Времето денеска ќе биде сончево со мала до умерена локална облачност. Ќе дува слаб ветер од променлив правец.

Минималната температура ќе биде во интервал од 3 до 12, а максималната ќе достигне од 19 до 25 степени.

Во Скопје сончево со мала до умерена облачност и претежно тивко. Минималната температура ќе се спушти до 7, а максималната ќе достигне до 22 степени.

Во наредните денови од УХМР најавуваат период на стабилно и релативно топло време за овој период од годината. Наутро ќе биде посвежо, а од средината на работната недела и со услови за појава на утринска магла.

The post Сончево со мала до умерена локална облачност appeared first on Република.

Поради тоа што печурките содржат хранливи влакна кои ја стимулираат работата на цревата и допринесуваат за чувство на ситост, ова е совршена диета за оние кои не сакаат да се чувствуваат гладни за време на посебниот режим на исхрана со кој би ги изгубиле оние „килограми плус“.

Диетата со печурки трае 5 недели, а за ова време можете да изгубите околу 5 килограми. Не треба да внесувате дневно повеќе од 1.550 калории, а покрај печурките диетата содржи и 5 порции овошје и зеленчук и половина литар млеко за да му обезбедите на организмот доволна количина хранливи материи. Се препорачува за еден оброк да изедете околу 250-300 грама свежи печурки.

Целта на оваа диета е да го замените месото со печурки секогаш кога ќе имате можност за тоа. На пример, подгответе ориз со печурки, испечете печурки на жар како предјадење, наместо мелено месо за шпагети користете исечкани печурки, направете вкусен гулаш со печурки или пита. На Интернет можете да пронајдете многу рецепти за вкусни оброци со печурки.

Печурките уште се нарекуваат „месо за вегетаријанци“ и тие се идеална замена за месото, особено доколку сакате да ослабете на здрав начин. Печурките се состојат од протеини и влакна кои создаваат чувство на ситост, а имаат многу малку калории – 150 грама шампињони содржат само 30 калории. Оваа диета ќе ви помогне да го подобрите вашиот изглед, бидејќи печурките содржат витамин Б, железо, цинк, калиум и селен кои се одлични за кожата, косата и ноктите.

The post Совршена за есен – диета со печурки appeared first on Република.

Астролозите тврдат дека оваа есен постои голема веројатност 3 хороскопски знаци да ја пронајдат својата сродна душа.

Скорпија

Скорпиите се познати по својата страст, а оваа особина дополнително ја зголемува веројатноста за љубов на прв поглед оваа есен. За Скорпијата, физичката привлечност и длабоката хемија се од суштинско значење, а есента, со сите нејзини бои и сензации, дава совршена позадина за тие да почувствуваат привлечност кон некого. Во овој период од годината, Скорпиите можат да започнат длабока врска со личност која го буди нивниот интерес. Подготвени се да се вклучат во интензивни и страсни врски, кои често започнуваат на прв поглед.

Вага

Вагите се управувани од Венера, планетата на љубовта, што ги прави склони кон потрага по романтични врски. Припадниците на овој знак оваа есен имаат тенденција да се заљубат на прв поглед, барајќи партнери кои ја споделуваат нивната страст за уметност, убавина и рамнотежа во врските. Нивната љубов на прв поглед може да биде како бајка, со романтични моменти под месечевата светлина или прошетки во шума покриена со суви лисја. За Вагите, следните месеци носат можности за длабока и автентична љубов.

Риби

Рибите се најчувствителниот и најинтуитивниот знак во зодијакот, а есента ги прави поотворени за длабоки романтични врски. Рибите во овој период често ќе ги привлекуваат луѓе со интересна животна приказна или креативна и уметничка душа.
Есента ќе ги инспирира Рибите да сонуваат за бајковити љубовни приказни и партнери кои ги разбираат нивните емотивни длабочини. Овој знак ќе биде подготвен да се препушти на бранот емоции и да се заљуби на прв поглед, барајќи духовни и сентиментални врски кои ќе го исполнат неговото срце со радост и инспирација.

The post Љубов на прв поглед оваа есен за 3 хороскопски знаци appeared first on Република.

Есента во земјава и на северната хемисфера почнува денеска во 14:43 часот. Во исто време на јужната полутопка на Земјата ќе настапи пролетта.

Првиот есенски ден е 266-иот ден во годината и ќе трае 12 часа и девет минути. Сонцето во Скопје изгреа во 6 часот и 21 минута, а ќе зајде во 18 часот и 30 минути. До карјот на годинава остануваат уште 100 дена.

Есента ќе трае 89 дена, до 21 декември во 10 часот и 20 минути, кога календарски започнува зимата.

Синоптичарите на првиот ден од есента најавуваат посвежо утро, а преку ден, сончево и релативно топло време со мала облачност и со слаб променлив ветер. Минималната температура ќе биде во интервал од 3 до 13, а максималната ќе достигне од 22 до 28 степени. Во Скопје, исто така, утрото ќе посвежо, додека преку денот сончево и релативно топло време.

Според најавите, минималната температура ќе се спушти до 7, а максималната ќе достигне до 27 степени. Слично време нѐ очекува и утре, додека за вторник и среда, најавено е преодно наоблачување со локални врнежи од дожд, наместа поројни, со услови за појава на грмежи.

The post Толку од летото: Денеска почнува есента appeared first on Република.

За неколку хороскопски знаци оваа есен носи успех во различни области од животот. Можен е раст на кариерата, зајакнување на врските и финансиска стабилност.

Девица

Есента 2024 година ќе донесе светли перспективи за Девиците на полето на кариерата и личните проекти. Ова е време кога особено ќе се забележи нивната креативност и лидерски способности. Со самодоверба и одлучност, Девиците ќе можат да реализираат амбициозни идеи и да добијат признание за нивните достигнувања. Професионалните проекти кои долго чекаат на успех, ќе почнат да даваат плод, а вие ќе можете да постигнете значителен напредок во вашиот деловен живот и бизнис.

Скорпија

Скорпиите ќе уживаат среќа во областа на учењето и патувањето. Есента ќе им овозможи уникатни можности да ги прошират своите хоризонти и да стекнат нови знаења. Ова е одлично време да започнете да студирате или да посетувате курсеви кои можат да отворат нови хоризонти. Патувањето, особено во странство, ќе донесе неочекувани и позитивни изненадувања. Во вашиот личен живот може да се појават нови интересни познанства кои значително ќе влијаат на вашата иднина.

Водолија

За Водолиите есента 2024 година ќе биде поволна финансиски и во делот на личните односи. Оваа сезона може да очекуваат подобрување на нивната финансиска состојба, што ќе биде резултат на нивната напорна работа и стратешки пристап кон управувањето со парите. Во личниот живот се очекува хармонија и разбирање, што ќе помогне да се зајакнат постоечките односи и да се воспостават нови. Водолиите ќе можат да најдат рамнотежа помеѓу работата и личниот живот, што ќе им даде самодоверба и задоволство.

The post Есента 2024 ќе им припаѓа на овие хороскопски знаци appeared first on Република.

Во Лазарополе и Берово утово е измерена темепратура од 9 степени Целизусови. Следат Маврови Анови со 11, 12 Попова Шапка, 13 Крива Паланка, Битола, Претор, Тетово, 14 Прилеп, Скопје-Петровец, Охрид, 15 Крушево, Струмица, 16 Куманово, Кавадарци, Демир Капија, 17 Скопје-Зајчев Рид, 18 Штип, Велес и 19 Виница во Гевгелија, соопшти УХМР.

Времето денеска сончево и топло со мала до умерена облачност поголема попладне. Ќе дува слаб до умерен ветер претежно од северен правец. Максималната температура ќе достигне од 29 до 36 степени.

Во Скопје сончево и топло, попладне со мала до умерена облачност. Ќе дува слаб северен ветер. Максималната температура ќе достигне до 35 степени

The post Eсента наближува: Во Берово и Лазарополе девет степени appeared first on Република.

Уште едно убиство на македонски државјанин во Есен, Германија. Во  стан, 41 годишна жена  била избодена од сопругот пред очите на нејзиниот осумгодишен син. Таа веднаш искрварила до смрт.

Постариот син (16) ја известил полицијата за ужасниот настан. Кога дошол дома околу 19 часот, неговиот помал брат стоел пред заклучената врата од станот. Тој бил целосно вознемирен и рекол дека мајка му била внатре и лежела на подот повредена.

Полицајците кои пристигнале ја пронашле жената облеана во крв во станот во областа Креј. Лекарот од итната медицинска помош и болничарите се обиделе да ја реанимираат мајката. За жал залудно.

Пред неколку дена во истиот град беше смртно претепан Емре Исмаил од Жировница.

https://republika.mk/vesti/crna-hronika/bil-zlatno-dete-i-golem-patriot-emre-od-zhirovnitsa-e-ubieniot-vo-germanija/

The post Уште еден македонски граѓанин убиен во Германија: Жена избодена од сопругот пред очите на синот appeared first on Република.

Eмре Исмаил е убиениот македонски државјанин во Германија. Тој е по потекло од Жировница и работел во Есен.Неговите соселани го опишуваат како „златно дете“ кое се нашло на погрешно место во погрешно место. Емре бил на некоја прослава и дошло до расправија со двајца Еритрејци кои со пивски шишиња го претепале до смрт.

Во моментот на убиството во посета на 32 годишниот Емре биле дојде неговите родители од Македонија кои сега ќе си заминат со мртвиот син.

Неговите пријатели го опишуваат Емре како голем патриот кој си ја сака Македонија и често се фотографирал со дрес од македонската репрезентација.

https://republika.mk/vesti/svet/mlad-makedonets-pretepan-do-smrt-vo-germanija/

The post Бил златно дете и голем патриот: Емре од Жировница е убиениот во Германија appeared first on Република.

Есента е сезона за тиквата. Постојат толку разновидни начини за нејзино приготвување, како што постојат и голем број разни видови тикви. Тие може да се поделат во две групи, зимски и летни тикви. Летната тиква обично е мека, а зимската е потврда, како однадвор така и однатре. Зимските тикви, ако се чуваат на ладно место, може да траат и до неколку месеци, не губејќи ги своите својства.

Меѓу зеленчукот тиквата е шампион по содржината на железо, бакар и флуор, а содржи и калиум, калциум, манган, цинк, кобалт, силициум. Богата е со пектини, шеќери, витамините Ц, Е, витамини од групата Б, каротин. По содржината на каротин тиквата е побогата дури и од морковот. Освен тоа, тиквата е богата со прехранбените влакна, кои лесно се апсорбираат во организмот. И за крај, тиквата е нискокалорична.

Искористете ја предноста на сезоната на тикви и користете ја во облик на супа, како главен оброк за појадок, ручек или вечера. За време на диетата може да користите свеж зеленчук како грицки или како ужина и задолжително треба да пиете два литри вода дневно.

За рецептот за супата, која е вашето единствено главно јадење, потребни ви се следниве состојки:

2 јаболка
450 г зеленчук по желба
1 кг тиква
1 главица кромид, средна големина
2 лажици билно масло
малку павлака за готвење со ниска масленост
зачини по желба

Приготвување:

Излупете ги јаболката, отстранете ги семките и исечете ги на парчиња. Истото тоа направете го и со тиквата.
Во големо тенџере ставете ги двете лажици масло и на нив пропржете го кромидот. Врз него додајте ги зеленчукот и овошјето, зачинете и ставете 2 чаши вода.
Смесата треба да зовре, па потоа на умерена температура варете уште 20-25 минути со постојано мешање.
Меко сварениот зеленчук ставете го во блендер.
Добиеното пире вратете го во садот за варење, ставете малку павлака за готвење и проварете неколку минути со постојано мешање.
Супата може да ја консумирате кога сакате, во колкаво количество и да сакате.

The post Време е за чорба од тиква, совршена за есенска диета appeared first on Република.

Има луѓе кои „оживуваат“ во пролет и лето,а има и такви кои си доаѓаат на себе само во есен и зима. Ова е особено изразено за некои хороскопски знаци.

Вагата, Скорпијата и Стрелецот своите најдобри денови ги доживуваат со првите денови од есента. Тие го слават своето сончево враќање за време на есенската рамноденица, а интересно е што нивните личности од сончевиот знак совршено се совпаѓаат со шармантната естетска и природна мистерија на есенската сезона.

Еве зошто.

1. Вага – претходник на есенската рамноденица
Сезоната на Вага нè носи во есен.Вагата е совршена комбинација на првите есенски дружења кога вечерите стануваат малку постудени,топли пијалоци со есенски зачини и украси од тиква.

Совршено време е за воспоставување врски и дружење бидејќи тоа е дел од втората половина на зодијачкото тркало,каде што учите да воспоставувате врски и да се интегрирате во општеството. Ова е време да поминете квалитетно време со вашите партнери, пријатели, колеги и семејството.

Вагите особено уживаат во тоа од првиот ден на есента,но и на другите знаци им останува максимално да го искористат своето пријателство и да внесат топлината преку човечките контакти во нивните животи.

2. Шкорпија – вистинска загатка меѓу знаците
Шкорпијата е секако најмистериозниот знак во зодијакот. Тој е олицетворение на есенската темнина,па не случајно Ноќта на вештерките паѓа токму во сезоната на шкорпии. Овој воден знак е многу погрешно разбран и духовно сложен. Сепак, и покрај неговата длабоко загадочна личност, има нешто навистина магично во шкорпијата.

И токму сега е време да излезе на површина. Ова е време да ги создаде своите најдлабоки врски и емотивно да се поврзе. Кога една Шкорпија ќе се поврзе со некого на емотивно ниво, сè се менува кај нив. Но, само избраните го заслужуваат тоа. Шкорпијата не дозволува да се поврзе со никого. Неговата енергија ги вовлекува сите други знаци во неговите длабочини, но само ако им дозволи. Затоа, есента е одредена за избраните.

3. Стрелец – најсоцијалниот хороскопски знак
Стрелецот е огнен знак, исто како Овенот и Лавот. Меѓутоа, огнот на овој променлив знак е сосема различен од другите два бидејќи токму неговата светлина ги зближува луѓето. На пример, замислете како седите околу оган на плажа,опкружени со пријателите и семејството – токму тоа е Стрелецот. Во својата сезона,тој навистина цвета и споделува сè што крие внатре со остатокот од светот.

Токму тогаш,есента полека се приближува кон сезоната на празници и весели веселби, а таа стрелачка светлина ќе ги осветли тие темни,магливи вечери пред празниците. Ако имате некој во вашето опкружување кој е Стрелец, имате голема среќа. Не го пуштајте да си оди.

The post Три хороскопски знаци кои уживаат во есента appeared first on Република.

Ова се најважните пет витамини на кои треба да им дадете приоритет за да останете здрави и да го искористите најдоброто од сезоната:

Витамин Д

Со пократките дневни часови, вашето тело добива помалку сончева светлина, што е од витално значење за синтетизирање на витаминот Д. Оваа есенцијална хранлива материја придонесува за силни коски, силен имунолошки систем и регулација на расположението. Иако интензитетот на сонцето може да опадне, сепак можете да добиете витамин Д од диететски извори како што се масните риби, како лосос и одредени млечни производи.

Витамин Ц

Како што се приближува сезоната на грип, силниот имунолошки систем е од клучно значење. Витаминот Ц е познат по своите својства за зајакнување на имунитетот, а може да се најде во различни есенски овошја и зеленчуци. Портокалите, кивите и брокулата се одлични извори на овој витамин.

Витамин А

Есента ни носи низа разнобојни зеленчуци кои се богати со витамин А. Оваа хранлива материја е неопходна за одржување на здрава кожа и добар вид. Храната како слаткиот компир, морковот и тиквата е преполна со овој витамин.

Витамин Е

Како што воздухот станува посув, на вашата кожа и е потребна дополнителна заштита. Витаминот Е е добро познат по своите заштитни својства на кожата. Можете да го најдете во јаткастите плодови, семките и спанаќот, кои ги има во изобилство во текот на есенската сезона.

Витамин Б комплекс

Преминот од лето во есен може да биде заморен, а витамините Б се неопходни за одржување на нивото на енергија. Целите житарки, како што се овесот и интегралниот леб, како и посните протеини како пилешкото и рибата, се одлични извори на овие витамини.

Вградувањето на овие витамини во вашата есенска исхрана ќе ви помогне да останете здрави и енергични како што се менува сезоната. Не заборавајте на топлите напитоци, како што се чаевите, супите, но и салатите кои значајно ќе придонесат за подобро здравје.

The post Овие пет витамини ни се најважни во текот на есента appeared first on Република.

Главниот совет во овие диети е да се користат овошјето и зеленчукот чија сезона е есента. Во комбинација со намалување на внесот на шеќерот и белиот леб, испробајте ги и овие две диети и рецепти, за ослободување од несаканите штетни материи во организмот:

Диета со тиква

Есента е сезона за тиквата. Постојат толку разновидни начини за нејзино приготвување, како што постојат и голем број разни видови тикви. Тие може да се поделат во две групи, зимски и летни тикви. Летната тиква обично е мека, а зимската е потврда, како однадвор така и однатре. Зимските тикви, ако се чуваат на ладно место, може да траат и до неколку месеци, не губејќи ги своите својства.

Меѓу зеленчукот тиквата е шампион по содржината на железо, бакар и флуор, а содржи и калиум, калциум, манган, цинк, кобалт, силициум. Богата е со пектини, шеќери, витамините Ц, Е, витамини од групата Б, каротин. По содржината на каротин тиквата е побогата дури и од морковот. Освен тоа, тиквата е богата со прехранбените влакна, кои лесно се апсорбираат во организмот. И за крај, тиквата е нискокалорична.

Искористете ја предноста на сезоната на тикви и користете ја во облик на супа, како главен оброк за појадок, ручек или вечера. За време на диетата може да користите свеж зеленчук како грицки или како ужина и задолжително треба да пиете два литри вода дневно.

Чорба од тиква

За рецептот за супата, која е вашето единствено главно јадење, потребни ви се следниве состојки:

2 јаболка
450 г зеленчук по желба
1 кг тиква
1 главица кромид, средна големина
2 лажици билно масло
малку павлака за готвење со ниска масленост
зачини по желба

Приготвување:
Излупете ги јаболката, отстранете ги семките и исечете ги на парчиња. Истото тоа направете го и со тиквата.
Во големо тенџере ставете ги двете лажици масло и на нив пропржете го кромидот. Врз него додајте ги зеленчукот и овошјето, зачинете и ставете 2 чаши вода.
Смесата треба да зовре, па потоа на умерена температура варете уште 20-25 минути со постојано мешање.
Меко сварениот зеленчук ставете го во блендер.
Добиеното пире вратете го во садот за варење, ставете малку павлака за готвење и проварете неколку минути со постојано мешање.
Супата може да ја консумирате кога сакате, во колкаво количество и да сакате.

Диета со зелка

Главната состојка на оваа диета е зелката, поточно супата од зелка која освен зелка вклучува и кромид, пиперка, целер и морков. Диетата се држи седум дена и гарантира брза згуба на килограми.  По неколку дена пауза, диетата може да се повтори уште еднаш.

Супата од зелка се јаде како главно јадење три пати на ден. Може да ја подготвите само еднаш, а потоа само да ја загревате. Но дозволени се и други комбинации од намирници, како додатоци на оброкот, спред диетниот календар на деновите во неделата. Еве како изгледа диетниот режим со супа од зелка:

 1 ден

Првиот ден, освен супата, дозволува и овошје. Овошјето сепак треба да биде нискокалорично и со голема содржина на вода. На пример, лубеница, диња, праска, додека бананите се исклучени. Овошни сокови од лимон и портокал се исто така дозволени во првиот ден, но да се пијат без шеќер.

2 ден

Вториот ден заедно со супата дозволен е и зеленчук за меѓуоброци. Зеленчукот треба да се подготвува варен или на скара, дозволени се домати, пиперки, краставица, целер, морков, црн домат, тиквички, но не и грашок, боранија и компир.

3 ден

Третиот ден дозволува овошје и зеленчук за меѓуоброци.

4 ден

Четвртиот ден дозволува исто како и третиот, само што може да се додаде и 1 компир за вечера (варен или печен) и 1 банана.

5 и 6 ден

Петтиот и шестиот ден освен супата се јаде и варено говедско месо или пилешко месо (кое може да се додаде во супата) или дури до 500 грама говедско/пилешко месо да биде за вечера.

7 ден

Седмиот ден е ден на награда, па со супата може да се додаде и шака варен интегрален ориз како и зеленчук.

Во текот на седумдневната диета дозволено е кафе и зелен чај, но без шеќер. Загубата на килограми се гледа по третиот ден.

The post Две есенски диети кои ќе ви помогнат во една недела да се ослободите од неколку килограми appeared first on Република.

Времето денеска ќе биде променливо облачно и ветровито со локален дожд, претежно во западните и јужните делови, каде е можна и појава на грмежи. Ќе дува засилен североисточен ветер на места со брзина од над 70 километри на час. Минималната температура ќе биде во интервал од 11 до 16, а максималната ќе достигне од 20 до 27 степени Целзиусови. УВ индексот ќе изнесува 5.

Во Скопје ќе биде променливо облачно со сончеви периоди и ветровито со умерен до засилен североисточен ветер. Минималната температура ќе се спушти до 15, а максималната ќе достигне 27 степени.

Утре и в четврток ќе има повеќе сончеви периоди и услови само за изолирана појава на краткотраен дожд. Потоа се очекува стабилно и потопло време

The post Утрата се веќе посвежи appeared first on Република.

За време на викендот ќе преовладува облачно време со повремени врнежи од дожд, најавуваат од УХМР.

Наместа врнежите ќе бидат поројни и обилни, над 35 литри на метар квадратен, особено утре во ноќните часови и во недела претпладне. Утре ќе дува засилен, повремено силен ветер, над 65 километри на час од југоисточен правец.

В недела ќе има значително намалување на дневните температури. Од понеделник времето ќе биде стабилно со утринска магла по одделни котлини.

The post Доаѓа температурен шок: Подгответе се за вистинската есен многу набрзо appeared first on Република.

Времето денеска во утринските часови ќе биде променливо облачно со слаб локален дожд. Преку денот ќе биде сончево со мала до умерена облачност. Ќе дува умерен, а во источните делови и вдолж Повардарието засилен северен ветер.

Максималната температура ќе биде во интервал од 19 до 26 степени.

Во Скопје, времето ќе биде сончево со мала до умерена облачност и со умерен до засилен северен ветер. Максималната температура ќе достигне до 24 степени.

Локални врнежи од дожд ќе има утре, а потоа следува период на стабилно време со умерен, повремено засилен ветер од северен и северозападен правец, информираат од УХМР.

The post Облачно со слаб дожд наутро, остатокот од денот сончево appeared first on Република.

Есента во земјава и на северната хемисфера почна денеска во 3:03 часот. Во исто време на јужната полутопка на Земјата настапи пролетта.

Првиот есенски ден е 266-от ден, во 38. седмица од годината, и ќе трае 12 часа и 7 минути. Сонцето изгреa во 6 часот и 23 минути, а ќе зајде во 18 часот и 30 минути.

Есента ќе трае до 21 декември во 23 часот и 48 минути, кога календарски започнува зимата.

Според прогнозата на синоптичарите, на првиот ден од есента времето ќе биде променливо облачно со локален слаб дожд. Ќе дува слаб до умерен ветер од северен правец.

Минималната температура ќе биде во интервал од 1 до 10, а максималната од 14 до 22 степени.

Во Скопје променливо облачно време со сончеви периоди. Ќе дува слаб до умерен ветер од северен правец. Минималната температура ќе се спушти до 5, а максималната ќе достигне 20 степени

The post Eсента почна со облачно време appeared first on Република.

Времето утрово ќе биде студено за овој дел од годината, а преку денот сончево со мала до умерена локална облачност претежно во северните делови. Ќе дува слаб до умeрен ветер од јужен правец, само во западните делови ветерот ќе е западен и повремено ќе засилува.

Минималната температура ќе биде во интервал од 1 до 10, а максималната од 18 до 25 степени. УВ=6.

Во Скопје, сончево со мала до умерена облачност. Ќе дува слаб до умeрен ветер од југоисточен правец. Минималната температура ќе се спушти до 5, а максималната ќе достигне до 23 степени.

Во текот на работната седмица ќе биде стабилно со студени утра и со дневни температури кои ќе бидат под просекот за овој дел од годината. Утре ќе дува повремено засилен јужен, во западните делови западен ветер кој ќе засилува, а потоа до четврток ветерот повремено преку денот ќе засилува и ќе е северен. Во среда ќе има зголемена облачност и услови за појава на краткотраен дожд.

The post Извадете ги есенските јакни, цела недела ќе биде студено appeared first on Република.

Голем пожар избувнал во станбена зграда во градот Есен во западниот дел на Германија. Три лица се префрлени в болница поради труење со чад.

На местото на инцидентот се испратени околу 150 пожариникари за да го изгаснат пожарот.

Противпожарната служба соопшти дека од зградата се евакуирани преку 150 луѓе.

Причината за пожарот се уште не е позната, но се чини дека огнот брзо се проширил откако избувнал во раните утрински часови, поттикнат од најновата бура што ја погоди северна Европа во изминатите денови.

https://twitter.com/RealMiBaWi/status/1495712732452208645

The post Гори станбена зграда во германскиот град Есен, стотина евакуирани, тројца во болница appeared first on Република.