Откако последниве денови во јавноста и медиумите се појави интерес за текот на постапката за продажба на имотот и опремата на „Еуроникел“, од „Комерцијална банка“ ја информираат пошироката јавност дека во тек се преговори со повеќе заинтересирани инвеститори за купување на имотот и опремата на комбинатот „Еуроникел“, кои сега се во сопственост на Банката.

Сепак, заради доверливоста на преговарачкиот процес со потенцијалните инвеститори, Банката не е во можност во моментот да споделува повеќе информации во врска со оваа постапка.

 

Притоа, секако дека на секој потенцијален купувач на имотот и опремата на Еуроникел ќе му требаат и работници за извршување на производниот процес, велат од „Комерцијална банка“.

Оттаму истакнуваат дека евентуалното отворање стечајна постапка врз „Еуроникел“ нема никаква врска и допирни точки со сопственоста на Банката врз преземениот имот и опрема. Овој имот и опремата во никој случај нема да бидат дел од стечајната постапка и „Комерцијална банка“ е слободна да ги продава без никакви ограничувања.

The post „Комерцијална банка“ е во преговори со повеќе инвеститори за продажба на имотот и опремата на „Еуроникел“ appeared first on Република.

Ќе чекаме по три плати до понеделник, ако не добиеме ќе бараме стечај бидејќи само на тој начин ќе можеме да ги добиеме платите за октомври, ноември и декември. Вака изјави денеска за МИА, Миле Ѓорѓиев, претседател на синдикалната организација во „Еуроникел индустри”, поранешно ,,Фени”.

Нашата агонија трае веќе подолго време. Ги нема веќе странските газди на фабриката. Банка доверител стана сопственик на имотот на компанијата. Печката на комбинатот не е исклучена, таа е се уште во топла состојба, се надеваме дека ќе се најде инвеститор што ќе ни ги скрати маките, рече Ѓорѓиев.

Тој нагласи дека станува збор на некогашен гигант на кавадаречката и македонската економија, од чија судбина зависат семејствата на околу 800 вработени и многу други соработници.

The post Синдикатот на „Еуроникел“: Ќе чекаме по три плати до понеделник, ако не добиеме ќе бараме стечај appeared first on Република.