Албанија преку обврзница на меѓународниот пазар се задолжи со 600 милиони евра, со што земјата по шести пат се задолжува на овој начин.

Износот е повисок за 100 милиони евра од првопласираните што го најави владата. Еврообврзницата е со рок на отплата од 5 години односно до 9 јуни 2028 година и со годишна каматна стапка од 5,9 отсто и долгорочна каматна стапка од 6,1 отсто, објави Топ чанел повикувајќи се на Лондонската берза.

Според телевизијата, дел од средствата се намирување за намирување на заостанати долгови, додека другиот дел за покривање на буџетскиот дефицит.

Ова е шеста еврообврзница со која се задолжува Владата во Тирана. Првата еврообврзница е издадена во 2010 година (вредна 300 милиони евра, 5-годишен рок на доспевање и 7,5 отсто камата) и е отплатена во 2015 година.

Втората еврообврзница беше издадена во 2015 година (со рок на достасување од 5 години), во износ од 450 милиони евра и со каматна стапка од 4,75 отсто, која исто така е отплатена, третата во 2018 година, во износ од 500 милиони евра, со рок на достасување од 7 години и каматна стапка 3,5 отсто.

На 9 јуни 2020 година, Албанија успешно излезе на меѓународните пазари со нова 7-годишна меѓународна обврзница во износ од 650 милиони евра со камата од 3,5 отсто.

Албанија во средината на ноември 2021 година го затвори својот петти излез на пазарите на капитал со еврообврзница од 650 милиони евра со камата од 3,75 отсто.

The post Албанија се задолжи 600 милиони евра преку еврообврзница appeared first on Република.

Министерот за финансии, Фатмир Бесими, уверува дека новата еврообврзница нема да не чини поскапо од онаа што не беше издадена поради административните процедури односно поради тоа што се чекаше потпис од новиот министер за правда.

Со цел да не се повтори истата ситуација, Бесими најавува законски измени.

Во услови на инфлација што од октомври наваму, минатата година беше 19,8 проценти и секој месец намалуваме, за да последното биде 16,7 проценти – сепак реалната каматна стапка од 6,9 проценти во однос на последната 16,9 значи е минус. Ќе имаме интервенции во законот за наредниот период за да може да има флексибилност во тој дел. Инаку не сакавме во ниту еден случај да оставиме било каква дилема за различно толкување за тоа кој, како и дали можел да го потпише тој документ, изјави Бесими.

Аукцијата за издавање на еврообврзницата се одржа на 6 март, а Министерството за финансии соопшти дека поминала успешно со четирипати повисок интерес од страна на инвеститорите во однос на понудата.

Преку аукцијата се обезбедија 500 милиони евра по купонска камата од 6,96 проценти, додека дополнително 100 милиони евра се обезбедуваат од инструментот за макрофинансиска поддршка на Европската комисија, по каматна стапка од приближно 3 проценти, соопшти тогаш Министерството за финансии.

The post Бесими уверува дека еврообврзницата нема да чини поскапо од онаа што не беше издадена appeared first on Република.

Вицепремиерот за економски прашања Фатмир Битиќи смета дека треба да има одговорност доколку се утврди човечка грешка во процесот на издавањето на еврообврзницата којашто беше повлечена.

Одговарајќи на новинарско прашање колкава е штетата од повлекувањето на еврообврзницата, Битиќи на маргините на конференцијата за дигитализација на царинското работење, рече дека еврообврзница се издава во оној момент кога е најповолно на пазарот.

За жал се случи административна потешкотија односно грешка да не можеме да ја потпишеме, затоа што законите кои што се на сила така укажуваат. Секако, ако органите кои што треба да следат увидат дека има човечки фактор кој што треба да носи одговорност го знаете мојот став –  одговорноста не може да биде колективна, таа мора да биде лична, рече Битиќи.

Сепак, тој смета дека во овој момент е добро што државата успеа да издаде еврообврзница од 500 милиони евра за цена која што на финансискиот пазар е сѐ уште ниска, за разлика од онаа што може да ја добијат други држави, како и дека не се случија сценаријата кои што кажуваа дека ќе се наруши кредитниот рејтинг што се покажа со тоа што имаше за четири пати поголема понуда од тоа што ние се бараше.

https://republika.mk/vesti/ekonomija/nepromislenosta-na-vlasta-so-izdavaneto-evroobvrznitsa-ke-ja-chinat-drzhavava-okolu-18-milioni-evra-na-ime-povisoka-kamata/

Од друга страна, неговиот колега Фатмир Бесими тврди дека зголемената каматна стапка нема да значи и поскапа обврзница бидејќи имало промена во инфлаторните движења.

Ако гледаме на 600 милиони евра во февруари и ако имаше 600 милиони сега, само со еден инструмент кој е евидентен се од прилика на исти трошоци, ако се смета дека 100 милиони би оделе со буџетска поддршка, рече Бесими наместо да каже каде е вината.

The post Битиќи: Треба да има лична одговорност ако се утврди човечка грешка за еврообврзницата appeared first on Република.

Претседателот на ВМРО-ДПМНЕ, професор д-р Христијан Мицкоски при денешната посета на општините Ново Село и Босилово, во рамките на активноста „Промените на дело“ извршија увид на градежните работи на патот кој ги поврзува овие општини, при што од новинарите беше запрашан колку државата ќе ја чини пропадната како и ново издадената еврообврзица.

Мицкоски истакна дека поради пропадната еврообрзница новата се издаде со повисока камата и за власта да манипулира со бројките од каматата, обврзницата од 600 милиони евра ја намалија на 500, а од друга страна се задолжија и кај македонските банки, пари кои претежно се наменети за стопанството.

Првата којашто пропадна поради потписот на сменетиот министер за правда, колегата Тупанчевски, беше со каматна стапка од 6,5%, а оваа втората е со каматна стапка од 7,25%. Првата беше 600 милиони втората, за да манипулираат со бројките во каматата, ја намалија на 500 милиони, затоа што во меѓу време ги притиснаа домашните банки, па издадоа обврзници на домашен пазар. И наместо парите, банките парите да ги пласираат во стопанството, во фирмите за да може во овие тешки времиња фирмите некако да ја поминат годината, парите за до тие 600 милиони отидоа во државата, за да може дражавата преку тендери во четири очи, да краде. Тоа е суштината, истакна Мицкоски.

Додека пак штета, додаде Мицкоски е некаде од прилика 18 милиони ерва, а со тие пари можеа да се изградат најмалку 10 најсовремени училишта, градинки или спортски сали или пак тие пари можеше да им се дадат на производителите на леб за да не се зголемува цената за граѓаните.

Штетата е од прилика 18 милиони евра. Со 18 милиони евра вие можете да направите, еве да речеме, ако оваа делница овдека е 300 илјади евра, тогаш можете 60 вакви делници да направите. Значи, на 60 места, на илјадници земјоделци да им го олесните пристапот до нивните поседи за да можат полесно да пристапуваат.  Да направите, да речеме, десет современи училишта, да направите 10 градинки, да направите 10 спортски сали. Ете толку чинат тие 18 милиони. Или пак, на крајот од денот да им дадете на произведувачите на леб за да не се покачи лебот за граѓаните. Од прилика толку оваа, би рекол глупост, на владата ќе ги чини граѓаните, посочи Мицкоски.

Мицкоски укажа дека иако од власта сега мислат дека се многу јаки, по промената на власта ќе се констатира одговорноста и виновникот за оваа работа, при што ќе следи и одговорност согласно кривичниот законик.

Тие сега мислат дека се многу силни и дека нема да има одговорност, јас ви тврдам по промената на владата, јасно и недвосмислено ќе ја констатира одговорноста и кој е виновникот за целата оваа работа. Има кривчниот законик одредби кои што ги третира овие несовесни однесувања во службата, после тоа да нема плачење, лелекање. После тоа да нема плачење и лелекање, еве уште сега предупредувам, рече Мицкоски.

The post Мицкоски: Пропаднатата и новата еврообврзница чинат колку 10 современи училишта appeared first on Република.

The post Битиќи: Добро е што успеавме да издадеме еврообврзница од 500 милиони по пониска цена од другите appeared first on Република.

The post Непромисленоста на власта со издавањето еврообврзница, ќе ја чинат државава околу 18 милиони евра на име повисока камата appeared first on Република.

Владата ќе се обидува ситуацијата во државата да ја претставува во розово светло но инфалацијата во државата воопшто не е розова. Спроед нашите првични пресметки пропустот со еврообрзница не чинеше најмалку 18 милиони евра и е предизвикана дирекна штета на државата, изјави членот на ИК на ВМРО-ДПМНЕ Трајко Славески во вечерашното гостување во емисијата „24 Анализа“ на Телевизија 24.

Додаде дека платена е превисока цена поради некоординираноста на владините ресори за еврообрзницата. Реконструцијата на оваа Влада првично не чини 18 милони евра.

„Кога беше издадена еврообрзницата на само 175 милиони евра што го стабилизираше пазарот во услови на замрзнати финанисиски пазари по 2008-та година каматната стапка на НБРМ беше 9% а сега е 5,25% тоа е основен репер со што треба да се споредуваме. Понатаму цената на нашите претходни лимитирани еврообрзници на лимитираните пазари беше над 10%“, рече Славески.

Славески е дециден дека поради пропуст или несогласување на министерот за правда со неговото разрешување па не ја потпиша навреме дозволата за еврообрзница направена е голема штета.

„Во блиска иднина некој ќе понесе одговорноста за оваа штета од десетици милиони евра заради пропустот со еврообрзницата, бидејќи е направена штета на државата“, изјави Славески.

The post Славески: Реконструцијата на Владата ја чини државата 18 милиони евра appeared first on Република.

Денеска се одржува аукцијата за деветата еврообврзница. Агентите и потенцијалните инвеститори се известени, а според изразениот интерес кај инвеститорите се очекува успешна аукција.

Сумата на која ќе биде запишана еврообврзницата ќе зависи од постигнатата цена на пазарот, а во насока на нашите заложби за задржување на најоптимално должничко портфолио според трошоци и рочност.

-Во насока на транспаретност и отчетност Министерството за финансии ќе извести веднаш за условите по завршување на аукцијата, додека пред нејзино затворање укажуваме на ценовната чуствителност на информациите и објавите, велат од МФ.

The post МФ: Денеска се одржува аукција за деветата еврообврзница appeared first on Република.

Министерството за финансии е подготвено и може веднаш да излезе на меѓународниот пазар со издавање на еврообврзницата, штом во Собранието заврши процедурата за избор на министер за правда. Очекувам и следната аукција да биде успешна. Зад овој процес стои конзорциум на банки со кои 20 години земјата реализира успешно издавање на еврообврзници, а постои и интерес од инвеститорите што учествуваа на аукцијата на 9 март повторно да учествуваат, истакна министерот за финансии Фатмир Бесими.

Повторената аукција, како што рече Бесими во гостување во 24 Анализа, не повлекува финансиски трошок, бидејќи тоа е во рамки на договорот што го има земјата со конзорциумите банки, кои во овој процес не следат 20 години.

Штом се избере министер за правда, ние сме подготвени следниот ден да настапиме на пазарот, зависно од оценките на банките кои ќе посочат кои се добри позиции. И следната трансакција ќе биде успешна. Инвеститорите покажуваат интерес повторно да се јават. Ние издаваме познат производ за нив, не доцниме со исплати и тоа и е познато на нив. Нема нови трошоци за повторената постапка, додека каматата ја диктира пазарот - нагласи министерот Бесими.

Тој потенцира дека каматната стапка ќе го одреди и износот на кој ќе биде издадена Еврообврзницата.

Ние имавме плафон на 800 милиони евра и одлучивме да издадеме Еврообврзница од 600 милиони евра за да ги платиме обврските кон странство, односно еврообврзницата што доспева во јуни од 450 милиони и каматите околу 30 милиони за истата, како и други заеми што доспеваат кон странство. Идејата беше тоа што ќе го обезбедиме со Еврообврзница да платиме она што е обврска кон странство. Доколку каматата е над 7 проценти и повеќе, може да се разгледа опцијата да се издаде Еврообврзница само на 500 милиони евра, па во текот на годината да се видат повторно условите, односно доколку се олабават каматите, затоа што се очекува во втората половина од годината инфлацијата да се намали и растот да се зголеми, но имаме многу непознати и никој не знае што ќе се случи во Украина - истакна министерот Бесими.

Појаснувајќи ја постапката поради која ќе се повтори аукцијата за издавање на еврообврзница, рече дека тоа е поука и најави дека ќе се предложат законски измени со кои нема да се потпишува мислењето само од министер за правда, туку тоа да може да биде и друг член од Владата.

The post Бесими: Подготвени сме за издавање еврообврзница, инвеститорите имаат доверба appeared first on Република.

Колку Ковачевски ги задолжи граѓаните со пропаднатата еврообврзница, колку пари ќе се платат на консултантските куќи и тоа што истата била пласирана, прашуваат од ВМРО ДПМНЕ.

Цехот за неспособноста на владата ќе го платат граѓаните од Буџетот.

Ковачевски кој се фали дека доаѓа од приватниот сектор и водел големи компании, доколку ваква грешка направеше во истите тие компании, тој ќе беше избркан, и ќе бараше работа во АВРМ, а не да остане на истата позиција.

Еве пред да одговорат на ова соопштение луѓето кои пишуваат партиски реакции во СДС нека го побараат Ковачевски и нека го прашаат, дали тој уште би бил на раководна позиција, доколку ова го направеше како директор во меѓународна компанија.

Тоа што Ковачевски и Ахмети сега се однесуваат со Македонија како да е нивна семејна фирма, ДООЕЛ не значи дека утре нема да одговараат.

Ковачевски го урниса кредибилитетот на државата и институциите, секоја идна обврзница ќе биде поскапа. Потребна е одговорност, а не префрлање на топката и прикривање зад колективаната одговорност, велат од ВМРО ДПМНЕ.

The post Колку Ковачевски ги задолжи граѓаните со пропаднатата еврообврзница, колку пари ќе се платат на консултантските куќи и тоа што истата била пласирана? appeared first on Република.

Откажувањето на еврообврзницата од страна на владата на Ковачевски не само што го нарушува угледот на Македонија пред финансиските институции, туку ќе има и можни финансиски импликации, предупредуваат од ВМРО-ДПМНЕ, додавајќи дека зласта молчи за тоа и се обидува овој скандал да го заташка, затоа што ако почне да одговара ќе се отворат уште повеќе други работи поврзани со задолжувањето.

Власта, односно Министерството за финансии предводено од Бесими и владата предводена од Ковачевски знаела дека еврообвзницата ќе пропадне најмалку уште од 14 февруари. Впрочем тие на 14 февруари, ден пред јавноста да дознае за срамот со еврообврзницата, одржале аукција на државни обврзници со рок на достасување од само две години и со каматна стапка од високи 5,25% Токму поради оваа значајно висока каматна стапка понудата била 8 милијарди денари, а побарувачката била поголема од 12 милијарди денари.
Ова покажува дека Македонија ја задолжиле многу скапо, односно ако во минатото каматната стапка од 5% се даваа за рок на доспевање од 15 години, сега за 2 годишни државни обврзници плаќаат каматни стапки од 5,25%.
Сега поради неспособноста на владата на Ковачевски имаме позајмување на скапи пари, нарушен углед пред меѓународните институции и дополнително поголем долг.
Оваа неодговорна власт граѓаните сега, но и во иднина граѓаните скапо ќе ја плаќаат. Оваа влада на Ковачевски мора час поскоро да си замине, се вели во соопштението од ВМРО-ДПМНЕ.

The post Власта знаела дека еврообврзницата ќе пропадне, па за криење на срамот ја задолжија државата со значајно повисока каматна стапка appeared first on Република.

Владата да каже колку изнесуваат загубите од откажувањето од еврообврзницата, и кој ќе понесе одговорност, велат од ВМРО-ДПМНЕ.

Владата треба да плати провизии на 4 меѓународни финансиски институции кои го воделе процесот за издавање на обврзницата, тоа е обврска на власта, и тоа се пари кои сега се плаќаат без основ.

Ковачевски заради аматерскиот пристап кон процесот за издавање на еврообврзницата ја оштети државата за милиони кои треба да бидат платени на име провизии, а потоа го наруши и кредитната репутација на државата.

Која сериозна финансиска институција ќе сака да позајми пари на држава која откажува издавање на обврзница, заради политичка нестабилност во владата? И доколку позајми, каматите ќе бидат поголеми.

Лошата репутација која ја предизвика Ковачевски ќе ја следи Македонија подолг период, и потребно е време и сериозен пристап за да се исправи сликата за државата.

Нема поле на кое Ковачевски и СДС не ја посрамотија Македонија.

Потребни се промени на власта, за ваквите бламирања на државата да не продолжат да бидат пракса и во иднина, нагласуваат од ВМРО ДПМНЕ.

The post ВМРО-ДПМНЕ: Владата да каже колку изнесуваат загубите од откажувањето од еврообврзницата, и кој ќе понесе одговорност? appeared first on Република.

Агентите и инвеститорите се навремено известени за административната пречка во врска со издавањето на еврообврзницата. Инвеститорите ја немаат запишано еврообврзницата - следствено на тоа не можеле да тргуваат со неа на секундарниот пазар, појаснува министерот за финансии Фатмир Бесими за МИА.

- Како и државните обврзници на домашен пазар, еврообврзницата се продава на аукција, по што се врши запишување на истата од страна на инвеститорите, на нивно име. По ова инвеститорите на годишна основа добиваат отплата на купонската камата или пак ја тргуваат/препродаваат еврообврзницата на секундарниот пазар. Поради запазување на интерната постапка, процедурата за издавање на еврообврзница во земјава (обезбедување на мислење и од страна на министерот за правда, функција која во моментот нема врштител), инвеститорите ја немаат запишано еврообврзницата - следствено не можеле да тргуваат со неа на секундарниот пазар, како што се појавија одредени тврдења, вели Бесими.

Според него, неточни се и тврдењата што излегоа во јавноста за барање отштета и пенали и за намалување на кредитниот рејтинг на земјата поради неиздавањето на еврообврзницата.

- На пазарите на капитал тековно нема промени од аспект на каматите на пазарот, но не би шпекулирале со очекувања за каматната стапка бидејќи тоа се пазарно чуствителни информации. Ќе истакнеме само дека довербата на инвеститорите во економските политики на Владата е силна, што се огледа од нивната побарувачка за еврообврзницата која беше за 2,5 пати повисока од понудата на аукцијата која беше одржана. Имено, ние понудивме 600 милиони евра, тие сакаа да запишат милијарда и петстотини милиони евра, но останавме на понудената сума од 600 милиони евра, појаснува Бесими.

За кредитниот рејтинг вели дека е комплексна оценка на низа макроекономски и политички критериуми, a најдобар доказ за мислењето на инвеститорите, како што посочува, е побарувачката којашто била исклучително висока.

Бесими уверува дека издавањето на еврообврзницата ќе биде завршено веднаш штом биде назначен нов министер за правда од страна на Собранието за што верува дека политичките чинители нема да го одолжуваат процесот на именување.

Еврообврзницата од 600 милиони евра требаше да се искористи за покривање на стари долгови и на еврообврзницата од 2016 година кои доспеваат оваа година.

The post Бесими: Инвеститорите ја немаат запишано еврообврзницата и не можеле да тргуваат со неа appeared first on Република.

Во врска со непотпишувањето на правно мислење за еврообрзницата од страна на поранешниот министер за правда Никола Тупанчески, ресорното Министерството денеска појасни дека неговата оставка од страна на Собранието е констатирана на 13 февруари и согласно тоа тој нема право да стави потпис. Барањето за мислење од Министерството за финансии, како што информираа од Министерството за правда, е пристигнато на 15 февруари.

Министерот за правда Никола Тупанчески до Владата поднесе оставка од функцијата на 10.02.2023 година. Собранието ја констатираше оставката и престанокот на функцијата министер за правда на седница на 13.02.2023 година. Од 14.02.2023 година, Никола Тупанчески е во работен однос на Правниот факултет „Јустинијан Први”. Барањето од Министерството за финансии за потпишување на правно мислење за еврообврзницата е примено во Министерството за правда на 15.02.2023 година. Со оглед на тоа што Тупанчески не е министер за правда од 13 февруари, тој нема право да стави потпис како министер, се вели во соопштението од Министерството за правда.

Министерството за финансии вчера информираше дека постапката за издавањето на еврообврзницата ќе биде завршена по назначувањето на новиот министер за правда.

Целосната постапка за издавање на еврообврзницата ќе биде извршена по спроведување на административните процедури, кои подразбираат и мислење од новиот министер за правда. Веднаш по изборот на новиот министер за правда ќе се одржи нова аукција. За ова банките-агенти што посредуваа при издавањето на еврообврзницата ќе ги информираат инвеститорите, кои при минатата аукција имаа 2,5 пати поголем интерес во однос на понудената сума, како резултат на довербата во добрите економски политики, наведе Министерството за финансии во вчерашното соопштение.

The post Министерство за правда: Тупанчески не е министер од 13 февруари, барањето за еврообврзницата е стигнато на 15 февруари appeared first on Република.

Потпретседателката на ВМРО-ДПМНЕ, Гордана Димитриеска Кочоска, смета дека со откажувањето на еврообврзницата со урива угледот на земјата и се испраќа сигнал дека државата е нестабилна.

„Откажана е еврообврзницата на износ од 600 милиони евра со причина која е неразбирлива за финансискиот свет. Во исто време Владата на СДСМ и ДУИ им покажува на инвеститорите колку се несериозни и на тој начин Македонија го зголемува својот репутациски ризик за сега и за во иднина“, истакна Димитриеска Кочоска на прес конференција.

Според неа целата ситуација може да се гледа од две страни. Првата, зошто министерот за правда не ги потпишал документите поради кои се откажа еврообврзницата и дали тој има некакви информации дека парите ќе бидат злоупотребени или пак причината е лична одмазда заради неговата промена? Од друга страна зошто владата дозволи да се издаде еврообврзница во период кога се спремале промени на министри.

Димитриеска Кочоска смета дека следното издавање на еврообврзница е многу ризично како од аспект на тоа дали ќе има интерес после ваквото промашување и доколку го има која ќе биде цената која ќе ја платиме, а секако ќе биде повисока отколку денес.

The post Димитриеска Кочоска: Откажувањето на еврообврзницата праќа сигнал дека државата е нестабилна appeared first on Република.

Премиерот Димитар Ковачевски денеска демантираше дека министерот за правда Никола Тупанчевски се налутил и затоа ја потпишал еврообрзницата од 600 милиони евра.

Претходно министерството за финансии соопшти дека привремено се откажува еврообврзницата затоа што недостигал потребниот потпис од министерот Тупанчевски, кој веќе е извесно дека ќе биде заменет со кадар од новиот влчадин колаиционен партнер Алијанса за Албанците.

- Тоа е процедурално прашање, тој е во оставка и не е до тоа дали некој сакал или не сакал да потпише. На тој ден не ја потпишал, затоа што бил во оставка, рече Ковачевски на настан во Волково на отворање на нова детска градинка.

Тој уверува дека откажувањето на еврообврзницата нема да го намали кредитниот рејтинг на Македонија.

- Неиздадената еврообврзница нема да влијае негативно на рејтингот. Не сакавме да правиме прекршувања, било какви, во постапката до изборот на нов министер за правда. Вчера инвеститорите беа информирани, беше информирана и инвеститорската јавност преку Блумберг. Таа ќе биде повторена и ќе биде успешна штом ќе биде извршена реконструкцијата на владата, дополни Ковачевски.

The post Ковачевски: Тупанчевски не е лут, туку процедурално не ја потпиша еврообврзницата appeared first on Република.

Откажана е еврообврзницата од 600 милиони евра, а причина за ова е смената на министерот за правда Никола Тупанчески, кој што не сакал да потпише и без негов потпис понатаму не може да се движи постапката, открива Гордана Димитриеска-Кочоска.

Ова е најголем доказ дека и во владата има голем раскол и дека нема капетан на бродот.
Како можевте да дозволите ваков срам на државата и да ја оставите без пари?
Кој ќе сноси одговорност за ваков непромислен потег?
Дали намерно ја втурнувате државата во банкрот?
Докторите немаат земено плата а изговор ви е дека ги чекате парите од еврообврзницата. Повеќе од јасно е дека тие пари нема да ги добиеме.
Оставка на цела влада веднаш!, бара Димитриеска-Кочоска.

The post Еврообврзницата е откажана, оти Тупанчески пред бегање одбил да ја потпише appeared first on Република.

Стратегијата што ја применивме при издавањето на деветатта Еврообврзница беше да обезбедиме средства само за покривање на Eврообврзницата издадена во 2016 година и обврските што доспеваат за отплата на долгови во 2023 година и тоа да биде со понизок трошок за Буџетот и за граѓаните со фактот што се издаде Еврообврзница со рок на доспевање од четири наместо седум години, како таа што доспева. Тоа беше нашата определба за прудентно и одговорно водење на финансиите, вели министерот за финансии Фатмир Бесими.

Одлуката да обезбедиме 600 милиони евра со издавање Еврообврзница, наместо максималниот износ што беше утврден со одлуката на Владата, е поради нашата определба прудентно и одговорно да ги водиме финансиите и трошокот за граѓаните да биде помал. Направивме успешна трансакција.  Успеавме да обезбедиме купон од 6,25%, рече министерот Бесими во интервју за Тема на денот на ТВ Сител.

Средствата, како што рече министерот, обезбедени од Еврообврзницата се за отплата на долгови и еврообврзница што доспеваат во текот на 2023 година. За покривање на дефицитот, додаде, средства ќе се обезбедат преку програмата со ММФ околу 157 милиони евра, 72 милиони евра грант од Европската комисија, 100 милиони евра макрофинансиска поддршка од ЕУ и дополнително средства од други поволни кредитни линии како ЕБОР, ЕИБ, Светска банка, за реализација на проекти. Придонес кон тоа ќе дадат и даночните реформи, како и новиот Данок за солидарност, кој не е предвиден во Буџетот, но ќе придонесе да се намали дефицитот и потребата за задолжување.

За платите на вработените во целата администрацијата, посочи дека, ќе се бара системско решение по примерот на минималната плата и пензиите и дека на такво решение се работи.

Целта е да има решение кое ќе биде системско и одржливо, кое ќе го штити интегритетот и стандрадот на вработените и ќе биде основа за професионалност на администрацијата, рече министерот Бесими.

The post Бесими: Издавањето на еврообврзницата успешен процес, обезбедени средства со најмал трошок за буџетот за отплата на стари обврски appeared first on Република.

СДС ја задолжува државата 600 милиони евра, затоа што краделе, а во исто време кочи општински обврзници за проекти и развој.

СДС се задолжува да покрива дупки кои немало да ги има доколку власта 6 години работеше домаќински. Иако земаат стотици милиони евра кредити, и трошат народни пари од буџети, 6 години немаат направено ниту еден поголем проект, напротив сите проекти се застанати.Откако се дојдени на власт СДС го зголемија јавниот долг за 65%, т.е. за 3 милијарди евра, тоа се пари кои се потрошени, а ништо не е направено, обвинува ВМРО-ДПМНЕ.

Од друга страна, СДС како влада, кочи општински обврзници за општините водени од градоначалници на ВМРО-ДПМНЕ, кои се наменети за капитални инвестиции, со кои им се дава можност на граѓаните преку своја инвестиција да учествуваат во изградба на проект од нивно значење, а потоа да добијат камата за истото во период додека трае обврзницата.

Општинските обврзници се за финансирање на проекти, кои власта ги кочи, или за кои нема пари зошто СДС со години ја краде државата, а владата се задолжува за и понатаму да ја краде државата. Разликата е очевидна. Потребни се промени и на централно ниво, за Македонија да тргне кон подобро.

The post СДСM ја задолжува државата 600 милиони евра, затоа што краделе, а во исто време кочи општински обврзници за проекти и развој appeared first on Република.

Од потребните 900 милиони евра за покривање на буџетската дупка годинава, Владата успеа да обезбеди само 50 милиони евра и тоа од домашна банка.

Министерот за финансии Фатмир Бесими на брифинг со новинарите потврди дека е земен кредит во вредност од 50 милиони евра од Шпаркасе банка, со камата од 2,5%. Според него условите за издавање еврообврзница сега не се поволни поради високите камати. Состојбата ќе се следи до крајот на годината, а дотогаш ќе се бараат други начини за да се обезбедат потребните пари.

„Кредитот е земен за премостување на периодот до издавање на еврообврзница, бидејќи каматите во моментов се многу високи, 7,5% беа во мај и јуни. Сега е 6% каматата, но чекаме поволен период за да ја издадеме, кажа Фатмир Бесими, министер за финансии

The post Бесими: Владата се задолжи кај Шпаркасе со 50 милиони евра appeared first on Република.