Њујорк стана првиот поголем град во Америка кој ги прогласи социјалните мрежи за „опасност за јавното здравје“, соопшти градоначалникот Ерик Адамс.

- Препознавајќи ги опасностите што социјалните медиуми ги претставуваат за младите луѓе и нивното ментално здравје, комесарот за здравство и ментална хигиена на градот Њујорк, д-р Ашвин Васан издаде совет од здравствениот комесар во кој го идентификува неограничениот пристап до социјалните мрежи и нивното користење како опасност по јавното здравје, исто како што претходно беше направено со тутунот и огненото оружје, рече Адамс во своето годишно обраќање.

Тој ги повика компаниите кои се сопственици на социјални мрежи „да не поттикнуваат криза на менталното здравје“, особено кај младите.

- Социјалните мрежи како ТикТок, ЈуТјуб и Фејсбук ја поттикнуваат кризата со менталното здравје со дизајнирање на нивните платформи со заразни и опасни карактеристики, рече Адамс. Тој нагласи дека не може да дозволи „да стои на страна и да дозволи големите технолошки компании да заработуваат од приватноста на децата и да го загрозат нивното ментално здравје.

The post Градоначалникот на Њујорк ги прогласи социјалните мрежи за опасност по јавното здравје appeared first on Република.

Новиот градоначалник на Њујорк, Ерик Адамс, денеска најави дека ќе го извлече најголемиот град во САД од пандемијата, потпирајќи се на издржливоста на њујорчани, ветувајќи дека новите градски власти ќе работат подобро, иако во тоа нема да бидат радикално различни.

Неколку часа откако положи заклетва на Тајмс Сквер, Адамс го искористи своето инаугуративно обраќање за да вети поголема ефикасност, да ги потсети њујорчаните на нивната репутација дека се силни и да ги охрабри речиси деветте милиони луѓе да донесат новогодишни одлуки, како и дека повеќе нема да бидат контролирани од пандемија, пренесува АП.

-Вакцинирањето не дозволува кризата да ве контролира. Уживање во шоуто на Бродвеј, испраќање на децата на училиште, назад во канцеларија. Ова потврдува дека нашиот град е наш, изјави Адамс во Градското собрание.

Како што ја презема функцијата, Адамс (61) се соочува со огромен предизвик да го извлече градот од пандемијата, додека  Њујорк се бори со рекорден број случаи предизвикани од варијантата омикрон.

The post Пандемијата приоритет за новиот градоначалнк на Њујорк, градот со рекорден број заразени со омикрон appeared first on Република.