Ракометарите на Еурофарм Пелистер вечерва го победија Вардар на гостински терен со 24:23 во големото дерби на македонскиот шампионат. Битолчани во најголемиот дел од натпреварот од 2. коло во Суперлигата имаа контрола врз резултатот и на крајот заслужено ги освоија бодовите.

Натпреварот во СЦ „Јане Сандански“ се одигра пред полни трибини со присуство на двете навивачките групи на двете екипи кои со исклучок на одредени инциденти создадоа вистинска дерби атмосфера.

По овој натпревар дојде до смена на лидерската позиција на табелата. Сега Пелистер води со 10 бодови пред Вардар која падна на второто место со 8.

До крајот на Суперлигата двете екипи ќе одиграат уште по осум натпревари. Голема е веројатноста дуелот во Битола на 30 април да биде одлучувачки дали „црвено-црните“ ќе ја задржат титулата или битолчани по долги години ќе се вратат на тронот.

The post Еурофарм Пелистер го победи Вардар во големото дерби на македонскиот ракомет appeared first on Република.

Македонскиот вицешампион Еурофарм Пелистер загуби вечерва на гостувањето кај унгарска Татабања со 25-21 во рамки на претпоследното коло во групата Д во ракометната Лига на Европа.

По резултатски израмнето прво полувреме (11-11), битолскиот состав добро го отвори продолжението и поведе со два гола разлика, но уследи пад во играта и Татабања со серија од 3-0 го врати водството.

Иако, ослабен без неколкумина повредени ракометари, Еурофарм Пелистер беше рамноправен противник на паркетот до завршните десет минути (21-21), кога домаќините направија недостижна предност и на македонскиот вицешампион му го нанесоа третиот пораз во деветтиот натпревар во групната фаза.

Еурофарм Пелистер во последното коло, идниот вторник, во Битола е домаќин на атински АЕК.

The post Пораз на Eурофарм Пелистер во Унгарија appeared first on Република.