Демократската унија за интеграција денеска во партиското седиште во Мала Речица ќе го одржи продолжението на конститутивната седница на новиот состав на партиското Централно претседателство.

ДУИ на конституивната седница почната на 30 октомври, која траеше речиси 12 часа, беше посветена на оценување на работата на партиски членови кои се функционери во извршната власт.

– Конструктивна дебата, прва конститутивна седница, се исцрпија точките во кои се именуваа структурите на ЦП и се даде отчетот на Извршната власт после тоа следеше разгледување на извештајот посветувајќи се на потребите на луѓето на секој проект поединечно и како да се подобри ефикасноста во имплементација на тие проекти во функција на граѓаните, така што дебатата продолжува на 19 ноември со цел да се исцрпи целата расправа и понатаму продолжуваме, изјави по средбата партискиот портпарол Бујар Османи.

На состанокот на Централниот совет на ДУИ одржана во Тетово на 15 октомври, за потпретседатели на партијата беа избрани Изет Меџити, Арбер Адеми, Бајрам Реџепи и Арбана Пашоли. Блерим Беџети е избран за организативен секретар, а Фатон Ахмети за генерален секретар и Саранда Имери, секретар за еднакви можности.

Додека, пак, за во Централниот совет беа избрани Али Ахмети, Рамиз Мерко, Јетон Шаќири, Фатмир Дехари, Крешник Бектеши, Талат Џафери, Невзат Бејта, Валдет Џафери, Теута Арифи, Џеват Адеми, Артан Груби, Бујар Османи, Висар Ганиу, Назим Буши, Ејуп Халими, Ариан Даци, Бесник Емшиу, Мирсад Ибраими, Ардита Дани, Билент Сали, Реси Абдурахмани, Шергил Беќири, Шабан Мемети, Артин Спахиу и Емир Сулејмани.

The post ДУИ ќе ја евалуира работата на нивните функционери во извршната власт appeared first on Република.

Министерството за образование и наука соопшти дека е отворен повик за избор на странски експерти за спроведување на надворешна евалуација на високообразовните институции и студиски програми во земјава.

Експертите треба да се странски државјани, да се избрани за редовни или вонредни професори на акредитиран универзитет во земја-членка на Европската асоцијација за обезбедување квалитет во високото образование, да имаат претходно искуство во евалуација на високообразовни институции во најмалку две земјите членки на Европската Унија и да имаат познавање на англиски јазик.

Отворениот повик се објавува за следните научни области: природни науки, медицински и здравствени науки, oпштествени науки и хуманитарни науки и уметности.

Краен рок за аплицирање е 18 септември, посочуваат од МОН и додаваат дека за правата и обврските, како и начинот на аплицирање, апликантите може да се информираат на сајтот на Агенцијата за квалитет во високото образование.

The post МОН со Отворен повик до странски експерти – се бара нивна евалуација на образновните институции и програми во Македонија appeared first on Република.