Новинарот на „Волстрит журнал“, Еван Гершкович, поднел жалба против одлуката за продолжување на неговиот притвор во Русија до крајот на ноември, се наведува во судските документи.

Гершкович во март беше уапсен под обвинение за шпионажа, додека, во рамки на службено патување, бил во посета на градот Екатеринбург.

Московскиот градски суд му го продолжи притворот на 24 август, што предизвика остри реакции од претставници на американската Влада и весникот за кој работи Гершкович.

На веб-страницата на судот е објавено дека одбраната на Гершкович поднела жалба. Во јуни, судот ја отфрли неговата жалба на претходната пресуда да го задржи зад решетки до крајот на август.

The post Американскиот новинар Еван Гершкович се жали на продолжениот притвор во руски затвор appeared first on Република.

Американскиот новинар Еван Гершкович, кој беше уапсен во Русија минатата недела, денеска и официјално обвинет за „шпионажа“, обвинение што тој го негира, пренесоа руските новински агенции.

Како што пренесе Бета, Гершкович, дописник на „Волстрит џурнал“, кој претходно работел за АФП, е кривично гонет според член 276 од рускиот кривичен законик.

На Гершкович му се заканува казна затвор од 20 години.

Агенцијата Тасс објави дека новинарот „категорично“ ги отфрлил обвинувањата.

На американскиот новинар му е одреден притвор до 29 мај. Тој притвор може да биде продолжен до евентуално судење.

The post Американскиот новинар Гершкович обвинет за шпионажа во Русија, му се закануваат 20 години затвор appeared first on Република.