Репрезентацијата на Франција е првиот финалист на 16. Европско ракометно првенство, откако вечерва триумфираше во полуфиналето во Келн над бранителот на титулата Шведска со 34-30 (27-27) по продолжение.

Во драматичен натпревар полн со резултатски пресврти, актуелниот олимписки првак Франција имаше убедливи шест голови водство на полувреме (17-11), но Шведска испушти колосална предност од 27-25 во завршните две минути од регуларниот дел.

Французите во двете продолженија од по пет минути ја искористија психолошката предност и со три голови во серија поведоа со 30-27, а Швеѓаните беа немоќно повторно да се вратат резултатски во игра.

Уго Дескат со осум голови беше најефикасен во француската репрезентација, но херојот на Триколорите во полуфиналната драма во Келн беше Елохим Пранди, кој во последната секунда во регуларните 60 минути биеше прецизно од девет метри и го однесе натпреварот во продолжение.

За играч на натпреварот беше прогласен шведскиот голман Андреас Паличка кој запиша 15 одбрани,

Првото полуфинале меѓу Франција и Шведска го судеше македонскиот тандем Славе Николов и Ѓорги Начевски.

За Франција ова ќе биде прво европско финале по пауза од десет години во кое за противник ќе го има победникот од второто полуфинале кое е на програмата вечерва во Келн меѓу домаќинот Германија и Данска.

The post Франција прв финалист на Европското првенство во ракомет appeared first on Република.

Селекторот на Македонија, Кире Лазаров, го објави конечниот список на патници за Светското првенство во Полска и Шведска.

Тој ќе смета на 18 ракометари, а од оние 22 што беа на тренинзите и играа на пријателските со Црна Гора, Хрватска и Израел, отпаднаа десното крило Александар Петковски, десниот бек Давид Савревски, левото крило Цветан Кузманоски и голманот Марко Кизиќ.

За Краков патуваат Филип Талески и Никола Митревски кои не беа дел од тимот во Пореч.

Македонија е во група со Норвешка, Аргентина и Холандија, а настапот на СП го започнува на 13 јануари со Норвежаните.

Македонија: Томовски, Митревски, Манасков, Петар Атанасијевиќ, Гоце Георгиевси, Ненад Костески, Жарко Пешевски, Марко Стјојковиќ, Никола Маркоски, Костадин Петров, Филип Талески, Иван Џонов, Филип Кузмановски, Игор Ѓоргиев, Михајло Младновиќ, Павле Атанасијевиќ, Томислав Јагуриновски, Мартин Серафимов.

Светското првенство 2023 ќе се игра во градовите: Краков, Гдањск, Катовице, Плок, Стокхолм, Малме, Гетеборг, Јонкопинг и Кристијанштад.

Македонската ракометна репрезентација ќе игра во Група Ф која важи за една од најсилните на Мундијалот. Покрај момците на Кире Лазаров, во групата се уште и Норвешка, Аргентина и Холандија.

Црвено-жолтите отвораат со апсолутниот фаворит Норвешка на 13-ти јануари од 20:30 часот во полски Краков.

The post Селекторот Кире Лазаров одбра со кои 18 ракометари ќе оди на СП appeared first on Република.

Во Скопје денеска започна Европското првенство за ракометари. Натпреварите се играат во спорткиот центар „Борис Трајковски“.

Центарот за таа цел е нашминкан и среден како што доликува. Но, тоа не може да се каже за просторот околу арената. На паркингот пред салата има купишта ѓубре и полни контејнери. Ова сигурно е грда слика пред странските гости и туристи.

Навистина е неразбирливо како градските и општинските служби не се сетија да го исчистат овој простор за да не се резилиме како домаќини.

Погледнете на што наликува.

The post Просторот околу „Борис Трајковски“ тоне во ѓубре, резил за Карпош и Град Скопје за време на Европското првенство appeared first on Република.

Претседателот на Ракометната федерација на Македонија, Живко Мукаетов, уште еднаш искажа поддршка за македонските репрезентативки кои утре ќе го одиграат првиот натпревар на Европското првенство.

Заеднички домаќини на ЕХФ Еуро 2022 се Скопје, Подгорица (Црна Гора), Целје и Љубљана (Словенија).

– Прв пат сме во позиција после 14 години да го донесеме Европското првенство во салата „Борис Трајковски“, во Скопје, во нашата преубава Македонија. Тоа е голема чест и затоа треба да се покажеме во вистинско светло. Благодарност до целиот тим од РФМ кој макотрпно работи на организацијата. Очекуваме македонската јавност да покаже колку го сака ракометот, а нашите девојки да ја добијат поддршката која многу ќе им значи. За кого – За Македонија! – истакна Мукаетов.

Преку видеообраќање од таборот на репрезентацијата се заблагодарија на Ракометната федерација на Македонија за можноста да играат на едно Европско првенство и тоа на домашен терен.

– Да почувствуваме што значи да се биде помеѓу најдобрите репрезентации во Европа, да имаме надеж дека репрезентацијата ќе се врати на патот на кој беше пред десетина години. Со големо нетрпение го чекаме почетокот на првенството и се надеваме дека ќе ги исполниме очекувањата на нашите навивачи, истакна селекторот, Љубомир Савевски

Во пресрет на утрешниот дуел со Франција (почеток 18 часот), капитенот Сара Ристовска упати апел до македонската јавност да даде поддршка на ракометарките во обидот да остварат што подобри резултати.

– Еуфорија помеѓу нас веќе се чувствува. Има позитивна енергија во репрезентацијата. Дојдете и навивајте за Македонија, порача Рисовска.

The post За кого? За Македонија!: Во Скопје се игра Европско првенство во ракомет appeared first on Република.

Уште неполн месец не дели до почетокот на Европското сениорско женско првенство кое се игра  во СЦ „Борис Трајковски“.

Франција, Романија и Холандија. Предизвикот е голем, исто и мотивот, бидејќи избраничките на Љубомир Савевски играат на домашен терен.

Водени од златното правило дека на големите натпреварувања секогаш има простор за изненадување, ЕХФ во својата најава за Македонија праша дали можеби токму за „црвено-жолтите“ ова натпреварување може да биде бајка. Ние ќе речеме зошто да не, заслужуваат да направат многу повеќе.

The post Дали набавивте билет за ЕП во ракомет?! Нашите девојки може да бидат изненадвањето на првенството appeared first on Република.

Битката за полуфиналето на ова ЕП 2022 за ракометари меѓу Норвешка и Шведска вечерва во Братислава, ја добија Швеѓаните со 23:24.(14:9).

Сосема заслужено зошто знаеше како да го одигра финишот кој беше супер – интересен. Кринс од седум метри на 15 секунди до крајот успеа да погоди за победа, иако Норвешка во текот на целиот меч водеше.

Па така Шведска со оваа победа главната фаза во групата ја заврши како втора. Со тоа Шведска и Шпанија ќе играат во полуфиналето од оваа група.

The post Шведска во неверојатен финиш ја елиминира Норвешка од ЕП appeared first on Република.

Репрезентацијата на Црна Гора го направи едно од најголемото изненадувања на Европското ракометно првенство. Попладнево во Будимпешта, Црногорците забележаа триумф над фаворизираните Хрвати со 32:26.

Ова е трета победа за Црна гора на ЕП и прва во Главната рунда. Претходно во прелиминарната фаза беа совладани Словенија и Македонија.

Од Групата-1 до крајот на денот ќе се сретнат: Франција – Холандија и Данска – Исланд.

Во Групата-2, Шведска ја победи Русија со 29:23. Денес уште играат: Германија – Шпанија и Полска – Норвешка

The post Црна Гора не се шегува, по Македонија ја „преслуша“ и Хрватска appeared first on Република.