција: Базел III правилата ја спасија работата

Европските банки беа во „исклучително добра“ форма и нивната состојба не беше иста како таа на американските заемодавачи, рече минатата недела гувернерот на француската централна банка, Франсоа де Галхау, кој е исто така и член на советот на ЕБЦ, околу стравовите за криза во секторот.

Европските банки не се во иста ситуација како одредени американски банки од проста причина што тие не се предмет на исти правила“, додаде тој. Правилата познати како Базел III што беа креирани по финансиската криза во 2008 година за да се осигура дека банките имаат соодветен капитал и ликвидност се „ефективни“, вели де Галхау.

Тој додаде дека 400 европски банкарски групи беа подложени на критериумите на Базел III, споредено со само 13 во САД.

Во текот на мандатот на Претседателот Доналд Трамп, малите и средните американски банки беа изземени од правилата од Базел во 2019 година, вели тој и додава дека и банката „Силикон Вели“ и банката „Сигначр“ (Signature Bank) што пропаднаа минатата недела беа меѓу нив. Гувернерот на француската централна банка објаснува дека „Кредит Свис“ е посебен случај.

Тоа е банка што има и потешкотии поврзани со бизнис моделот како и недостатоци во внатрешниот систем на контрола,“ вели тој.

Додека ЕЦБ соопшти дека е подготвена да обезбеди ликвидни средства за да се обезбеди стабилноста на финансискиот систем на еврозоната, таа остана верна на зголемувањето на каматните стапки за половина процент со цел да се ублажи инфлацијата, и покрај стравовите дека зголемените трошоци за позајмување може да предизвикаат дополнителен стрес врз банките. Де Галхау изјави дека потегот на ЕЦБ испрати „силен“ сигнал на доверба во нејзината антиинфлациска стратегија и стабилноста на европските и француските банки.

Словенија, Бугарија и Германија остануваат мирни

Во понеделникот, Банката на Словенија соопшти дека европските и словенечкиот банкарски систем функционираат солидно и покрај превирањата во банкарските системи на САД и Швајцарија.

Банкарскиот систем во еврозоната е отпорен, со силни капитални и ликвидни позиции“, додаваат од словенечката централна банка.

Банката уверува дека опсегот на инструментите на монетарна политика на ЕЦБ се доволно голем за да обезбеди ликвидна поддршка на финансискиот систем кога е тоа потребно.

Бугарскиот технички министер за финансии Розита Велкова коментираше дека во моментот нема ризик за Бугарија по пропаѓањето на банките во САД.

Вишиот финансиски аналитичар во Моитепари.бг, Десислава Николова, тврди дека зголемувањето на каматните стапки од страна на ЕЦБ што почнаа во 2022 година не влијаат врз банкарскиот пазар во Бугарија поради неговата добра ликвидност.

Земјата има доволно ресурси за да го успори процесот поврзан со зголемувањето на каматните стапки, вели таа. Бидејќи не е дел од еврозоната, Бугарија ги одржа каматните стапки за заеми и депозити на најниско ниво, вели Николова.

Таа очекува дека наместо постепено зголемување на каматните стапки, во Бугарија може да се случи побрзо зголемување бидејќи последните случувања предизвикаа несигурност, гледано од макроекономски аспект.

Германскиот канцелар Олаф Шолц во понеделникот го поздрави „одлучниот потег на швајцарските власти“ за преземање на „Кредит Свис“ од страна на конкурентот „УБС“, изјави портпарол на владата.

Европските власти ја научија лекцијата од финансиската криза во 2008 година и ги стегнаа банкарските прописи. Така, германскиот банкарски систем е добро позициониран“, додаде портпаролот.

Не се гледа крајот на зголемувањата на каматните стапки на ЕЦБ

Според претседателот на германската централна банка, Јоаким Нагел, кој членува во Советот за монетарна политика на ЕЦБ, Европската централна банка сѐ уште не стигнала до крајот на патот поврзан со зголемувањето на нејзината каматна стапка. Истовремено, во интервју за „Фајненшл тајмс“ тој вели дека каматните стапки се доближија до рестриктивен опфат, ниво каде што економистите сметаат дека каматните стапки почнуваат да ја забавуваат економската активност.

Нагел нагласи дека ЕЦБ ќе треба да одолева на повиците за предвремени кратења на каматните стапки откако е постигнат врвот, инаку, вели тој, високата инфлација се заканува дека повторно ќе се разгори.

Нашата борба против инфлацијата не е завршена“, вели шефот на германската централна банка.

The post Дали е на повидок уште една банкарска криза? ЕЦБ, сепак, уверена во финансиската отпорност на еврозоната appeared first on Република.

Европската централна банка мора да ги зголеми каматните стапки поради инфлацијата предизвикана од војната што рускиот претседател Владимир Путин ја води во Украина, изјави претседателката на ЕЦБ Кристин Лагард, пренесува „N1“, јавува Политико.

-Тоа е она што се обидува да го направи, да предизвика хаос и да ја уништи Европа што е можно повеќе. Енергетската криза предизвикува огромна инфлација која мораме да ја надминеме, изјави Лагард за ирската телевизија „RTE“.

Секој што се однесува така мора да биде воден од зли сили, рече Лагард и оцени дека „болниот руски претседател е застрашувачка личност“.

Зголемената инфлација во Европа дојде „од никаде“, посочи таа, а одлуката на ЕЦБ уште еднаш да ги зголеми каматните стапки ја објасни со борбата против инфлацијата.

Во септември инфлацијата низ еврозоната достигна 10 отсто, потсетува порталот Политико.

The post Претседателката на Европската централна банка: Путин е виновен за инфлацијата во Европа appeared first on Република.

Европската централна банка (ЕЦБ) денеска ги зголеми проценките за инфлација во еврозоната, најавувајќи дека може да ги прекине монетарните стимулации во третиот квартал, и покрај проценките дека руско-украинскиот конфликт негативно ќе влијае на економијата.

ЕЦБ сега проценува дека инфлацијата ќе биде повеќе од двојно повеќе од овогодишната цел од два отсто и би требало да остане над тоа ниво следната година, изјави претседателката на ЕЦБ Кристин Лагард на прес-конференција.

За оваа година банката проценува дека во просек ќе изнесува 5,1 отсто, што е значително повеќе од проектираните 3,2 отсто на декемвриската седница. Во 2023 година би требало да падне на 2,1 отсто и да биде за 0,3 процентни поени повисока од прогнозата во декември. За 2024 година, проектираната стапка на инфлација е зголемена за 0,1 процентен поен, на 1,9 отсто. Руско-украинската војна „значително ќе влијае на економската активност и инфлацијата преку повисоки цени на енергијата и стоките, нарушување на меѓународната трговија и послабата доверба“, предупреди Лагард.

Степенот на тоа влијание ќе зависи од развојот на конфликтот, влијанието на сегашните санкции и можните дополнителни мерки, додаде таа. Лагард сепак рече дека Управниот совет на ЕЦБ „верува дека има се поголеми шанси инфлацијата да се стабилизира на целта од два проценти на среден рок“.

Банката денеска ја намали прогнозата за раст на економијата на еврозоната во оваа година за половина процентен поен на 3,7 отсто. Прогнозата за следната година е намалена за 0,1 процентен поен, на 2,8 отсто, додека за 2024 година е потврдена на 1,6 отсто. (МИА)

The post ЕЦБ ги зголеми проценките за инфлацијата во еврозоната appeared first on Република.