Еден од факторите на ризик за мозочен и срцев удар е  возраста, но и полот, објаснува кардиоваскуларниот хирург д-р Емир Солаковиќ кој за „Хајат Медиа“ зборуваше за ризиците од мозочен и срцев удар и презентираше интересни факти.

Кога ќе се роди мало дете, тоа веќе е нападнато од атеросклероза. Со возраста, оваа атеросклероза, или попросто кажано 'рѓосувањето на крвните садови едноставно се зголемува. Како што стареете се зголемува и холестеролот. Друго, во староста, бидејќи крвните садови се 'рѓосани, се очекуваат разни болести и нивни последици, објасни доктор Солаковиќ.

Но, потенцира тој, друга причина за различни болести е полот.

Сега, слушајте ме внимателно, и жени и мажи. Жените кои имаат менструација, односно до менопаузата, нивните јајници лачат еден хормон - тоа се естрогенските хормони, кои ги штитат жените од атеросклероза, од срцев удар и сл. Тогаш гледаме дека жените 1:3, во споредба со мажите, помалку добиваат срцев удар. Но, кога жената влегува во менопауза, јајниците лачат помалку хормони, помалку естроген, и жените имаат иста атеросклероза како и мажите. Тогаш болестите одат 1 спрема 1. Науката се обидела да им даде на жените естроген, апчиња со кои им го надоместувале, за да се избегне тоа, но се докажало дека иако 50% имале помалку срцеви и мозочни удари, тие жени имаат зголемени предиспозиции за рак на матката. Потоа почнаа уште едно истражување, да дадат двојна хормонална терапија, вели тој.

Доктор Солаковиќ објасни каква улога играат хормоните кога се во прашање годините.

Драги мои жени, има една работа што нема да ви се допадне. На жена кога ќе наполни 50 години ѝ се додаваат уште 7. Жена која во личната карта има 50, физички изгледа како да има 57 години. Зошто? Бидејќи жената претходно добива менструација, подготвена е за оплодување и веќе е формирана, а метаболизмот и животните процеси веќе ѝ одат, за разлика од мажите. Но, јас ви го кажувам ова за, едноставно, кога живеете здраво и водите таков живот, ќе изгледате 20 години помладо од тие 50 плус 7 години. Мислам дека мотивот е добар и ви посакувам многу среќа, да бидете уште помлади, рече тој.

https://youtu.be/uFo9UQ35bEg

The post Д-р Солаковиќ: Жал ми е, но кога жена ќе наполни 50, таа изгледа како да има 57 години appeared first on Република.