Дополнителни сили на ЕУФОР почнаа да пристигнуваат во Босна и Херцеговина како мерка на претпазливост за зајакнување на стабилноста во БиХ, пренесува Бета.

Сараевските медиуми денеска објавија дека секој ден во БиХ пристигнуваат по десет до 20 возила и дека со новите сили на ЕУФОР во Босна и Херцеговина ќе бидат распоредени над 1.000 војници кои ќе гарантираат стабилност заедно со вооружените сили на БиХ.

ЕУФОР претходно објави дека повеќе од 2.000 нивни членови се подготвени да дојдат во БиХ во секое време, како дополнителна поддршка.

ЕУФОР предупреди дека влошената безбедносна ситуација на меѓународно ниво може да предизвика нестабилност во БиХ.

„Распоредувањето на овие сили е превентивна мерка преземена за зајакнување на стабилноста во БиХ со позиционирање на доволен број способни сили во земјата за поддршка на институциите на БиХ во одржувањето на безбедна и стабилна средина“, соопшти претходно ЕУФОР.

The post Во БиХ пристигнуваат дополнителни сили на ЕУФОР appeared first on Република.

Австриската војска ќе испрати дополнителни 120 војници во мисијата на ЕУФОР во Босна и Херцеговина, како засилување поради судирот во Украина.

Според извори од армијата на кои се повикуваат австриски медиуми, одлуката е донесена поради стравување дека моменталната ситуација во Украина би можела да има последици и врз регионот на Западен Балкан и зачувувањето на безбедноста и стабилноста.

Командантот на мировната операција на ЕУ во БиХ, генерал Брис Худe, побара активирање на резервните сили, со што се активирани војниците од резервата на Австрија, Бугарија, Романија и Словачка.

Во моментов сме соочени со критичен развој во Украина. Наместо, како што би сакале, решавање на проблемите по дипломатски и мирен пат, избрано е оружјето и агресија. Војната како средство за спроведување на власта не е решение - порача австриската министерка за одбрана Клаудија Танер.

The post Австрија испраќа дополнителни 120 војници во БиХ appeared first on Република.