Данска ќе ја пречека Норвешка во големото финале на ЕП 2022. Вечерва Норвежанките ја совладаа Франција со резултат 28-20.

Французинките со шест победи во Скопје отпатуваа за Љубљана, но таму налетаа на незгодниот ривал, кого не успеваат да го совладаат веќе 22 години на европските шампионати. Таа црна традиција за Франција продолжи и во Словенија, откако слабото полувреме полувреме им пресуди на избраничките на Крумбхолц.

Офтедал беше незапирлива за Франција на самиот почеток од натпреварот, постигнувајќи голови и изнудувајќи пенали што Нора Мерк ги претвораше во погодоци. Французинките барем беа во посакуваниот ритам во нападот, па успеваа да одржуваат неизвесност во текот на целото прво полувреме. На одмор се замина со минимални 12-11 за Норвешка, по извонредната двојна интервенција што голманот Солберг ја имаше во самиот финиш од полувремето.

За разлика од првите 30 минути, оние вторите минаа во знакот на Норвежанките. Актуелниот светски и европски првак одигра извонредно во одбраната, Солберг одбрани неколку чисти удари на Французинките исфрлајќи ги од ритам, по што предноста на норвешкиот состав се повеќе растеше. Резултатот на осум минути до крајот гласеше 24-19 за норвешкиот национален тим, кој до крајот уште повеќе ја зголеми својата позитива, за конечни 28-20.

Нора Мерк беше беспрекорна во изведувањето на пеналите и го заврши мечот со осум гола од исто толку обиди, Офтедал постигна седум гола за Норвешка, додека Зади Деуна со пет гола беше најефикасна кај Франција.

Претходно Данска ја совлада Црна Гора со 27:23.

The post Норвешка оди во финалето на ЕП appeared first on Република.

Репрезентациите на Словенија и на Дансказ абележаа победи во првото од трите кола во Главната рунда на Европското првенство во ракомет за жени.

Во Групата – 1 која се игра во Љубљана, синоќа Данска ја победи Унгарија со 29:27, додека ко-домаќинот на првенството, Словенија беше поуспешна од Хрватска со 26:18.

Табела: Норвешка, Данска и Словенија по 4 бода, Шведска и Хрватска по 2, Унгарија 0.

Вечер ќе се одиграат два натпревара од Групата-2 во Скопје:
Холандија – Германија (18 часот)
Романија – Шпанија (20:30).

The post Први победи за Словенија и Данска во Главната рунда на ЕП за ракометарки appeared first on Република.

Македонската женска ракометна репрезентација загуби вечерва во Скопје од Холандија со високи 30-15 (17-9) во рамки на 2. коло во групата Ц на Европското првенство.

Македонските ракометарки во првото полувреме тешко го наоѓаа патот до холандскиот гол, што во комбинација со големиот број технички грешки и нереализирани удари од чисти позиции во нападот резултираше противничките да стекнат висока предност од осум голови на полувремето (17-9).

Продолжението донесе резултатски израмнета игра до 42 минута кога при резултат 21-14, уследи голем пад во играта на македонските ракометарки, кои беа 16 минути без постигнат гол, а Холандија со серија од 8-0 на крајот дојде до убедлива победа.

Сара Ристовска со четири голови беше најефикасна во македонските редови, а Јована Мицевска на голот запиша пет одбрани.

Во првиот натпревар на Европското првенство кое се одржува во Скопје, Подгорица, Цеље и Љубљана, македонската репрезентација загуби од Франција (24-14) и шансите да го продолжи натпреварувањето ќе бара во 3. коло, в среда, против Романија, која вечерва од 20:30 часот игра против Франција.

The post ЕП2022: Македонските ракометарки поразени од Холандија appeared first on Република.

„Верувајте во себе, Македонија е со вас“ им порача на македонските репрезентативки легендата на македонскиот ракометар Кирил Лазаров, кој испрати мотивациска порака пред денешниот натпревар на ЕП против Холандија.

https://republika.mk/sport/rakomet/vo-zivo-makedonskite-rakometarki-na-ep-protiv-holancija/

Натпреварот меѓу Македонија и Холандија почнува од 18:00 часот во СЦ „Борис Трајковски”, а Лазаров им порача дека знае дека е тешко, но дека сите веруваме со нив.

The post Лазаров до ракометарките: Верувајте во себе, Македонија е со вас! appeared first on Република.

Женската ракометна репрезентација на Македонија денеска го игра вториот натпревар на Европското првенство, овојпат против Холандија.

Следете го во живо натпреварот кој од 18 часот се игра во СЦ „Борис Трајковски“ ТУКА и ТУКА.

The post ВО ЖИВО: Македонските ракометарки на ЕП против Холанција appeared first on Република.

Селекторот на женската ракометна репрезентација, Љубомир Савевски вели дека е задоволен од изданието на ракометарките и покрај убедливиот пораз од Франција.

Селекторот Савевски е задоволен од изданието на ракометарките против силниот противник.

„Тежок меч за нас. Имавме многу проблеми во нападот каде 27 пати промашивме и имавме над десет грешки. Сепак, не сум разочаран бидејќи еден дел од мечот го одигравме во егал со Франција. Сакам да и честитам на Франција за одличната одбрана. Ќе повторам како и пред мечот мислам дека ова е најдобриот тим на Франција во историјата“, изјави Савевски.

The post Савевски: Загубивме, но не разочаравме appeared first on Република.

Во СЦ „Борис Трајковски“ – Скопје денес доминираше актуелниот олимписки шампион Франција која што во прелиминарната фаза покажува зошто е еден од фаворитите за освојување на медал.

Една од најискусните во нашата селекција, десното крило Сара Ристовска жали поради лошиот старт што го имаа нејзините репрезентативни колешки.

– За жал, го почнавме натпреварот многу лошо, со многу технички грешки. Кога го постигнавме првиот гол, тоа беше како огромен момент за нас. Доколку продолжиме така, ќе биде сè подобро и подобро за нас – рече Ристовска по мечот.

The post Ристовска: За жал, имавме лош старт против Франција appeared first on Република.

Македонската ракометна репрезентација вечерва загуби од Франција со 14:24 во својот прв настап на Европското првенство 2022.

Избраничките на селекторот Љубомир Савевски, натпреварот во СЦ „Борис Трајковски“ го почнаа лошо и по 15 минути имаа негатива од 0:5. На првиот наш гол се чекаше 16. минута кога погоди Јована Кипријановска. Во 21. минута македонската репрезентација се доближи на 3:6, но повторно следуваа пет врзани гола на Французинките за највисоки +8 во првото полувреме (3:11). На паузата се отиде со резултат 5:12.

Франција која пред средбата важеше за апсолутен фаворит слично го почна и второто полувреме. Со серија од 3:0 за првпат стигна до двоцифрена предност (5:15). Оваа разлика им овозможи на гостинките со рутинирана игра да дојдат до сигурна победа.

Најефикасна во македонскиот состав воедно и натпреварот беше Моника Јанеска со пет голови.

„Црвено-жолтите“ бодрени од околу 3.000 гледачи вечерва не успеаја да направат изненадување, па шансата за први бодови ќе ја бараат в понеделник против Холандија.

Холанѓанките во терминот од 20:30 часот, исто така во „Борис Трајковски“ ќе играат со  Романија по што ќе се комплетира првото коло во Ц-групата на Еуро 2022.

The post Македонските ракометарки поразени од Франција на стартот на ЕП 2022 appeared first on Република.

Женската ракометна репрезентација на Македонија има негатива од 5-12 на полувреме против Франција во натпревар од 1. коло во групата Ц од Европското првенство.

Главна причина за негативата по 30 минути игра е слабиот старт на нашите ракометарки во нападот во првите петнаесет минути во кои не успеавме ниту еднаш да ја затресеме мрежата на Клеопатра Дарло.

Првиот погодок за Македонија на шампионатот го постигна Јована Кипријановска која во 16. минута намали на 1-5. До дваесетата нашата репрезентација постигна уште еден гол па резултатот на семафорот беше 2-6 за гостинките.

Јована Мицевска беше феноменална на нашиот гол, но во нападот се уште се мачевме и не успеавме да ја искористиме нејзината одлична серија, па по 23. минута игра Французинките се уште ја имаа позитивата од плус четири 7-3.

Мицевска со четири одбрани беше најдобар поединец во нашиот табор, додека стрелци на трите гола за Македонија беа Кипријановска, Маџовска, Ристовска, Саздовска и Јанеска. Кај Франција, Дарло запиша девет интервенции, додека Корал Ласурс со три погодоци беше најефикасна.

The post Македонија губи од Франција на полувреме appeared first on Република.

Европското првенство во ракомет за жени кое започнува на четврти ноември, се игра во три земји, а Македонија е еден од домаќините.

Македонија своите натпревари ги игра во Скопје, а прв дуел на 5 ноември против Франција, на седми против Холандија и на деветти против Романија.

ЕХФ одреди високи цени за билетите, македонскиот стандард е далеку под европскиот, РФМ се реши да субвенционира при купување на билети. Навивачите трите натпревари на нашата репрезентација ќе може да ги следат за цена од 40, 65 или 80 евра, во зависност од категоријата која ќе ја одберат.

Ракометната федерација се огласи со соопштение:

Би сакале да ја информираме македонската јавност дека цените на билетите за натпреварите од претстојното Ракометно првенство за жени ЕHF EURO 2022 имаат заштитена цена, која е дефинирана и утврдена од Европската ракометна федерација (ЕХФ) за четирите града во кои ќе се одржува шампионатот: Скопје, Подгорица, Љубљана и Целје. Билетите се поделени во три категории и се продаваат преку мрежата на „Евентим“ (официјалниот партнер на ЕХФ за продажба на билети), а наш национален дистрибутер е агенцијата „МК тикетс“.

Во согласност со барањата на љубителите на ракометот за обезбедување дополнителна пониска ценовна категорија на билети, Ракометната федерација на Македонија, по добиеното одобрение од европската куќа на ракометот, ќе субвенционира 40 % од износот на билетите од категорија 2 и од категорија 3, купени во периодот од 2 до 9 ноември 2022 година преку овластените агенции „Евентим“ и „МК тикетс“.

Попустот на билетите за натпреварите на нашиот национален тим во групата Ц ќе се пресметува од денеска во 11 часот, а средствата за оваа намена ќе бидат обезбедени од спонзорите на РФМ.

Натпреварите против селекциите на Франција, Холандија и на Романија нашите ракометни сениорки ќе ги одиграат во Арената „Борис Трајковски“ на 5, 7 и на 9 ноември со почеток во 18 часот.

Ракометарките се подготвени, а националната арена е целосно опремена според стандардите на ЕХФ за да ги прими љубителите на ракометот од целиот континент. Капацитетот на салата, во согласност со стандардите за ова првенство, е максимум 5000 седишта, а досега се продадени околу 2000 билети.

Им благодариме на сите љубители на ракометот и на целата македонска јавност за досегашната поддршка. Навиваме од срце! За кого? За Македонија!!!

The post РФМ субвенционира билети за Европското првенство, репрезентативките заслужуваат поддршка appeared first on Република.

Македонската ракометна женска репрезентација после десет години пауза одново ќе биде дел од европскиот „крем“ благодарение на раководството на РФМ кое го прифати предизвикот да биде организатор на ЕУРО 2022 заедно со Словенија и Црна Гора.

Во Скопје ќе дојдат силни европски селекции, па сите гурмани ќе можат да ужуваат во врвен ракомет. Македонија во групната фаза ќе игра против Франција, Холандија и Романија, а потоа доаѓаат исто силни репрезентации како дел од главната рунда.

Сите оние кои го сакаат ракометот и ги поддржуваат нашите девојки веќе ќе можат да обезбедат билети.

Картите за натпреварите во Скопје се достапни на: https://bit.ly/tickets-ehfeuro22

The post Почна продажбата на билетите за Европското ракометно првенство appeared first on Република.

Претседателот на Ракометната федерација на Македонија (РФМ), Живко Мукаетов, на прес-конференција го најави Европското првенство (ЕП) кое оваа година ќе се игра во Македонија, Црна Гора и Словенија. Претседателот на мак-ракометот испрати апел до сите за поддршка на девојките и воедно кажа дека овој настан е голем за државата.

„За нас е голем предизвик и чест што можеме да бидеме организатори, ова е најголемиот настан кој се случува во Македонија. Ние сме во група со Франција, Холандија и Романија, во вториот круг доаѓаат репрезентациите со висок квалитет. Апелирам до сите љубители на ракометот да дојдат им дадеме поддршка на ракометарките, на стручниот штаб. Ја повикувам македонската јавност да дојде во поголем број да ги бодриме нашите репрезентативки, воедно во живо да ги видиме најдобрите европски ракометни репрезентации. Да уживаме во европски ракомет. Благодарност до Владата која се зафати да ги досреди сите работи во СЦ “Борис Трајковски“ кои треба да се корегираат. Треба да покажеме дека сме подготвени да организираме врвен настап на европско ниво“, изјави Мукаетов.

На стартот на првенството нашиот национален тим игра во групата Ц со Франција. Потоа следи дуел против Холандија, а крајот на првата групна фаза е закажан за Романија. Натпреварите се играат од 5 до 9 ноември.

The post Мукаетов: Ни следи огромен ракометен настан во Македонија appeared first on Република.

Македониј, Црна Гора и Словенија е организатор на Европското женско ракометно првенство кое ќе се одржи од 4 до 20 ноември оваа година во трите држави.

Се поблиску сме до овој голем настан, па претседателите на сите три федерации Живко Мукаетов, Петар Каписода и Фрањо Бобинац на Конгресот на ЕХФ во Луксембург ја презентираа организацијата на ЕП.

-Три култури, три јазици, една заедничка страст кон ракометот-тоа беше слоганот со кој балканската тројка се претстави на овој собир на претседателите кој викендов с еодржува во Луксембург.

Инаку шампионатот е на програмата од 4 до 20 ноември и тоа во четири града Скопје, Љубљана, Целје и Подгорица.

The post Мукаетов, Бобинац и Каписода ја презентираа организацијата за женското ракометно ЕП appeared first on Република.