Мнозинството граѓани на Македонија или 56 отсто имаат доверба во Европската Унија, покажуваат резултатите од есенското истражување на Евробарометар за 2024 година.

Исто ниво на доверба кон ЕУ како македонските државјани, изразуваат и граѓаните на Босна и Херцеговина. Меѓу останатите земји кандидати за членство, довербата кон ЕУ е најголема во Албанија со 81 отсто, пред Црна Гора со 75, Косово со 70 и Грузија со 58 проценти. Пониска доверба кон ЕУ од македонските државјани изразуваат Молдавците и тоа од 52 отсто, што сепак укажува дека мнозинството граѓани на Молдавија, како и на останатите споменати земји кандидати веруваат во Унијата.

Пониска доверба кон ЕУ од 50 отсто имаат државјаните на Турција и тоа од 42 проценти и граѓаните на Србија од 38 отсто. Сепак, и ова податоци претставуваат пораст на довербата во ЕУ за четири проценти во Турција и за два отсто во Србија споредено со овогодишното пролетно истражување.

Доверба кон ЕУ од 38 проценти изразуваат и жителите на Велика Британија, што претставува пораст за шест отсто.

Кога станува збор, пак, за граѓаните на ЕУ, мнозинството од нив или 51 отсто веруваат во Унијата, што претставува највисоко измерено ниво на доверба на Европејците кон блокот во последните 17 години.

Според овие податоци, на рекордно највисоко ниво е и поддршката на Европејците за еврото, тие имаат пооптимистички поглед кон иднината и би сакале да видат посилна и понезависна ЕУ, особено во услови на актуелните глобални предизвици. Најголема поддршка кон ЕУ или 59 отсто од испитаниците искажале младите Европејци на возраст од 15 до 24 години.

Иста поддршка како кон ЕУ од 51 отсто, Европејците изразуваат и кон Европската комисија, со што таа е на највисоко ниво од 2007 година.

Речиси три четвртини од испитаниците или 74 проценти од државјаните на земјите членки на ЕУ изјавиле велат дека се чувствуваат како граѓани на ЕУ, што претставува највисоко ниво во повеќе од две децении, додека 61 отсто од Европејците се оптимисти околу иднината на ЕУ.

Речиси седум од десет испитаници или 69 отсто се согласуваат дека ЕУ има доволно моќ и инструменти за да ги брани економските интереси на Европа во глобалната економија, а ист процент се согласуваат дека Европската Унија е место на стабилност во денешниот проблематичен свет.

Една третина од Европејците или 33 отсто сметаат дека главен приоритет на дејствувањето на ЕУ на среден рок треба да бидат безбедноста и одбраната, 29 проценти тоа треба да биде миграцијата, за по 28 отсто економијата и животната средина, а за 27 проценти здравјето. Во исто време, 44 отсто од европските граѓани сметаат дека обезбедувањето мир и стабилност ќе има највисоко позитивно влијание врз нивниот живот на краток рок, следено со обезбедување на храна, здравствена заштита и индустриски резерви и со справувањето со миграцијата, со по 27 проценти.

Кога станува збор за специфични области за дејствување на ЕУ во областа на заштитата на животната средина, 38 отсто од Европејците веруваат дека приоритет треба да се даде на користењето на енергија од обновливите извори, 31 проценти на инвестициите во одржливо земјоделство, а по 28 отсто во изградба на енергетска инфраструктура и инвестирање во чиста технологија.

Истражувањето регистрира и досега најголемата поддршка за заедничката европска валута, која на ниво на цела ЕУ изнесува 74 отсто и само во Еврозоната 81 процент. Кога станува збор за перцепцијата за состојбата на европската економија, 48 отсто од Европејците сметаат дека таа е добра, додека 43 проценти оценуваат дека е лоша.

Дури 76 отсто од европските испитаници сметаат дека руската инвазија врз Украина претставува закана за безбедноста на ЕУ.

Од таму, 87 проценти од анкетираните се согласуваат со обезбедување хуманитарна поддршка на луѓето погодени од војната во Украина, 71 отсто ги поддржуваат економски санкции кон руската влада, компании и поединци, а 68 проценти се согласуваат со обезбедување финансиска поддршка за Киев. Околу 60 отсто од Европејците одобруваат ЕУ да и додели кандидатски статус на Украина, а 58 проценти се согласуваат Унијата да го финансира купувањето и снабдувањето со воена опрема за земјата.

Ова есенско истражување на Евробарометар е спроведено помеѓу 10 октомври и 5 ноември во 27-те земји членки на ЕУ, во девет од земјите кандидати и потенцијални кандидати за членство во Унијата (сите освен Украина), како и во Велика Британија. Само во ЕУ со анкетата биле опфатени 26.525 граѓани.

The post Евробарометар: Мнозинството македонски граѓани имаат доверба во ЕУ appeared first on Република.

Група вработени во Уставниот суд на Грузија ја повикаа владата да ја преиспита одлуката за прекин на преговорите со Европската Унија.

Во соопштението, потпишано од членови на Уставниот суд, се апелира одговорните лица да покажат посветеност на уставниот поредок на Грузија и да ја променат одлуката за одложување на преговорите за членство во ЕУ до 2028 година.

Ги повикуваме властите да преземат соодветни чекори со цел да се запре изолацијата на Грузија од европската заедница и да се спречат негативните ефекти што произлегуваат од тоа, се вели во соопштението.

Како што изјави вчера премиерот Иракли Кобахидзе, Грузија ги прекина преговорите за нејзиниот прием во Европската Унија на четири години поради „уцени и манипулации од одредени европски политичари и бирократи“.

Тој го објави ова неколку часа откако членовите на неговата партија Грузиски сон го реизбраа за претседател на владата.

Кобахидзе порача дека неговата земја сака да биде примена во Европската Унија, но дека „нема да се занимава со отворање на пристапните преговори до крајот на 2028 година“ поради тоа што Брисел кон земјата се однесува со уценувачки и потценувачки однос. Според одлукатана Кобахидзе, до 2028 година земјата ќе одбива и средства од буџетот на ЕУ.

The post Вработени во Уставниот суд на Грузија бараат од владата да го преиспита прекинот на преговорите со ЕУ appeared first on Република.

Процесот на проширување на ЕУ со Западниот Балкан и земјите од источното соседство претставува моќна алатка за безбедност, просперитет и мир и е геополитички императив, изјави новиот претседател на Европскиот совет, Антони Кошта на денешната церемонија на примопредавање на должноста со досегашниот вршител на оваа функција Шарл Мишел.

Европската Унија и земјите кандидатки треба да работат понапорно и побрзо без вештачки временски рокови, но исто така и без бесконечни пречки, нагласи Кошта.

Според Кошта, Европа ја претставуваат вредностите за мир и просперитет, кои се впишани во договорите за формирање на ЕУ и тие се стандарди за сите институции насочени кон заштитата на човечкото достоинство, слободата, демократијата, квалитетното владеење на правото и почитувањето на човековите права и заштита на малцинствата.

Овие вредности во принцип се самата суштина на Европа и нашиот начин на живот и тие мора да бидат почитувани, рече Кошта.

Тој се осврна и на војната во Украина, посочувајќи дека иако сите копнееме за мир, мирот не може да значи капитулација и не смее да ја награди агресијата, туку тој мора да биде траен и да се базира на меѓународното право и на универзалните принципи на Повелбата на Обединетите нации за правото на луѓето на самоопределување, право на нациите самостојно да ја избираат сопствена иднина и на почитување на територијалниот интегритет и границите на државите.

Новиот претседател на Советот на ЕУ изјави дека верува во мултилатерален свет со седум различни континенти и 193 земји, кои треба да бидат поврзани во глобална мрежа и со напуштање на досегашните концепти на поделби на глобален југ или глобален север.

Европската Унија мора да биде партнер за изградба на глобална одржлива и мирна иднина и глобална финансиска архитектура што се бори против сиромаштијата, климатските промени и зачувувањето на нашите океани, рече Кошта.

Тој порача дека како градоначалник на Лисабон, бил и горд што му служи на својот град, како премиер на Португалија бил горд што и служи на својата земја и сега кога ја презема функцијата претседател на Европскиот совет и горд сум што ќе и служи на Европската Унија.

Лисабон е мојот град, Португалија е мојата земја, а Европа е наш заеднички дом. Нема противречност меѓу овие три работи. Во денешно време, во овој глобализиран свет, единствениот начин да се биде вистински патриот е да се обезбеди суверенитет и да се изгради заедничка Европа, бидејќи ние само заедно може да се залагаме за безбедност, стабилност и мир на нашиот континент. Само заедно можеме да постигнеме заеднички просперитет, економски раст и климатска транзиција и само заедно можеме да направиме гласот на Европа да се слушне на меѓународната сцена. Единството е крвотокот на Европската унија, рече Кошта.

Сепак, според него, во таа заложба за единство не треба се игнорираат разликите во мислењата меѓу земјите членки и тие не треба се сметаат за проблем, туку треба да се искористат за зајакнување на Европа.

Единството на Европа во различностите е извонредно и вкоренето во силата на нашата заедничка непоколеблива волја, нагласи Кошта.

Тој порача дека европските лидери мора да дејствуваат инспирирани од креативноста и водени од прагматизам со цел заеднички да ги бранат вредности на ЕУ за изградба на мир, обезбедување просперитет и обнова на врските со граѓаните, регионите, градовите и претставниците на граѓанското општество, во правец кон изнаоѓање подобри начини за справување со миграцијата, климатските промени, трошоците за енергија, обезбедувањето работни места и зајакнување на Европската Унија.

Ќе се залагам за нашите вредности, за зајакнување на нашите европски проекти за мир и просперитет. Ајде да се фатиме за работа, додаде Кошта.

Тој му се заблагодари на Мишел за неговата досегашна работа како претседател со Европскиот совет во справувањето со предизвиците со кои се соочи ЕУ, нагласувајќи дека Европа треба да му е благодарна и дека многу му должи.

Мишел, пак, од своја страна нагласи дека желбата, енергијата и страста што ги видел при средбите што имал со граѓаните и бизнисмените во изминатиов период го прават оптимист за иднината на ЕУ.

Европската Унија веројатно е најубавата идеја, најубавиот сон во историјата на човештвото и моќна енергија во служба на мирот и просперитетот, со која треба да се гордееме. Сите ние имаме одговорност да се грижиме за остварување на сонот за овој проект и оваа идеја, рече Мишел.

Тој потенцира дека во изминативе пет години ЕУ беше соочена со многу предизвици, но сепак презема мерки за обезбедување на климатска неутралност, за справување со последиците од ковид пандемијата и за справување со енергетската криза предизвикана од руската агресија врз Украина. Мишел посочи дека веднаш по стартот на руската инвазија, ЕУ презема решителни мерки за поддршка Украина со „историски чекор“ за испраќање оружје и воена опрема, како и за санкционирање и изолирање на Русија.

Сите овие предизвици ни ги отворија очите затоа што ги покажаа нашите слабости, но и нашата сила. Пред Европскиот совет ја претставив нашата Стратешка агенда, чиј апсолутен приоритет е да ја направиме Европа помалку зависна и господарка на својата судбина, додаде Мишел.

Тој нагласи дека од искуството од неговата досегашна работа сфатил дека Европскиот совет мора да биде чувар на европското единство и да помага за заедничко справување со предизвиците.

Ниту вие, ниту јас, за жал, немаме кристална топка за да ги идентификуваме предизвиците што стојат пред нас, но од се срце се надевам дека следните неколку години ќе бидат помалку турбулентни од претходните и се надевам дека единството ќе опстои. Ви посакувам се најдобро и голем успех, додаде Мишел обраќајќи му се кон Кошта.

По обраќањата, Мишел формално му ја предаде должноста Кошта, вградувајќи му го ѕвончето, кое вообичаено го користеше за означување на почетоците на заседанијата на Советот на ЕУ.

The post Кошта: Треба да работиме на проширувањето на ЕУ без вештачки временски рокови и бесконечни пречки appeared first on Република.

Во обраќањето по повод Денот на МАНУ, нејзиниот претседател, академик Живко Попов, денеска се осврна на пречките на земјава на патот на зачленување во Европската Унија. Како што рече, пријателството, спремноста за соработка и отворениот дијалог со сите, а посебно со соседните земји „не секогаш беше возвратено на соодветен начин“.

Напротив, некои од нив покажаа неразбирање и нерационално однесување. Евроскептицизмот кој се јавува во последно време е резултат на пречките кои ЕУ неправедно ни ги постави на нашиот европски пат, а кои најмногу се однесуваат на меѓународно преземените обврски во врска со договорите со Грција и оној за добрососедство со Бугарија, кои во најмала рака беа референдумски прашања кои треба да се почитуваат, чиишто последици се евидентни и сѐ уште не им се гледа крајот. За нив земјата направи болни компромиси, при што си го промени прво државното знаме, а потоа и државното неприкосновено име, но и покрај тоа изостана отворањето на процесот на преговори со ЕУ - истакна Попов во обраќањето.

Сепак, рече, треба да сме свесни дека ние „како мал народ и сиромашна држава“ само преку рамноправен дијалог и соработка со соседите и ЕУ „може да дојдеме до разумни и прифатливи решенија за создадените проблеми“.

Зачувувајќи го притоа културното и историско наследство кое му припаѓа на македонскиот народ како европска вредност. Но, и покрај сите пречки, македонската држава денес е дефинитивна историска реалност со потврден целосен историски идентитет и меѓународен државно-правен легитимитет, којашто на достоинствен начин мора храбро да продолжи по зацртаниот европски пат - додаде претседателот на МАНУ.

Порача дека „иднината на македонската држава се гради со труд, со заедништво, обединетост и храброст“.

Ако по утрото денот се познава, со промените што се случуваа оваа година, може да се предвиди дека за нашава земја доаѓаат подобри времиња - рече претседателот на МАНУ.

The post Последиците од договорите со Грција и Бугарија се евидентни и сѐ уште не им се гледа крајот, смета претседателот на МАНУ appeared first on Република.

Во услови кога геополитиката е променета, нема место за билатерални уцени, вели хрватскиот европратеник Карло Реслер, кој е и претседавач на Заедничкиот парламентарен комитет ЕУ-Македонија. Тој смета дека треба да се препознае овој геополитички момент за шесте земји од Западен Балкан и да се работи напорно следните пет години за нивно пристапување во ЕУ, јави известувачот на МИА од Стразбур.

-Денес во ваквите околности во кои ЕУ функционира после три години крвава руска агресија врз Украина, после енергетската и економската криза архитектурата на безбедносната рамка на цела Европа е изменета поради војната и драматично различни политички околности и јасно е дека последиците од овие работи се чувствуваат не само во државите членки, туку и во регионот и Западниот Балкан. Во тој контекст Македонија, а и сите други држави од Западниот Балкан мораат да го искористат тоа што им се дава, сите можности и потенцијали кои им се отвораат поради таа ситуација, а тоа е пред се една свест дека пристапување кон ЕУ не е и не може да биде некаква строга формалистичко правна или административна задача, туку е многу повеќе од тоа и со себе во секој случај содржи една многу важна геополитичка димензија, рече Кеслер во изјава за македонски медиуми во Европскиот парламент во Стразбур.

Тој фактор, нагласува тој и тоа како е во корист на Македонија, но исто така е јасно дека внатре во земјава како и во другите држави членки од Западен Балкан мора да одиграат уште многу важни процеси во сферите на политиката, владеење на правото, економијата и тоа се важни чекори кои земјава мора да ги изоди, со цел да биде во целост подготвена за членство во Европската Унија.

Како што Германија и беше „спонзор“ на Хрватска во нејзиното членство во ЕУ, а сега Италија и е на Албанија, Реслер смета дека Хрватска може да биде државата којашто ќе може да го поттурне пристапувањето на државава во ЕУ.

-Независно од тоа каква беше ситуацијата и кога Хрватска пристапуваше кон ЕУ, јасно е дека Хрватска е држава која е пријателски расположена према Македонија, која можеби најдобро може да ја разбере и фрустрацијата, но и потешкотиите коишто произлегуваат од практично 20 години различни блокади, различни политички недоразбирања или судири и дека може, како што и сега работи со премиерот Андреј Пленковиќ да биде една од оние држави-членки на ЕУ која ќе се залага за разумно, но исто така ќе се залага и за сфаќањето дека пристапувањето на Македонија е од интерес не само за југоистокот на Европа, не само во интерес на Хрватска, туку е навистина и во интерес на целата ЕУ, истакна Кеслер.

Хрватскиот европратеник смета дека со продлабочена парламентарна димензија може да придонесат Македонија која, како што вели, беше практично во иста позиција како и Хрватска во 2005 година, пред 20 години, што побрзо да биде подготвена за членство во ЕУ економска смисла, во насока на зајакнување на политичката стабилност, владеење на правото и сите останати критериуми на ЕУ.

Тој вели дека е свесен оти постојат и други билатерални прашања кои се уште го нарушуваат патот на Македонија кон ЕУ, но, нагласува, ќе направат се со парламентарната дипломатија да се обидат да го продлабочат разбирањето.

-Денес, во овие актуелни геополитички околности едноставно нема место за такви билатерални уцени и мораме да направиме се што е можно Македонија да го направи вистинскиот, конкретниот чекор, но од друга страна внатре во Европската Унија да се сфати дека прашањето на проширување има и тоа како геополитичка димензија, дециден е Кеслер.

Во однос на тоа кој е начинот да се реши спорот со Бугарија, истакна дека тоа е ситуација која постои неколку години и која едноставно ги нарушува односите не само помеѓу Бугарија и Македонија, туку за жал, вели, во еден поголем дел влијаеше и на македонскиот пат кон ЕУ.

-Она што е важно да се направи и што ќе се обидеме ние да направиме од позиција на Делегација за односи со Македонија е да ја релаксираме ситуацијата, да се обидеме со сите колеги да разговараме, бидејќи на крајот е јасно дека јас не можам сега да понудам решение за билатералните проблеми кои очигледно постојат и кои очигледно ги оптоваруваат билатералните односи, но мораме заедно да работиме низ еден отворен и конструктивен дијалог да дојде до решение, а во тој контекст европските институции, особено Европскиот парламент мора и ќе бидат од корист, оцени хрватскиот европратеник.

Вели дека имаат комуникација за ова прашање со бугарските европратеници, и како што рече, „тоа се некои од нашите задачи кои едноставно мора да ги извршиме овде“. Сепак тој додава дека е јасно оти разликите кои нема да успеат да ги надминат со магично решение.

-Јасно е пред се дека тоа е прашање кое е билатерално прашање и кое што мора да се решава помеѓу двете држави, помеѓу државата членка Бугарија и државата кандидатка Македонија. Според некои искуства што ги имавме досега, па и од хрватскиот пристап кон ЕУ, Унијата може да биде помагател, може да биде медијатор, може да биде фацилитатор на таков разговор, но јасно е и дека со една парламентарна димензија можеме да се обидеме да дојде до релаксирање на таквите односи, изјави тој.

The post Реслер: Македонија мора да направи конкретен чекор, но и ЕУ да сфати дека проширувањето има геополитичка димензија appeared first on Република.

Во Дирекцијата на Јавното сообраќајно претпријатие „Скопје“ во Автокоманда денеска ќе бидат примопредадени шест нови еколошки автобуси на компримиран природен гас. Автобусите се донација за возниот парк на ЈСП од Европската Униуја преку проектот „ЕУ за чист воздух“.

Овие автобуси претставуваат значаен чекор на патот на Град Скопје кон намалување на емисиите, подобрување на квалитетот на воздухот и промовирање на одржлива урбана мобилност, соопшти Министерството за животна средина и просторно планирање.

На настанот е најавено присуство на амбасадорот на Европската Унија во Македонија, Михалис Рокас, првиот вицепремиер и министер за животна средина и просторно планирање, Изет Меџити, претставничка на УНОПС во Македонија, Микела Телатин, и градоначалничката на Скопје, Данела Арсовска.

The post ЈСП ќе добие шест еколошки автобуси донација од ЕУ appeared first on Република.

Министерот за надворешни работи и надворешна трговија Тимчо Муцунски и високиот претставник на ЕУ за надворешна политика и безбедност Жозеп Борел денеска во Брисел потпишаа Договор за партнерство за безбедност и одбрана меѓу Република Македонија и Европската Унија, соопшти Министерството за надворешни работи и надворешна трговија.

Неоправданата и неиспровоцирана војна на агресија на Русија против Украина ја истакна суштинската потреба за единство и солидарност во самата Европската унија, така и меѓу нејзините најблиски партнери, што дополнително ја нагласи важноста на зајакнатото Партнерство за безбедност и одбрана меѓу Европската унија и Македонија, се наведува во соопштението.

Македонија е важен и вреден партнер за Европската унија во областа на мирот, безбедноста и одбраната, како и активен учесник во својство на трета земја во Заедничката безбедносна и одбранбена политика на Европската унија (ЗБОП).

Потпишувањето на Партнерството за безбедност и одбрана е одраз на одличната и континуираната соработка меѓу Европска унија и Македонија и е клучен чекор кон потесна соработка за широк спектар безбедносни прашања, а во полза на граѓаните на Европската унија и Македонија, претставувајќи исто така и важен елемент на напорите на Македонија за интеграција во Европската унија. Новиот инструмент, меѓу останатите области, ги опфаќа областите на соработка за управување со кризи, поддршка за Украина, спречување на хибридни закани, сајбер прашања, градење капацитети и обуки, борба против тероризам и надворешни аспекти на интегрираното управување со границите.

Областите утврдени во Партнерството за безбедност и одбрана редовно ќе се разгледуваат, при што ќе се прави преглед на напредокот и ќе се даде поттик за натамошно јакнење на соработката, се вели во соопштението.

The post Први во регионот: Македонија и ЕУ потпишаа Договор за партнерство за безбедност и одбрана appeared first on Република.

Понатамошното проширување на Европската унија е неизбежно, а сега прашање е колку земји ќе се приклучат и кога, изјави денеска комесарот за проширување и соседска политика, Оливер Вархеји пред парламентарната комисија за европски прашања.

-Политиката на проширување стана една од најважните теми за ЕУ, рече Вархеји говорејќи за последните пет години на таа функција.

Зборувајќи за пакетот за проширување на европскиот блок од 2024 година, Вархеји рече дека проширувањето е еднакво на „инвестирање во долгорочниот мир, безбедност и просперитет на ЕУ“.

Тој истакна дека во 2019 година во процесот на проширување учествувале седум членки на ЕУ, а сега има 10, додека во 2019 година имало пет кандидати, а бројот се зголемил на девет.

-Периодот од 2023 до 2024 година го „забрзува процесот на проширување“, рече тој, сугерирајќи дека новата Европска комисија треба да биде „комисија за проширување“ која работи на тоа да обезбеди нови членки да се приклучат до крајот на нивниот мандат.

Претходната комисија не го сметаше проширувањето за приоритет, што го турна процесот околу 10 години назад, рече Вархеји.

The post Вархеји: Проширувањето на ЕУ е неизбежно, прашање е колку земји ќе се приклучат и кога appeared first on Република.

Инфлацијата во Европската унија благо забрзала во октомври, објави во вторникот европската статистичка служба, потврдувајќи ја во исто време прелиминарната проценка за еврозоната која покажува и посилен раст на потрошувачките цени.

На ниво на целата ЕУ, годишната стапка на инфлација, мерена преку усогласениот индекс на потрошувачки цени (HIPC), кој овозможува споредба меѓу земјите-членки, во октомври се зголемила на 2,3 отсто, од 2,1 отсто во претходниот месец.

Во еврозоната цените во октомври биле за 2 отсто повисоки во однос на истиот месец лани, ја потврди прелиминарната проценка објавена на крајот на октомври Eurostat. Во септември беа зголемени за 1,7 отсто.

Во октомври минатата година годишната стапка на инфлација во ЕУ изнесуваше 3,6 отсто, а во еврозоната 2,9 отсто, покажуваат табелите на Eurostat.

Во октомври цената на услугите пораснала најмногу во еврозоната, за 4 отсто во однос на ланскиот октомври. Во септември поскапеа за 3,9 отсто.

Потоа следува свежата храна која поскапела за 3 отсто, речиси двојно повеќе од септември.

Енергенсите најмногу поевтиниле, за 4,6 отсто во однос на истиот месец лани, иако многу поблагo од септември, кога на годишно ниво поевтини за 6,1 отсто.

Базичната инфлација, кога ќе се исклучат цените на енергијата и свежата храна, се задржала на септемвриското ниво и изнесува 2,7 отсто.

На месечно ниво, потрошувачките цени во ЕУ се зголемени за 0,4 отсто, а во еврозоната за 0,3 отсто, покажуваат табелите на Европската статистичка служба.

Убедливо највисока годишна стапка на инфлација во ЕУ во октомври забележала и Романија, од 5 проценти, што ја потврдува позицијата на земјата со највисока стапка на инфлација во ЕУ, која ја „држи“ од крајот на минатата година.

Следат Белгија и Естонија, со раст на потрошувачките цени на годишно ниво со стапка од 4,5 отсто, објави Евростат.

Според новите пресметки на Eurostat, потрошувачките цени во Хрватска која од почетокот на годинава стана последната членка на еврозината, мерени со HICP, во октомври биле за 3,6 отсто повисоки во однос на истиот месец лани, што би значело дека тие пораснале најсилно од мај. Прелиминарната проценка покажа дека тие се зголемени за 3,5 отсто. Во септември тие се зголемија за 3,1 отсто, утврди Eurostat.

Словачка беше најблиску до Хрватска по годишен раст на цените во октомври, со стапка на инфлација од 3,5 отсто.

Годишната споредба покажува и дека потрошувачките цени во Словенија се непроменети на годишна основа во октомври. Убедливо најблаги зголемувања имало во Литванија и Ирска, за само 0,1 отсто, според извештајот.

The post Инфлацијата во ЕУ забрзала во октомври appeared first on Република.

Европска Унија сè уште не одлучила дали ќе продолжи со етапното воведување на новиот систем за пасошка контрола на надворешните граници, изјави денеска портпаролот на Европската комисија.

Тој истакна, дека на последниот состанок на Советот за внатрешни работи на ЕУ во Луксембург, што се одржи пред еден месец, било утврдено дека е невозможно да се воведе системот. ЕК не добила навремени известувања од сите земји на ЕУ дека се подготвени да работат со системот, како што предвидува законодавството.

Портпаролот на ЕК не прецизираше дали се неопходни законски измени за постепено воведување на новиот систем, ниту во која временска рамка може да се очекува отстранување на досегашните пречки. Пред еден месец Германија, Франција и Холандија не соопштија дека се подготвени за имплементација на системот.

Новиот систем предвидува во иднина проверките на пасошите да се вршат целосно автоматски. На овој начин сите што патуваат низ надворешните граници ќе бидат проверени со споредување на биометриските податоци.

The post ЕУ сè уште не одлучила дали постепено ќе го воведе новиот систем за контрола на надворешните граници appeared first on Република.

Не знам дали е можно да се направи некаков исчекор, во евроинтеграциите до крајот на годината, но знам дека ќе сториме се што е во наша моќ да се обидеме нашето прашање да го претставиме онака како што е, пред сите светски авторитети. Уставни измени сигурно не планираме, вели премиерот Христијан Мицкоски.

-Тоа сигурно не се планира. Не знам дали е можно да се направи некаков исчекор, но знам дека ќе сториме се што е во наша моќ да се обидеме нашето прашање да го претставиме онака како што е, пред сите светски авторитети. И тоа го направивме во изминатиот период. Дали ќе има некаков напредок - не знам, дали ќе има промена на нашата позиција - нема да има. Затоа што нашата позиција се темели на принципи и аргументи и тоа сме го кажале барем досега стотина пати. Доколку има волја има и начин. Тоа не зависи само од нас. За танцување треба двајца, некогаш можеби и повеќе, но во случајов треба да имаме некој соговорник кој што ќе сака да разговара. Ние сме подготвени, секаде ја претставуваме нашата позиција и ќе продолжиме да ја претставуваме и спротивни аргументи не сме слушнале на нашите аргументи. Веќе нема аргумент -тоа е тоа, земете или оставете, тоа веќе не е, сега имаме поинаква позиција. Сега позицијата е дајте да најдеме решение. Дали ќе постигнеме напредок за месец - два, шест месеци не знам, дали ќе дадеме се од себе- ќе дадеме, рече Мицкоски на новинарско прашање колку се реални очекувањата за некакво придвижување на евроинтеграциите до крајот на годината, поради актуелните случувања во Бугарија со неуспехот за избор на претседател на Парламентот или се планираат уставните измени.

Тој најави дека во декември два пати ќе престојува во Брисел, каде ќе може повторно да разговара за нашето прашање поврзано со деблокада на евроинтеграциите.

-На почетоткот од декември ќе има билатерален тет а тет разговор со Кошта, по што ќе учествува со него на вечера со другите лидери од Западен Балкан. На крајот на декември има самит ЕУ - Западен Балкан на кој ќе присуствуваат канцеларот Шолц, францускиот претседател Емануел Макрон и други авторитети од ЕУ. И ќе се бориме, нема да седиме со скрстени раце или со бело знаме да мавтаме, како што беше до сега. Ќе се бориме и битно е да победуваме, и мислам дека од поразите што ги нижевме изминативе седум годии постепено полека излегуваме од таа летаргија и почнуваме да победуваме, малку ситно, но победуваме, тоа е нашиот план, таа е нашата агенда, рече Мицкоски по присуството на поставување камен темелник за надградба на ООУ Ацо Шопов во населба Радишани, Општина Бутел..

The post Мицкоски: Не знам дали е можен исчекор во евроинтеграциите до крајот на годината, но ќе сториме се да најдеме решение appeared first on Република.

Европа мора да разбере дека на Србија не и треба Европската Унија, туку дека Србија и е потребна на Унијата, изјави унгарскиот премиер Виктор Орбан во Будимпешта по состанокот на Советот за стратешка соработка меѓу Србија и Унгарија.

Орбан посочи дека Европа има проблем со растот и динамиката и дека само новите членки на ЕУ можат да и дадат нов поттик, а Србија е најдобар кандидат.

Ако некој сака сам да види што Србија може да и понуди на европската економија, тогаш му предлагам да го посети Белград за три месеци и да види што Србија може да и понуди на ЕУ“, рече Орбан, додавајќи дека Унгарија ќе продолжи да се грижи за интересите на ЕУ и Србија“.

The post Орбан: На ​​Србија не и треба ЕУ, на ЕУ и треба Србија appeared first on Република.

Европската комисија упати последно предупредување до шест земји членки на ЕУ и им даде рок од два месеци да ја имплементираат Директивата на Унијата за осигурување на моторни возила.

Во предупредувањето упатено до Бугарија, Летонија, Малта, Португалија, Романија и Шпанија, Еврокомисијата посочува дека доколку не се усогласат со наведената Директива, против нив би можела да биде покрената постапка пред Судот на правдата на ЕУ.

Како што соопшти ЕК, одлуката за испраќање на „образложени мислења“ до шесте земји членки е донесена затоа што тие „не ја информирале дали целосно ја имплементирале изменетата Директива за осигурување на моторни возила во нивните национални законодавства“.

Крајниот рок за вклучување на одредбите од оваа Директива на ЕУ во националните законодавства на земјите членки беше на 23 декември 2023 година. Откако оцени дека шесте наведени земји не ја имплементирале регулативата до утврдениот рок, Еврокомисијата им испрати формални известувања за тоа, но, како што се наведува во соопштението, од нив не добила „задоволителен одговор“ на укажувањата.

Поради ова, ЕК сега реши да им даде дополнителен рок од два месеци за усогласување или во спротивно „може да реши да ги упати случаите до Судот на правдата на Европската Унија“.

Директивата за осигурување на моторни возила има за цел да ја зајакне заштитата на жртвите од сообраќајни несреќи во ЕУ. Со измените се прецизира опсегот на оваа заштита, се олеснува следењето на задолжителното осигурување на моторните возила и се создава механизам за обештетување на жртвите во случај на несолвентност на одговорниот за сообраќајната несреќа. Со овие измени, исто така, се олеснува и постапката за промена на осигурителните компании и на осигурениците им се гарантира еднаков и недискриминаторски третман.

The post Шест земји од ЕУ добија рок од два месеци за имплементација на Директивата за осигурување на возила appeared first on Република.

Унгарскиот премиер Виктор Орбан изјави дека Европската унија мора да ги преиспита санкциите против Русија, бидејќи тие придонесуваат за одржување на високите цени на енергијата, што негативно влијае на конкурентноста на европската економија.

Орбан изјави за унгарското јавно радио Кошут дека високите трошоци за енергија ги ставаат европските компании во неповолна положба во споредба со нивните конкуренти, особено американските компании кои плаќаат значително пониски цени за енергетските производи.

Според него, американските компании плаќаат само четвртина од сумата што европските компании ја издвојуваат за гас и струја, што создава сериозен конкурентен проблем за ЕУ.

The post Орбан: ЕУ треба да ги преиспита санкциите против Русија поради високите цени на енергијата appeared first on Република.

Европската унија ја казни Мета, која е сопственик на Фејсбук, со 800 милиони евра за, како што рече, „злоупотребливи практики“ во врска со малите реклами на мрежата Маркетплејс.

Европската комисија ја изрече казната откако нејзината долга истрага утврди дека компанијата ја злоупотребила својата доминантна позиција и се вклучила во антиконкурентно однесување.

Комисијата ја обвини Мета дека ја задушува конкуренцијата со тоа што го врзува својот онлајн бизнис со класифицирани огласи со својата социјална мрежа, автоматски изложувајќи ги корисниците на Facebook на Marketplace „сакале или не“ и на тој начин исклучувајќи ги сите нејзини потенцијални конкуренти.

Исто така, се тврди дека Мета наметнала нефер услови за тргување со условите за користење што ја овластиле компанијата да користи податоци поврзани со реклами, генерирани од конкурентни платформи за класифицирани реклами на Facebook или Instagram во корист на Marketplace.

Практиките на Мета ѝ дале „предности што другите даватели на услуги огласи на интернет не можат да ги остварат“, рече Маргарет Вестагер, извршен потпретседател на Комисијата задолжена за политиката на конкуренција, во соопштението за медиумите. „Ова е незаконско според правилата на ЕУ. Мета мора да престане со ова однесување сега“.

Мета во соопштението рече дека одлуката не докажува каква било штета што наводно им ја нанела на ривалите или потрошувачите и дека „ја игнорира реалноста на просперитетниот европски пазар за онлајн продажба“.

Компанијата рече дека Комисијата го игнорирала фактот дека корисниците на Фејсбук можат да изберат дали да пристапат на Маркетплејс.

Тие исто така истакнаа дека онлајн пазарите, вклучително и глобалните страници како што се eBay, платформите ширум Европа како што е Vinted и националните услуги продолжуваат да растат.

Мета рече дека ќе ја исполни наредбата на комисијата да ја прекине практиката и да не ја повторува, но посочи дека ќе поднесе жалба.

The post ЕУ го казни Фејсбук со 800 милиони евра appeared first on Република.

Европската комисија одобри исплата на 4,1 милијарди евра за Украина во рамките на механизмот на Европската унија за Украина, објави Укринформ, повикувајќи се на објава на украинскиот премиер Денис Шмихал на „Телеграм“.

„Европската комисија одобри исплата на 4,1 милијарди евра на Украина во рамките на Украинскиот механизам. ЕК даде позитивна оценка за реформите и истакна дека владата ги исполнила потребните индикатори за да ја добие оваа транша. Очекуваме брзо одобрување на одлуката од страна на Советот на Европската Унија. Со тоа, вкупната поддршка во рамките на Механизмот за Украина оваа година ќе достигне 16,1 милијарда евра“, напиша Шмихал.

Тој изрази благодарност за непоколебливата поддршка на ЕУ за Киев. Нагласи дека и покрај тековната војна со Русија, Украина останува посветена на реформите и трансформацијата, насочени кон зајакнување на нејзината европска интеграција и напредок кон полноправно членство во Европската унија.

The post Европската комисија одобри исплата на 4,1 милијарди евра за Украина appeared first on Република.

Ја разбирам еврокомесарката, таа требаше да го помине „хирингот“ на кој требаше да гласаат и европратеници од нашиот источен сосед и тоа е во рамките на таа димензија. Мислам дека низ таа оптика таа ги гледаше тие пораки и јас низ таа оптика ги гледам тие пораки. Убеден сум дека во периодот што следи, низ заеднички разговори, конечно, по 2,5 децении патот на Македонија до полноправно членство во ЕУ ќе биде широко отворен и ќе се вреднува врз основа на постигнувањата и компетенциите, а не поради билатералните прашања. Убеден сум дека ќе успееме, рече денеска премиерот Христијан Мицкоски во врска со изјавата на еврокомесарката Марта Кос според која, земјава треба да ги спроведе уставните измени.

Одговорајќи на новинарски прашања, Мицкоски порача дека „мора да не биде и ќе не биде“, а ваквиот оптимизам го темели, како што напомена, на сите досегашни средби со релевантните светски лидери, реализирани во изминатите речиси пет месеци.

Разговорите со францускиот претседател Макрон, премиерот ги квалификува како суштински дијалог. На средбата во Будимпешта, информира, со Макрон разговарале не само за македонските евроинтеграции, туку и за многу заеднички проекти во областа на економијата, инфрастуктурата, здравството,...

Кога би заокружил се за помалку од пет месеци, можам да им порачам на граѓаните дека мора да не биди и ќе не биде. Да бидеме оптимисти. Успеавме да се сретнеме со сите релевантни светски лидери за толку кратко време, нешто што порано не беше возможно ниту во еден мандат. Видов одредени натписи на одредени портали кои ја поддржуваат работата на опозицијата, како моите средби ги споредуваат со средбите на некои други лидери во околината, но кога би ја објавувал секоја слика со секого со кого ќе се поздравам, би изгледало тривијално. Мислам дека е покорисно да се објавуваат вистински, суштински средби во кои има суштински дијалог. Таква беше средбата со францускиот претседател. Покрај прашањата поврзани со ЕУ интеграцијата на нашата земја, зборувавме и за соработката во економијата, имаме многу проекти во инфраструктурата, здравството кои ни се важни и кои како влада со влада може да ги реализираме, комуникацијата продолжува, дента имавме можности често да бидеме заедно и да разговараме за многу отворени теми - истакна Мицкоски по увидот во градежните работи на три делници кај Велес.

The post Мора да не биде и ќе не биде, патот до членството во ЕУ ќе ни се отвори – убеден е Мицкоски appeared first on Република.

Лидерите на Европската унија ја усвоија Будимпештанската декларација за новиот европски договор за конкурентност, во која се нагласува потребата од итно и одлучно дејствување за да се постигнат зацртаните цели.

„Соочени со нови геополитички реалности и економски и демографски предизвици, ние, лидерите на Европската унија, сме решени да го обезбедиме нашиот заеднички економски просперитет, да ја зголемиме нашата конкурентност, правејќи ја ЕУ првиот климатски неутрален континент во светот и обезбедувајќи го суверенитетот, безбедноста, издржливоста и глобалното влијание на ЕУ“, се нагласува во текстот на декларацијата.

Како што е наведено, европските политичари сакаат да ја направат Европската унија поконкурентна, продуктивна, иновативна и одржлива.

„Императив е итно да го намалиме јазот во иновациите и продуктивноста, како со нашите глобални конкуренти, така и во рамките на ЕУ. Ќе работиме во единство и солидарност за доброто на сите граѓани на ЕУ, компании и земји-членки“, се додава во текстот.

Во декларацијата се споменуваат седум главни цели, меѓу кои се интензивирање на напорите за обезбедување функционален единствен пазар на Европската унија, како и преземање „одлучни чекори“ кон Унијата на штедење и инвестиции до 2026 година и итен напредок во изградбата на пазарот на капитал на ЕУ.

Европската индустриска политика мора да обезбеди развој на технологии кои ќе бидат клучни во иднина и во исто време да ги надмине проблемите на транзицијата и да постигне декарбонизација, додаваат авторите на декларацијата.

Европската унија треба да ги поедностави своите бирократски процедури и да обезбеди јасна и едноставна регулаторна рамка за компаниите, да ја зајакне одбранбената индустрија и да застане на чело на истражувањето и иновациите на глобално ниво.

Како што е наведено, Европската унија исто така мора да ја следи двојната цел за стратешки енергетски суверенитет и постигнување климатска неутралност до 2050 година.

„Ќе изградиме вистинска енергетска унија која ќе се карактеризира со целосно интегриран и меѓусебно поврзан енергетски пазар како приоритет, преку декарбонизација на нашиот енергетски микс и снабдување со прифатлива и чиста енергија за сите наши граѓани и компании“.

The post Усвоена декларацијата од Будимпешта за новиот европски договор за конкурентност appeared first on Република.

Пораката од Брисел е многу позитивна дека местото на Македонија е во Европската Унија, како и на целиот регион на Западниот Балкан, но треба да ги завршиме задачите што ги имаме како држава за да ја поминеме оваа фаза и да отвориме нова страница во процесот на зачленување во Европската Унија. изјави за МИА вицепремиерот за добро владеење Арбен Фетаи, кој престојува во работна посета на Брисел на покана на тинк-тенкот „Пријатели на Европа“.

Тој истакна дека бил поканет да учествува на годишната конференција на „Пријатели на Европа“ посветена на состојбите во Европа, во чии рамки присуствувал и на гала вечера заедно со претставници од сите земји членки на ЕУ, на приватниот сектор, на НАТО и САД.

- Примивме јасни пораки дека постои еден моментум кој го немаше досега, за да продолжиме на европскиот пат на нашата земја и за да го интегрираме Западниот Балкан во ЕУ. За жал, овие прилики настанаа по руската инвазија врз Украина и веќе сите во Брисел и во сите главните градови на ЕУ ја сфаќаат значајноста на овој моментум, важноста од интегрирањето на Западниот Балкан во ЕУ и на некаков начин и политичката сплотеност на европскиот континент, нагласи Фетаи.

Вицепремиерот информира дека слични пораки биле упатени и на Конференцијата за состојбите на Европа, во чии рамки се одржа и панел посветен на политиката на проширување на ЕУ.

- Пораките беа кристално јасни дека постои еден извонреден моментум, кој треба да го искористиме како Западен Балкан и да ги завршиме останатите обврски. Тоа што се очекува од нас се знае. Треба да ги заокружиме уставните измени, со што конечно ќе бидат отворени преговорите со ЕУ, додаде Фетаи.

Тој имал средби и со новиот известител на Европскиот парламент за Македонија, европратеникот Томас Вајц кој доаѓа од австриската партија Зелени, како и со „старата пријателка на нашата земја и на Западниот Балкан“, Улрике Луначек, која, како што нагласи, е голем застапник на политиката на проширување на ЕУ.

- Господинот Ваjц ми вети дека ќе ја следи линијата на неговата пратеничка група во Европскиот парламент и дека ќе има конструктивен и критички пристап во оние области каде што ќе имаме недостатоци, рече Фетаи.

На средбата станало збор и за борбата против корупцијата и за зајакнување на владеењето на правото, при што Вајц ветил дека во оваа насока ќе помага за решавање на „вонредните состојби наследени од власта на СДСМ и ДУИ“, кои, според Фетаи, не презеле никакви чекори во насока на борбата против криминалот и корупцијата.

- Во 2023 година немавме пресуди за случаи на корупција затоа што го сменија Кривичниот законик заради политички пазарења и нам ни останува да ги решаваме овие штети што ги наследивме во судството, обвинителството и Академијата за судии и обвинители, рече Фетаи.

Според него, сите овие закони се дел од нашата реформска агенда за приближување кон Европската Унија, кои треба да бидат преточени во конкретни резултати до крајот на оваа година. Во однос за оценката во Извештајот за напредокот на земјава на европскиот пат дека постои поларизација на нашето општество, Фетаи оцени дека и заканата по живот што му била упатена е показател на таа поларизација.

- Ова покажува дека екстремистичките сили, како Левица, успеале да ги поларизираат луѓето, да ги поларизираат граѓаните и заедниците меѓу себе. Ова не е агендата што треба да ја следи Македонија, која има за цел да стане членка на Европската Унија. Ова е руска агенда и тоа треба да се каже. Проруските и екстремистичките сили во нашата земја треба целосно да се игнорираат, јас одбивам да комуницирам со Левица, иако тие ме етикетираа за многу работи, како дека немам македонско државјанство, што беше чиста лажна вест. Јас сум државјанин на Македонија и секогаш сум бил државјанин на Македонија. Ме етикетираа како шпион на (косовскиот премиер) Албин Курти и што знам уште какви други будалаштини, рече Фетаи.

Тој потенцира дека во Белгија демократските сили и традиционалните демократски партии, одбиваат да комуницираат со екстремната десница, пример кој би требало да се следи и во нашата земја.

- Јас не би сакал да се најдам себеси во позиција да дебатирам со пратениците на Левица во Парламентот. Јас ги игнорирам пратениците на Левица, не ја земам пред вид ниту една нивна критика, бидејќи тие стануваат фактор кога ги коментирате и кога им реплицирате. Треба да се игнорираат, но исто така треба да се преземат мерки што се однесува до ширењето руски дезинформации во нашата земја. Нашите медиуми, и со жалење велам македонските медиуми, дел од нив, споделуваат руски дезинформации, како да е тоа класично информирање, додаде вицепремиерот за добро владеење.

Фетаи потенцира дека тука станува збор за ширење пропаганда и затоа треба да се преземат мерки, при што најави дека ќе покрене иницијативи за „решавање на проблемот со руските дезинформации и пропаганда во нашата земја“.

- Не е нормално медиумите во една земја која се стреми да отвори преговори со Европската Унија, да шират руска пропаганда на брутален начин и без да се цитира изворот да се споделува „Спутњик“ или „Раша тудеј“ кога знаеме кои се нивните намери. Нивните намери се да се затвори европскиот пат, тие се сили анти-НАТО, анти-ЕУ, анти-САД и ние треба да поставиме црвени линии и да ги запреме таквите дестабилизирачки заложби, бидејќи крајната цел им е да се дестабилизира земјата и да отстапи од прозападниот пат, европскиот пат и од зачленувањето во Европската Унија, заклучи Фетаи.

Во врска, пак, со забелешките од Европската комисија за прекумерна употреба на инструментот „европско знаменце“ за носење по скратена постапка на закони кои не секогаш се поврзани со усогласување со законодавството на ЕУ, Фетаи нагласи дека таа постапка, за жал, беше злоупотребена од претходната власт.

- Повторно за жал, мора да признаеме дека и ние како нова Влада усвоивме закони по брза постапка, значи без собраниска расправа. Многу од првите закони што ги доставивме од Владата до Собранието беа по скратена постапка. Ова се должи на итноста со која се соочивме. Знаете дека наидовме на масакриран буџет од владеењето на СДСМ и ДУИ во текот на изборната година од чисто изборни причини, додаде Фетаи.

Според него, од тие причини новата Влада морала да преземеме мерки за санирање на состојбата во институциите, а да одговори на барањата од меѓународните партнери, но дека на владина седница била постигната согласност скратената постапка за носење на закони да се користи што е можно помалку, да се почитуваат законските рокови и да се вклучи на граѓанското општество во тие процеси.

- За да имаме транспарентен и сеопфатен пристап во законодавниот процес, ова треба да бидат стандарди и за нас како Македонија. Ова е европското барање, но пред се е и наше барање како нова власт - пристапот во законодавството да биде транспарентен, сеопфатен и во одбрана на општиот интерес, потенцира Фетаи за МИА.

The post Пораката од Брисел е дека местото на Македонија е во ЕУ, порача вицепремиерот Фетаи appeared first on Република.

Претседателката Гордана Сиљановска Давкова денеска присуствуваше и се обрати на седницата на собраниската Комисија за европски прашања на која беше презентирана Реформската агенда на Владата (2024-2027), којашто се однесува на Планот за раст на Европската Комисија.

Во своето обраќање, Претседателката порача дека е неопходна поголема соработка помеѓу Министерството за европски прашања и Комисијата за европски прашања и Националниот совет за евроинтеграции и дека Комисијата треба да се отвори и да ја зајакне соработката со сите инволвирани во процесот на евроинтеграциите, вклучувајќи го невладиниот сектор, експертската јавност и претставници од ЕУ.

Претседателката нагласи дека македонската реформска агенда е најдобро оценета од Комисијата, што претставува добар влог и дека се доближуваме до европските критериуми, а со тоа и до влезот во ЕУ.

„Мислам дека вреди да се биде оптимист. Зошто вреди да се биде биде оптимист? Вие знаете колкупати јас сум ја критикувала Европската Унија дека немала, после Солун, вистинска стратегија за Западен Балкан, дека доцнела, дека не преземала одговорност. Ова е мислам еден исчекор. Значи имаме агенда. Агендата, односно нејзиното спроведување, велиме дека не е невозможно, разбрани сме, нè поддржуваат“, нагласи претседателката Сиљановска Давкова, изразувајќи увереност дека Планот за раст и реформската агенда ќе можеме да ги направиме реалност, што особено позитивно ќе влијае на довербата кај граѓаните.

Претседателката порача дека Планот за раст е за поздравување бидејќи претставува своевидно содружништво, односно партнерство помеѓу Европската Унија и Западниот Балкан, учење во од, со финансиска помош, со советување и со оценување, каде резултатите ќе бидат заеднички, но и одговорноста споделена.

Во тој контекст таа посочи дека ова е можност да бидеме дел и од заедничкиот европски пазар. Во контекст на финансирањето, Претседателката потенцираше дека тоа мотивира, но домаќински е да не биде авансно, туку врзано со постигнатите резултати.

Во таа насока таа ја истакна улогата на Министерството за финансии и Државниот завод за ревизија, важноста на постоењето на интегриран систем на мониторинг, односно контрола врз трошењето на финансиските средства и ревизија врз внатрешниот систем на контрола.

Осврнувајќи се на роковите, Претседателката посочи дека роковите се строги, но дека тоа значи дека ЕУ верува во нашата способност. Според неа е логично до Нова Година да се донесат двата закони, за буџети и Закон за јавна контрола врз внатрешната контрола, што е услов за ослободување на средствата за претфинасирањето.

Говорејќи за начинот на плаќање 1/3 грант и  2/3 кредит, Претседателката посочи дека ова е секогаш најважно за опозицијата и во овој контекст ги охрабри да критикуваат.

Во обраќањето таа истакна и дека мора да се стави крај на злоупотребата на европското знаменце и ја нагласи хармонизацијата со директивите и регулативите на ЕУ.

The post Сиљановска Давкова: Македонската реформска агенда е најдобро оцената – се доближуваме до европските критериуми, а со тоа и до влезот во ЕУ appeared first on Република.