Во меѓународна операција која ги опфати Босна и Херцеговина, Хрватска и Србија, е разбиена криминална мрежа која шверцувала кокаин од Јужна Америка во Европската Унија, соопшти Европол.

Акцијата резултираше со апсење на 11 лица, заплена на повеќе од еден милион евра и откритија кои потврдуваат дека криминалните групи од Балканот се длабоко поврзани со глобалната трговија со дрога.

Клучен момент во истрагата беше заплената на над половина тон кокаин во пристаништето Плоче во март 2021 година, со проценета вредност од 50 милиони евра. Според Европол, дрогата била сокриена во модифициран товарен контејнер, што покажува високо ниво на организација.

Операцијата вклучуваше апсење на барани лица, заплена на оружје, луксузни возила, часовници и пари, како и откривање на корупција меѓу цариниците.

Европол информира дека операцијата е дел од поширока стратегија за борба против организираниот криминал.

The post Европол разби меѓународна балканска мрежа за шверц на кокаин appeared first on Република.

Припадници на полициски сили од 18 земји заплениле повеќе од 14 милиони евра во операцијата DECOJ, во координирана акција на Европол со полициите на Шпанија, Португалија и Австрија, соопшти денеска Европол.

Заедничката акција на царината и полицијата е спроведена во рамки на акцијата ЕМПАКТ, чија цел е борба против дистрибуцијата на фалсификувани банкноти и метални пари преку поштенските услуги низ Европа, се наведува во соопштението на Европол.

Меѓу земјите кои учествуваа во операцијата беа припадници на полицијата и царината на Австрија, Србија, Бугарија, Хрватска, Чешка, Франција, Германија, Грција, Ирска, Италија, Холандија, Полска, Португалија, Романија, Шпанија, Турција и Обединетото Кралство.

Во оперативната фаза беа запленети вкупно 174 пакети со фалсификувани пари, а потоа беа отворени 144 нови полициски истраги за одговорните криминални мрежи.

Запленети се вкупно 148.130 фалсификувани валути, од кои 134.949 банкноти и монети евра, банкноти од 9.186 британски фунти и банкноти од 3.595 американски долари.

Најмногу од лажните банкноти биле 50 евра, потоа 20 евра, се наведува во соопштението на Европол.

Како што се додава, успехот на операцијата ДЕКОЈ е постигнат благодарение на блиската соработка на царинските и полициските агенции. Ваквата соработка обезбедила фалсификуваните пари да бидат пресретнати на клучните влезни точки, а опсежните истраги биле почнати за да се откријат организираните криминални групи кои ја организирале операцијата, соопшти Европол.

The post Европол: Во акција на полициите и царините на 18 земји запленети над 14 милиони фалсификувани евра appeared first on Република.

Сликите на сексуална злоупотреба на деца создадени со помош на апликации за вештачка интелигенција (ВИ) се зголемуваат, што го отежнува идентификувањето на жртвите и сторителите, предупреди Европол.

„Обемот на автоматски произведени слики од сексуален материјал сега е значаен и растечки дел од сексуалната детска порнографија на Интернет“ и „се очекува дополнително да се шири во блиска иднина“, подвлекува во својот извештај европската полициска служба со седиште во Хаг.

Дури и во случаи кога содржината е целосно генерирана од вештачка интелигенција и не прикажува вистински жртви, детската порнографија генерирана од вештачка интелигенција сè уште придонесува за објективизација и сексуализација на децата, истакна Европол.

Употребата на апликации за вештачка интелигенција за создавање или менување на материјал за сексуална детска порнографија, исто така, ја зголемува „количината на нелегален материјал во оптек и ја отежнува идентификацијата на жртвите, како и на сторителите“.

Појавата на апликации за вештачка интелигенција предизвикува зголемена загриженост за употребата на овие апликации за злонамерни цели, особено преку создавање на „deepfakes“ – компјутерски генерирани слики и видеа, честопати реални, базирани на вистински модел.

Повеќе од 300 милиони деца секоја година се жртви на сексуална експлоатација и злоупотреба на интернет, објавија во мај истражувачите од Универзитетот во Единбург.

Прекршоците се движат од изнуда насочена кон тинејџери по објавување сексуални фотографии и видеа на интернет („sextorsion“), до навредлива употреба на вештачка интелигенција за создавање лажни видеа и слики, според истражителите.

Освен што создаваат груби и непристојни слики на малолетници, криминалците користат вештачка интелигенција за да извршат низа злосторства кои се движат од онлајн измама до сајбер-напади, се вели и во документот на Европол од 37 страници, кој ги мапира онлајн заканите со кои Европа моментално се соочува.

The post Европол предупредува на раст на детската порнографија и проблем со идентификацијата на сторителите поради вештачката интелигенција appeared first on Република.

Европол потврди дека е хакиран и го истражува инцидентот откако група хакери се заканија дека  украле вредни доверливи податоци од истрагите и сега ги продадат.

Хакирана е таканаречената Платформата за експерти на Европол (ЕПЕ) што ја користат експертите за спроведување на законот за „споделување информации, знаење, најдобри практики и податоци за криминалот“.

„Европол е свесен за инцидентот и ја проценува ситуацијата. Првичните дејствија се веќе преземени. Инцидентот се однесува на затворената група корисници на Платформата за експерти на Европол (ЕПЕ)“, изјавија од Европол за BleepingComputer, порталот кој прв ја објави оваа вест.

Европол додава дека ЕПЕ не обработува никакви оперативни информации, дека не влијае на основните системи на Европол и затоа ниту еден податок не е загрозен.

Податоците од Европол, агенцијата за спроведување на законот на Европската унија, беа објавени минатата година во септември. За ова тогаш пишуваше Политико, наведувајќи дека исчезнале досиејата на неколку членови на персоналот на Европол.

Веб-страницата на ЕПЕ се уште не е достапна, а има само порака дека „одржувањето е во тек“.

Наводниот напаѓач е ИнтелБрокер, хакерска група која тврди дека украла високо доверливи податоци од Европол. Тие, исто така, тврдат дека добиле пристап до EC3 SPACE (Безбедносна платформа за акредитирани експерти за компјутерски криминал), една од заедниците на порталот EПE што содржи стотици материјали поврзани со сајбер криминал и ја користат повеќе од 6.000 сертифицирани експерти за компјутерски криминал од целиот свет.

ИнтелБрокер тврди дека успеал да ја компромитира платформата СИРИУС, која ја користат судските и органите за спроведување на законот од 47 земји, вклучително и земјите-членки на ЕУ, Велика Британија и земји кои имаат договор за соработка со Европравда и Канцеларијата на Европското јавно обвинителство (ЕППО).

„Цена: Испратете понуди. Само XMR. Испратете ми порака на форумот. Потребен е доказ за средствата. Продажба само на реномирани членови“, гласеше објавата на ИнтелБрокер на хакерски форум.

The post Хакиран Европол, напаѓачот објави дека продава доверливи податоци appeared first on Република.

Европската полициска агенција (Европол) потврди дека е хакирана и го истражува инцидентот откако група хакери се заканија дека ќе продадат украдени вредни доверливи податоци од истраги.

Хакирана е т.н. Платформа за експерти на Европол (ЕПЕ) што ја користат безбедносните стручњаци за „споделување информации, знаење, најдобри практики и податоци за криминалот“.

- Европол е свесен за инцидентот и ја проценува ситуацијата. Првичните дејствија се веќе преземени. Инцидентот се однесува на затворената група корисници на Платформата ЕПЕ, изјавија од Европол за BleepingComputer, порталот кој прв ја објави оваа вест.

Од Европол поосчуваат дека ЕПЕ не обработува никакви оперативни информации, дека не влијае на основните системи на Европол и затоа ниту еден податок не е загрозен.

Податоци од Европол, агенцијата на Европската унија за спроведување на законот, протекоа во септември минатата година. За ова тогаш пишуваше Политико, наведувајќи дека исчезнале досиејата на неколку членови на персоналот на Европол.

The post Хакиран Европол appeared first on Република.

Шпанската цивилна гарда уапсила 20 лица осомничени дека увезле неколку тони кокаин и листови од растението кока од Јужна Америка во Шпанија, соопшти денеска Европол.

Полицијата изврши рација на 27 различни имоти во Мадрид, Понтеведра и Коруња. Во предградието на Мадрид е откриена и лабораторија за производство на кокаин со капацитет за производство на 100 килограми месечно, а во неа се запленети 21 барел течни и цврсти хемикалии кои се користат за производство на кокаин.

Запленети се и три милиони евра во готовина, како и имот вреден 10 милиони евра во кој има куќи, возила и пловни објекти.

Полицијата се сомнева дека оваа криминална група, која ја сочинуваат 19 Шпанци и еден Колумбиец, превезувала нелегална стока со едрилици и катамарани до неколку пристаништа на брегот на Галиција.

Во рацијата биле запленети 50 килограми кокаин, еден килограм хероин, 1,7 килограми хашиш, еден килограм розев кокаин, 10 килограми марихуана, 750 килограми амфетамин МДМА и 10.000 таблети екстази.

The post Европол: Во Шпанија уапсена група која пренела повеќе тони кокаин од Јужна Америка appeared first on Република.

Бугарите, Романците, Србите и Украинците се главните учесници во најопасните криминални мрежи за трговија со луѓе во ЕУ со цел трудова и сексуална експлоатација, покажуваат податоците во извештајот на Европол, претставен денеска.

Во документот се забележува дека во ЕУ дејствуваат 821 опасна криминална мрежа, поврзани со трговија со наркотици (главно кокаин), цигари, трговија со луѓе и изнуда.

„Најчесто учесниците во оваа организација доаѓаат од Западен Балкан, главно од Албанија, но и од Турција и Мароко“, истакна на прес-конференцијата белгиската министерка за внатрешни работи Анелис Верлинден.

Според неа, пазарот на дрога е еден од главните извори на насилство во ЕУ и на приход за организираниот криминал.

„Перењето пари и корупцијата се закана за владеењето на правото и основните слободи“, додаде таа.

Според европскиот комесар за правда, Диди Рејндерс, овие криминални групи имаат тенденција да ги заплашуваат и поткупуваат судиите и министрите, кои служат во обвинителството на УК.

„Внатрешната безбедност на ЕУ е загрозена од активностите на оваа група со 25.000 припадници од 112 националности, од кои половина се поврзани со трговија со дрога“, изјави директорката на Европол, Кетрин де Бол.

Според неа, 86 отсто од криминалните организации имаат и легитимен бизнис, најчесто во градежништвото и хотелиерството и на тој начин се перат пари.

Де Бол додаде дека документот презентиран денеска е „најдлабоката истрага за досегот на европските криминални мрежи“.

The post Бугарите, Романците, Србите и Украинците меѓу главните учесници во шверцот на луѓе во ЕУ appeared first on Република.

Шверцот на кокаин во Европа ќе продолжи да се зголемува во следните две години поради растечкото производство во Јужна Америка, изјави извршната директорка на Европската полициска служба (Европол), Кетрин де Бол, за ДПА.

-Не можеме целосно да го спречиме бидејќи побарувачката е превисока, додаде таа.

Истовремено, Европол забележува зголемен успех на истрагите во борбата против меѓународната трговија со дрога, со запленети над 300 тони кокаин само во текот на минатата година.

-Европол никогаш немал толку добар увид врз шверцот со дрога како минатата година, рече Де Бол. „Тоа се однесува и на меѓународните дистрибутивни канали и на домашната продажба“, додаде таа.

Поголемиот дел од кокаинот се шверцува од Јужна Америка во Европа по морски пат и влегува во ЕУ главно преку пристаништата Антверпен и Ротердам. Цариниците се почесто пронаоѓаат големи количества дрога скриени во бродски контејнери.

ДПА потсетува дека во Ротердам, во август, беше запленето најголемото количество дрога досега – во контејнер со банани беа пронајдени околу 8.000 килограми кокаин, вреден на црниот пазар околу 600 милиони евра.

Европол верува дека запленетите пратки најверојатно се само мал дел од кокаинот што се шверцува.

-Но, тоа почнува да им нанесува штети на бандите, истакна Де Бол.

„Се почесто тие се обидуваат да си го повратат запленетиот кокаин. А во меѓувреме, тие дури ги опремуваат пратките со уреди за следење за да можат да ја знаат нивната точна локација“, додаде таа.

The post Koкаин најмногу ќе се шверца во Европа, предвидува Европол appeared first on Република.

Во заедничка операција на полициите на Украина, Франција, Германија, Норвешка и САД, уапсен е водачот на хакерска група која дејствува од Украина и е одговорна за кибер напади чија цел била да изнуди стотици милиони евра од нејзините жртви, соопшти денеска Европската полициска служба (Европол).

Полицијата синоќа извршила рација на 30 имоти во западна и централна Украина. При таа акција уапсен е 32-годишен маж за кој се сомнева дека е водач на бандата, како и четворица соучесници.

Повеќе од 20 истражители од Франција, Германија, Норвешка и САД се распоредени во Киев за да им помогнат на локалните полициски и судски власти.

„Во напорите без преседан, полициските и судските власти од седум земји ги здружија силите со Европол и Европравда за да ги уништат и уапсат клучните личности кои стојат зад големите хакерски операции во Украина“, се вели во соопштението.

Таа група хакери нападна организации во 71 земја, заразувајќи околу 250 сервери што доведе до финансиска загуба од неколку стотици милиони евра.

„Овие хакери се познати по тоа што конкретно ги таргетираат големите компании и ги оневозможуваат нивните активности“, се додава во соопштението на Европол.

The post Во Украина уапсен водачот на позната хакерска група appeared first on Република.

Голема заедничка операција против сексуалната злоупотреба на деца во Западен Балкан доведе до идентификување на 39 осомничени педофоили во осум земји, објави Европол, истакнувајќи дека две жртви се ставени под системот за заштита.

Во соопштението се прецизира дека акцијата „Мозаик 2023“ ја водела словенечката полиција, а била координирана од Европол во рамките на европската мултидисциплинарна платформа против криминални закани. Целта на операцијата беше да се идентификуваат и уапсат луѓе кои користат онлајн форуми и апликации за размена и дистрибуција на материјали со сексуална злоупотреба на деца.

Во текот на акцијата „Мозаик 2023“ во Македонија, Босна и Херцеговина, Црна Гора, Србија, Словенија, Хрватска и во Унгарија беа спроведени низа акции во периодот од 6 до 17 ноември. Полицијата изврши 41 претрес во земјите по истрагата за споделување слики и видеа со сексуална злоупотреба на деца.

За време на акциите беа одземени повеќе од 200 предмети со слики или видеоматеријали со сексуална злоупотреба на деца, вклучувајќи компјутери, мобилни телефони, серверска опрема и мемориски картички.

Улогата на Европол беше да ја олесни размената на информации меѓу вклучените земји и дополнително да го подобри разбирањето на ситуацијата во Западен Балкан преку проверка на запленетите информации и обезбедување разузнавачки пакети за поддршка на тековните истраги во регионот и пошироко.

Во рамките на европската мултидисциплинарна платформа, Словенија, Хрватска, Унгарија и Европскиот центар за компјутерски криминал на Европол ги здружија силите за да формираат експертска мрежа на Западен Балкан со цел зајакнување на меѓународната соработка во борбата против сексуалната злоупотреба на деца.

The post Педофили од Македонија идентификувани во голема акција на Еврoпол appeared first on Република.

Полицијата на пет европски земји го прекина синџирот на шверцери на луѓе кои по цена од 9.000 по човек префрлиле 5.000 кубански мигранти во Европа, преку Србија и Грција. Како што наведува Европол во денешното соопштение, крајната дестинација на тие луѓе била Шпанија.

Шверцерите го искористија фактот дека на кубанските граѓани не им е потребна виза за Србија. Уапсени се 62 осомничени. Истрагата откри обемна криминална мрежа која до апсењето оперирала во Србија, Шпанија и Грција.

Кај осомничените била пронајдена поголема количина фалсификувани документи што ги користеле мигрантите. Тие влегле легално во Србија, а потоа шверцерите ги префрлиле во Грција, а потоа во Шпанија преку илегални патишта низ Македонија.

The post Европол: Прекинат синџир на криумчари на луѓе, 5000 Кубанци префрлени преку Србија и Грција appeared first on Република.

Во заеднички акции, кои биле координирани од Европол во средината на јуни, уапсени се 21 лице за трудова експлоатација на жртви на трговија со луѓе, соопшти ова тело на Европската унија.

Помеѓу 10 и 17 јуни, Европол координирал заеднички акции наречени ЕМПАКТ, со цел справување со трговијата со луѓе и експлоатација на мигранти за работни цели.

Во соопштението се наведува дека во акцијата во која заедно учествувале извршните власти на 31 земја, со поддршка на Евроџаст, Фронтекс и Европската агенција за труд, над 27.000 полицајци извршиле инспекции на вкупно 11.360 локации во повеќе сектори, вклучувајќи гастрономија, земјоделство и индустрија за убавина, особено фокусирајќи се на експлоатација на државјани на земји кои не се членки на ЕУ.

Како резултат на инспекцијата, идентификувани се 57 осомничени, приведени се 21 од нив, за трудова експлоатација и идентификувани се 261 жртва.

Податоците собрани за време на операцијата доведоа до започнување на 86 нови истраги за да се идентификуваат дополнителни потенцијални осомничени и жртви поврзани со случаи на трговија со луѓе низ ЕУ и во други земји.

Операциите биле насочени кон низа сектори, вклучително и преработка на храна и месо, ресторани, услуги за достава на храна, салони за убавина, градежништво, рударство, транспорт и земјоделство, а официјалните лица, исто така, беа насочени кон трудова експлоатација на домаќинките и негуватели на приватните имоти.

The post Во акција на Европол уапсени 21 лице за експлоатација на жртви на трговија со луѓе appeared first on Република.

Полицијата на Германија, Полска и Велика Британија со поддршка на Европол го уапсила шефот на криминалната мрежа одговорна за измама на стотици постари граѓани, соопшти денеска Европол.

Како што се наведува, осомничениот шеф на групата е приведен во близина на Лондон, од каде управувал со мрежа на измамници кои главно биле насочени кон германски и полски граѓани.

Во исто време, германската полиција изврши претреси на пет локации и заплени повеќе од 160.000 евра во готовина, златни прачки и накит.

The post Европол: Уапсен е шефот на криминалната група одговорна за измама на стотици пензионери appeared first on Република.

Мрежа на шверцери на дрога составена главно од Aлбанци е разбиена од Европол. Акцијата била релизирана во Германија, Италија и Холандија а уапсени се 35 лица, јави Топ чанел.

Уапсените главно биле вклучени во шверц на кокаин и канабис од земјите од Латинска Америка кон Европа.

https://republika.mk/vesti/makedonija/biznismen-na-chicho-ova-e-vnukot-na-ali-ahmeti-shto-ja-kupi-soravija-beshe-i-vo-sharenite/

-Криминалната мрежа била вклучена и во случаи на насилство, како и во епизоди на тортура и киднапирање. Од спроведените истраги, уапсените само во периодот од март 2020 до јуни 2021 година донеле во Европа околу  тон кокаин и  тон хашиш, од чија продажба заработиле повеќе од  милијарда евра, наведува телевизијата.

Во акцијата биле ангажирани повеќе од 600 полицајци, контролирани повеќе од 51 различно место каде што оваа криминална мрежа поставила бази. Во меѓувреме запленети се над 1 милион евра во кеш.

-Шверцерите ја прошириле својата активност меѓу Германија, Италија и Холандија, каде што овозможиле дистрибуција на наркотици. Дрогата главно ја пренесувале со луксузни автомобили, а користеле и разни апликации за размена на пораки за да не бидат откриени од полицијата. Според Европол, трговците со луѓе ги делеле приходите добиени од оваа криминална активност според соодветните улоги што ги имале во групата, посочува Топ чанел.

За да ги „исчистат парите, купиле дури и луксузни ресторани во Германија, како и разни агенции за недвижности“.

Истрагата против групата Албанци започна во септември 2021 година.

The post Албанци со пари од дрога купувале недвижнини appeared first on Република.

Земјите членки на Европската Унија (ЕУ) пријавиле 28 обиди за терористички напади во 2022 година, а извештај на европската полиција - Европол за тероризам покажа дека „тероризмот останува значајна закана за внатрешната безбедност на ЕУ“.

Бројот на терористички напади во ЕУ во 2022 година претставува зголемување во однос на 2021 година кога беа пријавени 18 напади, но е помал од 2020 година кога имаше 56, објавува Радио Слободна Европа.

Во извештајот се наведува дека во 2022 година биле регистрирани „два џихадистички терористички напади“ и еден напад на екстремната десница во Европа, што резултирало со четири смртни случаи.

Извршната директорка на Европол Катарина Де Бол изјави дека борбата против тероризмот останува приоритет за Европол и ЕУ.

Ќе продолжиме тесно да соработуваме со сите наши партнери за да ги ублажиме терористичките закани за заедницата преку кратење на средствата на терористите и ограничување на нивниот простор за планирање, финансирање и извршување напади, спротивставување на радикализацијата и зајакнување на размената на информации и полициската соработка, рече таа.

The post Извештај на Европол: Обидите за терористички напади во ЕУ за една година зачестиле за речиси 50% appeared first on Република.

Меѓународната акција против илегалната трговија на дарк веб заврши со апсење на 288 лица и заплена на околу 51 милион евра во готовина и криптовалути, соопшти денеска Европол.

„Силите за спроведување на законот ја запленија нелегалната платформа (...) и Монополскиот пазар и уапсија 288 осомничени за купување и продажба на дрога на Дарк веб“, се наведува во соопштението на Европската полициска агенција со седиште во Хаг.

Дополнително, запленети се 850 килограми дрога и 117 парчиња оружје, додава Европол, што ја координираше меѓународната операција наречена СпекТор во која учествуваа девет земји.

Акцијата уследи по операцијата на германската полиција во 2021 година во која беше запленета криминалната инфраструктура на платформата.

„Европол ги собра сите информации врз основа на вредните докази што ги обезбедија германските власти“, соопшти полициската агенција.

Тие информации „биле основа за стотици национални истраги“, додава агенцијата.

Низ повеќе земји на ЕУ беа уапсени повеќе лица - 52 во Германија, десет во Холандија и пет во Франција - но исто така и во Велика Британија (158), САД (55) и еден во Бразил.

Меѓу запленетите дроги имало 258 килограми амфетамин, 43 килограми кокаин, 43 килограми МДМА и повеќе од 10 килограми ЛСД и таблети екстази, додава истиот извор.

The post Запленети 51 милион евра во кеш и крипто, 850 кг дрога и 117 парчиња оружје: Европол уапси 288 лица за трговија на дарк веб appeared first on Република.

Криминални групи за шверц на дрога се повеќе се инфилтрираат во европските пристаништа поткупувајќи функционери и тајно внесуваат свои членови во објектите, соопшти денеска европската полициска служба Европол, јави ДПА.

Бандите главно користеле контејнерски транспорт за шверц на кокаин во Европската унија. Тие сè повеќе ги користеле дигиталните безбедносни кодови што се наменети за заклучување на контејнерите. Со шифрите, криминалците лесно можат да ги отворат контејнерите и да ја отстранат дрогата скриена внатре.

Според Европол, околу 90 милиони контејнери минуваат низ поморските пристаништа на ЕУ, а само дел од нив се проверуваат. Рекордна количина од речиси 200 тони кокаин е запленета на двете главни пристаништа Ротердам во Холандија и Антверпен во Белгија

The post Европол: Организираниот криминал се инфилтрира во европските пристаништа appeared first on Република.

Европската полициска агенција „Европол“ соопшти дека во рамки на меѓународна операција, на крајот на минатиот месец биле уапсени 382 лица, осомничени за трговија со дрога, луѓе и оружје, кои главно дејствувале на Балканот и во Југоисточна Европа.

Сто педесет и девет од уапсените се осомничени за трговија со мигранти, 112 за трговија со дрога, 38 за трговија со огнено оружје и двајца за трговија со луѓе, соопштија од „Европол“ во врска со операцијата во која учествувале полициските служби на 28 земји.

Регистрирани се 2.500 нелегални влегувања на територијата на Европската Унија и запленети се 106 парчиња огнено оружје. Запленети се и 304 килограми хероин, 147 килограми канабис и 1,3 килограми кокаин.

Балканската рута преку која илјадници транспортни возила влегуваат на територијата на Европската Унија, активно се користи за илегална трговија со луѓе, огнено оружје и дрога до европските земји, посочуваат од Европол.

The post На Балканот уапсени 382 лица: Европол апсеше осомничени за трговија со дрога, оружје и луѓе appeared first on Република.

Во рамки на Заедничките акциски денови на Европол во периодот од 26 до 29 октомври, беше спроведена меѓународна акција „Акциски денови– JAД 2022 – Југоисточна Европа“ за спречување на недозволена трговија со огнено оружје и муниција, недозволена трговија со дрога и сузбивање на прекуграничен криминал и илегална миграција. Во операцијата покрај Република Македонија учествуваа повеќе земји од регионот и земји членки на Европска унија, додека на граничните премини беа присутни и претставници од Фронтекс. Во нашата земја се вршеа зајакнати селективни контроли при влез и излез на граничните премини на патници, автобуси, патнички и товарни моторни возила. Освен полициски службеници од Министерството за внатрешни работи во спроведувањето на акцијата учество зедоа и царински службеници од Царинската управа на Република Македонија, преку своите мобилните тимови.

Носител на акцијата во Министерството за внатрешни работи, беше Одделот за криминалистичка полиција, Сектор за недозволена трговија со дрога, оружје и опасни материи, Единица за недозволена трговија со оружје, опасни материи и радиоактивен материјал, а учество во реализацијата зедоа полициски службеници од повеќе надлежни организациски единици, како што се организиран и сериозен криминал, гранични работи, криминалистичко разузнавање и анализа, меѓународна полициска соработка, како и Секторите за внатрешни работи Скопје, Куманово, Струмица, Битола и Охрид.

Притоа, беше извршена контрола и преглед на 858 селектирани лица, 437 патнички возила, 10 товарни возила и 22 автобуси. При извршените прегледи, како и извршените 20 претреси на повеќе локации низ државата, при што се лишени од слобода 13 лица за понатамошна постапка. Пронајдени се осум пушки, три пиштоли различни марки и калибар, како и по еден гасен, сигнален и пневматски пиштол, 356 парчиња муниција различен калибар, рамка за пиштол, 91 парче пиротехнички средства, 2,5 килограми висококвалитетен златен накит, 1,5 килограм наркотична дрога марихуана, 360 семки од растението „канабис“, поголем број различни пакувања и зипер кесиња со прашкаста материја, два метални детектори за откривање на метал во земја, 286 метални монети и накит од постаро време, 50.000 евра како и поголем износ на денари во различни апоени и др.

За време на акцијата, откриени се вкупно 389 мигранти од кои 202 од Сирија, 80 од Авганистан, 34 од Мароко , 23 од Конго, 17 од Пакистан, осум од Палестина...

The post Во акција на Европол запленети оружје, дрога, злато, петарди, мигранти… appeared first on Република.

Осомничени поврзани со тероризам патуваат во ЕУ користејќи ги услугите на криминалните мрежи за криумчарење мигранти, се предупредува во Извештајот за тероризам на Европол.

Во извештајот се додава дека тие рути го вклучуваат источниот Медитеран, влезот во Грција од Турција и натаму патувања преку Западен Балкан до ЕУ.

Како што беше нагласено, осомничените терористи или насилните екстремисти, вклучително и поединци кои се враќаат од бојното поле, користат лажни документи добиени од криминални структури за да патуваат до или низ ЕУ.

Се наведува дека во 2021 година до Европол бил пријавен само еден насилен инцидент потенцијално поврзан со џихадизмот во Западен Балкан. Се појаснува дека албански државјанин е уапсен под обвинение за тероризам, откако со нож избодел пет лица во џамија во Тирана. Во текот на судењето, насилникот бил сместен во психијатриска болница.

„Методите кои се користат за радикализација или регрутирање следбеници во регионот го одразуваат сложеното политичко сценарио во земјите од Западен Балкан, каде прашањата поврзани со етничкиот и верскиот идентитет се комбинираат со економските и социјалните тешкотии“, се вели во овој документ објавен на нивната официјална веб-страница, пренесе порталот RTCG.

Се вели дека радикализираните и екстремистичките групи во регионот се обично мали, лабаво организирани и водени од поединци кои се прифатени од членовите на групите како верски афторитети.

„Според оценката на земјите од Западен Балкан, салафистичките групи и поединци кои се залагаат за ултра-конзервативни и екстремистички толкувања на исламот остануваат главни двигатели на радикализацијата во регионот. Во салафистичките заедници, забележано е дека проповедниците активни во „паралелни џамии“ и на неформални собири промовираат насилство, додека повратниците од Сирија и другите конфликтни области продолжија да шират џихадистички идеологии“, се вели во извештајот.

Неколку земји од Западен Балкан, како што се наведува, го потврдија трендот забележан во претходните години дека некои екстремистички групи се претставуваат како невладини организации (НВО) кои работат во хуманитарни цели.

„Во оваа позиција, тие собираат донации кои потоа се насочени кон поддржувачи или симпатизери на радикалните исламистички идеологии. Во некои случаи, овие групи воспоставија врски со мигрантските заедници кои потекнуваат од Западен Балкан во земјите на ЕУ. Неколку осомничени се вратија во 2021 година од конфликтните области на земјите од Западен Балкан“, се наведува во извештајот на Европол.

The post Европол: Осомничени поврзани со тероризам патуваат во ЕУ преку Западен Балкан appeared first on Република.