Франција е новиот европски шампион во Ракомет. Француската селекција денеска ја победи Данска со 33:31, финале на ЕУРО 2024 кое се играше и продолженија.

Во првото полувреме интересно до крајни граници, фантастичен беше Емил Нилсен на голот на Данска, но сепак на пауза се замина со тие 14:14. Имаше од се по нешто, но секако врвен ракомет на задоволство на сите во “Ланксес Арената“ во Келн и милионските ракометни фанови покрај ТВ екраните.

Второто полувреме Данска подобро го отвори, имаше +3 гола, Франција постојано го напаѓаше водство и дојде до тоа дури во 55.минута за 25:24 во своја корист.

Сепак Данска врати за 26:25, за 27:26. Дика Мем без гол, а Гидсел со 7 од 7. Во последната минута Данците влегоа со водство од еден разлика. Но сепак Франција израмни на 27:27 и мораше да се оди во продолженија.

А таму повторно драма во “Ланксес Арената“, но малку голови, 2:2 за Данска или севкупно 29:29.

Неверојатно финале. По првото полувреме 14:14, во регуларниот дел 27:27 и еве сега 29:29. Така е кога играат ракометни велемајстори.

Дика Мем блеска со два гола, токму кога е најпотребно за 31:29 за Франција. На крајот 33:31 за Франција, која сега не само што е олимписки туку и европски првак.

Извор: СпортСпорт

The post Европско злато за Франција по историски меч на финалниот ракометен дуел appeared first on Република.

Трикратниот светски првак, Данска, ја декласираше Норвешка, со 29:23 и се пласира во полуфиналето на Европското првенство (ЕП) во ракомет што се одржува во Германија.

Победата на Данска против Норвешка значеше и пласман во полуфинале. Шведска во полуфиналето влезе откако на претходниот меч ја совладаа Португалија со 40:33.

Во последното коло Словенија и Португалија можат бодовно да ја достигнат Шведска, доколку загуби од Норвешка. Но Швеѓаните се подобри од двете селекции во директните дуели.

Данска во завршницата продолжува како победник во Групата 2, а Шведска како второпласирана.

The post Данска и Шведска први полуфиналисти на ЕП appeared first on Република.

На Европското ракометно првенство во Германија денес на распоредот се натпреварите од 4. коло во Главната фаза во Групата 1. Во дербито на колото, домашната репрезентација ќе се соочи со Унгарија. За двете селекции овој натпревар може да биде одлучувачки околу пласманот во полуфиналето.

Двојки за 4. коло:
15:30 часот Хрватска – Исланд
18:00 ч. Франција – Австрија
20:30 ч. Германија – Унгарија.

Табела: Франција 6 бода, Унгарија и Австрија по 4, Германија 3, Хрватска 1, Исланд 0.

Двете првопласирани репрезентации ќе обезбедат пласман во полуфиналето.

Од Групата 2, полуфиналисти се Данска и Шведска

The post EП во ракомет: Moже ли Австрија да ја изненади Франција? appeared first on Република.

Со натпреварите од Групата-2 денес почнува Главната рунда на Европското ракометно првенство кое што се одржува во Германија.

Од првата групна фаза по два бода пренесоа Данска, Шведска  и Словенија, додека Холандија, Норвешка и Португалија, Главната рунда ќе ја почнат без бодови.

Двојки за денес:
Норвешка – Португалија (почеток 15:30 часот)
Данска – Холандија (18 часот)
Словенија – Шведска (20:30 часот)

Групата – 1 ја сочинуваат: Унгарија и Франција (од прелиминарната рунда пренесоа по 2 бода), Австрија и Хрватска (пренесоа по 1 бод), Германија и Исланд (не пренесоа бодови)

The post Вистинскиот ракомет почнува денеска appeared first on Република.

Обезбедувањето на влезот во салата во Берлин каде вчера на Европското ракометно првенство силите ги мереа Германија и Македонија, ги отстранувало сите реквизити на кои го имало македонскиот национален симбол со 16-краката ѕвездата од Кутлеш. Сепак, Македонците на различни начини се снаоѓаа и успеваа да го внесат на трибините.

Знамето со 16те краци беше забрането на натпреварот и обезбедувањето ги одзимаше на влезот.
Но немате толку обезбедување колку што имаме ние знамиња.
Затоа следниот натпревар ќе има уште повеќе знамиња во сала.
„Проклети да се предавниците“, порача еден од најверните навивачи на македонските тимови, Наце Митев.

The post „Немате толку обезбедување колку што ние имаме знамиња“ – порачаа навивачите откако им беа одземени знамињата со сонце appeared first on Република.

Репрезентацијата на Македонија претрпе и втор пораз на Европското првенство, овојпат од домаќинот Германија (34-25). Пресметката во „Мерцедес-Бенз Арената“ мина во знакот на фаворитот, нашиот национален тим имаше свои минути, меѓутоа не можеше да му парира на бундес-тимот воден од 15.000 навивачи на трибините во Берлин.

На средбата со новинарите во микс-зоната, своја анализа даде Кирил Лазаров. Предводникот на националнито тим смета дека тимот направил премногу технички грешки и имавме премногу подарени топки, директно во рацете на противникот.

Селекторот ги посочи техничките грешки како главен проблем на денешниот меч поради што и одбраната повторно изгледаше лошо.

„Искрено не можам да бидам задоволен од играта, иако имавме добри моменти. Повторно имавме над 15 технички грешки против Германија. Ние зборуваме дека одбраната е лоша, но повторно имавме лесно продадени топки. Германците се цврсти, силни и домаќини се. Ние се обидовме да бидеме добри и дадовме отпор, но не беше доволно. Лошо го почнавме мечот, а потоа се обидовме да воспоставиме рамнотежа, но тие знаеја да ги искористат нашите грешки и да го решат победникот. Мислам дека во овој момент Германците се класа подобри од нас, а тоа го видовме на теренот. Треба да се работи многу, мислам дека не е реално да посакуваме дека во овој момент ќе ја победиме Франција или Германија“, кажа Лазаров.

Лазаров кажа дека во одредени моменти одбраната била подобра во однос на мечот со Франција.

„Во одредени моменти играта во одбрана беше подобра од Франција, но многу топки загубивме во контри. Мислам дека имавме проблеми во нападот и се обидувавме со игра седум на шест, зашто немаме друго решение во моментов. Понекогаш делува добро, понекогаш не делува, но немавме друг избор“, посочи селекторот.

Македонија последниот меч во групната фаза го игра против Швајцарија, а Лазаров кажа дека ќе дадат сè од себе да ја победат.

„Ќе бидеме конкурентни и ќе дадеме сè од себе за да ги победиме Швајцарците. Имаме еден ден за да се одмориме, па ќе се обидеме да ги исчистиме главите и да го дадеме максимумот на теренот“, кажа Лазаров.

The post Лазаров: Не сум задоволен од играта против Германија! appeared first on Република.

Македонската ракометна репрезентација го претрпе и вториот пораз на Европското првенство, овој пат од домаќинот Германија со 25:34 (13:18) во „Мерцедез-Бенз Арената“ во Берлин.

Воглавно македонските ракометари беа во подредена улога против силно мотивираната домашна селекција водена од 13.500 навивачи на трибините. Со овој пораз Македонија и математички остана без шанси за втора фаза, па дуелот со Швајцарците ќе биде последен на ова првенство.

Јури Кнор беше најдобар стрелец на мечот со десет гола. Во македонскиот табор се истакна Ненад Костески со шест, а по четири дадоа Пешевски и Јагуриновски. Голманите не беа на завидно ниво, Томовски собра пет интервенции, додека Митревски кој бранеше само во првиот дел фати две топки.

The post Ракометарите убедливо поразени и од Германија, Македонија елиминирана од ЕП appeared first on Република.

Македонската ракометна репрезентација по првото полувреме против Германија во рамките на второто коло во групата А на ЕП има негатива од 13-18. Ненад Костески со три гола е прв стрелец, по два имаат Лазаревски, Јагуриноски, Митев и Никола Костески.

Пред полни трибини во „Мерцедес Бенц Арената“ се игра мечот меѓу Македонија и Германија. Атмосферата е навистина одлична, домаќинот се погрижил за секоја детал кога игра германската репрезентација.

Одбраната е нашиот проблем, дефанзивата е премека за оваа Германија, а згора на се „црвено-жолтите“ повторно редеа технички грешки, кои брзо беа казнувани. Ги немаме во вистинско светло Кузмановски и Талески.

Преземено од спорт спорт

The post Македонија на минус пет по првото полувреме против Германија appeared first on Република.

Иако имаше добри моменти, македонската ракометна репрезентација претрпе пораз на првиот натпревар на Европското првенство во Германија. Моќната Франција извојува победа од 39-29, во натпоревар кој на стадионот на Фортуна Дизелдорф го следеа преку 50.000 гледачи.

По рекордниот натпревар на предс-конференцијата својот став го искажа селекторот на македонската репрезентација, Кирил Лазаров.

„Честитки за француската репрезентација, која заслужи да победи попладнево. Можеби денес игравме против најсилната европска селекција. Игравме добро, задоволен сум, но не е доволно да играте добро 40-45 минута. Не сум задоволен од резултатот, бидејќи загубивме со десет разлика. Можеби пореално беше да биде на крајот 6,7,8 разлика. Направивме премногу грешки кога играте против селекција како Франција.

Сега имаме четири дена да го подготвиме натпреварот со Германија и верувам во оваа селекција“, рече Лазаров.

Утре нашите ракометари патуваат за Берлин и првпат ќе тренираат во „Мерцедес Бенц Арена“, каде в недела ќе се соочи со домаќинот Германија.

Извор: Гол.мк

The post Лазаров: Игравме против најсилните, не заслуживме пораз од дури десет разлика appeared first on Република.

Со десет гола разлика Франција ја совлада македонската ракометна репрезентација. 29-39 е крајниот резултат од првиот меч на Европското првенство (ЕП) во Германија.

Првото полувреме Македонија иако аутсајдер во овој меч, парираше на Франција, па дури и имаше водство од два гола (10-8. Но по 20 минути игра Франција ги презеде работите во свои раце. По низа грешки на нашите ракометари првиот дел заврши со водство на Франција 17-13.

Голманот Никола Митревски беше расположен. Имаше околу десетина одбрани, но грешките на ракометарите во напад скапо не чинеа. Најефикасен во составот на Македонија беше Жарко Пешевски со седум голови, Џонов постигна шест, Кузмановски четири, Талески, Лазаревски и Митев по три. Во составот на Франција Иго Деска имаше седум од седум, Наи даде шест, а Мем пет.

Македонија следниот меч го игра против Германија го игра во Берлин на 14 јануари, а два дена подоцна против Швајцарија.

The post Македонија поразена од Франција, Митревски одличен на голот appeared first on Република.

Натпреварот меѓу Франција и Македонија на актуелното ЕП во ракомет ќе се одигра на „Меркур Шпил Арена“ во Диселдорф со почеток од 18:00 часот.

Следете го натпреварот во живо

Линк

Линк1

The post Линк во живо: Македонија игра против Франција appeared first on Република.

Најдобрите македонски ракометари предводени од селекторот Кире Лазаров денеска 18 часот ќе го отвори Европското првенство (ЕП) против Франција.

На списокот ги нема Марко Кизиќ и Игор Ѓоргиев за првиот меч на ЕП.

Во изборот на Лазаров влегоа Митревски, Томовски, Омерагиќ, Велковски, Митев, Талески, Маркоски, Кузмановски, Никола Костески, Ненад Костески, Пешевски, Лазаревски, Јагуриновски, Џонов, Атанасијевиќ и Савревски.

The post Лазаров ги избра ракометарите за денешниот меч на ЕП appeared first on Република.

Поранешниот германски ракометар Штефан Кречмар во интервју за „Хендбол Ворлд“ зборуваше за настапите на Германија на Европското првенство (ЕП), но и за нејзините ривали од кои еден е Македонија.

Кречмар смета дека Македонија нема квалитет како во изминатите години кога Кире Лазаров беше предводник на теренот.

„Македонија нема квалитет како во претходните години. Откако Кире Лазаров се пензионира, тие не се силни како пред пет-шест години. Во тоа време Македонија беше одличен тим и имаше борбени ракометари. Сепак, не треба да ги потцениме“, кажа Кречмар.

Натпреварот меѓу Македонија и Германија се игра на 14 јануари со почеток од 20.30 часот.

Извор: Спорт1

The post Откако се пензионира Лазаров, Македонија повеќе не е силна како порано appeared first on Република.

Европската ракометна федерација (ЕХФ) потврди дека утрешниот меч помеѓу Македонија и Франција (18 часот, пренос на МТВ) на почетокот на Европското првенство (ЕП) во Германија ќе биде историски зашто ќе биде поставен рекорд по број на гледачи.

На првиот натпревар на Македонија се очекуваат повеќе од 53.000 гледачи на трибините на фудбалскиот стадион во Диселдорф и ЕХФ потврди дека тоа ќе биде нов рекорд во светот на ракометот. Претходниот најпосетен меч во ракометниот свет бил дуелот од германскиот Суперкуп помеѓу Хамбург и Рајн Некар Левен, кој пред точно десет години во Франкфурт го проследиле 44.189 гледачи.

Македонија вториот меч на ЕП го игра на 14 јануари, а два дена подоцна играме против Швајцарија. Двете средби се закажани за во Берлин.

ЕХФ веќе ги одреди и судиите за утрешниот натпревар, па така утре правдата ќе ја делат Швеѓаните, Мирза Куртагиќ, Матијас Ветервик, а како делегати се Владимир Ранчик и Јан Кампан.

The stage for the 𝒃𝒊𝒈𝒈𝒆𝒔𝒕 handball event is almost set 🤩 Can’t wait to see Merkur Spiel-Arena hosting more than 50.000 handball fans🔥🔝#ehfeuro2024 #heretoplay pic.twitter.com/WtQyzl0Gvv

— EHF EURO (@EHFEURO) January 7, 2024

The post Македонија влегува во историјата, ракометарите утре на ЕП во Германија ќе играат на стадион пред 53 илјади гледачи appeared first on Република.

Селекторот Кире Лазаров ги одреди 18-те ракометари кои ќе бидат дел од репрезентативниот табор на претстојното Европско првенство во ракомет во Германија.

Од сите оние ракометари кои беа дел од подготовките пред ЕП, од списотко отпадна само ракометарот на Пелистер, Цветан Кузмановски, па тој нема да патува во Германија.

Првиот натпревар Македонија ќе го игра на фудбалски стадион, каде се очекува голема маса на фанови, а капацитетот може да биде и преку 50.000.

Првиот меч се игра во Дизелдорф на 10 јануари, а веќе следниот ден репрезентацијата ќе патува за Берлин. Отвараме против Франција, која е фаворит во нашата група, се разбира и со домаќинот Германија, против кои играме четири дена подоцна, а ќе затвориме против Швајцарија на 16-ти.

Ова се 18-та кои ќе патуваат во Германија: Никола Митревски, Марко Кизиќ, Никола Маркоски, Мартин Томовски, Милан Лазаревски, Жарко Пешевски, Едвин Омерагиќ, Ненад Костески, Никола Костески, Филип Талески, Петар Атанасијевиќ, Томислав Јагуриновски, Филип Кузмановски, Давид Савревски, Иван Џонов, Мартин Велковски, Игор Ѓорѓиев и Марко Митев.

Нашиот национален тим низ изминатиов период се подготвуваше, одигра и три пријателски средби (Црна Гора, Грција (2)) на кои оствари три победи, поточно селекторот Кире Лазаров имаше доволно време за да се одлучи со кои играчи ќе отпатува на континенталниот собор.

The post Лазаров го одреди списокот на патниците за ЕП во Германија appeared first on Република.

Македонија на отворањето на ЕП 2024 ќе го игра на „Меркур Шпил Арената“, стадионот на фудбалскиот клуб Фортуна Дизелдроф кој има капацитет од 50.000 гледачи. Противник ќе биде Франција. Истиот ден на 10-ти јануари во вечерниот термин (20:45 часот) домаќинот Германија ќе игра против Швајцарија.

The post Maкедонија на отворањето на ЕП ќе игра на фудбалски стадион во Дизелдорф appeared first on Република.

Македонија влезе во групата на пеколот за европскиот шампионат што од 10 јануари до 28 јануари ќе се одржи во Германија.

Домаќинот Германија, Франција и Швајцарија се ривалите со кои избраниците на Лазаров ќе се сретнат во рамките од групата А во Берлин, од каде само најдобрите две селекции ќе се пласираат во следната фаза.

Веќе е познат и распоредот, па така Македонија уште на првиот натпреварувачки ден, на 10 јануари ќе се сретне со големиот фаворит Франција.

Според распоредот на официјалната страница на ЕХФ, нашите ракометари на 13 јануари ќе се сретнат со Швајцарија, а во последното коло ќе ги очекува дуел со домаќинот Германија, меч закажан за 15 јануари.

The post Македонија игра прво со Франција, домаќинот ривал на третиот меч appeared first on Република.

Машката репрезентација на Македонија влезе во групата на смртта во групната фаза на Европското првенство 2024 во Германија. Македонските ракометари се најдоа во групата А и ќе играат против домаќинот Германија, Франција и против Швајцарија.

Избраниците на Кире Лазаров  ќе играат во Берлин, а натпреварите од континеналниот собир ќе се играат од 10 до 28 јануари.

Првите две селекции по групната фаза ќе обезбедат место во главната рунда, каде ќе играат по шест селекции во две групи.

Македонија на ЕП 2024 се пласираше како второпласирана во квалификациите во група со Португалија, Турција и Луксембург, а квалитативниот статус направи да ја чекаме денешната ждрепка од третиот шешир.

група А (Диселдорф/Берлин): Франција, Германија, Македонија, Швајцарија
група Б (Манхајм): Хрватска, Шпанија, Австрија, Романија
група Ц (Минхен): Исланд, Унгарија, Србија, Црна Гора
група Д (Берлин): Норвешка, Словенија, Полска, Фарски Острови
група Е (Манхајм): Шведска, Холандија, Босна и Херцеговина, Грузија
група Ф (Минхен): Данска, Португалија, Чешка, Грција

The post Македонија во влезе во пеколната група на ЕП во ракомет appeared first on Република.

Македонската репрезентација тешко ја совлада Турција ( 30-27) и се пласираше на Европското првенство во јануари во Германија.

Македонија не одигра речиси ништо на овој натпревар. Одбраната "нежна" , нападот без муниција но и ослабени по повредата на Кузмановски.

Згора на тоа голманот Томовски во првиот дел не одбрани речиси ништо но за тоа во второто полувреме се извади со неколку зицери. Но, и на фановите треба да им биде јасно дека ова е нова, млада репрезентација на која ќе и треба време да се искали на големи натпреварувања како европско и светско првенство.

The post Македонската репрезентација со многу мака ја совлада Турција и се пласира на ЕП appeared first on Република.

Селекторот Кирил Лазаров е задоволен од ривалите, ама предупредува дека не смее да има опуштање.

„Задоволни сме од ждрепката, иако со нашиот менталитет и карактерни особини секогаш мораме да бидеме внимателни. Сепак, не треба да се залажеме дека ќе имаме фаворитска улога за пласман на ЕП во оваа група. Медитеранските игри ќе ни послужат да испробаме и видиме играчи што би конкурирале за стартот на квалификациите, а тие се во октомври годинава. Нашата цел е да создадеме 20-25 квалитетни репрезентативци што би можеле да одговорат на обврските во кое било време и во која било ситуација“, изјави Лазаров.

Нашите ракометари стартуваат на домашен терен во месец октомври со дуел против Луксембург.

https://republika.mk/sport/rakomet/makedonskite-rakometari-vo-grupa-so-portugalija-turcija-i-luksemburg-vo-kvalifikaciite-za-ep-2024/

The post Лазаров: Не смее да се залажеме по оваа ждрепка appeared first on Република.