Бугарскиот професор Евгени Даинов во дебатниот магазин „Click Plus“ на ТВ21 рече дека бугарскиот премиер и влада прават сè што можно да ги покренат работите околу Македонија, но ги стопираат две партии од коалицијата – Има таков народ и БСП – поранешната комунистичка партија. Истакна дека во Бугарија 80% од Бугарите сакале Македонија да биде членка на ЕУ, додека пак сега после три години 60% не сакаат.

Човек кој мисли дека друга држава може да му ја украде неговата историја и неговиот идентитет. Овој човек е дупка, празен простор. Тој е вакум. Кога имаш самодоверба знаеш кој си, никој не може да ти украде ниту историја, ниту идентитет, но бидејќи Бугарите се втерани во оваа хистерија и се чувствуваат слаби, без идентитет и си замислуваат дека некој може да им ја украде историјата. Тоа не може да се случи. Сите историски спорови се за минатото, не се за мене овде и сега и не се за мене во иднината. Тоа треба да се каже и од двете земји, бидејќи Европа не разбира, ЕУ не сака да го разбере точно тоа, како разговор за минатото, за историјата се наоѓа во основа за разговор за политиката, што е разговор за иднината. Оваа врска треба да биде прекината од Бугарија. Бугарија ја направи оваа врска и Бугарија треба да ја прекине, рече Даинов.

Нема лесно и брзо решение бидејќи средината е отруена и јас навистина стравувам дека ако утре се подигне ветото овде ќе има проруски бунт. Подготвени се, има списоци на луѓе за затворање, објаснува професорот.

The post Даинов: Бугарите се во хистерија, си замислуваат дека некој може да им ја украде историјата appeared first on Република.

Бугарскиот професор Евгени Даинов во дебатниот магазин „Click Plus“ на ТВ21 истакна дека во Бугарија 80% од Бугарите сакале Македонија да биде членка на ЕУ, додека пак сега после три години 60% не сакаат.

Мојот фокус не е врз Македонија, мојот фокус не е врз примањето на Македонија во Европската унија, мојот фокус е насочен врз мојата земја, мојата татковина Бугарија и ова вето и рамковната позиција на владата пред три години и Декларацијата на парламентот создадоа исклучиво отровна атмосфера во самата Бугарија. Така бугарските политичари ја посочија Македонија и Македонците како непријатели. Се спроведе националистичка мобилизација а секогаш и насекаде националистичка мобилизација го труе целото општество. И ги гледаме резултатите три години подоцна од ова отровно вето и овие отровни позиции. Гледаме шро се случува. Во Бугарија 80% од Бугарите сакаа Македонија да биде членка на Европската унија. Сега 60% не сакаат, а исто така израснаа од овој отров про Путински, проруски расположенија во Бугарија кои во моментот го трујат и општеството и политиката, вели Даинов.

Тој додава дека има партија во парламентот која тврди дека Русија е во право, дека Украинците треба да бидат уништени и треба да бидат уништени оние Бугари во Бугарија кои ги подржуваат Украинците, како што сум јас на пример.

Така да за Бугарија ова вето и оваа позиција е отров и тој се распространува, не стои на едно место, се распространува низ целиот општествен организам и мојата теза е дека во наш интерес, на Бугарите веднаш да се најде начин тоа да се сопре. Прашањето е, ако Владата утре каже „го отстрануваме ветото“, тоа ќе биде веднаш симнато и во Парламентот и во општеството ќе се добие проруски, про-Путински пуч. Може да има и државен удар. Сето тоа дојде од ова вето. И ситуацијата е исклучиво сложена за Бугарија, за Македонија исто, но за Бугарија веќе е прашање на безбедност на национална безбедност, посочи Даинов.

The post Даинов: Пред три години 80% од Бугарите сакаа Македонија да биде членка на ЕУ, сега 60% не сакаат appeared first on Република.