Голем пожар избувна во близина на градот Каристос во јужниот дел на грчкиот остров Евија, превентивно беа евакуирани жителите на две села, а силниот ветер го отежнува гаснењето.

Според локалните медиуми од островот, огнената стихија е вон контрола, а ветерот со јачина од над осум Бофори (над 62 километри на час) постојано ја менува насоката на пожарот, но и не дозволува да интервенираат воздушните средства.

The post Голем пожар во јужниот дел на грчкиот остров Евија, силниот ветер го отежнува гаснењето appeared first on Република.

Земјотрес со јачина од 5,2 степени според Рихтер бил регистриран на грчкиот остров Евија кусо пред 8.30 часот утрово по локално време, согласно податоците од Геодинамичкиот центар на Националната опсерваторија, јави дописничката на МИА од Атина.

Епицентарот на земјотресот бил во централниот дел на Евија, а беше почувствуван и во Атина.

Засега нема информации за повредени или материјална штета.

The post Силен земјотрес од 5,2 степени го стресе грчкиот остров Евија appeared first on Република.

Безживотното тело на пилотот од приватниот хеликоптер, што вчера се урна во морето во северниот дел на грчкиот остров Евија, претпладнево беше извлечено од нуркачи на Крајбрежната служба на Грција, јави дописничката на МИА од Атина.

Според грчката новинска агенција АНА-МПА, нуркачките тимови, на длабочина од 52 метри, ги пронашле остатоците од кабината на хеликоптерот, од каде што го извлекле и телото.

Хеликоптерот, вчера околу 10 часот наутро, полетал од местото Мантуди на Евија полетал кон индустриската област во Волос, меѓутоа кусо по полетувањето се загубила комуникацијата и започна спасувачката акција, по што подоцна беше потврдено дека паднал во морскиот дел на северот на Евија.

Хеликоптерот се урна во период кога островот беше зафатен од невремето „Илиас“.

The post Пронајдено телото на пилотот од хеликоптерот што се урна во северниот дел на грчкиот остров Евија appeared first on Република.

Приватен хеликоптер, според првичните неофицијални информации, претпладнево се урна во морето во северниот дел на грчкиот остров Евија, подрачјето што од вчера е зафатено од невремето „Илиас“, јави дописничката на МИА од Атина.

Хеликоптерот од местото Мантуди на Евија полетал кон Волос, меѓутоа кусо по полетувањето се загубила комуникацијата, се изгубил од радар и започнала спасувачката акција од воздух, копно и море.

Падот на хеликоптерот го потврди градоначалникот на Мантуди, Георгиос Цапурниотис, говорејќи за државната телевизија ЕРТ, додека пак, според видеата објавени на социјалните мрежи, хеликоптерот паднал во море.

Засега не постојат информации за бројот на патници, а спасувачката акција е во тек.

The post Се урна хеликоптер во северниот дел на грчкиот остров Евија appeared first on Република.

Двајцата пилоти, на возраст од 27 и 34 години загинале откако кусо пред 15 часот по локално време се урна Канадерот со кој го гаснеа пожарот во близина на Каристос на грчкиот остров Евија, јави дописничката на МИА од Атина.

Од Генералштабот на грчкото воздухопловство соопштијадека за време на воздушно гаснење на пожарот на Евија, во 14:52 часот, се урнал авионот CL-215 и загинаа пилотот и копилотот.

https://republika.mk/vesti/balkan/objaven-momentot-od-urivaneto-na-kanader-dodeka-go-gasneshe-pozharot-na-grchkiot-ostrov-evija/

The post Загинале двајцата пилоти од Канадерот што се урна на грчкиот остров Евија appeared first on Република.

Со два хеликоптери на грчкото воено воздухопловство во тек е акција за пребарување и спасување на двајцата пилоти, кои биле во Канадерот што кусо пред 15 часот по локално време се урна на грчкиот остров Евија додека учествуваше во гаснењето на пожарот во близина на Каристос, јави дописничката на МИА од Атина.

Станува збор за авион што припаѓа на военото воздухопловство.

https://republika.mk/vesti/balkan/objaven-momentot-od-urivaneto-na-kanader-dodeka-go-gasneshe-pozharot-na-grchkiot-ostrov-evija/

Од Генералштабот на грчкото воздухопловство соопштија дека „за време на воздушно гаснење на пожар на Евија, во 14:52 часот, авион CL-215, со екипаж од двајца пилоти од 355-та тактичка транспортна ескадрила на 112-то борбено крило“.

Грчката државна телевизија ЕРТ објави видео на кое е снимен моментот на падот на авионот.

The post Се трага по двајца пилоти од урнатиот Канадер на грчкиот остров Евија appeared first on Република.

Авион од типот Канадер се урна на грчкиот остров Евија додека учествуваше во гаснењето на пожарот во близина на Каристос, јави дописничката на МИА од Атина.

Неофицијално станува збор за грчки авион, со оглед на тоа дека во Грција пристигнаа и странски авиони за да помогнат во гаснењето на пожарот.

Во канадерите најчесто има две лица, пилот и копилот, а засега не познато дали преживеале.

The post Се урна Канадер на грчкиот остров Евија appeared first on Република.

Над 17 села во североисточниот дел на Крф, седум во јужниот дел на грчкиот остров Евија и две во северниот дел на Пелопонез, превентивно беа евакуирани во текот на ноќта поради големите пожари активни од вчера, јави дописничката на МИА од Атина.

Паралелно, веќе седми ден, сѐ уште активен е и пожарот на островот Родос, меѓутоа засега, не се во опасност населени места.

Во текот на ноќта четирите големи пожари во Грција, на четири различни локации, се гаснеа од копно, а со првите зраци на сонцето, започна и гаснењето со воздушните средства.

На Крф, ситуацијата со пожарот во североисточниот дел на островот, утрово е значително подобрена, а во евакуацијата во текот на ноќта помагаше и Крајбрежната служба на Грција за локалното население и туристите по морски пат да бидат пренесени на безбедна локација.

Во јужниот дел на островот Евија, пораки за превентивна евакуација беа испратени и рано утрово, а во северниот дел на Пелопонез, иако во текот на ноќта превентивно беше евакуирано локалното население од две села, сепак утрово се чини дека огнените јазици се далеку од населените места.

The post Во текот на ноќта евакуирани туристи на Крф, Евија и Пелопонез поради пожари appeared first on Република.

Преку три различни пораки од бројот 112 за итни случаи во периодот од18 до 20.30 беа испратени пораки: до жителите на четири населени места во јужниот дел на грчкиот остров Евија; до сите оние кои се наоѓаат во пет населени места во североисточниот дел на Крф ,како и во едно село во северниот дел на Пелопонез, превентивно, да се евакуираат поради активни пожари во конкретните региони, јави дописничката на МИА од Атина.

Портпаролот на Противпожарната служба на Грција Василис Ватракојанис, информираше во Грција денеска избувнале 64 нови шумски пожари, а пожарникарите ширум земјата се справуваат со вкупно 82.

Освен оној на Родос, активни се уште три големи пожари, во близина на Каристос на Евија, каде што од три жаришта едно е ставено под контрола, на Крф и во близина на Егио на Пелопонез, а сите пожари се гаснат од копно и воздух.

За големиот пожар на Родос активен веќе шести ден, Ватракојанис објасни дека го гаснат 266 пожарникари со 16 пешадиски тима и 55 возила, десет авиони и пет хеликоптери, а помагаат и пожарникарите од европскиот механизам за цивилна заштита, како и силите испратени на билатерално ниво.

Тешкотиите се пред нас. Условите и понатаму се екстремни. Апелираме до граѓаните кои се евакуираат, за ваша сопствена безбедност, доколку сакате да се вратите во вашето место на живеење или сместување, ќе мора задолжително да се информирате од надлежните органи. Сите сили на Цивилната заштита остануваат во состојба на готовност, порача Ватракојанис

The post Превентивни евакуации поради пожари и на Евија, Крф и Пелопонез appeared first on Република.

Земјотрес со јачина од 4,5 степени беше регистриран претпладнево на грчкиот остров Евија според официјалните податоци од Геодинамичкиот институт на Националната опсерваторија, јави дописничката на МИА од Атина.

Засега нема информации за повредени или материјална штета, а земјотресот во југоисточниот дел на Евија беше почувствуван и во Атина.

The post Земјотрес од 4,5 степени утрово на грчкиот остров Евија appeared first on Република.

Земјотрес со јачина од 4,9 степени, според првичните процени на Геодинамичкиот институт на Националната опсерваторија во Атина, беше регистриран во 14.30 по локално време во централниот дел на грчкиот остров Евија, јави дописничката на МИА од Атина.

Земјотресот со долго траење и силен интензитет освен на Евија, беше почувствуван и во областа Атика, поширокиот регион на Атина.

Засега нема информации за повредени или за материјална штета.

The post Силен земјотрес на грчкиот остров Евија appeared first on Република.

Земјотрес со јачина од 4,3 степени според Рихтер, беше регистриран попладнево во морскиот дел источно од островот Евија онаму каде што пред 15 дена беше регистриран силниот земјотрес од 5 степени, јави дописничката на МИА од Атина.

Според грчките сеизмолози, станува збор за последователни земјотреси по оној од 29 ноември и е нешто што е очекувано.

Земјотресот, освен на Евија, беше почувствувани и во областа Атика, поширокиот регион на Атина, а засега нема информации за повредени или причинета материјална штета.

The post Земјотрес од 4,3 степени во близна на грчкиот остров Евија appeared first on Република.

Подобрена е ситуацијата со шумскиот пожар што вчера изби во централниот дел на грчкиот остров Евија и веќе не претставува опасност за населените места, а од утрово повторно интервенираат и воздушните противпожарни средства за ставање под контрола на огнената стихија, јави дописничката на МИА од Атина.

Вчера, преку порака од бројот за итни случаи 112, превентивно беа евакуирани жителите на едно село, со оглед на тоа дека огнените јазици се приближија до првите куќи.

Од синоќа интервенираат 149 пожарникари со пет пешадиски тима и 32 возила, додека пак утрово започна повторно гаснењето и од воздух со два авиони и три хеликоптери.

The post Воздушни противпожарни сретства од утрово интервенираат во Евија appeared first on Република.