Пет лица се повредени во тепачка меѓу навивачи на англиската и холандската фудбалска репрезентација во Дортмунд пред полуфиналето на Европското првенство во Германија.

Повеќе од 100.000 навивачи, претежно Холанѓани, се очекуваше да пристигнат во Дортмунд без билети во пресрет на натпреварот.

Свесни сме за некои извештаи и видеа од немирите во Дортмунд. Се чини дека имало неколку случаи на холандски навивачи кои ги напаѓале англиските навивачи во баровите и се обидувале да ги грабнат нивните знамиња. Дознавме дека како резултат на тоа биле полесно повредени пет лица“, се вели во соопштението на британската полициска единица која се занимава со фудбалските навивачи и има свои претставници во Германија.

Во соопштението се додава дека на десетици илјади холандски навивачи им се придружила група „ризични навивачи“ кои од Холандија допатувале во Дортмунд и дека британските полицајци им помагаат на германските колеги.

Германската полиција соопшти дека дошло до конфликт меѓу две групи луѓе во ресторан и дека се повредени одреден број навивачи, пренесува германската агенција ДПА.

The post Се степаа холандски и англиски навивачи, петмина повредени appeared first on Република.

Дојче Веле (ДВ)

Фудбалот е огромна машина за правење пари. И тој бизнис почнува уште со дресовите. Некои компании вложуваат многу пари за да се рекламираат преку фудбалот. Нивната цел е да го направат својот бренд попознат, да го подобрат имиџот и да привлечат нови клиенти.

Големите производители на спортска опрема како Адидас или Најк плаќаат стотици милиони евра за правото да ги опремат играчите со дресови. За возврат, нивното лого може да се види на дресовите, а се надеваат дека со помош на фудбалот ќе можат да продаваат и други спортски артикли од нивната палета.

Адидас и Најк

Рекламите на дресовите се исплатлив извор на приход за самите клубови.

Дресовите се познат како главен, најважен артикл што го купуваат навивачите, и затоа играат толку важна улога во трговијата со производи што ги носат грбовите на клубовите и националните тимови“, вели Питер Ролман, консултант за спортски маркетинг.

Тој за ДВ додава дека ниту една друга репрезентација во светот нема толку добри (високо субвенционирани) спонзорски договори за дресови како германската репрезентација.

Адидас го снабдува Германскиот фудбалски сојуз (ДФБ) повеќе од 70 години, но со оглед на тоа дека Најк е подготвен уште подлабоко да ја стави раката во својот џеб, американската компанија ќе ја преземе улогата на Адидас во опремувањето на германската репрезентација од 2027 година. Не е јасно колку Најк ќе плати за тоа. Сите страни вклучени во договорот ветија дека ќе молчат - барем така пишува на веб-страницата на ДФБ. Директорот на Германскиот фудбалски сојуз Андраш Ретиг вели само дека понудата не можела да се одбие.

Медиумските извештаи, на пример, написите во деловниот дневен весник „Ханделсблат“, наведуваат дека Адидас во последно време и плаќа на ДФБ околу 50 милиони евра годишно. Најк, како што се тврди, е подготвен да плати двојно повеќе во иднина.

Колку заработуваат клубовите?

А, уште повеќе пари им се исплаќаат на клубовите, вели Ролман. Адидас наводно го продолжил договорот со Манчестер јунајтед на уште десет години и на Англичаните им плаќа околу 120 милиони евра по сезона. Адидас наводно му плаќа на Реал Мадрид по 150 милиони евра годишно. Причина за повисоките суми во однос на репрезентацијата е фактот што клубовите играат најмалку четири пати повеќе натпревари од репрезентациите. Едноставно: нивните дресови може почесто да се видат на теренот.

Ниту еден производител на спортска опрема не прави толкава сума во продажбата, во голема мера се работи за „полирање на имиџот“, вели Ролман.

Тој воедно потсетува дека особено со репрезентациите секогаш постои опасност тимот да испадне од турнирот во рана фаза.

Повеќе од кога било, прашање е дали спонзорството воопшто им се исплати на компаниите. Клиентите речиси никогаш не донесуваат одлука за купување врз основа на ова“. Само околу 12 отсто од анкетираните, кога одлучуваат да купат производ или услуга, се обраќаат кон оние брендови кои го спонзорираат Европското првенство“, посочува професорот Маркус Фет од Универзитетот во Хоенхајм.

Партнерствата со големите фудбалски асоцијации не ги исполнија очекувањата на производителите пред 15 години, вели шефот на Адидас за изданието на Франкфуртер Алгемајне Цајтунг од 9 јуни 2024 година.

Производителите на сите одреди со тие договори трупаат загуби и тоа е така, ако сето тоа го гледаме од комерцијален аспект. Во тоа време се мислеше дека бројот на продадени дресови ќе експлодира. Но, тоа не се случи. И тоа е и логично. Земете ја на пример Германија. Да замислиме Германците да ја освојат титулата на ЕП. Ќе купува ли цел свет дресови на Германија? Нема. Тоа првенствено го прават Германците“, заклучува Гулден.

Успехот на порталот „Check24“

Порталот за споредба на цените на производите и услугите „Check“ не е меѓу главните спонзори на Европското фудбалско првенство. Но, „Check“ успеа да „освои“ парче од фудбалскиот колач – без да му плати ни цент на Германскиот фудбалски сојуз. Идејата беше едноставна:

Check24“ почна да им подарува дресови на луѓето бесплатно. Немаше официјален грб на ДФБ на тие дресови, но на луѓето не им беше грижа. На дресот е германскиот орел, логото на производителот (Пума) и - со големи букви на предниот дел од дресот, во висина на градите, логото „Check24“.

Дресот заинтересираните го „платиле“ со доброволна согласност да ги дадат своите податоци: адреса, телефонски број и е-пошта. Откако ги внеле своите податоци, тие добиле бесплатен дрес во посакуваната големина. И откако на овој начин беа „нарачани“ пет милиони дресови, „Check24“ ја прекина акцијата.

Основачот на платформата, Хенрих Блазе, за магазинот „Finance Forward“ изјави дека ова е најголемата маркетинг кампања во историјата на компанијата.

И колку чинеше таа акција? Професорот Саша Рајтел од Слободниот универзитет во Берлин вели дека тоа може да се процени. Тој тргнува од тоа дека производството и испораката по парче чинат најмалку десет евра. Според тоа, пет милиони дресови се минимум 50 милиони евра, а тоа е само за производство на дресови и логистика“.

Дополнително, „Check24“ паралелно, меѓу другото, и преку разни ТВ канали водеше рекламна кампања. Се заедно ова можеби чинеше 100 милиони евра, заклучува професорот по маркетинг.

Медиумски интерес

„Check24“ за возврат стана тема на разговор. Компанијата беше видлива и во медиумите, и кај многу Германци, односно на улица. Апликацијата „Check24“ беше најпопуларна со недели, мерена според бројот на инсталации на паметните телефони.

„Check24“ на тој начин дошол до многу лични податоци на германски државјани, а компанијата може директно да ги користи тие податоци кога им се обраќа на потенцијалните клиенти. Тие податоци може да се продаваат и на други компании, потсетува Ролман.

„Check24“ на своите клиенти им нуди споредба на цените на осигурување, финансиски услуги, енергија, телекомуникации, патувања, шопинг и други услуги. Понудата е бесплатна за корисниците, а компанијата се финансира од провизии за „зделки“ склучени преку платформата.

Професорот по маркетинг, Рајтел, смета дека голема опасност за „Check24“ може да настане доколку нема нови акции.

Ако нема некоја значајна нова акција за задржување на постојните клиенти, тогаш постои голема опасност добар дел од тие пари да бидат навистина фрлени низ прозорец. Луѓето брзо го забораваат сето тоа и тогаш нема да се градат односи со клиентите“, вели Рајтел.

Адидас добро се продава

Судејќи според резултатите од истражувањето на Универзитетот во Хоенхајм, секоја петта Германка и секој петти Германец имале намера да купат дрес на германската репрезентација. Не е познато дали Адидас продал помалку од своите дресови поради акцијата „Check24“ или не.

Досега најдобро поминуваа белите дресови. Сега изгледа поинаку.

Розовиот дрес е дрес за гостувања кој најдобро се продава во историјата на сите дресови на ДФБ“, потврди за ЗДФ портпаролот на Адидас, Оливер Бриген.

Дресовите извесно време беа распродадени, што упатува на заклучок дека побарувачката за нив била поголема од очекувањата на Адидас.

The post Во време на ЕУРО2024: Бизнисот со продажба на дресови е екстра профитабилен бизнис appeared first on Република.

Најдобриот грузиски фудбалер, Квича Кварацхелија, ги сподели своите очекувања за натпреварот со Португалија од 3. коло од групата Ф Европското првенство.

Не се чувствувам нервозен. Сонував да играм против Роналдо. Тој повеќе не настапува во Европа, но соништата се остваруваат. Се надевам дека ќе ми го даде својот дрес. Можевме да постигнеме повеќе со Чешка и Турција, но искуството одлучува многу. Не дојдовме овде како туристи и сè уште имаме шанса да одиме понатаму, изјави Кварахцелија за „РБ Спорт“.

Грузиската репрезентација загуби од Турција (1:3) во првото коло, а одигра нерешено 1:1 со Чешка во 2. коло на ЕУРО2024 година. Со овие резултати, Грузија е на последното место во групата  е пред испаѓање од турнирот. За да избегнат такво нешто, на Грузијците им е потребна победа.

Натпреварот против Грузија - Португалија ќе се игра во Гелзенкирхен со почеток во 21 часот.

The post Кварцхелија за дуелот со Португалија: Се надевам дека Кристијано Роналдо ќе ми го даде дресот appeared first on Република.

Селекторот на француската репрезентација Дидие Дешам не е разочаран од настапот на тимот на натпреварот против Полска (1:1) од 3. коло во групата Д на Европското првенство.

По ова реми Франција ја препушти првата позиција на Австрија, која ја победи Холандија со 3:2.

Нема разочарување. Целта беше првото место, за ова беше неопходно да се победи. Бидејќи не победивме, треба да го прифатиме тоа. Постапивме правилно, имавме шанси. Треба да го цениме сработеното. Тимот можеше да направи повеќе во однос на ефикасноста, и покрај неколкуте добри одбрани на гпротивничкиот голман, изјави Дешам за „РМЦ Спорт“.

Франција групата ја заврши со пет освоени бода на втората позиција.

Покрај Австрија и Франција, пласман во осминафиналето обезбеди и третопласираната Холандија со четири бодови.

The post На Дешам му е сеедно што Франција не заврши прва во групата appeared first on Република.

Хрватската комисија за одлучување за судир на интереси отвори случај против хрватскиот претседател Зоран Милановиќ бидејќи ја однел сопругата Сања Мусиќ Милановиќ на фудбалскиот натпревар меѓу Хрватска и Италија во Лајпциг, објави ТВ Нова.

Комисијата го добила извештајот - претседателот и неговата сопруга патувале со државен авион, и нагласуваат дека ќе ги испитаат сите релевантни факти и околности. Доколку се утврди дека има претпоставки за понатамошна постапка, Милановиќ ќе мора да даде изјава.

Комисијата претходно го отвори случајот за претседателот на Собранието, Гордан Јандроковиќ, кој со својот син отпатува на мечот со Шпанија со државниот авион.

The post Истрага против хрватскиот претседател бидејќи ја однел сопругата на ЕУРО2024 во Германија appeared first on Република.

Репрезентацијата на Австрија ја победи Холандија со 3:2 во натпревар од 3. коло во групата Д ЕУРО2024.

Головите за Австрија ги постигнаа Дониел Мален (автогол), Романо Шмид и Марсел Сабицер, дподека за Холанѓаните погодија Коди Гакпо и Мемфис Депај.

Истовремено, на другиот натпревар во групата, Франција и Полска одиграа нерешено 1:1.

По овие резултати, Австрија заврши на првото место во поредокот со шест бодови, Франција е втора со пет, а Холандија од третото место оди во осминафиналето.

Полска заврши последна со само еден бод, со што за Полјаците завршува настапот на Европското првенство.

The post Франција и Холандија „извисија“: Австрија како прва во групата оди во осминафиналето appeared first on Република.

Најдобриот тенисер на светот, Новак Ѓоковиќ, присуствува на трибините на „Алијанц арената“ во Минхен, каде што српската фудбалска репрезентација против Данска го игра клучниот натпревар за пласман во осминафиналето на Европското првенство во Германија.

Ѓоковиќ со многу емоции ги бодри српските фудбалери, а особено страствено ја проследи химната на неговата земја, кога со цел глас го отпеа секој стих.

На полувреме, мечот меѓу Србија и Данска заврѓи без голови.

The post Ѓоковиќ дава страствена поддршка за српските фудбалери против Данска appeared first on Република.

Англиските навивачи во Германија, уште еднаш покажаа зошто практично секое нивно гостување во некоја земја се дочекува со страв и целосна внимателност.

Овојпат тоа беше случај со Франкфурт, каде што Англичаните играа против Данска. Во оваа пригода, англиските фанови не направија некој инцидент во кој ќе има масовна физичка пресметка, но затоа, пак, центарот на градот го оставија во вистински хаос од расфрлано ѓубре и отпадоци.

Шокираноста од однесувањето на Англиачните во Франкфурт ја искажа дури и еден англиски навивач, кој на социјалните мрежи објави видео од главниот плоштад во Франкфурт, на кој престојуваа англиските фанови и кој по нивното заминување остана преполн со расфрлани шишиња, кеси, хартии и какво ли уште не останато ѓубре.

Буквално никогаш во животот немам видено вакво нешто“, коментира тој во видеото/

The post Англиските навивачи направија тотален хаос во Франкфурт appeared first on Република.

Најголемото хрватско знаме во светот пристигна и во Хамбург!

Хрватскиот весник „Јутарњи лист“ објави серија фотографии од атмосферата меѓу хрваскте навивачи во Хамбург, каде што „коцкестите“ од 15 лчасот играат против Албанија.

The post Најголемото хрватско знаме во светот ќе се вее во Хамбург на мечот против Албанија appeared first on Република.

Се ближи почетокот на натпреварот меѓу Србија и Англија во рамки од првото коло на Европското првенство во Германија.

Натпреварот се игра во Гелзенкирхен, каде што се собраа огромен број српски навивачи, кои со нетрпение го очекуваат настапот на нивната селекција.

Голем број од нив во текот на денот се собраа во фан-зоната во центарот на Гелзенкирхен, каде што го заиграа традиционалното српско коло.

The post Српските навивачи во Гелзенкирхен масовно заиграа оро пред дуелот со Англија appeared first on Република.

Во пресрет на натпреварот меѓу Србија и Англија што ќе се игра во Гелзенкирхен, се повеќе се вжештува атмосферата меѓу навивачите на двете селекции што се наоѓаат во Германија.

На социјалните мрежи се појавуваат фотографии на кои се гледа како српски навивачи позираат со заробени знамиња и реквизити одземени од англиските навивачи, но и од албански навивачи.

Со освоените реквизите јавно се пофалија припадници на навивачките групи на Црвена звезда и Партизан од Белград, „Делије“ и Гробари“, но и „Лешинарите“ - навивачите на Борац од Бања Лука.

The post Српските навивачи се пофалија со заробени знамиња од англиските фанови во Германија appeared first on Република.

Фудбалерите на Холандија ја совладаа Полска со 2:1 (1:1) во воведниот натпревар од групата Д на Европското фудбалско првенство во Германија.

Холандија до победата дојде со пресврт откако Букса ја донесе Полска во водство во 16 минута.

Резултатот го израмни Гакпо во 29 минута, а победата на Холандија ѝ ја донесе резервистот Вегхорст во 83 минута.

Воведното коло во групата Д ќе биде комплетирано утре со дуелот меѓу Франција и Австрија.

The post Победнички старт на Холандија на ЕУРО2024 appeared first on Република.

Полицијата во Хамбург попладнево застрела човек вооружен со секира и молотов коктел во близина на фан зоната во Сент Паули, но овој инцидент не е поврзан со Европското фудбалско првенство во Германија.

Полицијата го застрелала мажот во ногата, по што тој бил онеспособен и пренесен во болница.

Германските медиуми објавија дека мажот излегол од кафеана, а во рацете имал секира, како и молотов коктел.

Напаѓачот е ранет и укажана му е лекарска помош“, соопштија од полицијата.

https://republika.mk/vesti/svet/se-priblizhil-do-lugeto-pa-pochnal-da-mavta-so-sekira-germanskata-politsija-zastrela-napagach-vo-navivachkata-zona-vo-hamburg/

Инцидентот се случил недалеку од областа низ која минувала армијата од околу 40.000 холандски навивачи, пред дуелот со Полска.

Инцидентот се случил откако навивачите поминале, а според нашите сознанија не е поврзан со фудбалот“, додаваат од локалната полиција.

The post Германската полиција тврди дека нападот во Хамбург не е поврзан со ЕУРО2024 appeared first on Република.

Германската полиција во Хамбург застрелала човек кој се обидел да ги нападне минувачите со секира. Инцидентот се случил во близина на навивачката зоната каде има околу 40.000 холандски навивачи.

Според германскиот весник Билд, напаѓачот се придружил на толпата и ги нападнал навивачите и обезбедувањето.

Во Хамбург се игра натпревар од Европското фудбалско првенство помеѓу Холандија и Полска.

Локалните медиуми објавија дека полицијата употребила бибер спреј против напаѓачот пред да пука. Еден полицаец прво испукал предупредувачки истрел, а потоа неколку други истрели биле испукани кон напаѓачот, кој паднал на земја. Напаѓачот е тешко повреден и му е укажана лекарска помош.

Полицијата соопшти дека напаѓачот имал и запаливо средство, најверојатно некаков молотов коктел.

The post Се приближил до луѓето па почнал да мавта со секира: Германската полиција застрела напаѓач во навивачката зона во Хамбург appeared first on Република.

Европското првенство во фудбал во Германија, многу малку и само на краток рок ќе го стимулира економскиот раст на земјата домаќин, а од тоа првенствено ќе има корист туризмот.

Според анализата на минхенскиот економски институт „Ифо“, ефектот од првенството за германската економија ќе биде дополнителна милијарда евра благодарение на странските туристи, што е приближно 0,1 отсто од економските остварувања во тековниот, втор квартал.

Во макроекономска смисла, овој вид на големи настани има релативно мал ефект, со исклучок на туризмот“, велат експертите од Институтот.

Тие додаваат дека додека трае турнирот, германските потрошувачи веројатно ќе трошат повеќе во угостителството и малопродажбата на краток рок, но затоа ќе ги намалат трошоците во други области, така што вкупната лична потрошувачка тешко дека ќе биде засегната.

На ова, според нивните анализи, укажуваат искуствата од Светското првенство во 2006 година, кое се одржа и во Германија, кога на почетокот доаѓањата и ноќевањата на странските гости се зголемија за по 25 отсто.

Според тој модел, истражувачите на „Ифо“ пресметале дека за време на овогодинешното првенство во Германија ќе има 600.000 странски гости и уште 1,5 милиони ноќевања, што ќе се одрази на зголемувањето на извозните услуги, односно услугите што домашните граѓани ги даваат на странците, главно во угостителскиот сектор.

Сепак, овој ефект е краткотраен, па обемот на извозните услуги по заминувањето на туристите во третиот квартал повторно ќе опадне и веројатно ќе остане на сегашното ниво“, велат експертите од Институтот.

Вкупниот бруто домашен производ на Германија во 2023 година изнесува 4.122,21 милијарди евра.

The post Економски експерти: Германија нема да профитира премногу од ЕУРО2024 appeared first on Република.

Англиските репрезентативци ќе добијат бонус од 9,6 милиони фунти доколку ја освојат титулата на Европското фудбалско првенство кое се одржува во Германија.

Информацијата денеска ја објави лондонски „Сан“.

Според истиот извор, селекторот на Англија, Герет Саутгејт, наводно ќе добие бонус од четири милиони фунти доколку неговите избраници ја освојат титулата на ЕУРО2024.

Англија вечерва го почнува настапот на ЕВРО2024 против Србија.

Избраниците на Саутгејт на 20 јуни ќе играат со Данска, а на 25 јуни со Словенија.

The post Мотивација пред дуелот со Србија: Англичаните дознаа дека ќе добијат бонус од 9.6 милиони фунти за европска титула appeared first on Република.

Најпознатата хрватска навивачка, инфлуенсерката Ивана Кнол, е во Германија каде што Хрватска настапува на ЕП 2024, но како што објави на социјалните мрежи, не ужива премногу во престојот. Така, Кнол на Инстаграм се пожали дека е разочарана од сместувањето во хотелската соба.

Платив илјадници за „најдобриот хотел“ во Берлин, а собите се стари, греењето не работи, салата и базенот се во изградба“, сподели таа позирајќи пред огледало.

Платив 650 евра за една ноќ, а во цената е вклучено: стара соба без парно, теретана и базен не се достапни поради реновирање, а уште повеќе, менаџерот е безобразен“, додава таа во видеото каде што покажува како изгледа нејзината соба.

Дополнителна непријатност за Кнол во престојот во Германија е и резултатот од првиот натпревар на „коцкестите“ во кој загубија од Шпанија со 3:0.

https://republika.mk/sport/fudbal/shpanija-ubedliva-protiv-hrvatska-lamin-jamal-ispisha-istorija/

The post Најзгодната хрватската навивачка направи хаос Германија: Соба за мене чини 650 евра од вечер appeared first on Република.

Актуелниот европски првак Италија со победа ја почна одбраната на титулата, совладувајќи ја Албанија со 2.1 во дуел одигран во Дортмунд.

Натпреварот почна шокантно за Италија, кога по само 23 секунди Албанците дојдоа во водство, откако Бајрами искористи кардинална грешка во противничката одбрана и го постигна најбрзиот гол во историјата на европските првенства.

Италијанските фудбалери брзо се созедоа и по само 16 минути игра го презедоа водството.

Бастони во 11 минута израмни на 1-1, а пет минути подоцна Барела донесе целосен резултатски пресврт и стартна победа за Италија на ЕУРО2024.

Во рамки на групата Б претходно Шпанија ја совлада Хрватска со 3:0.

The post Италија со пресврт во пет минути ја совлада Албанија appeared first on Република.

Албанските навивачи на стадионот во Дортмунд, каде што Албанија игра против Италија, направија скандал пред почетокот на мечот

Четворица навивачи на Албанија на трибините внесоа и истакнаа знамиња на „УЧК“.

Инаку, ова не е прв скандал на албанските навивачи во Германија. Претходно, стотина албански навивачи сакаа да се пресметаат со симпатизери на Италија, но инцидент беше спречен откако реагираше германската полиција.

The post Албанските навивачи на мечот со Италија истакнаа знамиња на „УЧК“ appeared first on Република.

Шпанија со победа го почна настапот на Европското фудбалско првенство, откако во Берлин убедливо триумфираше над Хрватска со 3:0 (3:0) во натпревар од првото коло во Групата Б

Шпанските фудбалери до победата дојдоа со голови во првото полувреме во кое ги искористија сите грешки во хрватската одбрана,

Капитенот Мората го отвори резултатот во 29 минута, а само три минути подоцна предноста ја удвои Руиз. Во последната минута од првото полувреме на 3:0 зголеми Карвахал.

Хрватска во 80 минута не успеа да реализира пенал преку Петковиќ.

Крилниот напаѓач на Барселона, Ламин Јамал, се најде во почетниот состав на Шпанија и со 16 години и 338 денови стана најмладиот фудбалер кој настапил на Европско првенство.

Воведното коло во групата Б ќе го комплетираат бранителот на титулата Италија и Албанија. Натпреварот во Дортмунд започнува во 21 часот.

The post Шпанија убедлива против Хрватска, Ламин Јамал испиша историја appeared first on Република.